(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতকী এক্তিব কেস মশিং মখা তানা হন্থরক্তুনা ঙসি চাদা ৪.৩৫ ওইরে
• হৌখিবা পুং ২৪দা ভারত্তা মীওই ৩৬,৫৯৫ কোবিদ পোজিতিপ ওইবা থেংনরে
• হায়রিবা মতম অসিদা অনৌবা মীওই ৪২,৯৬১ অনাবা ফখি
• ৱেস্তর্ন হেমিস্ফিয়ারদা লৈবা লৈবাকশিংদগী মশিং হন্থনা মালেমগী ওইনা অপুনবা মীশিং মিল্লিয়ন অমদা কেস মশিং খ্বাইদগী য়ামদবা লৈবাকশিংগী মনুংদা ভারত য়াওরি। হৌজিক মালেমগী ওইনা মিল্লিয়ন অমদা কেস ৬,৯৩৬ ওইরি
• অনাবা ফগৎলকপগী চাং হেনগৎলক্তুনা ঙসি চাদা ৯৪.২ লৈখি
• পি.এম.না কোবিদ-১৯গী ভেক্সিনগী স্ত্রেতেজীগী মতাংদা খন্ননবা পার্তী পুম্নমক্কী মীফম পাংথোকখ্রে, লমদমসিদা শাবা য়াওনা পোতেন্সিএল ভেক্সিন নিপাল ত্রাইএলগী তোঙান তোঙানবা থাক্তা লৈরি হায়খ্রে

ভারতকী এক্তিব কেস মশিং মখা তানা হন্থরক্তুনা অপুনবা কেসকী চাদা ৪.৩৫ ওইরে, হৌখিবা নুমিৎ ৭দা নুমিৎ খুদিংগী থেংনবা অনৌবা কেস মশিংদগী নোংমগী ফগৎলকপশিংনা মশিং হেল্লে, অনাবা ফরবা অপুনবা মীওই মশিং করোর ০.৯ হেল্লে

ভারতকী এক্তিব কেসলোদ ঙরাং চাদা ৪.৪৪ ওইরম্বদগী ঙসি চাদা ৪.৩৫তা হন্থরে। হৌখিবা নুমিৎ ৭দা ওইখিবা ফিবম মখা চৎথরক্তুনা, হৌখিবা পুং ২৪দা ভারত্তা নোংমগী অনৌবা কেস মশিংদগী নোংমগী অনাবা ফগৎলকপনা মশিং হেল্লে। নোংমগী অনাবা ফগৎলকপা মশিং হেনগৎলকপা অসিনা মরম ওইদুনা ঙসি ফাওবদা ভারতকী অপুনবা এক্তিব কেসলোদ ৪,১৬,০৮২দা লৈরে। ভারত্তা মীওই ৩৬,৫৯৫ কোবিদ পোজিতিপ ওইবা মতমদা, হায়রিবা মতম অসিদা অনৌবা মীওই ৪২,৯৬১ অনাবা ফখি। অনৌবা অনাবা ফগৎলকপা অমসুং অনৌবা কেসশিংগী মরক্তা লৈরিবা খেন্নবা ৬,৩২১ অসিদগী হৌখিবা পুং ২৪দা অপুনবা কেসলোদ মশিংদগী কেস ৬,৮৬১ হন্থরে। ৱেস্তর্ন হেমিস্ফিয়ারদা লৈবা লৈবাকশিংদগী মশিং হন্থনা মালেমগী ওইনা অপুনবা মীশিং মিল্লিয়ন অমদা কেস মশিং খ্বাইদগী য়ামদবা লৈবাকশিংগী মনুংদা ভারত য়াওরি। হৌজিক মালেমগী ওইনা মিল্লিয়ন অমদা কেস ৬,৯৩৬ ওইরি। অনাবা ফগৎলকপগী চাং হেনগৎলক্তুনা ঙসি চাদা ৯৪.২ লৈখি। অপুনবা অনাবা ফগৎলকপা মশিং ৯০,১৬,২৮৯ য়ৌরে। অনাবা ফগৎলকপা মশিং অমসুং এক্তিব কেস মশিংগী মরক্তা লৈবা খেন্নবা তপ্না তপ্না হেনগৎলক্লি অমসুং হৌজিক ৮,০০,২০৭দা লৈরি। অনৌবা অনাবা ফগৎলকপা কেসশিংগী চাদা ৮০.১৯ রাজ্যশিং/য়ু.তিশিং ১০দগী ওইখি। মীওই ৮,০৬৬ কোবিদতগী ফগৎলক্তুনা মহারাস্ত্রানা মাঙজিল থারি অমসুং মীওই ৫,৫৯০ ফগৎলক্তুনা কেরলানা মথংদা চৎলি। দিল্লিদা নোংমদা মীওই ৪,৮৩৪ অনাবা ফখ্রে। অনৌবা কেসশিংগী চাদা ৭৫.৭৬ রাজ্যশিং/য়ু.তিশিং ১০দগী ওইখি। হৌখিবা পুং ২৪দা কেরলাদা অনৌবা কেস ৫,৩৭৬ থেংনখি। ঙরাং মহারাস্ত্রদা অনৌবা কেস ৫,১৮২ অমসুং দিল্লিদা অনৌবা কেস ৩,৭৩৪ থেংনখি। হৌখিবা পুং ২৪দা মীওই ৫৪০ শিখি। মখোয়গী মনুংদা চাদা ৭৭.৭৮ রাজ্যশিং/য়ু.তিশিং ১০দগীনি। মহারাস্ত্রাদা অনৌবা লৈখিবগী চাদা ২১.২৯ ওইদুনা মীওই ১১৫ শিখ্রে। দিল্লিদা মীওই ৮২ অমসুং নোংচুপ বেঙ্গলদা মীওই ৪৯ নৌনা শিখ্রে। মালেমগী ওইনা চাংদম্নবদা অপুনবা মীশিং মিল্লিয়ন অমদা(১০১) মীওই মশিং খ্বাইদগী য়ামদনা শিবা লৈবাকশিংগী মনুংদা ভারত লৈবাক অমা ওইরি।

