(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• থা ৫গী গেপ অমগী মতুংদা ভারতনা নোংমদা লাকপা অনৌবা কেস মশিং খ্বাইদগী নেমবগী রেকোর্দ থমখ্রে
• হৌখিবা পুং ২৪দা অনৌবা লাকখিবা কেস মশিং অদু ২৬,৫০৬নি অমদি নৌনা মীওই ৩৯,০৪৫ লাইনা অসিদগী ফরে হায়না রেজিস্তর তৌখ্রে
• অপুনবা এক্তিব কেসলোদ লাখ ৩.৮৩দা ওইদুনা চাদা ৪গী মখাদা লৈখ্রে
• শিবগী মশিং হন্থরক্লি – নোংমগী শিবগী মশিং ৪০০গী মখা ওইরি
• ফগৎলকপগী চাং চাদা ৯৪.৫৯দা হেঙ্গৎলে

থা ৫ গেপ লৈরুরবা মতুংদা ভারতনা নোংমদা লাকপা অনৌবা কেস মশিং খ্বাইদগী য়ামদবগী রেকোর্দ থমখ্রে, লাখ ৩.৮৩ লৈরিবা অপুনবা এক্তিব কেসলোদ ৪% মার্ককী মখাদা তাথখ্রে, শিবগী মশিং তপ্না তপ্না হন্থরক্লে; নুংতি নুমিৎ খুদিংগী শিবা মশিং ৪০০গী মখাদা লৈরে

কোবিদ লান্থেংনবদা ভারতনা মশক নাইরবা মাইলস্তোন অমা ফংখ্রে৷ হৌখিবা পুং ২৪ অসিদা অনৌবা কনফর্ম তৌখিবা কেস মশিং অদু থা ৫গী মতুং অসিদা ইহান হানবা ওইনা ২৭,০০০(২৬,৫৬৭)গী মখাদা তাথখ্রে৷ হৌখিবা ২০২০গী জুলাই ১০দা অনৌবা লাকখিবা কেস মশিং অদু ২৬,৫০৬নি৷ অতোপ্পা অচিবমেন্ত অমা ওইনা ভারতকী এক্তিব কেসলোদ অদু ঙসি ৪% মার্ককী মখাদা লৈখ্রে৷ এক্তিব কেস মশিং অদু লাখ ৩.৮৩গী মখাদা লৈখ্রে৷ লৈবাক অসিগী পোজিতিব ওইবা অপুনবা কেস মশিং অদু ৩,৮৩,৮৬৬নি অমসুং মদু অপুনবা কেস মশিংগী ৩.৯৬%নি৷ হৌখিবা পুং ২৪ অসিদা নৌনা মীওই ৩৯,০৪৫ লাইনা অসিদগী ফরে হায়না রেজিস্তর তৌখ্রে৷ মসিনা হৌখিবা পুং ২৪ অসিদা অপুনবা এক্তিব কেসলোদ অসিদগী ১২,৮৬৩ তাথবা ঙমখ্রে৷ নুংতি নুমিৎ খুদিংগী লাইনা অসিনা নাবা মশিং অদুদগী নুংতি নুমিৎ খুদিংগী লাইনা অসিদগী ফগৎলকপগী মশিং অসিনা হেনবা অসিনা ঙসিদি ফগৎলকপগী চাং অসি ৯৪.৫৯% য়ৌরে৷ ঙসিদি লাইনা অসিদগী ফখিবা অপুনবা কেস মশিং অদু ৯১,৭৮,৯৪৬ ওইরে৷ নৌনা লাইনা  অসিদগী ফরকপা কেস মশিংগী ৭৬.৩১%দি রাজ্য ১০/য়ু.তিশিনা কনত্রিব্যুত তৌই৷ কোবিদ লাইনা-লাইচৎ অসিদগী মীওই ৭,৩৪৫ ফহন্দুনা মহারাস্ত্রনা লাইনা অসিদগী খ্বাইদগী য়াম্না হেন্না ফহনবা ঙম্বা রাজ্য ওইরে৷ কেরলানা নুংতি নুমিৎ খুদিংগী ওইনা লাইনা অসিদগী মীওই ৪,৭০৫ ফহল্লে হায়না রেকোর্দ তৌখ্রে অমসুং দিল্লী হৌখিবা পুং ২৪ অসিদা নৌনা মীওই ৩,৮১৮ ফহনবা ঙম্লে হায়না রিপোর্ত তৌখ্রে৷ রাজ্য ১০ অমসুং য়ু.তি.শিং অসিনা নৌনা লাকপা কেস মশিং অসিগী ৭২.৫০% কন্ত্রিব্যুত তৌখ্রে৷ হৌখিবা পুং ২৪ অসিদা কেরলানা অনৌবা কেস মশিং ৩,২৭২ রিপোর্ত তৌখ্রে৷ মহারাস্ত্রনা অনৌবা কেস মশিং ৩,০৭৫ রিপোর্ত তৌখ্রে অমসুং ৱেস্ত বেঙ্গলনা ঙরাং অনৌবা কেস মশিং ২,২১৪ রিপোর্ত তৌখ্রে৷ হৌখিবা পুং ২৪ অসিদা শিখিবা কেস মশিং ৩৮৫ অসিগী ৭৫.৫৮%দি রাজ্য ১০/য়ু.তি.শিং অসিদগী রিপোর্ত তৌরকখিবনি৷ দিল্লীনা মীওই ৬৩ শিদুনা নৌনা শিবা মশিংগী ১৬.৩৬%দি দিল্লীদগীনি হায়না রিপোর্ত তৌরকখ্রে৷ ৱেস্ত বেঙ্গলনা মীওই ৪৮ অমসুং মহারাস্ত্রনা মীওই ৪০ শি হায়না রিপোর্ত তৌরকখ্রে৷ লৈবাক অসিদা লাইনা অসিনা মরম ওইরগা শিবা মী মশিংগী চাং অদু কা হেন্না হায়দরকখ্রে৷ হৌখিবা পুং ২৪ অসিদা লৈবাক অসিদা নৌনা মীওই ৪০০দগী হেন্না তানা শি হায়দুনা রিপোর্ত তৌরকখ্রে৷

