(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• লৈবাক অসিগী এক্তিব কেসলোদ অসি ৩,৭৮,৯০৯দা লৈরি
• অপুনবা পোজিতিব কেস্তা এক্তিব কেসকী শরুক অসি মখা তানা ৩.৮৯%দা হাইথরক্লি
• হৌখিবা পুং ২৪গী মনুংদা পোজিতিব ওইবা মীওই ৩২,০৮০ থেংনরি, হায়রিবা মতম অসিমক্তদা ইন্দিয়াগী ওইনা অনৌবা ফগৎলকপা ৩৬,৬৩৫ অমা রেজিস্তর তৌরি
• ইন্দিয়াগী ওইনা অপুনবা তেস্ত তৌবা চৎথরকপা অসি করোর ১৫ (১৪,৯৮,৩৬,৭৬৭)রোম লৈরি
• ঙসিগী ওইনা জাতিগী পোজিতিবকী চাং অসি ৬.৫০%তা লৈরি
• অনাবা ফগৎলকপা অসিগী চাং অসিসু ৯৪.৬৬%দা হেনগৎলক্লি

অপুনবা কেস মশিংদগী ৪% তাদুনা, ইন্দিয়াগী এক্তিব কেসলোদ লাখ ৩.৭৮ লেপ্পা লৈতনা হন্থরক্লি, নুমিৎ খুদিংগী পোজিতিবকী চাং অসি ৩.১৪%দা লেংদনা লৈরি, স্তেত/য়ু.তি.শিং ১৯অসিদা চয়োলগী ওইনা পোজিতিব ওইবগী চাং অসি লৈবাক্কী ওইবা চাংচৎ অসিদগী হেন্না লৈরি

হৌজিক ওইরিবা ইন্দিয়াগী অপুনবা এক্তিব কেস হন্থরকপা অসি লেপ্পা লৈতনা চৎথরি। লৈবাক অসিগী এক্তিব কেসলোদ অসি ৩,৭৮,৯০৯দা লৈরি। অপুনবা পোজিতিব কেস্তা এক্তিব কেসকী শরুক অসি মখা তানা ৩.৮৯%দা হাইথরক্লি।

