(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• অপুনবা তেস্ত তৌবা মশিং কোতি ১৫ হেনখ্রে, হৌখিবা নুমিৎ ১০দা তেস্ত কোতি ১ পাংথোকখি
• হৌখিবা নুমীৎ ২৪নিসিদা লৈবাক অসিদা মীওই ৩১,৫২১ কোবিদ পোজিতিব ওইখি, হায়রিবা মতম অসিদা ৩৭,৭২৫ নৌনা ফগৎলকখিবগী রেজিস্তর তৌখি
• ফগৎলকপগী চাং চাদা ৯৪.৭৪দা হেনগৎলে
• ভারতকী অপুনবা পোজিতিব কেস চাদা ৩.৮১ খক্তমক ওইদুনা ভারতকী ওইনা হৌজিক এক্তিব কেসলোদ অসি ৩,৭২,২৯৩ ওইরি

ভারত্তা তেস্ত তৌবা অসি য়াম্না য়াংনা হেনগৎলক্লি; অপুনবা তেস্ত তৌবগী মশিং অসি করোর ১৫ লানখ্রে, হৌখিবা নুমীৎ ১০দা তেস্ত করোর ১ তৌখি, হৌখিবা নুমীৎ ১১দগী লেপ্তনা নুমীৎ-নুমীৎকী ওইবা অনৌবা কেস মশিং অসি ৪০,০০০দগী হন্থনা লৈরি, হৌখিবা নুমীৎ মঙানিগী ওইনা নুমীৎ-নুমীৎকী শিবগী রেকোর্দ অসি ৫০০দগী হন্থরে

মালেম অসিগী ওইবা তমথিরবা লায়চৎ অসি লান্থেংনবদা ভারতনা অনৌবা মশক থোকপা মায় পাকপা অমা পুরকখ্রে। অপুনবা তেস্ত তৌবগী মশিং অসি করোর ১৫ লানখ্রে। ভারতকী অপুনবা তেস্ত তৌবা অসি ১৪,০৭,৫৯,৭২৬ ওইবা অসিদা হৌখিবা পুং ২৪সিদী সেম্পল ৯,২২,৯৫৯ তেস্ত তৌখি। অকোনবগী করোর অমা অসি নুমীৎ ১০নিদা হেনগৎখিবনি। তুং কোইবা মওংদা নিংথিনা অমদি পাক-শন্না তেস্ত তৌখিবা অসিনা পোজিতিব ওইবগী চাং অসি হন্থহল্লে। অতোপ্পা অখন্নবা মায়কপা অমা ওইনা ভারত্তা নুমীৎ-নুমীৎকী ওইবা অনৌবা কেস অসি নুমীৎ তরামাথোইনি লেপ্তনা ৪০,০০০দগী হন্থবগী পাও ফংলি। হৌখিবা নুমীৎ ২৪নিসিদা লৈবাক অসিদা মীওই ৩১,৫২১ কোবিদ পোজিতিব ওইখি। ভারত্তসু হায়রিবা মতম অসিদা ৩৭,৭২৫ নৌনা ফগৎলকখিবগী রেজিস্তর তৌখিবা অসিনা এক্তিব কেসলোদ অসি হন্থহল্লে। ভারতকী অপুনবা পোজিতিব কেস চাদা ৩.৮১ খক্তমক ওইদুনা ভারতকী ওইনা হৌজিক এক্তিব কেসলোদ অসি ৩,৭২,২৯৩ ওইরি। অপুনবা ফগৎলকখিবা কেস অসি ঙসি লাখ ৯২.৫(৯২,৫৩,৩০৬) লানখ্রে। লায়েংদুনা ফগৎলকখিবা কেসশিং অমদি এক্তিব ওইবা কেসশিংগী মরক্কী খেৎনবা অসি তপ্না-তপ্না হেনগৎলক্লি অমদি হৌজিক ৮,৮৮১,০১৩দা লৈরি। রাজ্য/য়ুনিয়ন তেরিতোরী তরাগী অনৌবা ফগৎলকখিবা কেস মশিং অসি চাদা ৩০ ওইরে। মহারাস্ত্রদা কোবিদনা নাবদগী মীওই ৫,০৫১ উখি। কেরলা অমসুং দিল্লীদা মথংশিৎনা ৪,৬৪৭ অমদি ৪,১৭৭ অনৌবা ফগৎলকখিবগী পাও ফংখি। রাজ্য/য়ুনিয়ন তেরিতোরী তরাদা অনৌবা কেস চাদা ৭৪.৬৫ ওইখি। হৌখিবা পুং ২৪দা মহারাস্ত্রনা অনৌবা কেস ৪,৯৮১ রিপোর্ত তৌরকখি। নুমীৎ-মুমীৎকী ওইবা কেস অসি ঙরাং কেরলাগী ওইনা ৪,৮৭৫ ওইখিবা মতমদা নোংচুপ-বঙ্গালগী ওইনা ২,৯৫৫ রিপোর্ত তৌরকখি। রাজ্য/য়ুনিয়ন তেরিতোরী তরাদা হৌখিবা পুং ২৪সিদা শিখিবগী কেস ৪১২গী চাদা ৭৭.৬৭ ওইবগী পাও ফংখি। মহারাস্ত্রদা মীওই ৭৫ শিখিবগী রিপোর্ত পীরকখিবা অসিদগী অনৌবা শিখিবগী চাদা ১৮.২০ ওইরি। দিল্লীদসু অতোপ্পা মীওই ৫০ শিখিদুনা শিখিবা মী মশিংগী চাদা ১২.১৩ ওইরি। হৌখিবা নুমীৎ মঙানিসিদা নুমীৎ-নুমীৎকী ওইবা শিখিবা মী মশিং অসি ৫০০দগী হন্থরে।