অকুপ্পা ৱারোলগীদমক :

পি.এম.না ইন্দিয়া মোবাইল কংগ্রেস ২০২০দা ৱা ঙাংখ্রে

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী খুত্থাংদা ভর্চুএল ওইবা ইন্দিয়া মোবাইল কংগ্রেস (আই.এম.সি.) ২০২০দা ৱাহৌদোক ওইনা ৱা ঙাংখি। আই.এম.সি. ২০২০গী থীম অসি “ইক্লুসিব ইন্নোবেসন – স্মার্ত, সেক্যুর, সস্তেনেবল”নি। হায়রিবা অসি প্রধান মন্ত্রীগী মিয়েং ‘আত্মানির্ভর ভারত’, দিজিতেল ইনক্লুসিবিতি’ অমসুং ‘সস্তেনেবল দিবলপমেন্ত, ইন্ত্রেপ্রিন্যুরশিপ অমসুং ইন্নোভেসন’ পুখৎনবা হোৎনবনি। মসিনা অমুকশু ফোরেন্দ অমসুং লোকেলগী ওইবা শেন্থং, তেলেকোমগী আর. অমসুং দি.দা পুক্নিং থৌগৎপা অমসুং তেক্নোলোজিগী সেক্তর পুখৎপা অসিদা পান্দম থম্লি। থৌরম অসিদা ৱা ঙাংদুনা, প্রধান মন্ত্রীনা তেলেকোম ইক্যুপমেন্ত, দিজাইন্দ, দিবলপমেন্ত অমসুং পোৎ শাবা অসিদা ইন্দিয়ানা মালেমগী হব অমা ওইনবা পুন্না থবক তৌমিন্নবা হায়রি। মহাক্না চেকশিন্নবা হায়রদুনা, তেক্নোলোজি অসি চাওখৎলকপা অসিনা ঐখোয়না হেন্দসেত অমসুং গাজেৎ তোইনা হোংবগী চৎনবি লৈরি। প্রধান মন্ত্রীনা হায়খি মদুদি মতৌ করম্না খন্থবা অমসুং থৌরাং তৌদুনা হৌজিক ওইরক্লিবা তেক্নোলোজি রিবোলুসন অসি ফগৎহনগদগে হায়বা অসি মরু ওইরে। মহাক্না মকা তানা হায়খি মদুদি হেন্না ফবা হকশেলগী চেকশিনবা, হেন্না ফবা মহৈ, হেন্না ফবা ই-পাউ অমসুং ঐখোয়গী লৌমীগী খুদোংচাবশিং, হেন্না ফবা ব্যুজিনেস মচাগী মার্কেৎশিং অসি পান্দম থম্লিবা থবকশিংনি। প্রধান মন্ত্রীনা মখা তানা হায়খি মদুদি মোবাইল তেক্নোলোজি অসিনা মরম ওইদুনা ইন্দিয়ন মিল্লিয়ন কয়া অমবু দোল্লার বিল্লিয়ন কয়া অমা কান্নবা ফংহল্লি, ঐখোয়না লায়চৎ অসিগী মনুংদা লায়রবশিং কয়া অমবু মতেং পীরি অমসুং পৈশা পায়রমদবা বিল্লিয়ন কয়া অমা ওন্থোকপা ঙমখি। প্রধান মন্ত্রীনা ইন্দিয়াগী মোবাইল শাবা কম্পনিশিং অসিবু মখোয়না মায় পাক্লকপদা অপেনবা ফোংদোকখি। মহাক্না হায়খি মদুদি শাবা কম্পনিশিং অসিবু খ্বাইদগী পাম্নবা মফম অমা ওইরক্লি।

