প্রধানমন্ত্রীগী লোইশঙ

পি.এম.না ইন্দিয়া মোবাইল কংগ্রেস ২০২০দা ৱা ঙাংখ্রে

তেলেকোম ইক্যুপমেন্ত, দিজাইন্দ, দিবলপমেন্ত অমসুং পোৎ শাবা অসিদা ইন্দিয়ানা মালেমগী হব অমা ওইনবা পুন্না থবক তৌমিন্নরসি: পি.এম.

ঐখোয়না মতম চানা ৫জি হৌদোক্তুনা তুংগীদমক মাংজিল থাগদবনি: পি.এম.

ইলেক্ত্রোনিক্কী ফত্ত-হাওদি হেন্না মফম চানা শিজিন্নবা অমসুং সর্কুলার ইকোনোমি অমা পুথোক্নবা তাক্স-ফোর্স অমা শেম্নবা হায়খ্রে

Posted On: 08 DEC 2020 11:45AM by PIB Imphal

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী খুত্থাংদা ভর্চুএল ওইবা ইন্দিয়া মোবাইল কংগ্রেস (আই.এম.সি.) ২০২০দা ৱাহৌদোক ওইনা ৱা ঙাংখি। আই.এম.সি. ২০২০গী থীম অসি “ইক্লুসিব ইন্নোবেসন – স্মার্ত, সেক্যুর, সস্তেনেবল”নি। হায়রিবা অসি প্রধান মন্ত্রীগী মিয়েং ‘আত্মানির্ভর ভারত’, দিজিতেল ইনক্লুসিবিতি’ অমসুং ‘সস্তেনেবল দিবলপমেন্ত, ইন্ত্রেপ্রিন্যুরশিপ অমসুং ইন্নোভেসন’ পুখৎনবা হোৎনবনি। মসিনা অমুকশু ফোরেন্দ অমসুং লোকেলগী ওইবা শেন্থং, তেলেকোমগী আর. অমসুং দি.দা পুক্নিং থৌগৎপা অমসুং তেক্নোলোজিগী সেক্তর পুখৎপা অসিদা পান্দম থম্লি।  

থৌরম অসিদা ৱা ঙাংদুনা, প্রধান মন্ত্রীনা তেলেকোম ইক্যুপমেন্ত, দিজাইন্দ, দিবলপমেন্ত অমসুং পোৎ শাবা অসিদা ইন্দিয়ানা মালেমগী হব অমা ওইনবা পুন্না থবক তৌমিন্নবা হায়রি। মহাক্না চেকশিন্নবা হায়রদুনা, তেক্নোলোজি অসি চাওখৎলকপা অসিনা ঐখোয়না হেন্দসেত অমসুং গাজেৎ তোইনা হোংবগী চৎনবি লৈরি। মহাক্না দিলেগেৎশিং অসিদা হেন্না কুপ্না য়েংনবা হায়দুনা ইন্দস্ত্রীনা ইলেক্ত্রোনিক্কী ফত্ত-হাওদি হেন্না মফম চানা শিজিন্নবা অমসুং সর্কুলার ইকোনোমি অমা পুথোক্নবা তাক্স-ফোর্স অমা শেম্নবা হায়খ্রে। মহাক্না তকশিন্দুনা হায়খি মদুদি মতম চানা ৫জি. হৌদোক্তুনা তুংগীদমক মাংজিল থাগদবনি অমসুং ইন্দিয়ন মিল্লিয়ন কয়া অমবু শক্তি পীবদবনি।  

প্রধান মন্ত্রীনা হায়খি মদুদি মতৌ করম্না খন্থবা অমসুং থৌরাং তৌদুনা হৌজিক ওইরক্লিবা তেক্নোলোজি রিবোলুসন অসি ফগৎহনগদগে হায়বা অসি মরু ওইরে। মহাক্না মকা তানা হায়খি মদুদি হেন্না ফবা হকশেলগী চেকশিনবা, হেন্না ফবা মহৈ, হেন্না ফবা ই-পাউ অমসুং ঐখোয়গী লৌমীগী খুদোংচাবশিং, হেন্না ফবা ব্যুজিনেস মচাগী মার্কেৎশিং অসি পান্দম থম্লিবা থবকশিংনি। 