অকুপ্পা ৱারোলগীদমক :

পি.এম.না অনৌবা পর্লিয়মেন্ত বিল্দিংগী উরেপ-উয়ুং তমখ্রে

প্রধান মন্ত্রী শ্রী নরেন্দ্র মোদীনা ঙসি অনৌবা পর্লিয়মেন্ত বিল্দিংগী উরেপ-উয়ুং তমখ্রে। অনৌবা বিল্দিং অসি আত্মনির্ভর ভারতকা শাগোন্নরিবা শরুক অমনি অমসুং নীং খা তম্লবা মতুংদা আহানবা ওইনা মীয়ামগী পর্লিয়মেন্ত শানবগী চাউরবা খুদোংচাবা অমা ওইরগনি, মসিনা ২০২২দা নীং খা তম্বগী চহি ৭৫শুবা থৌরমদা ‘ন্যু ইন্দিয়া’গী তঙাইফদবশিং অমসুং অনীংবা-অপাম্বশিংগা চুশিন্নরগনি। থৌরম অদুদা ৱা ঙাংলদুনা প্রধান মন্ত্রীনা হায়খি মদুদি ঙসিগী থৌরম অসি ভারত মচাশিংগী ৱাখল্লোন্না থল্লবা ভারতকী দিমোক্রেসীগী পুৱারীদা মরুওইবা থৌরম অমনি। মহাক্না হায়খি মদুদি ভারতকী পর্লয়মেন্ত হাউস শাবা হৌবা অসি ঐখোয়গী দিমোক্রেসীগী চৎনবীগী খ্বাইদগী মরুওইবা তাঙ্কক অমনি। মহাক্না লৈবাক মীয়ামদা হায়খি মদুদি পুন্না অমত্তা ওইনা পর্লিয়মেন্তকী অনৌবা বিল্দিং অসি শামিন্নসি। মহাক্না হায়খি মদুদি ভারতনা নীং খা তম্বগী চহি ৭৫শুবা থৌরম পাংথোকপদা ঐখোয়গী পর্লিয়মেন্তকী অনৌবা বিল্দিং অসিদগী হেন্না ফজবা অমসুং হেন্না শেংবা অতৈ অমমুক লৈররোই। মহাক্না হায়খি মদুদি অনৌবা পর্লিয়ামেন্ত হাউস্তা এম.পি.শিংগী থবক-থৌরমদা লাইহনগদবা অনৌবা পোৎলম কয়া হাপকনি। মহাক্না হায়খি মদুদি করিগুম্বা অরিবা হাউস্না নীং খা তম্লবা মতুংদা ভারত্তা লম্বী তাকখিবা ওইরবদি, অনৌবা হাউ্স অসিনা লৈবাক অসিদা ‘আত্মনির্ভর’ ওইনবগী শাখি ওইরগনি। করিগুম্বা অরিবা হাউস্তা লৈবাক অসিগী তঙাইফদবশিং মপুং ফাহন্নবা থবক তৌবা তারগদি, ২১শুবা চহি চাগী ভারতকী অনীংবা-অপাম্বশিং অদু অনৌবা হাউস অসিনা মপুং ফাহনগনি।