অকুপ্পা ৱারোলগীদমক:

পি.এম.না কোবিদ-১৯গী ভেক্সিনগী স্ত্রেতেজীগী মতাংদা খন্ননবা পার্তী পুম্নমক্কী মীফম পাংথোকখ্রে, লমদমসিদা শাবা য়াওনা পোতেন্সিএল ভেক্সিন নিপাল ত্রাইএলগী তোঙান তোঙানবা থাক্তা লৈরিঃ পি.এম.

প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী থোংদা কোবিদ-১৯গী ভেক্সিনগী স্ত্রেতেজীগী মতাংদা খন্ননবা পাংথোকপা পার্তী পুম্নমক্কী মীফমদা শরুক য়াখ্রে। প্রধান মন্ত্রীনা হায়খি মদুদি সরকারনা মপুং ফাবা ভেক্সিনেসনগী স্ত্রেতেজী অমা শেমগৎলি। মহাক্না শাফু পীখি মদুদি মালেম অসিনা অফবা অমসুং অহোংবা ভেক্সিনগীদমক ভারত্তা মিৎয়েং থম্লক্লি। প্রধান মন্ত্রীনা মহাক্কী অহমদাবাদ, পুনে অমসুং হাইদ্রাবাদকী ভেক্সিন মেন্যুফেকচরিং ফেসিলিতীশিংগী খোংচৎক খঙলক-উরকপশিং অদু শিয়র তৌখি, হায়খি মদুদি হৌজিক হৌজিক ত্রাইএলগী তোঙান তোঙানবা থাক্তা লৈরিবা পেতেন্সিএল ভেক্সিন নিপাল ফারত্তা শাগনি, মদুদা লমদম অসিদা পুথোকপা অমসুং য়াওরি। প্রধান মন্ত্রীনা হায়খি মদুদি লাক্লিবা চয়োল খরগী মনুংদা ভেক্সিন অসি ফংলবা য়াই। সাইন্তিস্তশিংনা অয়াবা হেক পীরকপগা ভেক্সিনেসনগী খোংজং বারত্তা য়াম্না থুনা হৌরগনি। মরুওইনা হান্না ভেক্সিনেসন তৌগদবা কাংলুপশিংগী মতাংদা কেন্দ্র সরকারনা রাজ্য সরকারশিংগা কুপ্না খন্নরি। ভেক্সিনেসনগীদমক্তা ভারতকী ভেক্সিন দিস্ত্রিব্যুসনগী এক্সপর্তাইজশিং, কেপাসিতী অমসুং লৈরিবা পাক-চাউরবা নেতৱর্ক্কী মতাংদা পল্লদুনা, পি.এম. মোদীনা হায়কি মদুদি মসিনা ঐখোয়দা কোবিদ ভেক্সিনগী থৌরাং য়াৎথোকপদা মতেং পাংগনি। রাজ্য সরকারশিংগা পুন্না শরুক য়ামিন্নদুনা অহেনবা কোল্দ চেন ইক্বুইপমেন্ত অমসুং অতৈ মথৌ তাবা লেজিস্তিকশিংসু ঐখোয়না শেমগৎকনি।