অকুপ্পা ৱারোলগীদমক :

ইন্দিয়ন মোবাইল কংগ্রেসতা পীখিবা প্রধান মন্ত্রীগী ৱারোল

অকুপ্পা ৱারোলগীদমক :

প্রধান মন্ত্রীনা ইনভেস্ত ইন্দিয়াবু থাগৎপা ফোংদোকখ্রে

য়ু.এন.সি.তি.এ.দি.না পীবা ২০২০ য়ুনাইতেদ নেসন্স ইনভেস্তমেন্ত প্রমোসন এৱার্দ ফংলকপগীদমক প্রধান মন্ত্রী শ্রী নরেন্দ্র মোদীনা ইনভেস্ত ইন্দিয়াবু থাগৎপা ফোংদোকখ্রে। প্রধান মন্ত্রীনা হায়খি, “য়ু.এন.সি.তি.এ.দি.না পীবা ২০২০ য়ুনাইতেদ নেসন্স ইনভেস্তমেন্ত প্রমোসন এৱার্দ ফংলকপগীদমক ইনভেস্ত ইন্দিয়াবু থাগৎচরী। মসি ভারতপু মালেমগী হেন্না পামবা ইনভেস্তমেন্ত দেস্তিনেসন ওইহনবা অমসুং ইজ ওফ দুইং বিজিনেস ফগৎহন্নবা ঐখোয়গী সরকারগী মীৎয়েং অদুদা খুদম অমনি।”

অকুপ্পা ৱারোলগীদমক:

য়ুনাইতেদ নেসন্সনা ইনভেস্ত ইন্দিয়াবু ইনভেস্তমেন্ত প্রমোসন এৱার্দ ২০২০গী ৱিন্নর ওইনা লাউথোকখ্রে

দি য়ুনাইতেদ নেসন্স (য়ু.এন.সি.তি.এ.দি.)না ইনভেস্ত ইন্দিয়া – দি নেস্নেল ইনভেস্তমেন্ত প্রমোসন এজেন্সী ওফ ইন্দিয়াবু ২০২০ য়ুনাইতেদ নেসন্স ইনভেস্তমেন্ত প্রমোসন এৱার্দকী ৱিন্নর অমা ওইনা লাউথোকখ্রে। এৱার্দ সেরেমোনী অসি য়ু.এন.সি.তি.এ.দি. হেদক্বাতর্স জেনেভাদা ২০২০গী দিসেম্বর ৭তা পাংথোকখি।  মনা অসি মালেম পুম্বদা ইনভেস্তমেন্ত প্রমোসন এজেন্সী (আই.পি.এ.)গী থোইদোক হেন্দোকপা এচিবমেন্তশিং অমসুং খ্বাইদগী ফবা প্রেক্তিসশিং অদু মশক খংলি অমদি সেলেব্রেৎ তৌরি।

অকুপ্পা ৱারোলগীদমক :

প্রধান মন্ত্রী অমসুং স্তেত ওফ কাতরগী অমির হিজ হায়নেস শৈখ তামিম বিন হমাদ অল-থানিগী মরক্তা তেলেফোন্দা ৱারি শানবা

