ভারতকী হৌজিক নারিবা মীশিং তপ্না তপ্না হন্থরকপগী পরিংদা চৎলি‍। অপুনবা হৌজিক নারিবা মীশিং ঙসি ফাওবদা লাখ ৩.৬কী মখাদা (৩,৫৯,৮১৯)দা হন্থখ্রে‍।

ফীভম অসি ফগৎলকপনা নৌনা নারকপা মীশিংদগী হেন্দুনা চৎপা অমদি নোংমদা মীশিং য়ামদনা শিবনা অপুনবা হৌজিক নারিবা মীশিংদা হন্থরকপা অসিনা ওইহল্লকপনি‍। ভারতকী হৌজিক নারিবা মীশিং অসি ভারতকী অপুনবা নাখিবা মীশিংগী চাদা ৩.৬৬ খক্তমক ওইরি‍। হৌখিবা পুং ২৪দা মীওই ৩৩,৪৯৪ নৌনা ফগৎলকখিবা অসিনা অপুনবা হৌজিক নারিবা মীশিং ৩,৯৩০ তাথরকখিবনি‍।

হৌখিবা চয়োলদা লৈখিবা ফীভমনা খ্বাইদগী শাথিনা শোকহল্লবা স্তেত তরুক্তা নুংতিগী নৌনা নারকপা মীশিং তপ্না তপ্না হন্থরকপা উবা ফংই‍।

নুংতিগী নৌনা নারকপা মীশিংদগী নুংতিগী নৌনা ফগৎলকপা মীশিংনা হৌখিবা নুমিৎ ১৫নিসিদা হেন্দুনা লাক্লি‍। হৌখিবা পুং ২৪দা নৌনা নারকপা থেংনখিবা মীশিং ৩০,০০৬নি‍। অদুগা হায়রিবা মতমসিদা ফগৎলকখিবা অমদি দিসচার্জ তৌখ্রবা মীশিংনা ৩৩,৪৯৪নি‍।

ফগৎলকপা মীশিং অসুম অসুম ৱাংখৎলকপনা ঙসি ফগৎলকপগী চাং চাদা ৯৪.৮৯ ওইরে‍।

অপুনবা ফগৎলকখ্রবা মীশিং ৯৩,২৪,৩২৮ ওইরি‍। ফখ্রবা মীশিং অমদি হৌজিক নারিবা মীশিংগী মরক্তা লৈবা খেন্নবা হেনগৎলক্লি অমদি হৌজিক ৮৯,৬৪,৫০৯ ওইরি‍।

নৌনা ফগৎলকখিবা মীশিংগী চাদা ৭৪.৪৬তি স্তেত/য়ু.তি. ১০দা থেংনখি‍।

কেরলাদা মীওই ৪,৭৪৮ নৌনা ফগৎলক্তুনা নোংমদা খ্বাইদগী মশিং য়াম্না ফগৎলকপা ওইখি‍। ৱেস্ত বেঙ্গলদা মীওই ২,৮৭৩ অদুগা মহারাস্ত্রতা মীওই ২,৭৭৪ ফগৎলকখি‍।

নৌনা নারকখিবা মীশিংগী চাদা ৭৪.১৬দি স্তেত অমসুং য়ু.তি. ১০দগীনি‍।

কেরলানা মীওই ৪,৬৪২ নৌনা নারক্তুনা নোংমদা খ্বাইদগী য়াম্না নারকপা ওইখি‍। মদুগী মতুংদা মহারাস্ত্রদা মীওই ৪,২৬৮ নৌনা নারকখি‍। ৱেস্ত বেঙ্গলদা মীওই ২,৭৫৩ নৌনা নারকপা থেংনখি‍।

হৌখিবা পুং ২৪সিদা মীওই ৪৪২ শিখি‍।

নৌনা শিখিবা মীশিংগী চাদা ৭৮.০৫তি স্তেত/য়ু.তি. তরাদগীনি‍। মহারাস্ত্রতা খ্বাইদগী মীশিং য়াম্না (৮৭( শিখি‍। দিল্লী অমসুং ৱেস্ত বেঙ্গলদা মথংশিৎনা মীওই ৬০ অমসুং ৫০ শিদুনা মতুং ইনখি‍।

হৌখিবা নুমিৎ কয়ানিসিদা নুংতিগী শিবা মীগী মশিং চাং নাইন হন্থরক্লি‍। হৌখিবা নুমিৎ ৭নিদা নুংতিগী শিবা মীশিং ৫০০গী মখাদা ওইখি‍।

****