নুংতিগী ফগৎলকপগী চাং অসিনা নুংতিগী অনৌবা কেসশিং অসিদগী হেন্দুনা অপুনবা ওইনা এক্তিব কেসলোদ হন্থরকপা অসি শোইদনা লৈরি। পুং ২৪ অসিগী মনুংদা অপুনবা এক্তিব কেসলোদ অসি ৪,৯৬৭ কেস্তা হন্থরকপগী রেকোর্দ লৈরি। ইন্দিয়াদা পুং ২৪ অসিগী মনুংদা নুংতিগী ওইবা ফগৎলকপা অসিনা নুংতিগী ওইবা অনৌবা কেস্তগী হেন্দুনা চৎলি। মরক অসিদা পুং ২৪ অসিগী মনুংদা পোজিতিব ওইবা মীওই ৩২,০৮০ থেংনরি, হায়রিবা মতম অসিমক্তদা ইন্দিয়াগী ওইনা অনৌবা ফগৎলকপা ৩৬,৬৩৫ অমা রেজিস্তর তৌরি। ইন্দিয়াগী ওইনা অপুনবা তেস্ত তৌবা চৎথরকপা অসি করোর ১৫ (১৪,৯৮,৩৬,৭৬৭)রোম লৈরি। নুমিৎ খুদিংগী তেস্ত মিল্লিয়ন অমা তৌনবগী ৱাফম ঙাক্লদুনা, পুং ২৪ অসিদা সেম্পল ১০,২২,৭১২ তেস্ত তৌখ্রে। ইন্দিয়াগী তেস্ত তৌফম মফমশিং অসি মশক থোক্না লেব ২,২২০ লৈবাক শিনবা থুংনা উবা ফংলি। চাংচৎতা লাখ ১০ হেন্না নুমিৎ খুদিংগী তেস্ত চৎথদুনা পোজিতিবগী চাং অসি নেম্না থম্লি অমসুং হৌজিক্কী ওইনা হায়থরক্লি। ঙসিগী ওইনা পোজিতিবকী চাং অসি ৬.৫০% তা লৈরি। নুতিগী ওইবা পোজিতিবকী চাং অসি ৩.১৪%দা লৈরি। তেস্ত তৌবগী চাং অসি হেনগৎলকপনা পোজিতিবকী চাং অসি নেম্না লৈরি। স্তেত/য়ু.তি.শিং ১৯অসিদা চয়োলগী ওইনা পোজিতিব ওইবগী চাং অসি লৈবাক্কী ওইবা চাংচৎ অসিদগী হেন্না লৈরি। উত্তর প্রদেশনা তেস্ত করোর ২ হেন্না তৌদুনা খ্বাইদগী ৱাংনা তেস্ত তৌবা ওইরি। বিহার, তামিল নাদু, কর্নাতকা, মহারাস্ত্রা অমসুং অন্ধ্র প্রদেশ হায়রিবা স্তেতশিং অসি তেস্ত করোর অমগী মথক্তা তৌদুনা খ্বাইদগী ৱাংবা ওইরি। অনাবা ফগৎলকপা অসিগী চাং অসি ৯৪.৬৬%দা হেনগৎলক্লি। অপুনবা ফগৎলকপা অসি ঙসি লাখ ৯২ (৯২,১৫,৫৮১) য়ৌখ্রে। অনৌবা ফগৎলকপা ৭৬.৪৭% কেস অমদি স্তেত/য়ু.তি.শিং ১০অসিদা উবা ফংলি। মহারাস্ত্রানা নোংমগী নুমিৎতা অনৌবা অনাবা ফগৎলকপা কেস ৬,৩৬৫ লৈদুনা খ্বাইদগী য়াম্বগী রিপোর্ত লৈরি। পুং ২৪ অসিদা কেরলাদা মীওই ৪,৭৩৫ ফগৎলকপা অমসুং দিল্লীদা ৩,৩৯৬ ওইদুনা মতুংদা লৈরি। অনৌবা কেসশিং ৭৫.১১% অমদি স্তেত/য়ু.তি.শিং ১০অসিদা উবা ফংলি। কেরলাদা ৫,০৩২ ওইদুনা অনৌবা কেসকী খ্বাইদগী ৱাংবা রিপোর্ত লৈরি। মতুংদা মহারাস্ত্রানা অনৌবা কেস ৪,০২৬ ওইদুনা চৎলি। পুং ২৪ অসিদা অশিবগী কেস ৪০২গী রিপোর্ত লৈরি। স্তেতশিং/য়ু.তি.শিং ১০ অসিদা নৌনা অশিবা ৭৬.৩৭% লৈরি।

অকুপ্পা ৱারোলগীদমক :

পি.এম.না দিসেম্বর ১০, ২০২০দা অনৌবা পার্লিয়ামেন্ত বিল্দিংগী উরেপ উয়ুং তমগনি

প্রধান মন্ত্রী শ্রী নরেন্দ্র মোদীনা নই দিল্লীগী সন্সদ মার্গতা দিসেম্বর ১০, ২০২০দা অনৌবা পার্লিয়ামেন্ত বিল্দিংগী উরেপ উয়ুং তমগনি। অনৌবা বিল্দিং অসি ‘আত্মানির্ভর ভারত’কী মঙলানগী মরু ওইবা শরুক অমনি অমদি নীংখা তম্লবা মতুংদা অহানবা ওইনা মীয়ামগী পার্লিয়ামেন্ত শাবগী খুদোংচাবা ফংবগী মরু ওইবা তানফম অমা ওইরগনি, মসিনা ২০২২দা নীংখা তম্বগী ৭৫শুবা চহিগী ‘অনৌবা ভারত’কী তঙাই ফদবশিং অমসুং অনীংবশিং অদু থুংহল্লগনি। অনৌবা পার্লিয়ামেন্ত বিল্দিং অসি মতমগা চুনবা, খ্বাইদগী নৌবা অমসুং ইনর্জী চাদবা ওইগনি লোইননা হৌজিক লৈরিবা পার্লিয়ামেন্ত অসিগা থংননা ত্রাইএঙ্গুলরগী মওং ওইবা বিল্দিং ওইনা য়াম্না নন-ওবত্রুসিব সেক্যুরিতী ফেসিলিতীশিং ওইনা শাগনি। লোক সভা অসি হৌজিক লৈরিবা অসিগী শরুক ৩ হেন্না চাউরগনি অমসুং লোক সভানা হেন্না চাউখৎলগনি। বিল্দিং অসিগী ইন্তেরিয়রশিং অসিনা ঐখোয়গী রিজনেল আর্তশিং, ক্রাফশিং, তেক্সতাইলশিং অমসুং আর্কিতেকচরগী অপুনবা ভারতকী কলচর অমসুং দাইভর্সিতী অসি উৎকনি।

