ইন্ফোর্মেসন অমসুং ব্রোদকাস্তিংগী কেন্দ্র মন্ত্রী শ্রী প্রকাশ জাবরেকরনা ঙসি সি.আই.আই. বিগ পিকচর সম্মিত্তা ৱা ঙাঙখ্রে‍। তিল্লিবা মীয়ামদা পাউজেল পীরদুনা মন্ত্রীনা সি.আই.আইোবু বিগ পিকচর সম্মিত পাঙথোকপগীদমক থাগৎখি‍। মহাক্না হায়খিবদা, “ঐখোয় কম্মুনিকেসন তেক্নোলোজী অঙকপা ফংনা চাউখৎলকপগী ফীভম উরিবা লৈবাক অমদা লৈরি‍। মসিনা এন্তরতেনমেন্ত অমসুং মিদিয়া ইন্দস্ত্রীগী চাউরবা মফম পীরি”‍। “এনিমেসন, ভিজুএল ইফেক্ত, গেমিং অমসুং কোমিক (এ.ভি.জি.সি.) অসি মচীন তুমখৎলক্লিবা সেক্তরনি অমদি ঐখোয়গী এক্সপর্তশিংনা মালেমগী মকোক থোংবা ফিল্মমেকরশিংগী মনিংদা ঙাক্লৌ পীরি,” হায়না মন্ত্রীনা হায়খি‍। হায়রিবা প্রোফেস্নেলশিং অসিনা ঐখোয়গী ওইবা ফিল্মশিংগীদক্তা অহেনবা থবক কয়া পায়খৎলক্তুনা ভারতকী ফিল্মশিংদা এনিমেসন অমসুং গ্রাফিক শীজিন্নবগী চাং শরুক কয়া থোক্না হেনগৎহনবা মতম ওইরে হায়না মহাক্না মখা তাখি‍।

এ.ভি.জি.সি.গী কোর্সশিং তম্বিগদবা সেন্তর ওফ এক্সেলেন্স অমা ইন্দিয়ন ইন্সতিত্যুৎ ওফ তেক্নোলোজী বোম্বেগা খুৎশম্নরগা লিংখৎনবা লৈঙাক্না থবক পায়খৎলি হায়না শ্রী জাবরেকরনা হায়খি‍। মসিগী মথক্তা সেন্তর অসিনা সেক্তর অসিদা ওন্ত্রপ্রিপ্যুরসিপ য়োকখৎনবা অমদি স্তার্ত-অপশিং পুক্নিং থৌগৎনবা থৌরাং কয়াসু পায়খৎকনি হায়না মহাক্না হায়খি‍।

মন্ত্রীনা শরুক য়ারিবশিংদা জনুৱারী ২০২১দা গোৱাদা পাঙথোক্কদবা ৫১শুবা আই.এফ.এফ.আই.দা শরুক য়ানবা পাউকৎ পীখি‍। ২০২২দা কেন্স ফিল্ম ফেস্তিবেল চহী ৭৫ শুবগী কুমওন থৌরম পাঙথোক্কদৌরিবা অসিদা কেন্সতা ভারতকী অখন্নবা ফম্পাক অমা শেমগৎকনি হায়না মন্ত্রীনা ফোঙদোকখি‍। মথং চহীদা গ্লোবেল মিদিয়া এন্দ ফিল্ম সম্মিত অমা ভারতনা য়ুম্বু ওইদুনা পাঙথোক্কনি হায়নসু মন্ত্রীনা লাউথোকখি‍।

থৌরমদুদা ৱা ঙাঙলদুনা, আই. এন্দ বি. মন্ত্রালয়গী সেক্রেতরী শ্রী অমিত খারেনা নবেম্বরদা এলোকেসন ইন বিজিনেস রুল্সতা শেমদোকখিবগী মতাঙদা পল্লদুনা অহোংবা পুরকখিবা অদু ফম্পাক্না অতোপ্পা মফম অমদা হায়বদি ইলেক্ত্রোনিক্স অমসুং আই.তি. মন্ত্রালয়দা থম্লগা মচাকশিংনা মফম অমদা হায়বদি আই. এন্দ বি. মন্ত্রালয়দা পুরক্নবগী ৱাখল্লোনদা পায়খৎখিবনি হায়না ফোঙদোকখি‍। আই. এন্দ বি. মন্ত্রালয়না লৌরিবা থৌদাংগী মতাঙদা ৱা ঙাঙলদুনা সেক্তর অসিদা লৈঙাক্কী থৌদাংদি মখোঙ শোমবিবনি হায়না শ্রী খারেনা হায়খি‍। মন্ত্রালয়শিংগী মরক্তা আই. এন্দ বি. মন্ত্রালয়দা খ্বাইদগী চাউন ইথিল লৈ অমদি ইথিল অসি প্রাইভেত সেক্তর খক্তগী খুত্থাঙদগী লাকই হায়বা ৱাফম থম্লদুনা মহাক্না লৈবাকসিদা পুথোক্লিবা ফিল্ম অয়ামবা প্রাইভেত সেক্তরদগী লাকপনি, প্রসার ভারতি নত্তনা চেনেল পুম্নমক লনাইগীনি অমদি ও.তি.তি. সেক্তরসু মপুং ফানা লনাইগীনি হায়খি‍।