অকুপ্পা ৱারোলগীদমক :

অনৌবা পর্লিয়মেন্ত বিল্দিংগী উরেপ-উয়ুং তম্বগী থৌরমদা পীখিবা পি.এম.গী ৱারোল

অকুপ্পা ৱারোলগীদমক :

দাঃ হার্শ বর্ধন্না ৬শুবা ইন্দিয়া ইন্তরনেস্নেল সাইন্স ফেস্তিবেল ২০২০গী শরক অমা ওইনা আই.সি.এম.আর.-নেস্নেল ইন্সতিত্যুৎ ওফ রিসর্স ইন ত্রাইবেল হেলথনা জাবলপুরদা পাংথোকখিবা ভর্চুএল ওইবা মাইখুম হাংদোকপগী থৌরমদা দিজিতেল ওইনা ৱা ঙাংখি

হেলথ অমসুং ফেমিলি ৱেলফিয়র, সাইন্স অমসুং তেক্নোলোজি, অমসুং আর্থ সাইন্সকী য়ুনিয়ন মিনিস্তর দাঃ হার্শ বর্ধন্না ৬শুবা ইন্দিয়া ইন্তরনেস্নেল সাইন্স ফেস্তিবেল ২০২০ (আই.আই.এস.এফ.-২০২০)কী শরক অমা ওইনা আই.সি.এম.আর.-নেস্নেল ইন্সতিত্যুৎ ওফ রিসর্স ইন ত্রাইবেল হেলথনা জাবলপুরদা পাংথোকখিবা ভর্চুএল ওইবা মাইখুম হাংদোকপগী থৌরমদা দিজিতেল ওইনা ৱা ঙাংখি। ৬শুবা আই.আই.এস.এফ.-২০২০ অসি কাউন্সিল ওফ সাইন্তিফিক অমসুং ইন্দস্ত্রীএল রিসর্স (সি.এস.আই.আর.)না ইন্দিয়ন কাউন্সিল ওফ মেদিকেল রিসর্স (আই.সি.এম.আর.), দিপার্তমেন্ত ওফ সাইন্স অমসুং তেক্নোলোজি (দি.এস.তি.), মিনিস্ত্রী ওফ আর্থ সাইন্স (এম.ও.ই.এস.), দিপার্তমেন্ত ওফ বাইওতেক্নোলোজি (দি.বি.তি.) অমসুং ভিজনানা ভারাতি (ভি.আই.বি.ঐচ.এ.)গা খুৎশম্নদুনা শিনবনি। মহাক্না ৱা ঙাংলদুনা, দাঃ হার্শ বর্ধন্না হায় মদুদি, “২০১৫দা লিংখৎখিবা আই.আই.এস.এফ. অসিনা ঐখোয়গী প্রজাগী পুন্সি মহিং অসি ফগৎনবা সাইন্স অমসুং মসিগী শিজিন্নফম অসি চাওখৎপা অসি উৎতুনা লৈ। অসিগুম্বা আই.সি.এম.আর. – এন.আই.আর.তি.ঐচ., জাবলপুরনা শিনবা মাইখুম হাংদোকপগী থৌরম অসিদা শরুক য়াদুনা ফম্বা অসি য়াম্না লেমজনিঙাইনি”।

অকুপ্পা ৱারোলগীদমক :

লুপা করোর ৬,০০০কী ৬শুবা ইন্সতোলমেন্ত অসি স্তেতশিংদা মথং মথং ওইনা লোন্দা জি.এস.তি.কম্পেসেসন্দা পুৎথখিবা মেনখৎনবা থাদোরক্লি