অকুপ্পা ৱারোলগীদমক :

হকশেল অমসুং হিদাক লাংথক্কী লমদা তেংবাংননবা ভারত অমসুং সুরিনামগী মরক্তা ইনখিবা য়ানচে মন্ত্রী মন্দলনা অয়াবা পীখ্রে

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা হকশেল অমসুং হিদাক লাংথক্কী লমদা মতেং পাংননবা রিপব্লিক ওফ ইন্দিয়া লৈঙাক অমসুং রিপব্লিক ওফ সুরিনাম লৈঙাক অনিগী মরক্তা ইনখিবা য়ানচেবু অয়াবা পীখ্রে‍। নাকল অনিগী ওইবা য়ানচে অসিনা ভারতকী হকশেল অমসুং য়াইফ-য়ুম্বাল মন্ত্রালয় অমদি সুরিনেম লৈঙাক্কী হকশেল মন্ত্রালয় অনিগী মরক্তা হকশেলগী লমদা পুন্না পায়খৎমিন্নবা থৌরাং অমসুং তেক্নোলোজী শেমগৎমিন্নদুনা মতেং পাংনবদা পুক্নিং থৌগৎলগনি‍। মসিনা ভারত অমসুং সুরিনেম অনিগী মরক্তা লৈনরিবা মরী হেন্না মপাঙ্গল কনখৎহনগনি‍। মসিনা মীয়ামগী হকশেলগী সিস্তেমদা খঙ-হৈবশিং তাথোক তাশিন তৌনদুনা অমদি তোঙান তোঙানবা মরী লৈনবা লমশিংদা থিজিনমিন্নবা হেনগৎহন্দুনা আত্মনিরভর ভারত (মরোমদোম লেপচবা ভারত) ফংনবগী লম্বীদা চঙশিনহনগনি‍।

অকুপ্পা ৱারোলগীদমক :

অওনবা পুরকপগা মরী লৈনবা শেল পুবগী অয়াবা পীখিবনা স্তেতশিংদা মীয়ামগী তোঙান তোঙানবা অওনবা পুরকপা ঙম্লে

