ভারতকী গ্রোথ স্তোরীগী শরুক অমা ওইনা রেল্ৱেজ, কম্মর্স অমসুং ইন্দস্ত্রী, কঞ্জুমর এফিয়র্স অমসুং ফুদ অমসুং পব্লিক দিস্ত্রিব্যুসনগী মন্ত্রী শ্রী পিয়ুশ গোয়লনা ফোরেন্দ ইনভেস্তরশিং কৌখ্রে৷ ঙসি ভর্চুয়েলগী খুৎথাংদা ২০২০গী সি.আই.আই.গী পার্তনরশিপ সম্মিত অসি হৌদোক্লদুনা মহাক্না মখোয়শিং অসিবু তরাম্না ওকখ্রে অমসুং খুদোংচাবা কয়ানা থল্লবা মসিগী লম অসিদা লাকখিবা নহাক্কী খোংচৎ অসিদা কমপ্লিত এসিস্তেন্স, পার্তনরশিপ অমসুং শরুক য়াগনি হায়না থাজবা পীখ্রে৷

ভারতনা ঐখোয়গী ইকোনোমীগী অনৌবা সেক্তরশিং অসি গ্লোবেল ইনভেস্তরশিং অসিদা সিস্তেমেতিকেল্লী নাইনা উৎখ্রে অমসুং তোঙান তোঙানবা ইনভেস্মেন্ত পার্তনরশিং অসিগা স্ত্রাতিজিক রিলেসনশিপ থমদুনা ব্যুজিনেস হেন্না চাওখৎনবা হোৎনখ্রে, ফ্যুচরগীদমক ঐখোয়গী ইকোনোমিক প্লানশিং হেন্না মপাঙ্গল লৈহনখ্রে হায়না মন্ত্রী অদুনা ফোংদোকখি৷ ভারততা লৈরিবা এফ.দি.আই.(ফোরেন্দ দাইরেক্ত ইনভেস্তমেন্ত) অসি লেপ্পা লৈতনা চাওখৎলক্লি হায়না মহাক্না ফোংদোকখি৷ “কোবিদ-১৯ লাইনা-লাইচৎ অসিনা খমথেংনা ৱাংদুনা লৈরিবা চহী অসিগী অহানবা থা ৯গী মতমদা এফ.দি.আই. চাওখৎখ্রে৷ ঐখোয়না মালেম অসিদা খ্বাইদগী ফবা এফ.দি.আই. পোলিসীশিং অসিগী মনুংদা অমা লৈ৷ এপ্রীল-সেপ্তেম্বরগী মতমদা এফ.দি.আই. ইনফ্লো অসি বিলিয়ন $৪০নি, মসি মমাংগী চহী অসিদগী ১৩% হেন্না ৱাংই৷ মমাংগী চহীদা ভারততা ব্যুজিনেস্তা তেক্স ২২% অমসুং ২০১৯গী ওক্তোবর থাগী মতুংদা শেমগৎলক্লিবা অনৌবা মেনুফেকচরিং ফেসিলিতীশিং অসিগীনা ১৫% লৌদুনা মালেম অসিগী মফম অমা হেক্তদা লৈরিবা খ্বাইদগী ফজবা তেক্স রেত অদুগী মনুংদা অমনি হায়না ঐখোয়না লাওথোকখ্রে৷”

ভারততা ইন্দস্ত্রী হেন্না হেন্না চিংশিন্নবা প্রদক্সন-লিঙ্ক ইন্সেন্তিব স্কিম য়াওনা অনৌবা স্কিম ময়াম অমা পুথোকখ্রে হায়না শ্রী গোয়লনা ফোংদোকখ্রে৷ “মন্ত্রালয় পুম্নমক্তা ঐখোয়গী ইনভেস্তমেন্ত প্রোমোসন সেলশিং লৈ৷ লাইনা-লাইচৎ অসি হৌদ্রিঙৈগী মমাং ফাওবদা ইনভেস্তমেন্ত চিংশিন্নবা অমসুং য়োকখৎনবা কেন্দ্র সরকার অমসুং রাজ্য সরকারনা পুন্না হোৎনখিরম্মী৷ ভারতনা ইকোনোমী অসি ফগৎনবা অমসুং ইকোনোমী অসিদা লৈরিবা প্রদক্তিবিতী লেভেলশিং অসি ফগৎনবা পান্দম থমদুনা রিফোর্ম মিজরশিং হঞ্জিন হঞ্জিন লাওথোকখ্রে৷ ঐখোয়গী ভি শেপ রিকোভরী অসিদা হেন্না চাওনা মালেম অসিনা শরুক য়ানবা কন্দ্যুসিব রিফোর্মশিং অমসুং ফেসিলিতেসন মিজরশিং ভারতনা লাওথোক্লি৷ প্রধান মন্ত্রী শ্রী নরেন্দ্র মোদিনা ভারতকী মীয়ামগীদমক হোৎনরিবা অসিদা দিভেলপমেন্ত, গ্রোথ অমসুং প্রোস্পরিতী লৈনবা হোৎনরিবা অসি য়েংনবা ঐনা নঙবু কৌজরি৷”

পুন্সিগী, হিংনবগী অমসুং চাওখৎপগী মতাংদা পার্তনর্শিপ শেম্ননবা পাংথোক্লিবা পার্তনর্শিপ সম্মিত অসিদা শ্রী গোয়লনা অসুম্না ফোংদোকখ্রে মদুদি ঐখোয়গী ইকোনোমিক অমুক হন্না চাওখৎপা লম্বীদা পুরক্নবা অমসুং অনৌবা খুদোংচাবশিং হেন্না পুক্নিং থৌগৎনবা, মসিনা ঐখোয়গী জোইন্ত এন্দিভর অসিদা ঐখোয় পুম্নমকপু মতেং পাংলগনি৷ “ঐখোয়গী পান্দম অসি অৱাংবা থাক অমদা চাওখৎপা পুরকপা অদু খক্তা নত্তে, ২০২৫ ফাওবগী মনুংদা ত্রিলিয়ন $৫ লৈবা ইকোনোমী ওইরকপা ঙম্নবগী তার্গেৎ ফংবা অসিনি৷ মীয়ামশিংগী চাওখৎপগী লেভেল অসি হেঙ্গৎনবা ঐখোয়গী ইফর্ত অসিদা তোঙানবা তোঙানবা সেক্তরদা লৈরিবা হিস্তোরিক রিফোর্মশিং অসিনা লৈবাক অসি অফবা অমরোমদা পুরক্লগনি৷ অনৌবা মালেম অমদা চাওখৎন্ননবগীদমক অনৌবা ৱাখল্লোন অমসুং অনৌবা খুদোংচাবশিং লৈরমগনি হায়না ঐখোয়না থাজৈ৷ নাইতোম তানা তৌরগদি, ঐখোয়না খরা খজিক্তমক ফংবা ঙমগনি অমসুং ঐখোয়না পুল্লপ পুন্না তৌমিন্নরবদি মী অমগী খল্লম্লিবা অদুগী ৱাংমদা য়ৌবা ঙমগনি৷ মসিগী মতম অসি ভারতকী মতমনি, মসি ভারততা ঐখোয়গী প্রজেন্স অদু চাওথোক্নবা অমসুং ইনভেস্তমেন্তশিং থাদনবা চপ চারবা মতমনি৷ ভারত অসি খুদোংচাবা কয়ামরোমগী লৈবাক্নি৷”

*****