তামিল নাদু খক নত্তনা অতৈ স্তত পুম্বা নৌনা লাওথোকখিবা স্কীম “কেপিতেল এক্সপেন্দিচরগীদমক স্তেতশিংদা পীবা অখন্নবা মতেংগী স্কীম” অসিগী কান্নবা ফংখ্রে। স্কীম অসি ২০২০গী ওক্তোবরগী ১২দা ফাইন্স মিনিস্তরনা আত্মানির্ভর ভারতকী শরুক অমা ওইনা লাওথোকখিবনি।

স্কীম অসিনা পান্দম থম্লিবা অসি স্তেত সরকারনা কেপিতেল এক্সপেন্দিচর তৌবদা হন্দক চহিগী ওইনা কোবিদ-১৯ লায়চৎনা মরম ওইরদুনা শেলগী ওইবা মফমশিংদা অৱাবা মায়োক্নবা অসি কাপখৎনবনি। কেপিতেল এক্সপেন্দিচর অসি য়াম্না ৱাংনা হোংহল্লি, তুংগী ওইবা ইকোনোমীদা পুথোকপগী চাং অসি হেনগৎহল্লি, অসিনা ইকোনোমি অসি অৱাংবা থাক্তা চাওখৎপগী মরম ওইরি। মরম অদুনা, সেন্ত্রেল সরকারদা শেন-থুমগী ফিবম ফৎত্রবশু, স্তেত সরকারশিং অসিদা কেপিতেল এক্সপেন্দিচর অসিগীদমক, ফাইনান্সিএল ওইবা চহি ২০২০-২১গীদমক মতেং পীনবা ৱারেপ লৌরি।

স্কীম অসি স্তেত সরকারশিংনা য়াম্না তরাম্না ওক্লি। হৌজিক ফাওবদা ফাইনান্স মিনিস্ত্রীনা লুপা করোর ৯,৮৭৯.৬১গী শেনফম অমা স্তেত ২৭তা কেপিতেল এক্সপেন্দিচরগী অয়াবা পীখ্রে। স্কীম অসিগী মখাদা অহানবা ইন্সতোলমেন্ত ওইনা স্তেতশিংদা লুপা করোর ৪,৯৩৯.৮১ অমগী শেনফম হান্ননা থাদোকখ্রে। স্তেত খাইনা পীবা এল্লোকোসন, এপ্রোবেল গ্রান্তেৎ অমসুং ফন্দ থাদোকপা য়াওরি।

কেপিতেল এক্সপেন্দিচর প্রোজেক্ত অসি অয়াবা পীরিবা ইকোনোমিগী মফমশিংদি হকশেল, খুঙ্গং চাওখৎনবা, ঈশিং সপ্লাই, ঈশিং ঈথৈ, পাৱর, ত্রান্সপোর্ত, এজুকেসন, আরবান চাওখৎহনবা অসিনি।

স্কীম অসি শরুক অহুম থোক্না খাইদোকই. স্কীম অসিগী শরুক-১ অসি অৱাং-নোংপোক্কী মফমশিং কোল্লি। মসিগী শরুক অসিদা লুপা করোর ২০০ অসি অৱাং-নোংপোক্কী স্তেতশিং (আরুনাচল প্রদেশ, মেঘালায়া, মনিপুর, মিজোরাম, নাগালেন্দ, সিক্কিম অমসুং ত্রিপুরা) অসিদা পীগনি।

স্কীম অসিগী শরুক-২ অসিনা, শরুক-১দা য়াওদবা স্তেত পুন্বা। শরুক অসিগী শেনফম ওইনা লুপা করোর ৭,৫০০ পীরি। শেনফমশিং অসি স্তেতশিং অসিদা মখোয়গী চাংদা হায়বদি ২০২০-২১গী ১৫শুবা ফাইনান্স কম্মিসন পীরিবা অসিগী সেন্ত্রেল তেক্স অসিগী শরুক্তা পীগনি।

স্কীম অসিগী শরুক-৩ অসিনা পান্দম থম্লিবা অসি স্তেতশিং অসিগী সিতিজেন-সেন্ত্রিক শেমদোকপদা পীগনি। মসিগী শরুক অসিগী মখাদা লুপা করোর ২০০০গী শেনফম পীরি। মসিগী শেনফম অসি ফাইনান্স মিনিস্তরনা খন্দোক্লবা মসিগী লেত্তর তাং ২০২০গী মেগী ১৭ কী অহেনবা পুবগী অয়াবা পীরবা খক্তদা পীগনি। ৪শুবা শেমদোকপা অসি ৱান নেসন ৱান রাসন কার্দ, ব্যুজিনেস তৌবা লাইথোকহন্নবা শেমদোকপা, আর্বান লোকেল বোদী/য়ুতিলিতি শেমদোকপা অমসুং পাৱর সেক্তর শেমদোকপা অসিনি।

                        ********