শেলথুমগী মচাকশিং শীজিন্নবদা কোবিদ-১৯ লাইচৎনা পীরিবা শিংনবা অসিগী য়েংলগা ভারত লৈঙাক্না তোঙান তোঙানবা থৌরাংশিংগী খুত্থাঙদা স্তেতশিংগী মপাঙ্গল কনখৎহল্লে‍। মসিদা ইং ২০২০-২১দা গ্রোস স্তেত দোমেস্তিক প্রদক্ত (জি.এস.দি.পি.)গী চাদা ২গী অহেনবা শেন্ফম পুবা য়াবগী অয়াবা পীবা য়াওরি‍। মসিনা স্তেতশিংদা লাইচৎ অসি থেংননবা অমদি মীয়ামদা সর্ভিস পীবগী মতিং চাং কায়দনা থম্নবা অহেনবা শেলথুমগী মচাকশিং শীজিন্নবা ঙমহল্লি‍। অদুম ওইনমক অশাংবা মতমগী দেব্ত সস্তেনেবিলিতী লৈনবা অমদি তুংদা খুদোং চাদবা ফীভম থোরক্তনবা অহেনবা শেন্ফম পুবগী শরুক অমদি মীয়ামদা সর্ভিস য়ৌহন্নবগী মরুওইবা সেক্তরশিংদা অওনবা পুরক্লিবা স্তেতশিংদা মরী লৈনহল্লি‍। অওনবা পুরক্নবা শকখঙলবা সেক্তরশিংগী মরক্তা অমদি পব্লিক দিস্ত্রিব্যুসন সিস্তেম্নি‍। জি.এস.দি.পি.গী চাদা ২গী অহেনবা শেন্ফম পুবগী অয়াবগী মনুংদা চাদা ০.২৫তি “ৱন নেসন ৱন রেসন কার্দ সিস্তেম” চৎনহনবগী মরী লৈনহল্লি‍। মসি নেসনেল ফুদ সিক্যুরিতী এক্ত (নফসা) অমদি অতৈ য়াইফ-থৌরাংগী স্কিমশিংগী বিনিফিসিয়রীশিং, মরুওইনা লংফৈদা লৈবা শিন্মীশিং অমদি মখোয়গী ইমুং মনুংশিংদা লৈবাক শিনবা থুংবদা লৈরিবা ফেয়র প্রাইস সোপশিংদগী চেং-হৱাই লৈবা য়াহন্নবনি‍। পুরক্নিংলিবা অওনবা অসিগী অতৈ পান্দমশিংদি হেন্না ফবা মওংদা বিনিফিসিয়রীশিং তার্গেত তৌদুনা, শাজিন্নবা/অনি থোকপা/ চৎনবা য়ারোইদবা রেসন কার্দশিং লৌথোক্তুনা য়াইফ থৌরাং হেনগৎহন্নবা অমদি পোৎ মাঙবা হন্থহন্নবনি‍।

অকুপ্পা ৱারোলগীদমক :

মন্ত্রী মন্দলনা আত্মানির্ভর ভারত রোজগার য়োজনা (এ.বি.আর.ৱাই.) অয়াবা পীখ্রে

প্রধান মন্ত্রী শ্রী নরেন্দ্র মোদীনা ময়াইগী তাংবল লৌখিবা কেন্দ্রগী মন্ত্রী মন্দলগী মীফমনা ফোর্মেল সেক্তরদা থবক পীবা হেনগৎহন্নবা অমসুং আত্মানির্ভর ভারত পেকেজ ৩.০গী মখাদা কোবিদ রিকবরী ফেজ মনুংদা অনৌবা থবক্কী খুদোংচাবশিং পীবদা পুক্নিং থৌগৎনবা ‌আত্মানির্ভর ভারত রোজগার য়োজনাগী (এ.বি.আর.ৱাই.) অয়াবা পীখ্রে। চৎলিবা শেনবা চহি অসিগী ওইনা লুপা করোর ১,৫৮৪ অমসুং স্কীম অসিগী অপুনবা মতম হায়বদি ২০২০-২০২৩ ফাওবগী লুপা করোর ২২,৮১০ চাদিং তৌবগী অয়াবা পীখ্রে।

অকুপ্পা ৱারোলগীদমক :

পার্তনর্স ইন পোপুলেসন অমসুং দিভেলপমেন্ত(পি.পি.দি.)না শিন্দুনা পাংথোকখিবা ইন্তর মিনিস্তিরিয়েল কনফরেন্স অসিদা দা. হার্শ বর্ধননা দিজিতেল্লী ওইনা ৱা ঙাংখ্রে

পার্তনর্স ইন পোপুলেসন অমসুং দিভেলপমেন্ত(পি.পি.দি.)না শিন্দুনা পাংথোকখিবা ইন্তর মিনিস্তিরিয়েল কনফরেন্স অসিদা হকশেল অমসুং য়াইফ য়ুম্বালগী কেন্দ্রগী মন্ত্রী দা. হার্শ বর্ধননা ঙরাং ভিদিও কনফরেন্সিংগী খুৎথাংদা মফম অসিদা দিজিতেল্লী ওইনা ৱা ঙাংখ্রে৷