অকুপ্পা ৱারোলগীদমক:

পার্তী পুম্নমক্কী মীফমদা পীখিবা পি.এম.গী লোইশিন ৱারোল

অকুপ্পা ৱারোলগীদমক:

লৈখিদ্রবা প্রধান মন্ত্রী শ্রী আই কে গুজরাল ইকায়খুম্নবা উৎতুনা উপ-রাস্ত্রপতিনা কম্মেমোরেতিপ পোস্তেজ স্তাম্প ফোঙখ্রে

ভর্চুএল ওইনা পাংথোকপা থৌরম অমদা মহাক ইকায়খুম্নবা উৎতুনা কম্মেমোরেতিপ পোস্তেজ স্তাম্প অমা ফোঙদুনা ঙসি ভারতকী উপ-রাস্ত্রপতি শ্রী এম ভেনকিয়া নাইদুনা লৈখিদ্রবা প্রধান মন্ত্রী শ্রী আই কে গুজরালগী মফমদা ইকায়খুম্নবা উৎখ্রে। উপ-রাস্ত্রপতিনা হায়খি শ্রী গুজরাল, মহাক্না অৱাবা কয়া মায়োক্নরবসু মহাক্কী গুনশিং কৈদৌঙৈদা শন্তাইনদবা নিংথিনা খঙলবা, ৱাঙাং ফজবা অমসুং “পুকচেল চাউবা রাজনিতিৱালা” অমনি। রাজনিতিগী লমদা মহাক্কী মরুপ কয়া লৈরমখি। রাজনিতিৱালাশিংনা মখোয়গী ময়োক্তা লৈবশিং লাম্বা ওইনা লৌনবা অমসুং য়েক্নবা ওইনা লৌদনবা রাজনিতিৱালা খুদিংমক্তা অপীল তৌরদুনা উপ-রাস্ত্রপতিনা হায়খি মখোয় অফবা খুন্নাইগী মরীশিং থম্নগদবনি। দলশিংনা ‘লৈবাক্না অহানবা’ হায়বা থৌশিল ইনগদবনি অমসুং মখোয়গী য়ানদবশিং থাদোক্কদবনি অমসুং লৈবাক্কী য়েংলগা মপান লৈবাক্কী থৌশিল শৌগৎদবনি। কোবিদ-১৯গী চৎন-পথাপশিং হায়বদি মাক্স উপ্পা, য়াম্না তোইনা খুৎ-শা হাম্বা অমসুং থাপ্না লৈবা ঙাক্তুনা চেকশিন-থৌরাংশিং মখা তানা ইন্নবা শ্রী নাইদুনা মীয়ামদা অপীল তৌখি।

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           অসাম: অসামদা পোজিতিব ওইবগী চাং চাদা ০.৫৯% ওইখিবগা লোইননা তেস্ত ২৮,০০৮ তৌখিবগী মনুংদা কেস ১৬৫ থেংনখি অদুগাপেসেন্ত ১৭৭ দিসচার্জ তৌখ্রে। অপুনবা কেসশিং- ২,১৩,৩৩৬ মসিগী মনুংদা ফগৎখিবশিং- ৯৭.৮৯% ওইখি অমসুং এক্তিব কেসশিং – ১.৬৪% ওইখি, হায়না রাজ্যগী হকশেল মন্ত্রীনা ত্বীত তৌরকখি।