প্রধান মন্ত্রী শ্রী নরেন্দ্র মোদীনা স্তেত ওফ কাতরগী অমির হিজ হায়নেস শৈখ তামিম বিন হমাদ অল-থানিগা লোয়ননা তেলেফোন্দা ৱারী শানখ্রে। প্রধান মন্ত্রীনা হিজ হায়নেস অমিরগী মফমদা লাক্কদৌরিবা কতরগী নেস্নেল দেগীদমক মহাক্কী ওইবা য়াইফ পাউজেল পীখি। য়াইফ পাউজেল অদুগীদমক প্রধান মন্ত্রীবু থাগৎপা ফোংদোক্লদুনা হিজ হায়নেস অমিরনা নেস্নেল দে থৌরমদা কতরদা লৈরিবা ইন্দিয়ন কমুনিতীনা থৱায় য়াউনা শরুক য়াবগীদমক অপেনবা ফোংদোকখি। লুচিংবা অনিনা ইনভেস্তমেন্ত ফ্লোজ অমসুং ইনর্জী সেক্যুরিতীগী লমদা লৈবাক অনিগী মরক্তা চাউনা তেংবাং পীনরিবা অদু খন্ন-নৈনখি, অমদি মসিগা মরী লৈননা হন্দক্তা খুমাং চাউশিনখিবা অদু নৌহৌনা য়েংশিনখি। লুচিংবশিংনা চাং নাইনা পাউ ফাওনবদসু য়ানবা পুরকখি, অমদি কোবিদ-১৯ লাইচৎনা ওইহল্লিবা পব্লিক-হেল্থকী ফিভম অসি হান্নগী ফিভমদা হঞ্জিল্লক্লবা মতুং হকথেংননা উনদুনা ৱারী শাননবা ৱাফম ফোংদোক্নখি।

অকুপ্পা ৱারোলগীদমক :

প্রধান মন্ত্রী অমসুং ফ্রান্সকী রাস্ত্রপতি হিজ এক্তিলেন্সী ইমানুএল মেক্রোনগী মরক্তা তেলিফোন্দা ৱারী শানবা

প্রধান মন্ত্রী শ্রী নরেন্দ্র মোদীনা ঙরাং ফ্রান্স রিপব্লিক্কী রাস্ত্রপতি হিজ এক্তিলেন্সী ইমানুএল মেক্রোনগা লোয়ননা তেলিফোন্দা ৱারী শানখ্রে। প্রধান মন্ত্রীনা রাস্ত্রপতি মেক্রোনগী মফমদা ফ্রান্সতা চৎথখিবা তমথিরবা এতেক অদুগীদমক মহাক্কী মায়কৈদগী অৱাবা ফোংদোকখি অমদি তেরেরিজম, এক্সত্রিমিজম অমসুং রেদিকেলিজমগী মায়োক্তা লান্থেংনরিবা অসিদা ফ্রান্সকী মফমদা ভারতকী মপুংফাবা সপোর্ত অদু অমুক হন্না ফোংদোকখি। লুচিংবা অনিনা  কোবিদ-১৯ ভেক্সিনগী এফোর্দেবিলিতী অমসুং এক্সেসিবিলিতী ফগৎহনবা, পোস্ত-কোবিদ ইকোনোমিক রিকবরী, ইন্দো পেসিফিক রিজন্দা কোওপরেসন, মেরিতাইম সেক্যুরিতী, দিফেন্স কোওপরেসন, দিজিতেল ইকোনোমী অমসুং সাইবর সেক্যুরিতী, মল্তিলেতেরেলিজম মপাঙ্গল কনখৎহনবা, অমসুং ক্লাইমেৎ চেঞ্জ অমদি বাইওদাইবরসিতী য়াওনা অতোপ্পা বাইলেতরেল, রিজনেল অমসুং ম্যুচেল ইন্তরেস্তকী গ্লোবেল ইসুশিংসু খন্ন-নৈনখি। প্রধান মন্ত্রীনা পব্লিক-হেল্থকী ফিভম অসি হান্নগী ফিভমদা হঞ্জিল্লক্লবা মতুংদা রাস্ত্রপতি মেক্রোনবু ভারত্তা তরাম্না ওক্নবা মহাক্কী অপাম্বা অদু ফোংদোকখি।