অকুপ্পা ৱারোলগীদমক :

আয়ুশ মিনিস্ত্রী অমসুং এ.আই.আই.এম.এস.না ইন্তেগ্রেতিব মিদিসিনগী দিপার্তমেন্ত অমা লিংখৎনবগীদমক পুন্না থবক তৌনবা ৱারেপ লৌখ্রে

আয়ুশ মিনিস্ত্রী অমসুং এ.আই.আই.এম.এস.না ইন্তেগ্রেতিব মিদিসিনগী দিপার্তমেন্ত অমা এ.আই.আই.এম.এস.তা লিংখৎনবা পুন্না থবক শুবা হৌনবা ৱারেপ লৌখ্রে। হায়রিবা অসি নই দিল্লীগী, এ.আই.আই.এম.এস.তা আয়ুশকী সেক্ত্রেতরী, বাইদ্যা রাজেশ কোতেচা অমসুং সেন্তর ফোর ইন্তেগ্রেতিব মিদিসিন অমসুং রিসর্স (সি.আই.এম.আর.)গী এ.আই.আই.এম.এস.কী দাইরেক্তর, দাঃ রান্দীপ গুলেরিয়া লোয়ননা পুন্না উন্নবা অমসুং হন্না য়েংশিনবা অমদা ৱারেপ অসি লৌখিবনি। সি.আই.এম.আর.না আয়ুশ মিনিস্ত্রীগী সেন্তর ওফ এক্সেল্লেন্সকী মখাদা মশক থোক্লবা মতেং ফংলি। দাঃ গৌতম শর্ম্মা, সি.আই.এম.আর.গী মকোক অমসুং আয়ুশ মিনিস্ত্রীগী মকোক থোংবা ওফিসরশিংনা হায়রিবা উন্নবা অসিদা শরুক য়াখি। য়োগা অমসুং আয়ুর্বেদাগী লমদা সি.আই.এম.আর.না পায়খৎপা য়াম্না খুমাং চাওশিনবা রিসর্সশিং অসি হন্না য়েংশিনখি অমসুং রিসর্সশিং অসিনা পুথোরকপশিং অসি য়াম্না পুক্নিং হুখি। আয়ুশ মিনিস্ত্রী অমসুং এ.আই.আই.এম.এস.না সি.আই.এম.আর.তা খুশম্নদুনা তৌরিবা রিসর্সশিং অসিগী মতম শাংদোক্নবা ৱারেপ লৌখি অমসুং খুৎশম্নদুনা পায়খৎলিবা থবকশিং অসি চাওথোকহনখি।

অকুপ্পা ৱারোলগীদমক :

অয়ুশ মন্ত্রালয় অমসুং আই.সি.সি.আর.না মালেম শিনবা থুংনা য়োগ শন্দোক্নবা জোইন্ত ইফর্তশিং নিংথীজনা অমসুং হেন্না পাকথোক চাওথোকহনগদৌরি

মালেম শিনবা থুংনা য়োগ শন্দোক্নবগীদমক ঙসি ন্যু দিল্লীদা অয়ুশ মন্ত্রালয় অমসুং ইন্দিয়ন কাউন্সিল ফোর কল্চরেল রিলেসন্স(আই.সি.সি.আর.)গী মরক্তা পাংথোকখিবা কোলাবোরেসন এক্তিবিতীশিংগী হাই লেভেল মীফম অমদা য়োগ অসি মালেম শিনবা থুংনা তোঙান তোঙানবা লৈবাকশিং অসিদা শন্দোক্নবা জোইন্ত ইফর্তশিং অদু হেন্না কন্না হোৎননবা ৱারেপ তাখ্রে৷ রিভিয়ু অদু আই.সি.সি.আর.গী প্রসিদেন্ত দা. ভিনে সহাসরবুধি অমসুং অয়ুশ মন্ত্রালয়গী সেক্রেতরী বাইদিয় রাজেশ কোতিচানা খুৎশম্নদুনা শিনখিবনি৷ মালেম অসি শিনবা থুংনা ওথেন্তিক য়োগ অসি শন্দোক্নবা য়োগ সর্তিফিকেসন বোর্দ(ৱাই.সি.বি.)গী ফ্রেমৱার্ক সর্তিফিকেসন অদু শিজিন্ননবা ৱারেপ তাখ্রে৷ অয়ুশ মন্ত্রালয়গী মখাদা লৈরিবা ইন্সতিত্যুসন অনি য়োগ সর্তিফিকেসন বোর্দ(ৱাই.সি.বি.) অমসুং মোরার্জি দেসাই নেস্নেল ইন্সতিত্যুত ওফ য়োগ (এম.দি.এন.আই.ৱাই.)না য়োগ অসি মালেম শিনবা থুংনা শন্দোক্নবা আই.সি.সি.আর.গা তোঙান তোঙানবা পার্তনরশিপশিং শেমখ্রে৷

