মন্ত্রীমন্দল
অৱাং-নোংপোক লমদমগী কমপ্রেহেন্সিপ তেলিকোম দিবলপমেন্ত প্লানগী মখাদা অরুনাচল প্রদেস অমসুং অসামগী জিলা অনিদা মোবাইল ফংহন্নবগীদমক য়ুনিভর্সেল সর্বিস ওব্লিকেসন ফন্দ স্কিম মন্ত্রীমন্দলনা অয়াবা পীরে
Posted On:
09 DEC 2020 3:44PM by PIB Imphal
অৱাং-নোংপোক লমদমগী কমপ্রেহেন্সিপ তেলিকোম দিবলপমেন্ত প্লান(সি তি দি পি)গী মখাদা অরুনাচল প্রদেস অমসুং অসামগী জিলা অনি হায়বদি কার্বি অংলোং অমসুং দিমা হাসাওদা মোবাইল ফংহন্নবগীদমক য়ুনিভর্সেল সর্বিস ওব্লিকেসন ফন্দ(য়ু এস ও এফ)স্কিম পায়খৎনবা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।
চহি মঙা থবক পাংথোকপদা চঙগদবা শেনফমশিং য়াওনা চাউরাক্না লুপা করোর ২,০২৯ চঙনা পায়খৎকদৌরিবা প্রোজেক অসিনা মোবাইল ফংদ্রিবা খুঙ্গং ২৩৭৪(অরুনাচল প্রদেসতা ১৬৮৩ অমসুং অসামগী জিলা অনিদা ৬৯১)দা মোবাইল নেতৱার্ক ফংহন্নবা পান্দম থম্লি।
প্রোজেক অসিগী শেনফম য়ুনিভর্সেল সর্বিস ওব্লিকেসন ফন্দনা পুথোক্কনি। প্রোজেক অসি দিশেম্বর,২০২২দা লোইশিন্নবা পান্দম থম্লি।
য়ু.এস.ও.এফকী থবকশিংগী মতুংইন্না ওপন কম্পেতিতিপ বিদ্দিং থৌরাংগী মখাদা মশক খঙদোক্লবা নেতৱার্ক ফংদ্রিবা খুঙ্গংশিংদা ৪জি মোবাইল সর্বিস পীনবা থবকশিং শীন্নগনি।
অরুনাচল প্রদেস অমসুং অসামগী জিলা অনিগী মনুং-হুঞ্জিনবা অমসুং মোবাইল ফংদ্রিবা মফমশিংদা মোবাইল সর্বিস ফংহনবা অসিনা, মশা-মরোমদোম লেপচনবা, লাইরিক তম্নবা, ই-পাউ খঙনবা, স্কিল হেনগৎহন্নবা, অমাঙ-অতা থোরকপদা লাকশিন্নবা, ই-গভর্নান্সকী থবকশিং, ইন্তরপ্রাইজশিং লিংখৎপা অমসুং ই-কমর্সকী থবকশিংদা কান্নবা পীরগনি। প্রোজেক অসিনা লৈবাক অসিদা মেনুফেকচরিংগী থবকশিং য়োকখৎতুনা দিজিতেল ইন্দিয়াগী পান্দম ফংহনবা ঙম্লগনি অমসুং অত্মানির্ভর ভারতকী পান্দমশিং ফংহনবগা লোয়ন্না লৌশিং পীথোক-পীশিন তৌনবা মহৈলোয়শঙশিং শৌগৎনবা অমসুং থবক ফংনবগী খুদোংচাবা কয়া পীরগনি।
******
(Release ID: 1679400)
Visitor Counter : 204
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam