খুরুমজরি,

ASSOCHAMগী প্রসিদেন্ত শ্রীমান হীরানন্দানীজী, লৈবাক অসিগী অহল ওইরবা ইন্দস্ত্রীগী তাইবঙগী ইথিল পোক্নফম ওইরবা শ্রীমান রতন তাতাজী, লৈবাক অসিগী ইন্দস্ত্রীগী তাইবঙগী লীদরশিপ পীনবীরিবা মরূপ পুম্নমক, ইবেম্মা অমসুং ইবুংঙোশিং!

ঐখোয়গী অসিদা হায়নৈ মদুদি কুর্বন্নেহ কর্মানি জিজী-বিশেত্ শতং সমাঃ! হায়বদি থবক তৌদুনা চহি চাম্মা ফাওবা হিংনবগী অপাম্বা থম্মু। মসি ASSOCHAMগীদমক্তদি তশেংনা ফিৎ ওইরি। হৌখিবা চহি ১০০ অসিদা অদোম ময়াম্না লৈবাক্কী ইকোনোমীবু, ভারত মচা করোর কয়াগী পুন্সিবু হেন্না অফবা ওইহন্নবগীদমক হোৎনদুনা লাক্লি। ৱাফম অসিমক শ্রীমান তাতাজীগীদমক্তা, তাতা গ্রুপ পুম্নমক্কীদমক্তসু অদুক্কী মতিক চুম্মি। ভারতকী চাউখৎ-থৌরাংদা তাতাগী ইমুং, তাতা গ্রুপকী থৌদাংগীদমক্তা মখোয়বু ঙসি মফম অসিদা ইকাইখুম্নবসু উৎলি। লৈবাক্কী চাউখৎ-থৌরাংদা তাতা গ্রুপকী চাউরবা থৌদাং য়াওরি।

মরূপশা,

হৌখিবা চহি ১০০রোম অসিদা অদোম্না নীং খা তম্বগী লানফমদগী হৌরগা চাউখৎ-থৌরাংগী খোংচৎকী অকা-অকুম খুদিংমক্তা শরুক য়াদুনা লাক্লি। ASSOCHAM শেমদ্রিঙৈ মমাংগী চহি ২৭ মীনাই নাইথাং ওইদুনা লেনখি। মতম অদুদা লৈবাক অসিগী নীংতম্বা অসি য়াম্না চাউবা পান্দম ওইখি। মতম অদুদা অদোমগী মঙলানশিং অদু খুরৌ থাংদুনতা লাকখি। হৌজিক ASSOCHAMগী পুন্সিদা লাক্কদৌরিবা মথংগী চহি ২৭ অসি য়াম্না মরুওইবনি। চহি ২৭কী মতুংদা ২০৪৭তা লৈবাক অসিনা মসিগী নীং খা তম্বগী চহি ১০০ মপুং ফারগনি। অদোমদা খুরৌ থাংবা লৈত্রে, অতিয়া অসি শোক্ননবা মপুং ফানা নীংতম্বা ফংলে অমসুং অদোম্না মসিগী কান্নবা মপুং ফানা লৌগদবনি। হৌজিক লাক্কদৌরিবা চহিশিং অসিদা আত্মনির্ভর ভারতকীদমক্তা অদোম্না মপুং ফানা হোৎনগদবনি। মতম অসিদা মালেম অসি মরিশুবা ইন্দস্ত্রী রিভোলুসনগী মায়কৈদা খোংজেল য়াংনা চংশিল্লি। অনৌবা তেক্নোলোজীগী শক্তমদা শিংনবা কয়াসু লাক্কনি অমসুং অনৌবা অরাইবা পাম্বৈ কয়াসু লাক্কনি অমসুং মরম অসিনা ঙসি ঐখোয়না প্লানসু শেম্লবদি এক্তসু তৌগদবা মতম অদুনি। ঐখোয়না চহি খুদিংগী পান্দম অদুবু নেস্নেল বিল্দিংগী লেজর গোল অমগা লোইননা পুনশিনগদবনি।