অকুপ্পা ৱারোলগীদমক :

ই.এস.আই.সি.না শিন্মীদা হেন্না ফরবা হিদাক-লাংথক্কী কান্নবা পীনবা মপুং ওইবা পোলিসিগী খোঙথাং লৌখৎখ্রে

এমপ্লোইজ স্তেত ইন্সুরেন্স কোরপোরেসন (ই.এস.আই.সি.)না ঙরাং লেবর অমসুং এমপ্লোইমেন্ত (আই./সি.)গী মিনিস্তর ওফ স্তেতকী চেয়রমেনশীপকী মখাদা পাংথোকখিবা ১৮৩শুবা মিতিং অসিগী মনুংদা শিন্মীদা হেন্না ফবা হিদাক-লাংথক্কী কান্নবা পীনবা অমসুং অতৈ অতোপ্পা কান্নবা কয়া অমা পীনবা মরুওইবা ৱারেপ কয়া অমা লৌখ্রে। ইন্সুর ওইরিবা শিন্মীশিংগী হিদাক-লাংথক্কী কান্নবা পীনবা অমসুং মখোয়দা তাংদুনা লৈরিবশিং অসিদা ই.এস.আই.গী মখাদা স্তেত সরকারনা চলাইবা হোস্পিতাল অমসুং দিস্পেনসরিশিংগী খুত্থাংদা পীরি। হৌজিক্কী ওইনা চাওরাক্না ই.এস.আই. দিস্পেনসরিশিং ১৫২০ অমসুং হোস্পিতাল ১৫৯ লৈবাক অসিদা লৈরি, মসিগী মনুংদা দিস্পেনসরিশিং ৪৫ অমসুং হোস্পিতাল ৪৯ অমদি থকথেংননা ই.এস.আই.সি.না থবক তৌবনি অমসুং লেমহৌরিবা দিস্পেনসরিশিং অমসুং হোস্পিতালশিং অসিনা স্তেত সরকারনা তৌবনি।

অকুপ্পা ৱারোলগীদমক :

পি.আই.বি. ফিল্দ ওফিসশিংদগী ফংবা পাউ

•           অসাম: অসামদা পোজিতিব ওইবগী চাং চাদা ০.৪৭% ওইখিবগা লোইননা তেস্ত ১৯,৯৯৫ পাংথোকখিবগী মনুংদা কেস ৯৪ থেংনখি অদুগা পেসেন্ত ১০২ দিসচার্জ তৌখ্রে। অপুনবা কেস ২,১৪,০১৯ ওইখি, মসিগী মনুংদা ফগৎখিবশিংনা ৯৭.৮৬% ওইখি অমসুং এক্তিব কেসশিংনা ১.৬৭% ওইখি।

•          সিক্কিম: অনৌবা কেস ১৩ লৈখিবগা লোইননা সিক্কিমগী কোবিদ-১৯গী অপুনবা মশিং অদু ৫,২১৫ য়ৌখ্রে।

