প্রধান মন্ত্রযি শ্রী নরেন্দ্র মোদীনা ভিদিও কনফরেন্সিংগী খুত্থাংদা মধ্য প্রদেশতা পাঙথোকখিবা কিসান সম্মেলনদা ৱা ঙাংখ্রে। মহাক্না কোল্দ স্তোরেজ ইনফ্রাস্ত্রকচর অমসুং অতোপ্পা ফেসিলিতীশিংগী উরেপ উয়ুংসু তমখি।

থৌরম অসিদা ৱা ঙাংলদুনা প্রধান মন্ত্রীনা হায়খি লৌমীশিংনা ফনা কন্না হোৎনরবসু করিগুম্বা উহৈ-মনা মশিং-চেং হৱায়গী মতিক চাবা স্তোরেজ লৈতবা তারবদি লৌমীশিংনা চাউনা মাংগনি। মহাক্না বিজিনেস ৱর্ল্দদা মতমগা চুনবা স্তোরেজ ফেসিলিতীশিং, কোল্দ স্তোরেজ দিবেলপ তৌবদা অমসুং অনৌবা ফুদ প্রোসেসিং ভেঞ্চরশিং হৌদোকপদা মতেং পাংনবা ফোঙদোকখি। মহাক্না হায়খি মসিনা লৌমীশিংগী মতেং পাংলগনি অমরোমদনা মসিনা লৈবাক অসিগী মতেং ওইরগনি।

প্রধান মন্ত্রীনা হায়খি চাউখৎলবা লৈবাকশিংগী লৌমীশিংদা ফংহল্লিবা মতমগা চুনবা ফেসিলিতীশিং অসি ভারতকী লৌমীশিংদসু ফংহনগদবনি, মসিদা মতম শাংনা থেংথবা তৌরোইদবনি। মহাক্না মখা তারদুনা হায়খি খোঙজেল য়াংনা হোংলক্লিবা মালেম অসিদা ভারতনা লৈরিবা ফীভম অসি য়াবা ঙম্লরোই, লৌমীশিং অসিদা ফেসিলিতীশিং অমসুং মতমগা চুনবা পাম্বৈশিংগী অৱাৎপনা মরম ওইদুনা খুৎ পুনদুনা থম্লি, খোঙথাং লৌখৎপগী মতম য়াম্না থেংমল্লবনি।

এগ্রিকলচর লোশিংগী মতাংদা হন্দক খন্ন-নৈনখিবা অদু পল্লদুনা প্রধান মন্ত্রীনা হায় মসিগী লৌউ-শিংউগী অহোংবশিংগী তান্নবা অসি চহি ২০-২২ চত্থদুনা লাকখি অমসুং খুদক্তা শেমখি লো নত্তে। লৌউ-শিংউগী সেক্তরদা ফগৎহন্নবা লৈবাক অসিগী লৌমীশিং, লৌমীগী ওর্গনাইজেসনশিং, লৌউ-শিংউগী খঙহৈরবশিং, লৌউ-শিংউগী ইকনোমিস্তশিং, লৌউ-শিংউগী সাইন্তিস্তশিং, ঐখোয়গী লৈবাক্কী প্রোগ্রেসিব ফার্মরশিংনা লেপ্তনা দাবি তৌদুনা লাকখিবনি, হায়না মহাক্না হায়খি। প্রধান মন্ত্রীনা মখা তাখি মসিগী অহোংবশিং অসি পার্তীগী মেনিফেস্তোশিংদা য়াওরগসু মসি তশেংনা লুম্না লৌনখিদে। মহাক্না হায় ঙসি পুরক্লিবা লৌউ-শিংউগী অহোংবশিং অসি মমাংদা খন্নখিবা অদুদগী করি অমত্তা খেৎনবা লৈতে।

প্রধান মন্ত্রীনা হায়খি মমাংগী সরকারনা স্বামিনাথন কম্মিতী রিপোর্ত অসি চহি ৮রোমা ইমপ্লিমেন্ত তৌদনা লৈরমখি। লৌমীশিংগী খোঙজংনা মীওইশিং অসিগী ৱাখলদা করিগুম্বা অমত্তা নাচুংখিদে। মহাক্না মীওইশিং অসিনা মখোয়গী সরকারনা লৌমীশিংগীদক্তা চাংদিং তৌদনবা হোৎনরমখি। মহাক্না হায় ওপ্পোজিসনশিংনা মখোয়গী রাজনিতীগী ওইবা কান্নবশিংগীদমক্তা লৌমীশিং শীজিন্নরি অমরোমদা মহাক্কী সরকারনদি লৌমীশিংগীদমক কত্থোক্লো অমসুং লৌমীশিংবু অন্নাদতা ওইনা লৌরি। শ্রী মোদীনা হায়খি স্বামিনাথন কম্মিতীগী রিপোর্ত অসিদা য়াওরিবা ৱারোলশিং অসি সরকার অসিনা লৌমীশিংদা চংলিবা মমল অদুগী শরুক অমগা মখাইগী এম.এস.পি. পীদুনা ইমপ্লিমেন্ত তৌখি।

শেন্দোন কোকপীবগী মতাংদা প্রধান মন্ত্রীনা হায়খি বেঙ্কতা চৎতবা অপীকপা লৌমীশিং, লোন লৌদবা লৌমীশিংদা য়ৌহনখিদে। মহাক্না হায়খি পি.এম-কিসান স্কীমদা চহি খুদিংগী লৌমীশিংনা মখোয়গী বেঙ্ক একাউন্তশিংদা হকথেংননা লুপা করোর লিশিং ৭৫ ফংগনি। লীকেজ অমত্তা য়াওদনা, কনাদসু কমীশন অমত্তা পীদনা। নীম কোত্তিং তৌবা অমসুং শেঞ্জা-থুমজাদা হন্থরকপনা মরম ওইরগা য়ুরিয়া ফংবা করম্না হেনগৎহনখি হায়না মহাক্না ফোঙদোকখি।

প্রধান মন্ত্রীনা মমাংগী সরকারবু চৈরদুনা হায়খি করিগুম্বা মখোয়না লৌমীশিংগী খল্লম্বা তারবদি লৈবাক অসিগী ইথৈ-লৌখোংগী অচৌবা প্রোজেক্ত ১০০ রোম অসি চহি কয়া পন্দুনা লৈরিবা অসি লৈরম্লোই। হৌজিক্তি ঐখোয়গী সরকারনা মিসন মোদতা হায়রিবা ইথৈ-লৌখোংগী প্রোজেক্তশিং অসি লোইশিন্নবা লুপা করোর লিশিং কয়া চাদিং তৌরি। মহাক্না হায় সরকার অসি লৌবুক খুদিংমক্তা ঈশিং ফংহন্নবা হোৎনরি। মহাক্না হায়খি সরকারঅসিনা মসিগা চপ মান্না খোই য়োকপা, শা-শন লোইবা অমসুং ঙা য়োকপদা লোইননা চেং হৱায় পুথোক্লিবা লৌমীশিং খুমাং চাউশিন্নবা হোৎনরি।

প্রধান মন্ত্রীনা হায়খি ঙা য়োকপা অসি খুমাং চাউশিনহন্নবা ব্লু রিভোলুসন স্কীম পাইখৎখ্রে। মতম খরগী মমাংদা প্রধান মন্ত্রী মৎস্য সম্পদা য়োজনাসু হৌদোকখি। হোৎনিরিবশিং অদুগী ফলনা লৈবাক্কী ঙা পুথোকপগী মমাংগী রিকোর্দ পুম্নমক থুখাইখি।

মহাক্নানা থাজনা হায়জরি মদুদি ঐখোয়না হন্দক্তা হৌদোকখিবা ফার্ম রিফোর্মশিং অসিদা থাজনীংঙাই ওইদবগী মরম লৈতবতা নত্তনা মীনম্বগীসু মফম য়াওদে। ঐখোয়না এম.এস.পি. লৌথোক্কে হায়রবদি স্বামীনাথন কমিতীগী রিপোর্ত করিগী চৎনহল্লুগনি হায়বা অসি খন্থনবা মীয়ামদা মহাক্না থমখি।