ফাইনান্স মিনিস্ত্রীনা চয়োলগী ওইবা ইন্সতোলমেন্ত ওইনা স্তেশিংদা লুপা করোর ৬,০০০ অমা জি.এস.তি.কম্পেসেসন্দা পুৎথখিবা মেনখৎনবা থাদোরক্লি। মসিগী মনুংদা লুপা করোর ৫,৫১৬.৬০ অমগী শেনফম অমনা স্তেত ২৩দা থাদোকখ্রে অমসুং লুপা করোর ৪৮৩.৪০ অমনা য়ু.তি. ৩দা লেজিসলেতিব এসেমব্লি (দিল্লী, জম্মু অমসুং কাশ্মির অমসুং পুদুচেরী) হায়রিবা অসি জি.এস.তি.কাউন্সিল ওইরিবা অসিগা লোয়ননা লৈরিবা অসিদা থাদোরক্লি। লেমহৌরিবা স্তেত মঙা হায়বদি অরুনাচল প্রদেশ, মনিপুর, মিজোরাম, নাগালেন্দ অমসুং সিক্কিম অসিদা জি.এস.তি.গী রেবিন্যুদা অৱাৎপা লৈত্রী। ভারত সরকারনা হায়রিবা শেনফম অসি স্তেতশিং অমসুং য়ু.তি.শিংগীদমক অখন্নবা ৱিন্দো বোরোৱিং অমদা জি.এস.তি. একাউন্তদা পারিবা পুত্থরিবা লুপা করোর ১.১০ অসি মেনখৎনবনি। হন্দক্কী চয়োল অসিদা থাদোরক্লিবা শেনফম অসি স্তেতশিংদা পীবা ৬শুবা ইন্সতোলমেন্ত ফন্দনি। হন্দক্কী চয়োল অসিদা পুরিবা শেনফম অসি শেন্দোই চাংচৎতা ৪.২০৮৯%নি। হৌজিক ফাওবদা সেন্ত্রেল সরকারনা পুরিবা শেনফম লুপা করোর ৩৬,০০০ অসি অখন্নবা বোরোৱিং ৱিন্দো অমগী মখাদা চাংচৎতা শেন্দোই ৪.৭১০৬% অসিদা পুবনি।

অকুপ্পা ৱারোলগীদমক :

নবেম্বর থা ফাওবদা এম.এস.এম.ই.শিংদা লুপা কোতি ২১০০০ হেন্না পেমেন্ত তৌহনখিবা অমসুং প্রোক্যোর্মেন্ত ৱাংনা তৌহনখিবা কন্সর্তেদ ইফর্তশিংবু এফ.এম.না থাগৎখ্রে

এম.এস.এম.ই.শিংদা পেমেন্ত থীবগী ফিভম অদু শেল-থুমগী কেন্দ্রগী মন্ত্রী শ্রীমতি নির্মলা সিথারমননা য়েংশিনখ্রে অমসুং এম.এস.এম.ই. মন্ত্রালয় অসিনা পাংথোক্লিবা অফবা থবক অসিদা অপেনবা নুংঙাইবা ফোংদোকখ্রে৷ ভারতকী প্রধান মন্ত্রীগী ভিজনগী শরুক অমা ওইনা ২০২০গী মে থাদা শেল-থুমগী মন্ত্রী অসিনা অত্ম নির্ভর ভারত পেকেজ লাওথোকখ্রে অমসুং এম.এস.এম.ই. দ্যুশিং অদু নুমিৎ ৪৫নিগী মনুং অসিদা পীথোক্কদবনি হায়না ফোংদোকখ্রে৷ ২০২০গী মে থাদগী হৌদুনা হায়রিবা দ্যুশিং অসি পীখৎলক্নবা ভারত সরকারনা মরু ওইনা এম.এস.এম.ই. মন্ত্রালয়না চাং নাইনা ইনগদবা অমসুং কন্সর্তেদ ইফর্তশিং শেমখ্রে৷ এম.এস.এম.ই.শিংদা দ্যুশিং পীখৎলক্নবগীদমক সেন্ত্রেল পব্লিক সেক্তর এন্তরপ্রাইজেস(সি.পি.এস.ই.শিং) অমসুং কেন্দ্র সরকারগী এজেন্সীশিং অসিদা অখন্নবা মীয়েং থমখ্রে৷ মসিনা মরম ওইরগা এম.এস.এম.ই. দ্যুগী লুপা কোতি ২১০০০ হেনবা শেনফম ২০২০গী মে থাদগী হৌদুনা থা ৭ অসিদা কেন্দ্র সরকারগী এজেন্সীশিং অমসুং সি.পি.এস.ই.শিং অসিনা থীরকখ্রে৷ ওক্তোবর থাদা লুপা কোতি ৪১০০ হেন্না পেমেন্ত তৌদুনা অমসুং লুপা কোতি ৫১০০ হেন্না প্রোক্যোর্মেন্ত তৌদুনা প্রোক্যোর্মেন্তগী খ্বাইদগী ৱাংবা লেভেল অদু য়ৌবা ঙমখি৷ ২০২০গী নবেম্বর থাগী অহানবা নুমিৎ ১০নি অসিদা লুপা কোতি ৪০০০রোমগী পেমেন্ত তৌরকখিবা অমসুং লুপা কোতি ৪৭০০রোমগী শেনফম প্রোক্যোর্মেন্ত তৌরকখি হায়না ফংলিবা রিপোর্তকী মতুং ইন্না মসিগী পর্ফোমেন্স অসি হেল্লগনি হায়না থাজনরি৷

অকুপ্পা ৱারোলগীদমক :

লাক্কদৌরিবা কম্পিতিতিব অমসুং বোর্দ এগজামশিং অসিগীদমক কেন্দ্রগী এদজুকেসন মন্ত্রীনা ওজাশিং, মমা-মপাশিং অমসুং মহৈরোইশিং ভর্চুয়েল্লী ওইনা উন্নখ্রে

লাক্কদৌরিবা কম্পিতিতিব অমসুং বোর্দ এগজামশিং অসিগী য়েংলগা কেন্দ্রগী এদজুকেসন মন্ত্রী শ্রী রামেশ পোখ্রিয়াল ‘নিশঙ্ক’না লৈবাক অসি শিনবা থুংনা ওজাশিং, মমা-মপাশিং অমসুং মহৈরোইশিং অসিগা ভর্চুয়েল্লী ওইনা উন্নখ্রে৷ পুং ১রোমগী চাংদা উন্নখিবা অদুদা মন্ত্রী অসিনা স্কুল এগজামিনেসনশিং, এন্ত্রান্স এগজামিনেসনশিং অসিগী মতাংদা মহৈরোইশিং অসিনা খঙনিংলিবা ময়াম অদুগী মতাং ফোংদোকখ্রে৷ থৌরম অসিদা ৱা ঙাংলদুনা মহৈরোইশিং অসিনা ২০২০গী নেস্নেল এদজুকেসন পোলিসী অসিগী ব্রান্দ এম্বাসেদরশিংনা হায়না শ্রী প্রোখ্রিয়ালনা ফোংদোকখ্রে৷ পোলিসী অসি মাই পাকপা অমা ওইননবা ঐখোয় পুম্নমক অমতা ওইনা হোৎনমিন্নবা তঙাই ফদে হায়না ফোংদোকখ্রে অমসুং হায়রিবা পোলিসী অসি মাই পাক্না চৎননবা মহাক্না মহৈরোইশিং অমসুং ওজাশিং অসিগী কোওপরেসন নিখ্রে৷ মহৈরোইশিংনা মখোয়গী নোর্মেল স্কুল মতম অদুদা অথুবা মতমদা হঞ্জিল্লক্লনি হায়না থাজবা থমদুনা মহৈরোইশিং অসিনা কোবিদগী চেকশিন থৌরাং অমসুং গাইদলাইনশিং ইন্দুনা মখোয় মখোয়গী মহৈ তম্লিবা অদু লেপ্পা লৈতনা হোৎননবা মন্ত্রী অসিনা মখোয়দা হায়খ্রে৷ মহৈরোইশিং অসিগী মতাংদা ৱা ঙাংলদুনা মহাক্না অসুম্না ফোংদোকখ্রে, মসিগী মতম অসি মহৈরোইশিংনা মরুপ-মপাংশিংদা চিথী ইদুনা পাউ ফাওনখিবা পেন ফ্রেন্দ কল্চর অদু অমুক হিংগৎহনবদা শিজিন্নবা য়ারগনি৷ হৌজিক চৎনরিবা এস.এম.এস. অমসুং ৱাতচএপ অসিগী মথক্তা মরুপ-মপাংশিংদা অসিগুম্না চিথী ইবা অসিনা হেন্না নুংঙাইবা অমসুং অপেনবা ফাওহল্লি৷ মসিনা মহৈরোইশিং অসিগী ইবগী স্কিল অদু হেন্না ফহল্লগনি হায়না মহাক্না ফোংদোকখি৷