প্রধান মন্ত্রীনা কন্না হায়খি মদুদি তেলিকোম সেক্তরগী দেলিগেৎশিংনা লায়চৎ অসি লৈজরবসু মখোয়গী অনৌবা হৈ-শিংবা অমসুং হোৎনমলনা মথৌশিং পাংথোকপা ঙমখি। মহাক্না মখা তানা হায় মদুদি মখোয়গী হোৎনজমনগী মতুং ইন্না মচানুপা অমনা অতোপ্পা সহর অমদা লৈবা মমা অমগা পাউ ফাওনবা ঙমহল্লি, মহৈরোয় অমনা ক্লাসরুম য়াওদনা মহাক্কী ওজাদগী মহৈ তম্বা ফংলি, অনাবা অমনা মহাক্কী দোক্তরদগী ময়ুমদা লৈদুনা ৱা তান্নবা ফংলি অমসুং ত্রেদর অমনা মহাক্কী পোৎ লৈরিবশিংগা অতোপ্পা মফম অমদগী শম্নবা ঙম্মী।  

প্রধান মন্ত্রীনা হায় মদুদি নহা ওইরিবা তেক্কী কয়া অমনা মখোয়গী কোদনা পোত্থোক কয়া অমা য়াম্না তোপ-তোপ্পা অমা ওইরি, ইন্ত্রেপ্রেন্যুর খরদি মখোয়গী ৱাখল্লোল অসি য়াম্না হেন্না মরু ওইরি। মহাক্না শাংদোক্না হায়খি মদুদি নহা ওইরিবশিং অসিনা মখোয়গী ৱায়েল অসিনা মমি তারি। করিগুম্বদা মখোয়গী ৱায়েল অসিনা শেন্দোং লৈবা অমসুং অমত্তা ঙাইবা ওইরি।

প্রধান মন্ত্রীনা মখা তানা হায়খি মদুদি মোবাইল তেক্নোলোজি অসিনা মরম ওইদুনা ইন্দিয়ন মিল্লিয়ন কয়া অমবু দোল্লার বিল্লিয়ন কয়া অমা কান্নবা ফংহল্লি, ঐখোয়না লায়চৎ অসিগী মনুংদা লায়রবশিং কয়া অমবু মতেং পীরি অমসুং পৈশা পায়রমদবা বিল্লিয়ন কয়া অমা ওন্থোকপা ঙমখি।

প্রধান মন্ত্রীনা ইন্দিয়াগী মোবাইল শাবা কম্পনিশিং অসিবু মখোয়না মায় পাক্লকপদা অপেনবা ফোংদোকখি। মহাক্না হায়খি মদুদি শাবা কম্পনিশিং অসিবু খ্বাইদগী পাম্নবা মফম অমা ওইরক্লি। মহাক্না মখা তানা হায়খি মদুদি প্রদকসন ইন্সেতিব স্কীম অসি ইন্দিয়াদা তেলেকোম ইক্যুপমেন্তশিং শাবা অসি পুক্নিং থৌগৎনবনি। মহাক্না হায় মদুদি সরকার অসিনা লাক্লিবা চহি অহুম অসিদা য়াম্না য়াংবা ফাইবর-ওপ্তিক খুঙ্গং খুদিংদা শম্নবা পান্দম লৈরি। মহাক্না অরোইবা ওইনা হায়খি মদুদি খ্বাইদগী ফবা অসিগুম্বা শম্নবা অসি – লৌখৎকদবা দিস্ত্রীক্তশিং, য়াম্না শাথিনা শোক্লবা দিস্ত্রীক্তশিং, অৱাং-নোংপোক স্তেতশিং, লক্ষদ্বীপ ইথৎশিং অসিনচিংবা। মহাক্না মখা তানা হায়খি মদুদি ব্রোদবেন্দ লাইন মফম চানা শম্বা অমসুং মীয়ামগী ওইবা ৱাই-ফাই হোত-স্পোৎ ফংহনবা অসি শোইদনা ফংহনগনি।

***



(Release ID: 1679205) Visitor Counter : 27