•          মনিপুর: অহুম অমুক শিখিবগা লোইননা কোবিদ-১৯না মরম ওইরগা শিখিবশিংগী মশিং অদু ২৯৬ য়ৌখ্রে, ওফিসিয়েল রিপোর্তকী মতুং ইন্না অনি অমদি শিখিবগী পাউ অদু পনখিদে।

•          মেঘালয়া: হৌখিবা পুং ২৪গী মনুংদা মেঘালয়াদা কোবিদ-১৯না মরম ওইরগা অনি অমুক শিখিবা থেংনখিবগা লোইননা, রাজ্য অসিদা শিখিবশিংগী মশিং অদু ১১৬দা হেনগৎখ্রে অদুগা রাজ্য অসিদা মতম অসিগী মনুংদা অনৌবা পোজিতিব কেস ৫২ থেংনখি। হৌজিক ফাওবদা এক্তিব কেসশিংগী মশিং অদু ৬৪৮ শুখ্রে।

•          সিক্কিম: সিক্কিমদা অনৌবা কেস ২৭ থেংনখিবগা লোইননা এক্তিব কোবিদ কেসশিংগী মশিং অদু ৩২০ লৈখি।

•          মহারাস্ত্র: ব্রিহানমুম্বাই মুনিসিপাল কোর্পোরেশন্না ভেক্সিন হেক এপ্রুব তৌবগা থা অমগী মনুংদা মীওই করোর ১ মবা নক্না ভেক্সিনেত তৌনবা শেম-শারি। মসিগীদমক্তা, সিভিক বোদী অসিনা ভেক্সিনেশনগী প্রোসেসকী ব্লুপ্রিন্ত অমা শেমখ্রে অমসুং মখৌয়না মুম্বাইকারশিং অদু হান্না ভেক্সিনেত তৌনবা থৌরাং তৌরি।

•          গুজরাত: গুজরাত্তা হৌখিবা পুং ২৪গী মনুংদা কোরোনাভাইরসকী অনৌবা কেস ১,৫৪০ থেংনখি অমসুং ১৩ শিখিবা লৈখি। রাজ্য অসিদা কেসলোদ অদু ২,১৪,৩০৯দা হেনগৎলকখি অদুগা শিখিবশিংগী মশিং অদু ৪,০৩১ য়ৌখ্রে। মসিগীশু মথক্তা নুমিৎ অদুমক্তদা পেসেন্ত ১,৪২৭ দিসচার্জ তৌখ্রে। গুজরাত্তা এক্তিব কেসশিংগী মশিং অদু ১৪,৯১৩ ওইখি।

•          রাজস্থান:  রাজস্থানদা শগোলশেল নুমিত্তা কোরোনাভাইরসকী অনৌবা কেস ২,০৮৬ থেংনখি অমসুং লাইনা অসিনা মরম ওইরগা ২০ অমুক শিখিবা থেংনখি, মসিনা ইনফেক্সন তৌবগী মশিং অদু ২,৭৪,৪৮৬ য়ৌখ্রে অমসুং লাইচৎ অসিনা মরম  ওইরগা শিখিবগী মশিং অদু ২,৩৭০ য়ৌখ্রে। রাজ্য অসিদা লৈরিবা এক্তিব কেসশিংগী মশিং অদু দিৱালিগী মতুংদা ২৫,৫৪৪দা হেনগৎলকখ্রে।

•          মধ্য প্রদেশ: মধ্য প্রদেশতা শগোলশেল নুমিত্তা কোবিদ-১৯গী অনৌবা কেস ১,৪৫০ থেংনখি, মসিনা ইনফেক্সনশিংগী মশিং অদু ২,১০,৩৭৪দা য়ৌহনখি। মীওই ১৩ অমুক শিখিবগা লোইননা, লাইচৎ অসিনা মরম ওইরগা শিখিবশিংগী মশিং অদু ৩,৩০০দা হেনগৎখি। অনৌবা কেস ১,৪৫০গী মনুংদা, ইন্দোর জিলাদগী ৫৬০ থেংনখি অমসুং ভোপালদগী ৩৭৫ ওইখি।

