রোদ ত্রান্সপোর্ত, হায়ৱেজ অমসুং এম.এস.এম.ই.এস.গী য়ুনিয়ন মিনিস্তর শ্রী নিতিন গাদকারীনা ঙসি নাগালেন্দদা নেস্নেল হায়ৱেজ প্রোজেক্ত ১৫গী শঙ্গাবা অমসুং উরেপ উয়ুং তম্বা অসি ভর্চুএল ওইনা পাংথোকখ্রে। মুখ্য মন্ত্রী শ্রী নেফিয়ু রিও, এম.ও.এস.-আর.তি.ঐচ. জেনেরেল (দাঃ) ভি.কে. সিংহ, এম.পি.শিং, এম.এল.এ.শিং, সেন্তর অমসুং স্তেতকী মকোক থোংবা ওফিসরশিংনা থৌরম অদুদা শরুক য়াখি। *মসিগী এন.ঐচ. প্রোজেক্তশিং অসি চাওরাক্না কিলোমিতর ২৬৬ শাংবা লোয়ননা চাওরাক্না লুপা করোর ৪১২৭ চংগদবনি।*

থৌরম অদুদা ৱা ঙাংলদুনা শ্রী গাদকারীনা হায় মদুদি য়ুনিয়ন সরকারনা অৱাং নোংপোক অমসুং নাগালেন্দ মফমশিং অসি চাওখৎনবা হোৎদুনা লাক্লি অমসুং হৌখিবা চহি ৬ অসিদা নাগালেন্দগী এন.ঐচ. নেতৱার্কতা কিলোমিতর ৬৬৭ হাপচিন্দুনা চাওরাক্না ৭৬ পর সেন্ত চাওখৎপা পুরক্লি হায়বা খঙহল্লি। স্তেত অসিদা ঙসিদি এন.ঐচ.নেতৱার্ক অসি ২০১৪ ফাওবদা কিলোমিতর ১,৫৪৭দগী কিলোমিতর ৮৮০.৬৮দা শাংদোক্লি। মিনিস্তরনা হায় মদুদি নাগালেন্দদা দিস্ত্রীক্ত অয়াম্বা লোয়না ফাওনরে, অমদি নেস্নেল হায়ৱেজগী নেতৱার্ক খর ৱানা থোকপা নত্তনা। মহাক্না হায় মদুদি এন.ঐচ. নেতৱার্ক দেন্সিতি অসি নেস্নেলগী এবরেজ ৩৯.৯০ কিলোমিতর/১০০০ স্ক্ব্যর কিলোমিতর য়েংনবদা ৯৩.৩০ কিলোমিতর/১০০০ স্ক্ব্যর কিলোমিতর ওইরি। পোপুলেসন খাইনা স্তেত অসিদা এন.ঐচ. নেতৱার্ককী অকুংবা অসি ৭৭.৭৩ কিলোমিতর/লাখ পোপুলেসনদা নেস্নেলগী এবরেজ ১০.৮০ কিলোমিতর/ লাখ পোপুলেসন্দা।

শ্রী গাদকারীনা মখা তানা খঙহনখি মদুদি হৌখিবা চহি ৬ অসিদা নেস্নেল হায়ৱে চাওখৎনবা অমসুং ফগৎনবা থবক অপুনবা অশাংবা কিলোমিতর ১০৬৩.৪১ অমসুং শেমফম ওইনা লুপা করোর ১১,৭১১ চংগদবা থবক ৫৫গী অয়াবা পীখ্রে। হায়রিবা অসিদা দিমাপুর সহরগী (নাগালেন্দদা খ্বাইদগী চাওবা সহর) অসিগী চাওখৎ থৌরাংগীদমক কিলোমিতর ৪৮শাংবা লম্বীগী প্রোজেক্ত ৩গীদমক অপুনবা শেনফম লুপা করোর ১,৫৯৮ য়াওরি। মহাক্না হায় মদুদি কিলোমিতর ৬৯০ শাংবা শেনফম লুপা করোর ৭,৯৫৫ চংগদবা থবক ১৬ অসি মাংলোমদা চংশিল্লি। অতোপ্পা কিলোমিতর ১০৫শাংবা শেনফম ওইনা লুপা করোর ৯৬৬.৭৫কী থবক ৭ অমসু পীননবা লৈরে। কিলোমিতর ৫২৪ শাংবা শেনফম ওইনা লুপা করোর ৬,০০০গী থবক ৫ অমসু দি.পি.আর. স্তেজদা লৈরি।   