মরূপশা,

লাক্কদৌরিবা চহি ২৭ অসিদা ভারতকী গ্লোবেল রোল অসিবু লেপথোকপা খক্তা নত্তনা ঐখোয় ভারত মচাশিংগী দ্রীম অমসুং দেদিকেসন, অনি অসিসু তেস্ত তৌগদৌরি। মতম অসি ভারতকী ইন্দস্ত্রীগী মশক্তা অদোমগী কেপাবিলিতী, কমিৎমেন্ত অমসু করেজ অদুবু মালেম অপুনবদা ঐখোয়না অমুক্তং থাজবগা লোইননা উৎকদবনি। অমসুং ঐখোয়গী চেলেঞ্জ অসি শুপ্নগী আত্মনির্ভরতা খক্তদা ওইদ্রি, ঐখোয়না পান্দম অসিবু কয়াম থুম্না মপুং ফাহনগদৌরি হায়বসিসু মরুওইরি।   

মরূপশা,

ভারতকী মায়পাকপা অসিগী মতাংদা মালেমদা ওইরিবা পোজিতিবিতী অসি মমাংদা অমুক্তা ওইখিদ্রি। পোজিতিবিতী অসি ভারতমচা করোর ১৩০ হেনবগী অমুক্তা ওইখিদ্রিবা মশানা মশাবু থাজজবা অদুদগী ওইখ্রিবনি। হৌজিক মাংদা চখৎনবগীদমক্তা অনৌবা লম্বী শেমগনি, অনৌবা থৌনাগা লোইননা মাংদা চংশিনগদবনি।

মরূপশা,

সেক্তর খুদিংমক্কীদমক্তা সরকারগী পোলিসী করিনো, লাল্লোং করিনো, হান্নগী অমসুং হৌজিক্কী মরক্তা করি অহোংবা পুরক্লে, মসিগী মতাংদা মমাংগী সেসনশিংদা মন্ত্রীশিং অমসুং অতোপ্পা মরূপশিংনা অদোম ময়ামগা লোইননা কুপ্না খন্নখ্রে। মতম অমদা ঐখোয়গী মফম অসিদা ওইরম্বা ফিভমশিং অদুগী মতুংদা হায়নরম্মি – হ্বাই ইন্দিয়া। হৌজিক লৈবাক অসিদা তৌরিবা রিফোর্মশিং অসিগী শাফু অদু উবদগী হায়নরি – ‘হ্বাই নোৎ ইন্দিয়া’ মমাংদা তেক্স রেৎ অদুক্কী মতিক ৱাংবদগী হায়নরম্মি, হ্বাই ইন্দিয়া? ঙসিদি মখোয়শিং অদুনা হায়রি মদুদি মফম অসিদা খ্বাইদগী হেনবা কম্পিতিতিব তেক্স লৈরে, অদুনা হ্বাই নোৎ ইন্দিয়া? হান্না রেগুলেসন অমসুং রুল্সকী লাং থাক্লম্মি অদুনা মশানা অৱাবগা লোইননা ইনভেস্তরশিংনা হংনরম্মি, হ্বাই ইন্দিয়া? ঙসি মখোয়শিং অদুনা হায়রি মদুদি লেবর লোদা ইজ ওফ কমপ্লাইন্স লৈরে, অদুনা হ্বাই নোৎ ইন্দিয়া? হান্না হংনরম্মি মদুদি রেদ তেপ লৈরগদি, হ্বাই ইন্দিয়া? হোজিক মখোয়শিং অদুনা হায়রি মদুদি রেদ কার্পেৎ থাদুনা থম্লবা অসিদবু, হ্বাই নোৎ ইন্দিয়া? হান্না ৱাকৎনরম্মি মদুদি ইনোবেসনগী কলচর অদু লৈতবা অসিদবু হ্বাই ইন্দিয়া? ঙসি ভারতকী স্তার্ত-অপ ইকোসিস্তেমগী পাঙ্গল উরুরগা মালেম্না থাজনা হায়রি, হ্বাই নোৎ ইন্দিয়া? হান্না হংনরম্মি মদুদি থবক খুদিংমক্তা সরকারনা অদুক্কী মতিক খুৎ থিংজিল্লিবা অসিদা হ্বাই ইন্দিয়া? ঙসি প্রাইবেৎ পার্তিশিপেসন্দা থাজবা থম্লি, মীরমগী ইনভেস্তরশিংদা ইনকরেজ তৌরি, অদুনা মখোয়শিং অদুনা হংলি, হ্বাই নোৎ ইন্দিয়া? হান্না ৱাকৎনরম্মি মদুদি দিজিতেল ইনফ্রাস্ত্রকচর ৱাৎপনা থবক তৌবা ওইথোক্লমদে, অদুনা হ্বাই ইন্দিয়া? ঙসি অদুক্কী মতিক অনৌবা দিজিতেল ইকোসিস্তেম ঐখোয়গী অসিদা লৈরে অদুনা সেন্তিমেন্ত ওইরি, হ্বাই নোৎ ইন্দিয়া?   