•          কেরলা: প্রধান মন্ত্রী য়াওদুনা পাংথোকখিবা ঙসিগী ওল পার্তী মীত্তা শরুক য়াখিবা কেরলাদগী লেফ এম.পি.শিংনা কোবিদ ভেক্সিন অদু লেম্না য়েন্থোক্নবা তকশিনখ্রে। মখোয়না খঙহল্লকখি মদুদি হায়রিবশিং অসি দোজ অমদা লুপা ২,৫০০ চংগনি অমসুং মীচম প্রজাগীদমক্তদি হায়রিবা অসি লৌবা ঙম্বগী ৱাংবদা ওই। মসিগী মতুং ইন্না সেন্তরনা থোকখিবা এস.ও.পি.দা পীখিবা কোবিদকা চুনবা চৎনা কাংলোনশিং অদুগী ইমপ্লিমেন্তেশন তৌবদা ফেসিলিতেত তৌনবা অমসুং মোনিতর তৌনবা মার্কেত খুদিংমক্তা সব-কমিতী অমা শেম্লগনি।

•          তামিল নাদু: তামিল নাদুগী সাউদর্ন দিস্ত্রিক্তশিংদা সাইক্লোন বুরেভিনা মরম ওইরগা ননোং খরা তানা চুবা য়ানা লৈ। মুখ্য মন্ত্রী, এদাপাদি কে. পলানিস্বামিনা হায়খি মদুদি অনৌবা ফার্ম লোশিং অসিনা তামিল নাদুগী লৌমীশিংদা শিওকহল্লোই অদুবু মাংবদগীদি মখোয়বু কনগনি।

•          কর্নাতকা: খ্রিস্তমাস্ত অমসুং নয়ু য়িবরদা নুংদাংগী কর্ফ্যু থম্লোই, হায়না কর্নাতকাগী মন্ত্রীনা ফোংদোরকখি; হকশেল মন্ত্রী, দা. কে. সুধাকরনা কর্ফ্যু অসি মথৌ তাদবা য়াই হায়না হায়খি, অদুবু কুম্হৈশিং অমহেক্তা পাংথোকপগী মথৌদি করিগী তাবগে হায়নসু হংখি।  হোম মিনিস্তর, বসাৱরাজ বোম্মাইনা শগোলশেল নুমিত্তা হায়খি মদুদি রাজ্য সরকার অসিনা খ্রিস্তমাস্ত অমসুং ন্যু য়িয়রগী কুম্হৈগী মাংওইননা ‘নাইত কর্ফ্যু’ থম্বা নত্তনা অতোপ্পা ওপ্সনশিং য়েংলি।

•          অন্ধ্র প্রদেশ: নেভী দে মেন্যুভরশিং অদু ইস্তর্ন নেভেল কমান্দ অমসুং মখোয়গী ফ্লীতনা ৱিশাখাপতনমদা চহি খুদিংগী পাংথোকই। অদুবু হন্দক্কী চহি অসিদি কোবিদকী রেগুলেশনশিং অসি থোরকপনা মরম ওইরগা মেন্যুভরশিং অমত্তা পাংথোক্লরোই।

•          তেলঙ্গনা: হৌখিবা পুং ২৪দা অনৌবা কেস ৬৩১ লৈখি, ৮০২ ফগৎখি অমসুং ২ শিখিবা থেংনখি; অপুনা কেসশিং: ২,৭২,১২৩; এক্তিব কেসশিং: ৮,৮২৬; শিখিবশিং: ১৪৬৭; দিসচার্জ তৌখিবশিং: ফগৎলকপগী চাং চাদা ৯৬.২১ ওইখিবগা লোইননা ২,৬১,৮৩০ ওইখি, অদুগা লৈবাক পুম্বগী ওইনা ফগৎলকপগী চাং অসি চাদা ৯৪.২ ওইখি।

ফেক্ত চেক

*****