মাইনোরিতি এফেয়ার্সকী য়ুনিয়ন মিনিস্তর শ্রী মুক্তার অব্বাস নাগবিনা হায়খি কোরোনা লাইচৎ মনুংদা থৌনা, কৎথোকপা  অমসুং চেকশিনবগা লোয়ন্না সরকার, খুন্নাই, সেনিমা  অমসুং মেদিয়ানা ভারত্তা মরুওইবা থৌদাং অমা লৌরি। অৱাবা মনুং অসিদা ৱাখল তাহনবা অমসুং মরুওইবা পাউজেল পীবদা অতেনবা ফিল্মশিংনা মরুওইবা থৌদাং অমা লৌরি।

ঙসি নিউ দিল্লিদা এন.এম.দি.সি কনভেন্সন সেন্তরদা “ইন্তরনেসনেল কোরোনা ভাইরস সোর্ত ফিল্ম ফেস্তিবেল”দা ৱা ঙাংবদা শ্রী নাগবিনা হায়খি কোরোনা লাইচৎ মনুংদা মীয়াম ৱাখল তাহনবদা অতেনবা ফিল্মনা মরুওইবা থৌদাং লৌরি।

থৌরম অদুদা ইনফোর্মেসন অমসুং ব্রোদকাস্তিংগী য়ুনিয়ন মিনিস্তর শ্রী প্রকাস জাবরেকার, শক্নাইরবা ফিল্মগী মীওইশিং, তোঙান-তোঙানবা লৈবাকশিংগী দিপ্লোমেতশিং, পাউমীশিং, অখঙ-অহৈশিং অমসুং অতোপ্পা শক্নাইরবশিং শরুক য়াখি। “ইন্তরনেসনেল কোরোনা ভাইরস সোর্ত ফিল্ম ফেস্তিবেল”দা লৈবাক ১০৮তগী ফিল্ম ২৮০০ হেন্না শরুক য়াখি। হায়রিবা ফিল্মশিং অসি কোরোনা লাইচৎ মনুংদা অনাবা ফহনবা, চেকশিন-থৌরাং অমসুং পুন্সিশিংদা য়ুম্ফম ওইবনি।

শ্রী নাগবিনা হায়খি কোরোনা লাইচৎনা মরম ওইদুনা মতম শাংনা ফিল্ম নম্বা য়ৈথোকখি। অৱাবা তানফম অসিদা, অতেনবা ফিল্মশিংনা মীয়াম নুংঙাইহনবা খক নত্তনা কোরোনাগী শিংনবশিংগী মতাংদা মীয়াম ৱাখল তাহনখি। কোরোনা লাইচৎকী মতাংদা নিউজ চেন্নেলশিং, হরাও-কুহ্মৈগী চেন্নেলশিং, শান্ন-খোৎনবগী চেন্নেলশিং নৎত্রগা ললোন-ইতিক্কী চেন্নেলশিংনা শিংথাংনিঙাই ওইবা থৌদাং অমা লৌখি।

শ্রী নাগবিনা হায়খি লৈবাক অমদা অৱাবা তাবা মতমদা, সরকার, খুন্নাই, সেনিমা অমসুং মেদিয়ানা অপুনবা ওইনা পুকচেল শেংনবা লৈবাক্কী অমসুং মীওইবা খুন্নাইগী য়াইফনবা মখোয়গী লৌফম থোকপা থৌদাংশিং লৌরি হায়বসি পুৱারিনা খুদম অমা ওইরি।

মহাক্না হায়খি চহিচা কয়াগী মতুংদা মালেম শীনবা থুংনা কোরোনা লাইচৎকী মওংদা অসিগুম্বা অৱাবা অমা মায়োক্নরি। মীরোল কয়া অসিগুম্বা অৱাবা অমা থেংনখিদ্রি। ভারত্তা মপুংফারবা খুন্নাই  অমা, সরকার, সেনিমা অমসুং মেদিয়ানা অৱাবা অসিগী পাম্বৈ অমা পুথোক্নবা থৌদাং অমা লৌনবা ঐখোয়না উপ্না তাবা উনা লোংনা হাইদোক্তুনা হোৎনরি।

শ্রী নাগবিনা হায়খি হৌখিবা থা ১০ অসিদা লৈঙাক, খুন্নাই, সেনিমা অমসুং মেদিয়াগী থবক শুবগী চৎনবী, লমচৎ-শাজৎ অমসুং কৎথোকপদা অফবা অহোঙবা অমা লাক্লে। চৎন-কাংলোনশিং খক্তনা অহোঙবশিং অসি পুরকপা নত্তে, মীয়াম্না ৱারেপ লৌবদগী অহোঙবা পুরকপনি। ঙসিদি, কোরোনা লাইচৎ অসিদা, কাংলুপ খুদিংমক্না থবক শুবগী চৎনবী অমসুং পুন্সি মহিংদা অচৌবা অহোঙবা অমা উবা ফংলে।

শ্রী নাগবিনা হায়খি ভারতকী মীয়াম অপাকপা স্ক্রিন্দা খুন্নাইদা অফবা পাউজেল পীবা নুংঙাইবা ফিল্মশিং য়েংবদা ঙাউজৈ । ফিল্মশিং অমসুং মেদিয়া অসি ঐখোয়গী পুন্সিগী তৎন-থানবা য়াদ্রবা শরুক অমা ওইবা খক নত্তনা, মখোয়না খুন্নাইদা অকনবা ইথিল অমা পীরি। মসি কোরোনা লাইচৎ মনুংদা অতেনবা ফিল্মশিংনা উৎলে।

ইন্তরনেসনেল কোরোনা ভাইরস সোর্ত ফিল্ম ফেস্তিবেলদা ৱা ঙাংবদা ইনফোর্মেসন অমসুং ব্রোদকাস্তিংগী য়ুনিয়ন মিনিস্তর শ্রী প্রকাস জাবরেকারনা হায়খি কোরোনাভাইরসতা য়ুম্ফম ওইবা অতেনবা ফিল্মশিং উৎনবা ফিল্ম ফেস্তিবেল অমা পাংথোকপা অসি অঙকপনি। তোপিক অমদা ফেস্তিবেল অসিদা লৈবাক ১০৮কী ফিল্ম ২,৮০০ শরুক য়াবা অসি মীয়ামগী অঙকপা হৈশিংবগী খুদম অমনি। ফেস্তিবেল অশীন-অরাং তৌরিবশিং মিনিস্তরনা থাগৎখি। 

*****