মরূপশা,

অনৌবা ভারত, ঐখোয়গী তৌব-ঙম্বশিং অদুদা থাজরদুনা, ঐখোয়গী পাম্বৈশিংদা থাজবা থম্লদুনা আত্মনির্ভর ভারতপু মাংদা পুখৎলি। অমসুং পান্দম অসিবু ফংনবগীদমক্তা মেন্যুফেকচরিংদা ঐখোয়গী অখন্নবা ফোকস থম্লি। মেন্যুফেকচরিং হেনগৎহন্নবগীদমক্তা ঐখোয়না লেপ্তনা রিফোর্মশিং পাইখৎলি। রিফোর্মশিংগা লোইননা রিৱার্দশিংবু ঙসি লৈবাক অসিগী পোলিসীগী মরু ওইবা পাম্বৈ ওইহল্লে। অহানবা ওইনা সেক্তর ১০দগী হেনবদা ইফিসিএন্সী অমসুং প্রদক্তিবিতীদা য়ুম্ফম ওইবা ইন্সেন্তিবশিংগী মনুংদা পুরক্লে। মতৌ অসুম্না হেন্না ফবা কনেক্তিবিতী, হেন্না ফবা খুদোংচাবা অমসুং লোজিস্তিক্সপু কম্পিতিতিব ওইহন্নবগীদমক্তা পাইখৎলিবা পুম্নমক অসিসু ইন্দস্ত্রীগী রিৱার্দ অদুমক্নি। ঐখোয়গী এম.এস.এম.ই. লাখ কয়াগীদমক্তা, মদুগী ৱাহন্থোক হোংদোকপা তারবসু, ক্রাইতেরিয়াদা হোংদোকপা তারবসু, সরকারগী কোন্ত্রেক্তশিংদা প্রাইওরিতী নত্ত্রগা লিক্বুইদিতীগা মরী লৈনবা সমস্যাশিং লোইনশিনববু ওইরো, মসিসু য়াম্না চাউবা পুক্নীং থৌগৎপা অদুনি।

মরূপশা,

লৈবাক অসিনা ঙসি নহা করোর কয়াদা তাঞ্জা পীরিবা ইন্তর্প্রাইজ অমসুং ৱেল্থ ত্রিএতরশিংগা লোইনরি। ঙসি ভারতকী নহা ওইশিং ইনোবেসনগী, স্তার্তঅপশিংগী তাইবঙদা মখোয়গী মমিং শেম্লি। সরকারগী ইফিসিএন্ত অমসুং ফ্রেন্দলী ইকোসিস্তেম অমা শেম্ননবগীদমক্তা লেপ্তনা হোৎনরি। হৌজিক ASSOCHAMগুম্বা এসোসিএসবু, অদোমগী মেম্বর খুদিংমক্নসু মসিগী কান্নবা অসি লাস্ত মাইল ফাওবা য়ৌহন্নবা লেপথোক্কদবনি। মসিগীদমক্তা ইন্দস্ত্রীগী মনুংদসু রিফোর্মশিংবু ইনকরেজ তৌগদবনি। ঐখোয়গীদমক্তা য়েংবা পাম্বা অহোংবশিং অদু ঐখোয়গী লুপশিংদসু তৌগদবনি। অদুক্কী মতিক লিবর্তী, অদুক্কী মতিক ইনক্লুজন, অদুক্কী মতিক হেন্দ-হেন্দলিং, অদুক্কী মতিক ত্রান্সপিরেন্সী ওইবা, অদোমনা সরকারদগী, সোসাইতীদগী পাম্লিবা অদুমক ইন্দস্ত্রীগী মনুংদগী নুপীগীদমক, নহা ওইরিবা তেলেন্তশিংগীদমক, অপীকপা ইন্দস্ত্রীশিংগীদমক ঐখোয় পুম্নমক্না লেপথোক্কদবনি। ঐখোয়না কোর্পোরেৎ গোভর্নান্সতগী হৌরগা প্রোফিৎ শিয়রিং ফাওবা, মালেমগী বেস্ত প্রাক্তিস অসি অদুক্কী মতিক থুনা লৌশিনগদবনি। প্রোফিৎ সেন্তর এপ্রোচকা লোইননা ঐখোয়না পর্পোজ ওরিএন্তেদসু ওইহল্লবদি, সোসাইতীগা লোইননা ইন্তিগ্রেসন হেন্না ওইবা ঙমগনি।