অকুপ্পা ৱারোলগীদমক:

উপ-রাস্ত্রপতিগী ইন্তরভেন্সনগী মতুং ইন্না সেন্তরনা ইলুরুদা অথুবা মতমদা মেদিকেল এক্সপর্ত তীমশিং থাগদৌরি

হৌখিবা নুমিৎ খরনি অসিদা লাইয়োং খঙদনা নারকপা অঙাংশিং হোস্পিতেলাইজ তৌরকখিবা অসিদা ঙসি উপ- রাস্ত্রপতি শ্রী এম ভেনকাইহ নাইদুনা কেন্দ্রগী হকশেলগী মন্ত্রী শ্রী হার্শ বর্ধনগা ৱারি শান্নরবা মতুংদা আন্ধ্র প্রদেশকী ইলুরুদা মীওই অহুম্না শাবা মেদিকেল এক্সপর্তশিংগী তীম অমা কেন্দ্রনা থারগনি৷ অঙাং ৩০০ হেন্না নারে হায়বা রিপোর্ত অসি ফংবদগী ফর্স্তহেন্দগীদমক উপ-রাস্ত্রপতি অসিনা অহানবদা জিলা অসিগী কল্লেক্তর অসিগা ৱারি শান্নখ্রে৷ মতুং তারকপদা মহাক্না মঙ্গলাগিরিদা লৈরিবা এ.আই.আই.এম.এস.কী দাইরেক্তর অমসুং দিল্লীদা লৈরিবা এ.আই.আই.এম.এস.কী দাইরেক্তরগা ৱারি শান্নখি অমসুং অঙাংশিং অসিগী ঈগী সেম্পলশিং অদু দিল্লীদা থাখ্রে হায়না ফোংদোকরকখি৷ মতুং তারকপদা উপ-রাস্ত্রপতি অসিনা শ্রী হার্শ বর্ধনগা ৱারি শান্নখ্রে অমসুং শোকহল্লিবা অঙাংশিং অসি লাইয়েংবদা পাংবা য়াবা মতেং পুম্নমক পাংনবা মঙোন্দা হায়জখ্রে৷ লেব রিপোর্তশিং অসি ফংলবা মতমদা লাইনা অসিগী হৌরকফম অদু থিগৎনবা লৌখৎপা য়াবা খোংথাং পুম্নমক লৌখৎলগনি হায়না মন্ত্রী অদুনা মঙোন্দা থাজবা পীরকখ্রে৷ ঈগী সেম্পলশিং অসিগী রিপোর্তশিং অসি ফংলবা মতমদা লাইনা অসি লাইয়েং চৎথবা হৌরগনি হায়না কেন্দ্রগী হকশেল মন্ত্রী অমসুং এ.আই.আই.এম.এস.কী দাইরেক্তর অদুনা উপ-রাস্ত্রপতিদা থাজবা পীরকখ্রে৷ অঙাংশিং অসি হৈনিংদবা, চোকথগনবা, কোক চিকপা অমসুং ওবা য়াওবা লাইয়োংশিং উৎলকই হায়না রিপোর্ত তৌরকখ্রে৷

অকুপ্পা ৱারোলগীদমক :

পি.আই.বি. ফিল্দ ওফিসশিংদগী ফংবা পাউ

•           অসাম: অসামদা ঙরাং কোবিদ-১৯গীদমক্তা মীওই ১৬৬ অমুক পোজিতিব ওইখি অমসুং পেসেন্ত ১৩১ দিসচার্জ তৌখ্রে। অপুনবা কেস মশিং অদু ২১৩৯২৫তা হেনগৎখ্রে, দিসচার্জ তোখিবা পেসেন্তশিংগী অপুনবা মশিং ২০৯৩৪২ ওইখি, এক্তিব ৩৫৮৫ অমসুং শিখিবশিংগী অপুনবা মশিং ৯৯৫।

