প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা হকশেল অমসুং হিদাক লাংথক্কী লমদা মতেং পাংননবা রিপব্লিক ওফ ইন্দিয়া লৈঙাক অমসুং রিপব্লিক ওফ সুরিনাম লৈঙাক অনিগী মরক্তা ইনখিবা য়ানচেবু অয়াবা পীখ্রে‍।

নাকল অনিগী ওইবা য়ানচে অসিনা ভারতকী হকশেল অমসুং য়াইফ-য়ুম্বাল মন্ত্রালয় অমদি সুরিনেম লৈঙাক্কী হকশেল মন্ত্রালয় অনিগী মরক্তা হকশেলগী লমদা পুন্না পায়খৎমিন্নবা থৌরাং অমসুং তেক্নোলোজী শেমগৎমিন্নদুনা মতেং পাংনবদা পুক্নিং থৌগৎলগনি‍। মসিনা ভারত অমসুং সুরিনেম অনিগী মরক্তা লৈনরিবা মরী হেন্না মপাঙ্গল কনখৎহনগনি‍। মসিনা মীয়ামগী হকশেলগী সিস্তেমদা খঙ-হৈবশিং তাথোক তাশিন তৌনদুনা অমদি তোঙান তোঙানবা মরী লৈনবা লমশিংদা থিজিনমিন্নবা হেনগৎহন্দুনা আত্মনিরভর ভারত (মরোমদোম লেপচবা ভারত) ফংনবগী লম্বীদা চঙশিনহনগনি‍।

পনবা য়াবা ৱাফম খরা:

লৈঙাক অনিগী মরক্তা মতেং পাংনগদবা মরুওইবা লমশিংদা য়াওরিবশিংদি:

১.     মেদিকেল দোক্তর, ওফিসিএলশিং, অতৈ হকশেলগী প্রোফেসনেলশিং অমদি খঙ-হৈরবা মীওইশিং এক্সচেঞ্জ তৌনবা অমদি ত্রেনিং পীবা;

২.    হ্যুমেন রিসোর্স শেমগৎপদা অমদি হকশেলগী ফেসিলিতীশিং শেমগৎপদা মতেং পাংনবা;

৩.    হকশেলগী লমদা হ্যুমেন রিসোর্সশিং অতেনবা মতমগী ওইবা ত্রেনিং পীবা;

৪.    ফার্মাসিউতিকেল, মেদিকেল খুৎলায়শিং অমদি অকে অমৌগী চৎন-কাঙলোন অমদি মতুং তারকপা ওইনা ঈ-পাউ পীথোক পীশিন তৌনবা;

৫.    ফার্মাসিউতিকেলগী লমদা বিজিনেস দেভেলপমেন্তকী খুদোংচাবশিং য়োকখৎপা;

৬.    জেনেরিক অমসুং ইসেন্সিএল দ্রগশিং লৌবা অমদি দ্রগ সপ্লাই তৌনবগী লৌবা;

৭.    হকশেলগী খুৎশু খুৎলায়শিং অমদি ফার্মাসিউতিকেল পোত্থোকশিং লৌবা;

৮.    হিদাক মনা কন্ত্রোল তৌবা;

৯.    পুক্নিং ৱাখল ফনা থমবা;

১০.   পুক্নিং শোন্থবা ঙন্না খঙদোকপা অমদি শেন্নবা;

১১.   দিজিতেল হকশেল অমসুং তেলি-হিদাক; অমসুং

১২.   নাকল অনিনা য়ানবগী মতুং ইন্না লেপ্নবা তেংবাংনবগী হীরম অতৈশিং‍।

*******