অকুপ্পা ৱারোলগীদমক :

হজ ২০২১গী এপ্লিকেসন ফোর্মশিং পীশিনবগী অরোইবা মতম অদু ২০২১গী জনুৱারী ১০ ফাওবা শাংদোকখ্রে

হজ ২০২১গী এপ্লিকেসন ফোর্মশিং পীশিনবগী অরোইবা মতম অদু ২০২১গী জনুৱারী ১০ ফাওবা শাংদোকখ্রে হায়না মাইনোরিতী এফিয়র্স্কী কেন্দ্রগী মন্ত্রী শ্রী মুখতার অবাস নাখবিনা ফোংদোকখ্রে৷ হজ পিলগ্রিম অমগী এম্বার্কেসন পোইন্তস-ৱাইজ ইস্তিমেতেদ কোস্ত অদুসু হন্থখ্রে৷ ঙসি মুম্বাইদা লৈরিবা হজ হাউস অসিদা ভারতকী হজ কম্মিতীগী মীফম অমদা থৌরম মপু ওইরুরবা মতুংদা শ্রী নাখবিনা প্রেস কনফরেন্স অমদা ৱা ঙাংখ্রে৷ ঙসি ২০২০গী দিসেম্বরগী তাং ১০ অসি হজ ২০২১গী এপ্লিকেসন ফোর্মশিং পীশিনবগী অরোইবা মতমনি হায়না লৈরম্বা অদু হৌজিক্তি মতম অসি ২০২১ জনুৱারী ১০ ফাওবা শাংদোক্লে হায়না শ্রী নাখবিনা ফোংদোকখ্রে৷ হৌজিক ফাওবদা “মেহরাম” কাংলুপকী মখাদা লৈতবা নুপী ৫০০ হেনবগী এপ্লিকেসনশিং য়াওনা হজ ২০২১গীদমক থাজিল্লকখ্রে৷ লাইনা-লাইচৎ অসিগী চেলেঞ্জশিং অসিগী এস্পেক্ত পুম্নমক য়েংদুনা মাইনোরিতী এফিয়র্স, এক্সতর্নেল এফিয়র্স, সিভিল এবিয়েসনগী কেন্দ্রগী মন্ত্রালয়শিং; ভারতকী হজ কম্মিতী; সাউদি এরাবিয়াদা লৈরিবা ইন্দিয়ন এম্বেসী অমসুং জেদ্দাহদা লৈরিবা ভারতকী কন্সল জেনেরল অমসুং অতোপ্পা এজেন্সীশিং অসিগী মনুংদা য়াম্না কুপ্না খন্নরবা মতুংদা হজ ২০২১ গী প্রোসেস অসি শেমখিবনি হায়না শ্রী নাখবিনা ফোংদোকখ্রে৷

অকুপ্পা ৱারোলগীদমক :

পি.আই.বি. ফিল্দ ওফিসশিংদগী ফংবা পাউ

•           অসাম: অসামদা ঙরাং পোজিতিব ওইবগী চাং ০.৫১% ওইখিবগা লোইননা তেস্ত ২৮,৮৯৬ পাংথোকখিবগী মনুংদা ১৪৬ পোজিতিব ওইবা থেংনখি অদুগা পেসেন্ত ১৭৮ দিসচার্জ তৌখি। অপুনবা কেসশিং – কেস ২১৪১৬৫ লৈখি মসিগী মনুংদা ফগৎখিবশিংনা ৯৭.৮৮% ওইখি অমসুং এক্তিব কেসশিংনা ১.৬৫% ওইখি।