•          কেরলা: রাজ্য অসিদা কোবিদকী প্রোতোকোলশিং ঙক্না চত্তুনা ঙসি পাংথোকখিবা তায়র অহুমগী লোকল বোদী পোলশিংগী অহানবা তাঙ্কক্তা ৭০%গী মথক্তা ভোত থাধনবা থেংনখি। লাইচৎ অসিনা হৌরক্লবা মতুংদা রাজ্য অসিদা অহানবা মীখলনি। ময়াম ওইরপ তৌবদগীনা য়াম্না য়াংবা মওংদা ঙসি বুথশিংদা জিলা মঙাদা ইংনা-চিক্না মীখল পাংথোকখি। ভোত থাধবগী চাংদা কোবিদনা শোহনবগী মতাংদা মাইকৈ কয়া অমদা অকিবা লৈখিবগী মরক অসিদা বুথ অয়াম্বদা য়াম্না লাকখিবা থেংনখি।

•          তামিল নাদু: লৌমীশিংগী প্রোতেস্ত অদু শৌগৎলদুনা পুদুকোতাই, থিরুভারুর, মায়িলাদুথুরাই, সিরকাঝি, ইরোদ, সত্যমঙ্গলাম, কাঞ্চিপুরম, চেঙ্গলপত্তু, থাঞ্জবুর অমসুং করুর য়াওনা তামিল নাদুগী জিলা কয়াদা ঙসি দুকানশিং অদুগী চাউরাক্না চাদা ৫০দি লোন্দুনা লৈখি। মরক অসিদা ঙরাং অনৌবা কেস ১৩১২ থেংনখি, ১৩৮৯ দিসচার্জ তৌখ্রে অমসুং ১৬ শিখ্রে। অপুনবা কেসশিং: ৭,৯১,৫২২; এক্তিব কেসশিং: ১০,৬৯৫; শিখিবশিং: ১১,৮০৯; দিসচার্জ তৌখিবশিং: ৭,৬৯,০৪৮।

•          কর্নাতকা: কর্নাতকা হাই কোর্তনা রাজ্য অসিদা কোবিদ-১৯গী লৈরিবা ফিভম অসি য়েংশিন্নবা অমসুং ‘ৱিদ্যগামা’ অসি অমুক হন্না হৌবা য়াগদ্রা হায়বগী মতাংদা নুমিৎ ১০নিগী মনুংদা ৱারেপ অমা লৌনবা রাজ্য সরকারদা খঙহল্লকখ্রে। ৱিদ্যগামা অসি তেক্নোলোজী নত্রগা ইন্তর্নেতকী ফেসিলিতী লৈতবা, মরু ওইনা রুরল অমসুং সেমি-অর্বান এরিয়াশিংদা লৈবা মহৈরোইশিংগীদমক্তা ওইবা প্রোগ্রামনি।

•          অন্ধ্র প্রদেশ: মুখ্য মন্ত্রী, ৱাই.এস. জগনমোহন রেদ্দীনা ৱেস্ত গোদাবরী জিলাগী এলুরুদা মশক খঙদবা লাইনা অদুগী মরম অদু খঙদোক্নবগীদমক্তা তেস্তশিং পাংথোকখিবা অদুগী মতাংদা হংল্লকখ্রে। মরক অসিদা মশক খঙদবা লাইনা অসিগী মরম কঙদোক্নবা এলুরুদা দবল্যু.ঐচ.ও.দগী দেলিগেত অনি য়ৌরকখ্রে।

•          তেলঙ্গনা: তেলঙ্গনাদা হৌখিবাপুং ২৪গী মনুংদা অনৌবা কেস ৬৮২ থেংনখি, ৭৬১ ফগৎখি অমসুং ৩ শিখি। অপুনবা কেসশিং: ২,৭৪,৫৪০: এক্তিব কেসশিং: ৭,৬৯৬; শিখিবশিং: ১৪৭৭; দিসচার্জ তৌখিবশিং: ২,৬৫,৩৬৭।

•          মহারাস্ত্র: মহারাস্ত্রদা নুমিৎ খুদিংগী থেংনরিবা কোবিদ-১৯ কেসশিংগী মশিং অদু হন্থরকখ্রে অদুবু মুম্বাই অমসুং অকোইবগী মফমশিং য়াওবা মুম্বাই মেত্রোপোলিতান রিজন (এম.এম.আর.)দা হেনগৎলকখ্রে। দিদেম্বর ৭তা থেংনখিবা অপুনবা কেস ৩,০৭৫কী মনুংদা ১,০৫০ ময়া নক্না এম.এম.আর.দগী থেংনখি (নুমিৎ অদুগী অপুনবা মশিং অদুগী ৩৪.১৪%)

•          গুজরাত: নোভেল কোরোনাভাইরসকী শন্দোরকপা থিংনবা হোৎনবা ওইনা নিংথৌকাবা নুমিত্তা এহমদাবাদতা নুমিদাংগী কর্ফ্যু অদু মখাতানা শাংদোকখ্রেল মমাংদা নুমিদাংগী কর্ফ্যু অসি সিতী অসিদা নবেম্বরগী ২৩দা তৌবা হৌখি অদুগা দিসেম্বরগী ৭ ফাওবা শাংদোকখি। নিংথৌকাবা অয়ুক্তা মখাতাবা ওর্দর থোক্ত্রিবা ফাওবা নুমিদাংগী কর্ফ্যু শাংদোপগী মতাংদা লাউথোক্লদুনা অনৌবা নোতিফিকেশন অমা থোকখি। 

•          রাজস্থান: রাজস্থানদা নিংথৌকাবা নুমিত্তা কোরানাগা মরী লৈনবা শিবা ১৯ অমুক থেংনখি, মসিনা শিখিবশিংগী মশিং অদু ২,৪৪৮ য়ৌহনখি, অদুগা অণৌবা কেস ১,৯২৭ থেংনখিবা অদুনা ইনফেক্সনগী মশিং অদু ২,৮২,৫১২ য়ৌহনখি। হীজিক রাজ্য অসিদা এক্তিব কেস ২১,৬৭১ লৈরি, অদুগা হৌজিক ফাওবদা মীওই ২,৫৮,৩৯৩না লাইনা অসিদগী ফগৎলকখ্রে।

•          মধ্য প্রদেশ: নিংথৌকাবা নুমিত্তগী রাজ্য সরকারনা মখাতানা কোমথোকপগা লোইননা মধ্য প্রদেশ কেপিতল, ভোপাল অমসুং কমর্সিয়েল হব ওইরিবা ইন্দোরদা মার্কেতশিং মথৌ তৌনবা অয়াবা পীরগনি। মধ্য প্রদেশতা নিংথৌকাবা নুমিত্তা অনৌবা কোবিদ-১৯ কেস ১,৩০৭ থেংনখি, মসিনা ইনফেক্সনশিংগী মশিং অদু ২,১৫,৯৫৭ য়ৌহনখ্রে। ভাইরলে ইনফেক্সন অসিদা মীওই ১০ অমুক লৈখিদবগা লোইননা, হৌখিবা পুং ২৪দা হোসপিতালশিংদগী পুন্না পেসেন্ত ১,২৪৫ দিসচার্জ তৌখ্রে, মসিনা রাজ্য অসিগী ফগৎলকপগী মশিং অদু ১,৯৯,১৬৭ য়ৌহনখ্রে।

•          ছত্তিসগর: ছত্তিসগরদা, কোবিদ-১৯গী তেস্ত কবা অমগী মমল অদু হন্থখ্রে। অনৌবা মমলশিং অসি লনাইগী হোসপিতালশিং অমসুং পেথোলোজী সেন্তরশিংদা খুদক্তগী চৎনহল্লগনি। রাজ্যগী হেল্থ দিপার্তমেন্তনা মসিগী মতাংদা ওর্দর অমা থোকখ্রে। মমাংদা, আর.তি.পি.সি.আর. তেস্ত অসি লুপা ১৬০০ চংলম্মি অদুগা হৌজিক্তি লুপা ৭৫০দা হন্থখ্রে।

•          গোৱা: গোৱাগী কেসলোদ অদু নিংথৌকাবা নুমিত্তা ৯০দা হায়গৎলকখ্রে অমসুং ৪৮,৭৭৬ য়ৌখ্রে, অদুগা পেসেন্ত অহুম শিখ্রে অমসুং নুমিৎ অদুদা ১৫৪ ফগৎখ্রে। রাজ্য অসিদা লৈরিবা অপুনবা মশিং অদু হৌজিক ৭০১ য়ৌরে, অদুগা ফগৎখিবা মীশিং অদুগী মশিংনা ৪৬,৭৭৮তা লৈরি, এক্তিব কেসনা ১,২৯৭ লৈরি। নুমিৎ অদুদা পুন্না সেমপল ১,৫৭৫ তেস্ত তৌখি।

ফেক্ত চেক

*****