য়ুনিয়ন মিনিস্তরনা মখা তানা হায় মদুদি সি.আর.এফ.কী মখাদা ২০০২দগী হৌজিক ফাওবদা কাইথখিবা অপুনবা অসি লুপা করোর ১,৩৩৪.৩নি, হায়রিবা অসিদা লুপা করোর ৪৮৭.১৪ অমদি থাদোকখ্রে। মহাক্না নাগালেন্দগীদমক লুপা করোর ৪৫ অথুবা মতমদা কাইথোক্নবা লাওথোকখ্রে। 

শ্রী গাদকারীনা কোহিমা বাইপাসকী লম অমসুং অমাং অতা থোকখিবা অদুগী কম্পেসেসন পীনবগী এস্তিমেৎ অথুবা মতমদা থারক্নবা মুখ্য মন্ত্রীনা হায়খ্রে। মহাক্না মসিমসু খংঙনখি মদুদি এন.ঐচ.আই.দি.সি.এল.না নাগালেন্দদা কোহিমাদগী মাও ফাওবগী লেন অনিগী থবক পায়খৎকরে অমসুং সিবিল ৱার্ককীদমক ৩০.০৯.২০২০দা পীখ্রে। এপোইন্ত তৌবা তাং অসিনা ২০২০গী ওক্তোবরগী ২০দা লাওথোকখি অমসুং কন্ত্রেক্তরশিংনা মফম অসিদা থবক হৌখি। 

মুখ্য মন্ত্রী শ্রী নেফিয়ু রিওনা স্তেত অসিগী চিং লম্বীশিং অসি শেগৎপীনবা য়ুনিয়ন মিনিস্তরদা হায়জখি। শ্রী গাদকারীনা হায়রিবা অসি অয়াবা পীরে হায়না খঙহনখি। মুখ্য মন্ত্রীনা দিমাপুর-কোহিমা লম্বী অসিগী অৱাৎপশিং পুখৎখি, হায়রিবা অসি নাগালেন্দগী য়াম্না মরু ওইবা অমনি হায়না পনখি। শ্রী গাদকারীনা পাউখুম পীখি মদু্দি লম্বী অসিগী ৭০-৮০% অমদি লোইরে। থবকশিং অসি খুমাং চাওশিন্নবা অৱাংবা থাক্কী ওইবা মিতিং কয়া অমা পাংথোক্লি। শ্রী গাদকারীনা মুখ্য মন্ত্রীদা মখা তানা এন.ঐচ.কী থবকশিং অসি য়েংশিন্দুনা অৱাৎপশিং অসি মেনখৎনবা হায়খি। ঙসি কিলোমিতর ২৬.২৫ শাংবা কোহিমা-মাওগী লম্বীগী উরেপ উয়ুং তম্বদা অসিদা ৱা ঙাংলদুনা শ্রী গাদকারীনা খংহনখি মদুদি মসিগী শাংদোকরকপা অসি এসিয়ান হায়ৱেজ (এ.ঐচ.-১) শরুক অমা ওইনা ম্যানমার শম্ননবগী মরুওইবা অমা ওইদুনা কোহিমা সহরদগী মনিপুর ঙমখৈ য়ৌবদা হেন্না চাওখৎপা অমা পুরক্লি। মসিনা নাগালেন্দগী সোসিও-ইকোনোমিক অসিদা য়াম্না মরুওইবা ওইরি। অফবা লম্বী অমা লৈব অসিনা মফম অসিগী ইন্দস্ত্রী অমসুং ত্রেদ অমসুং মার্কেতিংনচিংবা অসিদা চাওখৎপা পুরক্কনি হায়বদি ৱা অসিনচিংবা।    

এম.ও.এস.-আর.তি.ঐচ. জেন. (দাঃ) ভি. কে. সিংহনা হায় মদুদি, নাগালেন্দ অসি য়াম্না ফজবা মফম অমনি অমসুং অনৌবা এন.ঐচ. প্রোজেক্তশিং অসিনা স্তেত অসিদা লম কোইবশিংগী পুক্নিং চিংশিল্লগনি হায়বগী আসা লৈ। মহাক্না অমুকসু খঙহনখি মদুদি ঙসি উরেপ উয়ুং তমখিবা প্রোজেক্ত ১৪গী মনুংদা, ১১ অমদি এন.ঐচ.আই.দি.সি.এল.না পায়বনি অমসুং ৩ অমনা স্তেতকী পি.দবল্যু.দি.না এম.ও.আর.তি.ঐচ.গী রোদ ৱিংগী মখাদা পায়বনি।

য়ু ত্যুব: https://youtu.be/Ig9MAINaInc

***