•          কেরলা: অনিশুবা তাঙ্কক্কী লোকল বোদী পোলশিং অদু রাজ্য অসিদা হয়েং পাংথোক্কদবা লৈবনা, হেল্থ দিপার্তমেন্ত ওফিসিয়েলশিংনা ঙরাং পাংথোকখিবা ভোতিংগী অহানবা তাঙ্কক অদুদা কোবিদকী প্রোতোকোলশিং ঙাক্না চৎপদা লৈখিবা অশোইবশিং অদু শেমদোক্কদবনি হায়না খঙহল্লকখ্রে। ঙরাং পুন্না অনৌবা কেস ৫.০৩২ অমসুং ৪৭৩৫ ফগৎখিবা লৈখি। খ্বাইদগী নৌবা তেস্ত পোজিতিব ওইবগী চাং অসি ৮.৩১%নি।

•          তামিল নাদু: তামিল নাদুদা লৈবাকপোকপা নুমিত্তা কোবিদ-১৯গী অনৌবা কেস ১,২৩৬ থেংনখি, মসিনা ইনফেক্সনগী অপুনবা মশিং অদু ৭,৯২,৭৮৮তা য়ৌহনখ্রে, অদুগা ১৩ অমুক লৈখিদবগা লোইননা শিখিবশিংগী মশিং অদু ১১,৮২২দা য়ৌহনখ্রে। ফরবা মতুংদা হেল্থ কেয়র ফেসিলিতীশিংদগী মীওই ১,৩৩০ দিসচার্জ তৌখিবগা লোইননা অনৌবা ইনফেক্সনশিংগী মশিংদগী ফগৎলকখিবশিংগী মশিংনা লেপ্তনা হেনগৎলক্লি, মসিনা অপুনবা মশিং অদু ৭,৭০,৩৭৮ য়ৌহনখ্রে হায়না হেল্থ দিপার্তমেন্ত বুলেতিন্না হায়খি।

•          কর্নাতকা: কর্নাতকা সরকারনা কর্নাতকা এপিদেমিক এক্ত ২০২০ চৎনহনখ্রে, মসিনা এক্ত অসি খোংগাওনবগীদমক্তা পেনল্তীশিং থিহন্নবগী প্রোভিজনশিং পী। চৎনহনখিবা লো অসিগী মতুং ইন্না লোকল ওথোরিতীশিংনা নন এ.সি. পার্তী হোলশিং, দিপার্তমেন্তেল স্তোরশিংগীদমক্তা লুপা ৫০০০গী ফাইন থিহনবা য়াই অমসুং এ.সি. পার্তী হোলশিং অমসুং ওর্গনাইজেশনশিংগীদমক্তসু লুপা ১০,০০০। রাজ্য সরকারনা কোবিদ তেস্ত তৌবগী মমল অদু মখাতানা হন্থহনখ্রে। লনাইগী হোসপিতালশিংদা কোবিদ তেস্ত তৌনবগীদমক্তা অচংবা মমল অদু লুপা ৮০০দা লেপখ্রে।

•          অন্ধ্র প্রদেশ: অনাবনা মরম ওইরগা হৌজিক ফাউবদা হোসপিতালশিংদা মীওই ৫৮৩ এদমিত তৌখ্রে. মসিগী মনুংদা ৪৭০ দিসচার্জ তৌখ্রে অমসুং পেসেন্ত কুন অমদি হেন্না ফনা লাইয়েংনবগীদমক্তা ৱিজয়াৱাদা অমসুং গুন্তুর হোসপিতালশিংদা সিফ তৌখ্রে। হৌজিক ফাওবদা অমা শিখিবা থেংনখি। ওল ইন্দিয়া ইন্সতিত্যুত ওফ মেদিকেল সাইন্সেস (এ.আই.আই.এম.এস.), নই দিল্লীদগী তীম অমনা পীরকপা প্রিলিমিনরী রিপোর্তনা  ব্লদ সেমপল খরদা লীদ অমসুং নিকেলগী খুদম খরা য়াওবা থেংনখি।