মরূপশা,

অদোমদগী হেন্না মসি কনানা খঙলুগনি মদুদি ওনেস্ত ওপিনিয়নগী হেন্না ফবা দিসিজন মেকিংদা কয়াদা চাউনা থৌদাং য়াওরিবগে হায়বা। কয়ারক হন্না ঐখোয় ময়াম উন্নৈ, হায়নৈ মদুদি শিয়র অসি য়াম্না ফৈ, সেক্তর অসি য়াম্না ফৈ, মসিদা ইনভেস্ত তৌ। অদুবু ঐখোয়না হান্না মসি য়েংই মদুদি পাউতাক পীরিবা, থাগৎলিবা মশামকসু মদুদা ইনভেস্ত তৌরিবরা নত্ত্রগা তৌদ্রিবরা? ৱাফম অসি ইকোনোমীশিংগসু মরী লৈনৈ। ঙসি ইন্দিয়ন ইকোনোমীদা মালেমনা থাজরিবা অসি, মসিগী প্রমান্নি। পেন্দমিক্কী মনুংদা মালেম অপুনবনা ইনভেস্মেন্তকীদমক্তা ৱানখিবা মতম অদুদা ভারত্তা রিকোর্দ এফ.দি.আই. অমসুং পি.এফ.আই. লাকখি। মালেমগী কনফিদেন্স অসি অনৌবা থাক্তা য়ৌখি, মসিগীদমক্তা দোমেস্তিকেল্লী ওইনসু ঐখোয়না ঐখোয়গী ইনভেস্তমেন্তপু অদুক্কী মতিক হেনগৎহনগদবনি। ঙসি অদোমদা সেক্তর খুদিংমক্তা ইনভেস্তমেন্তকীদমক্তা ওইথোকপশিংসু অমসুং অনৌবা তাঞ্জাসু লৈরি।

মরূপশা,

ইনভেস্তকী অতোপ্পা মায়কৈ অমসুং লৈরি মদুগী মরমদা খন্নবা তঙাইফদে। মদুদি রিসর্স এন্দ দিবেলপমেন্ত - আর. & দি.দা তৌবা ইনভেস্ত। ভারত্তা আর. & দি.দা ইনভেস্ত তৌবা হেনগৎহনবা য়াম্না মথৌ তাই। অমেরিকাগুম্বা লৈবাক্তা আর. & দি.দা ইনভেস্তেমেন্তকী ৭০% প্রাইবেৎ সেক্তরদা তৌই, ঐখোয়গী অসিদা অদুমক পব্লিক সেক্তরদা তৌই। মসিদসু য়াম্না চাউবা শরুক অমা আই.তি., ফার্মা অমসুং ত্রান্সপোর্ত সেক্তরদা তৌই। হায়বদি ঙসি মথৌ তারিবদি আর. & দি.দা প্রাইবেৎ সেক্তরগী শরুক য়াবা হেনগৎহনবনি। লৌউ-শিংউ, দিফেন্স, স্পেস, ইনর্জী, কন্সত্রক্সন, হায়বদি সেক্তর খুদিংদা, অপীক অপীকপা কম্পনী খুদিংমক্তা আর. & দি.গীদমক্তা অরেপ্পা এমাউন্ত লেপথোকপা মথৌ তাই। 