মিদিয়া অমসুং এন্তরতেনমেন্ত ইন্দস্ত্রী চাউখৎলে অমদি ইন্দস্ত্রী অসিবু ঐখোয়না মখোঙ শোম্বিবা মথৌ তাই হায়নসু শ্রী খারেনা হায়খি‍। লাইচৎ অসিনা এজুকেসনেল তেক্নোলোজী অমসুং মপান্দা থাদোকপগী মতিং লৈবা ইন্দিয়ন গেমিংগী অনৌবা মফম কয়া পুরক্লি হায়না মহাক্না ফোঙদোকখি‍।

ইং ২০২২ অসি ভারতনা নীং তম্লকপা চহী ৭৫ শুবা চহী ফারকপগী তাঞ্জা অসিবু লৈবাক মনুং অমসুং মপান্দা পাঙথোক্কদৌরিবা অসিগা মরী লৈননা সেক্রত্রীনা ইন্দস্ত্রী অসিদা ভারতকী সোফ্ত পৱারবু মিদিয়া অমসুং এন্তরতেনমেন্তকী খুত্থাঙদা উত্থোক্নবা হায়খি‍। শ্রী খারেনা সম্মিত অদুদা শরুক য়ারিবশিংবু হাইব্রিদ মওংদা পাঙথোক্কদৌরিবা ৫১শুবা আই.এফ.এফ.আই.দা শরুক য়ানবা পাউকৎসু পীখি‍।

প্রসার ভারতি সি.ই.ওও শ্রী সেখর ভেম্পতিনা থৌরমদুদা ৱা ঙাঙলদুনা কোবিদ লাইচৎ মনুংদা মীয়ামদা পাক শন্না খঙহন্নবা পব্লিক ব্রোদকাস্তরগী মখাদা লৈবা তোঙান তোঙানবা চেনেলশিংনা কন্তেন্ত শেমগৎখি‍। মতমসিদা মকোক থোংবা সোসিএল এদভর্তাইজরশিংগী মরক্তা দুরদর্শনগী লৈখিবা খোঙফমদা হোৎনখিবা কয়াদু উবা ফংখি‍। রমায়ন অমসুং মহাভারতনচিংবা পরিং নাইবা থৌরমশিং শন্দোক্তুনা দুরদর্শন্না হৌজিকসু ইমুং মনুং পুন্না য়েংবা য়াবা কন্তেন্তশিং য়েংননবা মীওই লৈরি হায়বা উৎখি‍। দি.দি. ফ্রী দিসকুমবা থৌরাংশিং মালেম শিনবা থুংনা অনৌবা মচৎ পুরক্নবা থৌরাং ওইখি‍ হায়না শ্রী ভেম্পতিনা পনখি‍। মতৌ অসুম্না ৫জিগুম্বা মচীন তুমখৎলক্লিবা তেক্নোলোজীশিংনা ব্রোদকাস্তিংবু স্মার্তফোন্দা পুরক্নবা খুদোংচাবা পীরি অমদি হায়রিবা খুদোংচাবসি ভারতকী স্তার্ত অপশিংনা শীজিন্নরি‍।

বেকগ্রাউন্দ:

বিগ পিকচর সম্মিত অসি মিদিয়া অমসুং এন্তরতেনমেন্ত ইন্দস্ত্রীগী মাঙজিন থাবা সম্মিত অমসুং লিদরসিপ ফোরম্নি‍ অমদি মসিনা ভারত লৈঙাক, ইন্দস্ত্রী লোয়ন-লোয়ননা মালেমগী মমীং লৈরবা এক্সপর্তশিংগী মরক্তগী মিদিয়া অমসুং এন্তরতেনমেন্তকী স্তেকহোল্দরশিংবু দিজিতেল ত্রান্সফোর্মেসন, তেক্নোলোজীগী অওনবা অমসুং আর্তিফিসিএল ইন্তলিজেন্সনা রুল্স ওফ গেমদা অহোংবা পুরক্লিবা মতমসিদা মায় পাক্না চাউখৎপগী লম্বীদা মমায় চুম্নবগীদমক্তা ফম্পাক অমদা পুন্না পুরক্লি‍।

সি.আই.আই. বিগ পিকচর সম্মিত অসি মিদিয়া অমসুং এন্তরতেনমেন্তগী লম শিনবা থুংনা লৈরিবা কন্তেন্ত শেম্বা মীওইশিং, ব্রোদকাস্তর, বাইয়র, স্তদিও, প্রদক্সন কম্পেনীশিং, পব্লিসর, দিস্ত্রিব্যুতর অমসুং দেভেলপরশিং য়াওগদবা সেসন কয়াগা লোয়ননা দিজিতেল ফম্পাক্তা দিসেম্বর ১৬, ২০২০দগী ১৮ ফাওবা সি.আই.আই.না পাঙথোকপনি‍।

*****