یومیہ نئے معاملوں سے زیادہ یومیہ صحت یابیوں کی تعداد فعال معاملوں میں تیزی سے کمی کویقینی بنارہی ہے

نئی دہلی ، 03 ؍دسمبر:بھارت میں گذشتہ 24گھنٹوں کے دوران یومیہ صحت یابیوں کی تعداد یومیہ نئے معاملوں سے زیادہ ہوچکی ہے ۔بھارت میں کووڈ -19سے جہاں ایک طرف 35551افراد متاثرہوئے ہیں وہیں 40726نئے لوگ صحت یاب بھی ہوئے ہیں ۔ اس کی وجہ سے گذشتہ 24گھنٹے کے دوران کل فعال معاملوں میں 5701معاملوں کی کمی درج کی گئی ہے ۔

گذشتہ 6دنوں سے یومیہ نئے معاملوں کے مقابلے یومیہ نئی صحت یابیوں کی تعداد زیادہ بنی ہوئی ہے ۔

بھارت میں کل فعال معاملوں کی تعداد آج 4.5فیصد سے نیچے پہنچ گئی ۔

یومیہ نئے معاملوں کے مقابلے یومیہ نئی صحت یابیوں کی تعداد بڑھنے کے رجحان کی وجہ سے بھارت میں فعال معاملوں میں  کمی کا سلسلہ لگاتارجاری ہے ۔ اس کی وجہ سے 422943موجودہ فعال معاملے ہندوستان کے کل مثبت معاملوں کا صرف 4.44فیصد ہیں ۔ 

یومیہ نئے معاملوں سے زیادہ یومیہ صحت یابیوں کی وجہ سے صحت یابی کی شرح میں آج بہتری ہوکر یہ 94.11فیصد ہوگئی ۔ صحت یاب ہونے والوں کی مجموعی تعداد 8973373ہے ۔صحت یاب معاملوں اور فعال معاملوں کے درمیان فرق میں تیزی سے اضافہ ہورہاہے اورفی الحال یہ تعداد 8550430ہے ۔

نئی صحت یابیوں میں سے 77.64فیصد 10ریاستوں /مرکز کے زیرانتظام علاقوں میں ہیں ۔

کووڈ سے 5924افراد کی صحت یابی کے ساتھ کیرالہ نے سب سے زیادہ صحت یابی درج کی ہے ۔ دہلی 5329یومیہ صحت یابیوں کے ساتھ دوسرے نمبر پراور3796نئی صحت یابیوں کے ساتھ مہاراشٹرتیسرے نمبرپرہے ۔

نئے معاملوں میں سے 75.5فیصد 10ریاستوں /مرکزکے زیرانتظام علاقوں میں درج کئے گئے ہیں ۔

کیرالہ میں گذشتہ 24گھنٹے کے دوران 6316معاملے درج کئے گئے ہیں ۔ دہلی میں کل 3944اور مہاراشٹر میں 3350 نئے معاملے درج کئے گئے ہیں ۔

گذشتہ 24گھنٹے کے دوران درج کی گئی 526نئی اموات میں سے 79.28فیصد 10ریاستوں /مرکز کے زیرانتظام علاقوں میں ہوئی ہیں ۔

اس میں سے 21.10فیصد یعنی 111اموات مہاراشٹرمیں ہوئی ہیں ۔ دہلی میں 82اور مغربی بنگال میں 51لوگوں کی موت ہوئی ہے ۔

*****************

( م ن ۔      ق ت۔ ع آ)

(03.12.2020)

U-7775