প্রধানমন্ত্রীগী লোইশঙ
ক্লাইমেৎ এম্বিসন সমিৎতা প্রধান মন্ত্রীনা পীখিবা পাউজেলগী ৱারোল
Posted On:
12 DEC 2020 9:21PM by PIB Imphal
এক্সিলেন্সীশিং,
সমিৎ অসিনা ক্লাইমেৎ চেঞ্জগী মায়োক্তা চংশিল্লিবা ঐখোয়গী খ্বাইদগী মরুওইবা থোংথাং অমা ওইরিবা – পেরিস এগ্রীমেন্তকী মঙাশুবা কুমজা অদু পাংথোক্লি। ঙসি, ঐখোয়গী মিৎয়েংশিং অসুম অসুম ৱাংখৎহনবগা লোইননা, ঐখোয়গী হৌখ্রবা মিৎয়েং অদুসু কাওথোক্লোইদবনি। ঐখোয়গী অপাম্বশিং অদুবু নীংশিংবতা নত্তনা, হান্ননা ফংখ্রবা ঐখোয়গী পান্দমশিং অদুসু নীংশিংগদবনি। মদুতদা ঐখোয়গী খোঞ্জেল অসি লাক্কদৌরিবা মীরোলগীদমক থাজনীংঙাই ওইহনবা ঙমগদৌরিবনি।
ঐনা পুকচেল শেংনা মসি শিয়র তৌজরি মদুদি ভারতনা পেরিস এগ্রীমেন্তকী পান্দমশিং অদু ফংবতা নত্তনা খল্লম্বশিং অদুদগী হেন্দেক্লে। ঐখোয়গী থাদোকপগী চাং অদু ২০০৫দা ওইরম্বা অদুদগী ২৫% হন্থহল্লে। ঐখোয়গী সোলর কেপাসিতী অসি ২০১৪দা গিগাৱাৎ ২.৬৩ ওইরম্বদগী ২০২০দা গিগাৱাৎ ৩৬তা হেনগৎহল্লে। ঐখোয়গী রেন্যুএবল ইনর্জীগী কেপাসিতী অসি মালেমগী খ্বাইদগী চাউবা মরিশুবদা লৈরে।
মসি ২০২২গী মমাংদা গিগাৱাৎ ১৭৫ য়ৌগনি। অমসুং, ঐখোয়গী হৌজিক হেন্না নীংজরিবা পান্দম অমা লৈরে – ২০৩০ ফাওবদা রেন্যুএবল ইনর্জী মেগাৱাৎ ৪৫০ ওইহনবনি। ঐখোয়না ঐখোয়গী উমং পাকথোকহনবদসু মায় পাক্লে অমসুং ঐখোয়গী বাইওদাইবর্সিতী ঙাক-শেল্লি। অমসুং, মালেমগী থাক্তা, ভারতনা অচৌবা ইনিসিএতিব অনিদা মকোক থোংলিঃ
- ইন্তর্নেস্নেল সোলর এলাইন্স, অমসুং
- দিজাস্তর রেসিলেন্ত ইনফ্রাস্ত্রকচরগীদমক্তা কোলিসন।
এক্সিলেন্সীশিং,
২০৪৭তা, ভারতনা নীং খা তম্বা ভারতকী চহি ১০০শুবা থৌরম পাংথোক্কনি। মালেম অসিদা লৈরিবা ঐগী মরূপ পুম্নমক্তা, ঐনা ঙসি অচেৎপা ৱাশক অমা লৌজরি। চহি চাম্মা শুরবা ভারত অসিনা ঐখোয় ইশাগী পান্দমশিংদু ফংবতা নত্তনা, অদোমগী অনীংবা অদুসু থুংহনগনি।
অদোম্বু থাগৎচরি।
*****
(Release ID: 1680306)
Visitor Counter : 246
Read this release in:
Punjabi
,
Assamese
,
English
,
Urdu
,
Hindi
,
Marathi
,
Bengali
,
Gujarati
,
Odia
,
Tamil
,
Telugu
,
Kannada
,
Malayalam