মরূপশা,

ঙসি লোকেলবু গ্লোবেল ওইহন্নবগীদমক্তা ঐখোয়না মিশন মোদতা মাংদা চংশিল্লিবা অসিদা, ঐখোয়না জিওপোলিতিকেল দিবেলপমেন্ত খুদিংমক্তা খোংজেল য়াংনা রিএক্ত তৌবা তাই। গ্লোবেল সপ্লাই চেন্দা খুদক্তা লাকপা দিমান্দ অমা হেক্তা ভারতনা করম্না মপুং ফাহনগনি, মসিগীদমক্তা মতিক চাবা মেকানিজম অমা লৈবা মথৌ তাই। মসিদা অদোম্না মপান থৌরম পুবা মন্ত্রালয়গী মতেং লৌবসু য়াগনি। কোবিদকী অৱাবা মতম অসিদা ঐখোয়না উরে মদুদি মপান থৌরম পুবা মন্ত্রালয়গী নেতৱর্ক অপুনবা হেন্না ফবা মওংদা শিজিন্নবদগী মতৌ করম্না ঐখোয় খোংজেল য়াংনা ঐখোয়গী পান্দম মপুং ফাহনবা ঙম্লি। মপান থৌরম পুবা মন্ত্রালয়, কমর্স & ত্রেদ অমসুং ASSOCHAMগুম্বা ইন্দস্ত্রীগী লুপশিংগী মরক্তা হেন্না ফবা সীনর্জী অসি মতম অসিদা মথৌ তারি। ঐনা অদোমদা হায়জরি মদুদি গ্লোবেল ত্রান্সফোর্মেসনদা খোংজেল য়াংনা রিএক্ত তৌনবগীদমক্তা, খোংজেল য়াংনা রেস্পোন্স তৌনবগীদমক্তা মেকানিজম করম্না ওইহনগনি, মসিগীদমক্তা অদোম্না ঐখোয়দা শোইদনা ফোংদোকপীয়ু।   

মরূপশা,

ভারতনা মসিগী মথৌ তাবশিং মপুং ফাহল্লদুনা মালেমগী মতেং পাংবসু ঙম্লে। ফার্মরদগী হৌরগা ফার্মা ফাওবা, ভারতনা মসি তৌদুনা উৎলে। কোরোনাগী মতমদসু লুরবা ফিভম কয়া ওইজরবসু ভারতনা ফার্মাসী ওফ দ ৱর্ল্দগী থৌদাং য়ারদুনা মালেম শিনবা থুংনা মথৌ তাবা হিদাক-লাংথকশিং য়ৌহনখি। হৌজিক ভেক্সিনগী মতাংদসু ভারতনা ঐখোয়গী মথৌ তাবশিং অদু মপুং ফাহনবগা লোইননা, মালেমগী লৈবাক কয়ানা থম্লিবা থাজবা অদুসু মপুং ফাহনগনি।

মরূপশা,

রুরেল অমসুং অরবান দিবাইদ হন্থহন্নবা সরকারনা হৌখিবা চহি ৬তগী হোৎনরি, ইন্দস্ত্রীনা হোৎনরিবশিং অদুদা মল্তিপ্লাই তৌবা য়াই। ASSOCHAMগী মেম্বরশিং, ঐখোয়গী খুঙ্গংগী প্রদক্তশিংবু গ্লোবেল প্লেৎফোর্ম পীবদা মতেং পাংবা য়াই। ঐখোয়গী ওর্গানিক ফার্মিং, হর্বল প্রদক্তশিং, অসিগুম্বা ময়াম অমদা ASSOCHAMনা প্রমোৎ তৌবীগদবনি, মালেমগী কৈথেলদা ভারতকী পোৎথোকশিং মমিং চৎহনগদবনি। মসিগা মরী লৈনবা কম্পিতিসনশিং অমসুং মসিগীদমক্তা লেপ্তনা কম্পিতিসন তৌহনগদবনি, মদুগী মরমদা শন্দোক্তুনা, মখোয়গী স্তার্তঅপশিংবু শৌগৎতুনা, মসি অদোম্না তৌবীবা য়াই। ভারত সরকারবু ওইরো, রাজ্য সরকারশিংবু ওইরো, পুম্নমক্না অমত্তা ওইনা মায়কৈ অসোমদা থবক তৌবা মথৌ তাই। করিগুম্বা ঐখোয়না ফার্ম সেক্তরনা হেন্না প্রমোসন ফংলবদি, হেন্না ফবা ইনফ্রাস্ত্রকচর ফংলবদি, হেন্না ফবা মার্কেৎ ফংলবদি ঐখোয়গী খুঙ্গংগী শেনমিৎলোন অপুনবা অসি মতোন লোম্বা ঙমগনি।  