•          সিক্কিম: অনৌবা কেস ২৪ থেংনখিবগা লোইননা সিক্কিমগী কোবি-১৯গী মশিং অদু ৫,২৩৯ য়ৌখ্রে। দিসচার্জ তৌখিবা পেসেন্তসিংগী মসিং অদু হোসপিতাল অমসুং হোম আইসোলেশনদগী পেসেন্ত ১৯ থাদোরকখিবগা লোইননা ৪,৬৬১দা ফগৎলকখ্রে।হৌজিক রাজ্য অসিদা নোভেল কোরোনাভাইরসকী েক্তিব কেস ৩৬৮ লৈরি।

•          কেরলা: কোবিদ লাইচৎ অমসুং মসিবু থিংনবা অহকপা পাম্বৈশিংগী মরক্তা ভোতরশিংনা কেরলা লোকেল বোদী ইলেক্সনগী অনিশুবা তাঙ্কক্তা সেন্ত্রেল দিস্ত্রিক্ত মঙাদা পোলিং বুথশিংদা থোমজিনখি। মফম কয়া অমদা য়াম্না য়াংনা পোলিং তৌবা থেংনখি, মসিনা ভোত থাধবগী চাং অদু ৭০% হেনখি। রাজ্য অসিদা মীওই ৪,৮৭৫ অমুক কোবিদ-১৯ পোজিতিব ওইবা থেংনখি। কোবিদনা মরম ওইরগা শিখিবশিংগী মশিং অদু ২.৫০৭ য়ৌখ্রে। হৌজিক তেস্ত পোজিতিব ওইবগী চাং অসি ৯.২৬নি।

•          তামিল নাদু: তামিল নাদুগী ইলেক্ত্রিসিতীগী দিমান্দ অদু মমাংগী চহিদা চপ আমন্নবা মতমদা লৈখিবা ৮,২৬৬ মিলিয়ন য়ুনিৎশিং অদুদগী হন্দক্কী চহি অসিদা ওক্তোবরদা য়ুনিৎ ৯,০৮৬তা ৯%গী চাংদা দিমান্দ হেনগৎলকখি, হায়রিবা অসি কোবিদ-১৯ শন্দোরকপা থিংনবা  মার্চতা লোকদাউন থমখ্রবা মতুংদা অহানবা ওইনা পোজিতিব গ্রোথ লৈখি। মরক অসিদা তামিল নাদুদা এক্তিব কোবিদ-১৯ কেসশিংগী মশিং অদু য়ুমশকৈশা নুমিত্তা ১০,৪৯১দা হন্থরকখি অদুগা অনৌবা কেস ১,২৩২ অমসুং ১৪ শিখিবা লৈখি। কেসশিংগী মশিং অদু ৭,৯৪,০২০ য়ৌখ্রে অমসুং শিখিবশিংগী অপুনবা মশিং অদু ১১,৮৩৬ য়ৌখ্রে।

•          কর্নাতকা: কর্নাতকাদা ঙরাং অনৌবা কেস ২৭৯ থেংনখি, দিসচার্জ ৩২১৮ তৌখি অমসুং ২০ শিখি। পোজিতিব কেসশিংগী অপুনবা মশিং অদু ৮,৯৬,৫৬৩ ওইখি অদুগা এক্তিব কেসশিংগী মশিংনা ২৩,০৫৬ ওইখি। শিখিবশিং: ১১,৯০০; দিসচার্জ তৌখিবশিং: ৮,৬১,৫৮৮।

•          অন্ধ্র প্রদেশ: সরকারগী গাইদলাইনশিং ঙাক্না চত্তুনা, জিলাশিংদা লৈরিবা ওফিসিয়েলশিংনা ভেক্সিনশিং কাপ্নবা শেম-শাখ্রে। মন্দল অমসুং তাউনগী থাক্তা কমিতীশিংসু শেমখ্রে। চিত্তুর জিলাদা, দি.এম.অমসুং ঐচ.ও.না ই-ভি.আই.এন. এপ (ইলেক্ত্রোনিক ভেক্সিন ইন্তেলিজেন্স নেতৱার্ক)তা ভেক্সিন কোল্দ চেন হেন্দলরশিংগীদমক্তা নোংমগী ওইবা ত্রেনিং কেমপ অমা পাংথোকখ্রে।

