জল শক্তি মন্ত্ৰালয়
ৰাষ্ট্ৰীয় জল বঁটা-২০২০ৰ বাবে আবেদন আহ্বান জল শক্তি মন্ত্রালয়ৰ
আবেদন পত্ৰ পূৰণৰ অন্তিম দিন ১০ ফেব্ৰুৱাৰী,২০২১
Posted On:
09 DEC 2020 4:21PM by PIB Guwahati
জলসম্পদ ব্যৱস্থাপনাৰ ক্ষেত্ৰত উল্লেখযোগ্য কাম কৰা ব্যক্তি তথা সংস্থাক উত্সাহিত কৰা আৰু স্বীকৃতি প্ৰদানৰ উদ্দেশ্যে কেন্দ্রীয় জলশক্তি মন্ত্রালয়ৰ জল সম্পদ, নদী বিকাশ তথা গংগা সংৰক্ষণ বিভাগে ৰাষ্ট্ৰীয় জল বঁটা ২০২০ৰ বাবে আবেদন পত্র আহ্বান কৰিছে। মুঠ ১১ টা বিভাগত এই বঁটা প্ৰদান কৰা হ’ব।
বিভাগসমূহ হৈছে
১) শ্ৰেষ্ঠ ৰাজ্য।
২) শ্ৰেষ্ঠ জিলা (পাঁচটা মণ্ডলত দুটাকৈ মুঠ দহটা বঁটা দিয়া হ’ব)
৩) শ্ৰেষ্ঠ গাঁও পঞ্চায়ত (পাঁচটা মণ্ডলত ৩টাকৈ মুঠ ১৫টা বঁটা দিয়া হ’ব)
৪) শ্ৰেষ্ঠ পৌৰ সভা
৫) শ্ৰেষ্ঠ প্রচাৰ মাধ্যম (সংবাদপত্র আৰু বৈদ্যুতিন প্রচাৰ মাধ্যম)
৬) শ্ৰেষ্ঠ বিদ্যালয়
৭) শ্ৰেষ্ঠ প্রতিষ্ঠান
৮) শ্ৰেষ্ঠ উদ্যোগ
৯) শ্ৰেষ্ঠ এনজিঅ’
১০) শ্ৰেষ্ঠ জল ব্যৱহাৰকাৰী সংগঠন
আৰু ১১) চিএছআৰ কাৰ্যকলাপৰ বাবে শ্ৰেষ্ঠ উদ্যোগ।
শ্ৰেষ্ঠ জিলা, শ্ৰেষ্ঠ গাঁও পঞ্চায়ত শাখাত বঁটাসমূহ উত্তৰ, দক্ষিণ, পূৱ, পশ্চিম আৰু উত্তৰ-পূৱৰ বাবে পৃথককৈ দিয়া হ’ব।
মুঠ ১১টা বিভাগত ৫২ টা বঁটা প্ৰদান কৰা হ’ব।
শ্ৰেষ্ঠ ৰাজ্য আৰু জিলাৰ বাহিৰে বাকী ৯টা শাখাত প্রথম, দ্বিতীয় আৰু তৃতীয় বঁটা হিচাপে দুই লাখ, ডেৰ লাখ আৰু এক লাখ টকা দিয়া হ’ব।
আবেদন পত্র জমা দিয়াৰ অন্তিম দিন ১০ ফেব্রুৱাৰী,২০২১।
আবেদন পত্র জমা দিব লাগিব মাই গভ প্লেটফর্মৰ ৱেবছাইট নাইবা চেণ্ট্ৰল গ্রাউণ্ড ৱাটাৰ বর্ডৰ ইমেইল আইডিত। কেৱল অনলাইন আবেদনহে গ্ৰহণ কৰা হ’ব।
*********
BY/MG/AS /KG
(Release ID: 1679644)
Visitor Counter : 125