মরূপশা,

২১শুবা চহিচা হৌরকপদা অতলজীনা ভারতপু হাইৱেগা কনেক্ত তৌনবগীদমক পান্দম থম্বীখি। ঙসি লৈবাক অসিদা ফিজিকেল অমসুং দিজিতেল ইনফ্রাস্ত্রকচরদা অখন্ননা ফোকস তৌরি। খুঙ্গংগী লৌমীশিংগী রিচসু দিজিতেল্লী গ্লোবেল মার্কেৎশিং ফাওবা য়ৌহন্নবা, মসিগীদমক্তা লৈবাক অসিগী খুঙ্গং পুম্নমক্তা ব্রোদবেন্দ কনেক্তিবিতী য়ৌহন্নবা ঐখোয় হোৎনরি। মতৌ অসুম্না ঐখোয়গী আই.তি. সেক্তরবু হেন্না মপাঙ্গল হাপ্ননবা আই.তি. অমসুং বি.পি.ও. সেক্তরগী অপনবশিংসু লৌথোক্লে। দিজিতেল স্পেসকী সেক্যুরিতীদমক্তা খোংথাং অমগী মথংদা অমদা লেপ্তনা পাইখৎলি।

মরূপশা,

হেন্না ফবা ইনফ্রাস্ত্রকচর শেমগৎনবা ফন্দিংগা মরী লৈনবা এভেন্যু খুদিংমক শিজিন্নবা য়াই। পব্লিক সেক্তর বেঙ্কশিং মপাঙ্গল কলহনবা, বোন্দ মার্কেৎশিংগী ওইথোকপশিং হেনগৎহনবা, মসি মায়কৈ অসোমদা হোৎনবা অমনি। মতৌ অসুম্না সোভরেন ৱেল্থ ফন্দ অমসুং পেন্সন ফন্দবু তেক্সতা কন্সেসন পীরি, আি.ই.আই.তি.শিং অমসুং আই.এন.ভি.আই.তি.শিংবু প্রমোৎ তৌরি। ইনফ্রাস্ত্রকচরগী মরী লৈনবা এসেৎশিংসু মোনিতাইজ তৌরি।

মরূপশা,

মথৌ তাবা খুদোংচাবশিং পীবা, অচুম্বা ফিভম শেম্বা অসি সরকারনা তৌবা ঙম্মি। সরকারনা পুক্নীং থৌগৎপা ঙম্মি, সরকারনা পোলিসীশিংদা অহোংবা পুরকপা ঙম্মি। অদুবু অদোমগুম্বা ইন্দস্ত্রীগা মরী লৈনবা মরূপশিংনা সপোর্স অসি সক্সেস ওইহনগনি। আত্মনির্ভর ভারতকী মঙলান অসি মায় পাকহন্নবা চৎনবী-কাংলোনশিংদা মথৌ তাবা অহোংবা পুরক্নবগীদমক লৈবাক অসিনা খনখ্রে, লৈবাক অসিনা লেপখ্রে। হৌখিবা চহি তরুক্তা ঐখোয়না অরিবা কাংলোন ১৫০০ হেন্না লোইশিনখ্রে। লৈবাক অসিগী মথৌ তাবশিং অদু য়েংদুনা অনৌবা কাংলোন শেম্বগী থবকসু লেপ্তনা চৎথরি। থা ৬কী মমাংদা ফার্ম রিফোর্ম তৌখিবা অদুগী কান্নবসু হৌজিক লৌমীশিংনা ফংবা হৌরে। ঐখোয় পুম্নমক্না আত্মনির্ভর ভারত শেমগৎপদা অমত্তা ওইনা, অচেৎপা ফিরেপকা লোইননা মাংদা চংশিনগনি। ASSOCHAMগী অদোম মরূপ পুম্নমকপু লাক্কদৌরিবা চহিশিং অসিগীদমক্তা ঐগী মায়কৈদগী হন্না হন্না য়াইফ-পাউজেল পীজরি, শ্রীমান তাতাজীবুসু ঐগী মায়কৈদগী হন্না হন্না য়াইফ-পাউজেল পীজরি অমসুং ASSOCHAMনা অনৌবা মতোল অদু লান্থোক্তুনা অমসুং ২০৪৭তা নীং খা তম্বগী চাম্মা শুবা চহি অসি অদোমগীদমক্তা মথংগী চহি ২৭ অসি পান্দম অদুবু পুদুনা ঙসিগী অদোমগী চহি চা অসিগী থৌরম অসি মপুং ফাগনি হায়না ঐনা থাজবা থমজরি। অমুক্কা হন্না ঐনা অদোম্বু হন্না হন্না থাগৎচরি।

অদোম্বু থাগৎচরি!

***