•          তেলঙ্গনা: তেলঙ্গনাদা হৌখিবা পুং ২৪দা অনৌবা কেস ৬৪৩ থেংনখি, ৮০৫ ফগলকখি অমসুং ২ শিখিবা থেংনখি। অপুনবা কেসশিং: ২,৭৫,৯০৪, এক্তিব কেসশিং: ৭,৪৯৭, শিখিবশিং: ১৪৮২, দিসচার্জ তৌখিবশিং: ফগৎলকপগী চাং চাদা ৯৬.৪৭ ওইখিবগা লোইননা ২,৬৬,৯২৫ দিসচার্জ তৌখ্রে।

•          মহারাস্ত্র: মহারাস্ত্রগী হেল্থ সেক্রেতরী প্রদীপ ৱ্যাসনা খঙহল্লকখি মদুদি মী ১৬,০০০কী মথক্না ভেক্সিন দিস্ত্রিব্যুতর ওইনা কো-ৱিন পোর্তলদা মখোয়গী মমীংশিং অদু রেজিস্তর তৌরকখি অদুগা লাখ অমা ময়া নক্না বেনিফিসরীশিং ওইনা রেজিস্তর তৌরকখি। রাজ্য অসিগী সাইবর সেলনসু ওর্গনাইজ ক্রাইম নেতৱার্কশিংনাভেক্সিন সপ্লাই চেনশিং অসি তার্গেত তৌরবা য়াই অমসুং আইন্না য়াদবা অমসুং নম্থাক্কী পোৎলমশিং য়ৌল্লদুনা চিংননিংঙাই ওইবা ৱেবসাইত কয়া অমা শেম্লবা য়াই হায়না ফোংদোরকখি।

•          গুজরাত: গুজরাত্তা, দিৱালিগী কুম্হৈগী মতুংদা কোবিদ-১৯গী কেসশিং হেনগৎলক্লবা মতুংদা, হৌজিক অনৌবা কেসসিংগী মশিং অদু তপ্না হন্থরক্লি। হৌখিবা পুং ২৪গী মনুংদা থেংনখিবা কোবিদ-১৯গী অনৌবা কেসশিং অদু ১,৪০০গী মখাদা লৈখি। রাজ্য অসিদা লৈরিবা এক্তিব কেসশিংগী মশিং অদু ১৪,০২৭নি।

•          রাজস্থান: রাজস্থানদা য়ুমশকৈশা নুমিত্তা কোবিদনা মরম ওইরগা ১৭ অমুক লৈখিদ্রে, মসিনা শিখিবশিংগী মশিং অদু ২,৮৪৫ য়ৌহনখ্রে, অদুগা ইনফেক্সনগী মশিং অদু অনৌবা কেস ১,৫১১ ।ঐখিবগা লোইননা ২,৮৫,৬২৭ য়ৌহনখ্রে। রাজ্য অসিগী এক্তিব কোবিদ কোবিদ-১৯ কেস ১৯,৭৯২ লৈরি।

•          মধ্য প্রদেশ: য়ুমশকৈশা নুমিত্তা মধ্য প্রদেশতা কোরোনাভাইরসকী অনৌবা পোজিতিব কেস ১,২৭২ থেংনখি, মসিনা রাজ্য অসিগী ইনফেক্সনগী মশিং অদু ২,১৮,৫৭৪ য়ৌহনখি। রাজ্য অসিদা ভাইরস অসিনা মীওই নিপানগী পুন্সি অমুক লৌখিবগা লোইননা, শিখিবশিংগী মশিং অদু ৩,৩৬৬দা হেনগৎখি। রাজ্য অসিদা লৈরিবা এক্তিব কেসশিংগী মশিং অদু ১৩,২২১ ওইখি।

ফেক্ত চেক

*****