প্রধান মন্ত্রীনা হায়খি ঐখোয়না এম.এস.পি.গী মতাংদা মরু হুন্দ্রিঙৈগী মমাংদগী লাওথোকখি, মসিনা লৌমীশিংদসু লাইথোকহল্লি। কোরোনাগী লাইচৎ থেংনরিঙৈ মতমদসু এম.এস.পি.গী লৈশিনবগী থবক অসি মহৌশাগুম্না চত্থখি। এম.এস.পি. অসি হান্নগুম্না অদুমক মখা চত্থখিগনি হায়না মহাক্না লৌমীশিংদা থাজবা পীখি। মহাক্না হায় সরকারনা এম.এস.পি. হেনগৎহনবা খক্তা নত্তনা এম.এস.পি.দা হেন্না য়াম্না লৈশিনবসু ঙম্লে।

প্রধান মন্ত্রীনা মমাংদা লৈবাক অসিনা হৱায়গী মতাংদা অৱাবা থেংনখিবা অদু নৌহৌনা নীংশিংখি। লৈবাক অসিগী লাউ-খোংবগী মরক্তা মপালদগী হৱায়শিং লৌরমখি। মহাক্না হায়খি মহাক্কী সরকারনা পোলিসী অসি ২০১৪দা শেমদোকখি অমসুং ২০১৪গী চহি ৫গী মমাংদা মেত্রিক তন লাখ ১.৫ খক্তা লৈশিনখিবা অদুগা চাংদম্নবদা লৌমীশিংদগী এম.এস.পি.দা হৱায় মেত্রিক তন লাখ ১১২ লৌশিনবা ঙমখি। ঙসি হৱায় থারিবা লৌমীশিংনা শেল হেন্না ফংলে, হৱায়গী মমলসু হন্থরে অমদি লায়রবশিংদা হকথেংননা কান্নবা ফংহনবা ঙম্লে।

প্রধান মন্ত্রীনা হায় অনৌবা লো অসিনা লৌমীশিংনা মন্দিদা নত্ত্রগা অতোপ্পা য়োনবগী নীংখা-তম্বা অদুসু পী হায়না শেংদোকখি। লৌমীশিংনা শেল হেন্না তোংগদবা মফমদা মহাক্কী পোত্থোক য়োনবা য়াহল্লে। অনৌবা লো অসিগী মতুংদা মন্দি অমত্তা থোং লোনখিবা লৈতে। মহাক্না হায় সরকার অসিনা এ.পি.এম.সি.শিং মতমগা চুনবা মওংদা ওইহন্নবা সরকার অসিনা লুপা করোর ৫০০গী মথক্তা চাদিং তৌরি।

কন্ত্রেক্ত ফার্মিংগী মতাংদা প্রধান মন্ত্রীনা মসি ঐখোয়গী লৈবাক্তা চহি কয়াদগী চৎনদুনা লাক্লি হায়না শেংদোকখি। মহাক্না হায় কন্ত্রেক্ত ফার্মিংদা মহৈ-মরোংশিং নত্ত্গা পোত্থোকশিং অদু খক্তা য়োনবনি লম অদুদি লৌমী অদুগী অদুম ওই, এগ্রীমেন্ত অদুগা লমগা করিগুম্বা মরী অমত্তা লৈনদে। করিগুম্বা মহৌশাগী ওইবা খুদোংথিবা থোক্লবসু লৌমীশিংনা শেল মপুং ফানা ফংলি। অনৌবা লো অসি লৌমীশিংদা ৱিন্দফোলগী প্রোফিৎকী সিয়রসু ফংহল্লি।

হোৎনরিবশিং অসিগী মতুংদা চিংনবা পোক্লিবা লৌমীশিংগী অৱাবসু কোকহন্নবা মহাক্না ৱাশকখি। মহাক্না হায়খি সরকার অসিনা সমস্যা খুদিংমক তান্ননবা শেম শাদুনা লৈরি। প্রধান মন্ত্রীনা মহাক্না হিরম অসিদা মখা তানা দিসেম্বর ২৫, ইকাই খুম্নরবা অতল জীগী মপোক কুমওন নুমিৎ অসিদা শন্দোক্না হায়জগনি হায়না ফোঙদোকখি। নুমিৎ অসিদা পি.এম. কিসান সম্মান নিধিগী ইন্সতোলমেন্ত অমগসু লৌমী করোর কয়াগী বেঙ্ক একাউন্ততা অমুক্তদা ত্রান্সফর তৌগনি।

***