•          তেলঙ্গনা: কোবিদ-১৯ ভেক্সিনগীদমক্তা তান্নবা হেনগৎলক্লবদা, সরকারনা ভাইরস অসিগী এন্তিদোৎ অমা পুথোক্নবা ভারতকী ওইনা মাংজিল থাদুনা হোৎনরিবা বায়োতেক কমপনীশিংদা ফোরেন এনভোইশিংনা চৎনবা শিনখ্রে। এম.ই.এ.না দিসেম্বর ৯দা হাইদ্রবাদকী ভারত বায়োতেক অমসুং বায়োলোজিকেল ইদা হেদ ওফ মিশন (ঐচ.ও.এম.) ৬০গী মথক্তা পুখি। মরক অসিদা, তেলঙ্গনাদা হৌখিবা পুং ২৪দা অনৌবা কেস ৭২১ থেংনখি, ৭৫৩ ফগৎখি অমসুং ৩ শিখি; অপুনবা কেসশিং: ২,৭৫,২৬১, এক্তিব কেসশিং: ৭,৬৬১, শিখিবশিং: ১৪৮০, দিঢসচার্জ তৌখিবশিং: ফগৎলকপগী চাং চাদা ৯৬.৬৭ ওইখিবগা লোইননা ২,৬৬,১২০ দিসচার্জ তৌখ্রে, অদুগা লৈবাক্কী অপুনবগী ফগৎলকপগী চাংনা চাদা ৯৪.৬ ওইখি।

•          মহারাস্ত্র: ঔরাঙ্গাবাদতা লৈরিবা মালেম শিনবা থুংনা ফাওরিবা তুরিজম সাইতশিং অদু হয়েংদগী বিজিতরশিংগীদমক্তা অমুক হন্না হাংদোক্লগনি। মুম্বাইগী অনৌবা কেসশিং অদু লিশিং অমগী মখাদা লৈখি। লৈবাকপোকপা নুমিত্তা ৫৬৫ ফগৎখিবা অমসুং ৭ শিখিবদা নত্তনা অনৌবা কেস ৫৮৫ থেংনখি। নুমিৎ অসিমক্তদা পুনে সার্কলনা অনৌবা কেস ৭৪৯ অমসুং ২০ শিখিবা থেংনখি। 

•          গুজরাত: এহমদাবাদতগী খ্বাইদগী য়াম্না অনৌবা কেস ২৯৪ থেংনখি, অদুগা সুরত্তগী অনৌবা কেস ২১৪ থেংনখি। ফগৎলকপগী চাং অসি হেনগৎলকখ্রে অমসুং চাদা ৯১.৭০ য়ৌখ্রে।

•          রাজস্থান: রাজ্য অসিদা ফগৎলকপগী চাং চাদা ৯১.৭৮দা হেনগৎলকখ্রে। লৈবাকপোকপা নুমিত্তা জিলা মরি খক্তদা কো ১০০গী মথক্তা থেংনখি। জয়পুরদা অনৌবা ইনফেক্সন ৪৬৫কী মথক্তা থেংনখি, জোধপুরদা ১৮৭, অজমেরদগী ১৪০ অমসুং উদয়পুরদগী কেস ১৩৪ থেংনখি। জয়পুরদা থেংনকিবা এক্তিব কেশিংগী মশিং অদু ৯,০০০দা হন্থখ্রে। জিলা ৯দা লৈখিবা অনৌবা পেসেন্তশিংগী মশিং অদু ১০ দগী তাখি।

•          মধ্য প্রদেশ: য়ুমশকৈশা নুমিত্তা ইন্দোর জিলাদা (অনৌবা কেস ৫০৯) লৈখি মথংদা ভোপাল জিলা (অনৌবা কেস ৩১৭) অমসুং গ্বালিয়র (কেস ৭৪)।

•          ছত্তিসগর: য়ুমশকৈশা নুমিত্তা খ্বাইদগী য়াম্বা কেস অদু রায়পুর জিলাদা লৈখি (অনৌবা কেস ১৭৯), মথংদা দুর্গ জিলাদা (অনৌবা কেস ১৩৫) অমসুং মদুগী মথংদা জঞ্জগির – চম্পা জিলাদা (অনৌবা কেস ১০৯) থেংনখি।

•          গোৱা: রাজ্য অসিদা ফগৎলকপগী চাং অসি চাদা ৯৫.৮৯ য়ৌখ্রে।

ফেক্ত চেক

*****