आरोग्य आणि कुटुंब कल्याण मंत्रालय
नव्याने कोविड संसर्ग होणाऱ्या व्यक्तींच्या तुलनेत बरे होणाऱ्या रूग्णांचे प्रमाण वाढल्यामुळे भारतातील सक्रिय रूग्णसंख्येत सातत्याने घट
एकूण रूग्णांच्या तुलनेत सक्रिय रूग्णांची संख्या 4.5% पेक्षा कमी
Posted On:
03 DEC 2020 1:10PM by PIB Mumbai
नवी दिल्ली, 3 डिसेंबर 2020
भारतात गेल्या 24 तासांत नव्याने कोविड संसर्ग होणाऱ्या व्यक्तींच्या तुलनेत बरे होणाऱ्या रूग्णांच्या संख्येत वाढ झाली आहे. गेल्या 24 तासात भारतात 35,551 व्यक्तींना कोविडचा संसर्ग झाला आहे तर 40,726 रूग्ण या आजारातून बरे झाले आहेत. परिणामी गेल्या 24 तासांत एकूण 5,701 सक्रिय प्रकरणांची निव्वळ घट झाली आहे.
गेले सहा दिवस सातत्याने नव्या रूग्णांच्या तुलनेत बरे होणाऱ्या रूग्णांची संख्या वाढत आहे.
![WhatsApp Image 2020-12-03 at 10.21.39 AM.jpeg](http://static.pib.gov.in/WriteReadData/userfiles/image/image001ALPL.jpg)
भारतातील एकूण रूग्णांच्या तुलनेत सक्रिय रूग्णांची संख्या 4.5% पेक्षा कमी झाली आहे.
देशात नव्याने कोविड संसर्ग होणाऱ्या व्यक्तींच्या तुलनेत बरे होणाऱ्या रूग्णांचे प्रमाण वाढल्यामुळे सक्रिय रूग्णसंख्येत सातत्याने घट होते आहे. सध्या भारतातील कोविडग्रस्त रूग्णांची एकूण संख्या 4,22,943 इतकी आहे. अर्थात भारतातील एकूण बाधित रूग्णसंख्येच्या तुलनेत सक्रिय रूग्णसंख्येची टक्केवारी केवळ 4.44 टक्के इतकी झाली आहे.
![WhatsApp Image 2020-12-03 at 10.24.33 AM.jpeg](http://static.pib.gov.in/WriteReadData/userfiles/image/image0025NZW.jpg)
कोविड बाधित रूग्ण बरे होण्याच्या दरात सुधारणा झाली असून तो आता 94.11% इतका झाला आहे. कोविड संसर्गातून पूर्ण बरे झालेल्यांची एकूण संख्या 89,73,373 झाली आहे. रोगमुक्त होणारे आणि नव्याने बाधित यांच्या संख्येतील तफावतही वाढत असून सध्या ही तफावत 85,50,430 इतकी झाली आहे.
उपचारानंतर बरे झालेल्या कोविड-19 ग्रस्त रूग्णांपैकी 77.64% जण हे देशातील दहा राज्ये/केंद्रशासित प्रदेशातले आहेत.
केरळमध्ये सर्वात जास्त म्हणजेच 5,924 रूग्ण उपचारानंतर बरे झाले. त्याखालोखाल दिल्लीतील 5,329 आणि महाराष्ट्रातील 3,796 रूग्ण बरे झाले.
![WhatsApp Image 2020-12-03 at 10.15.49 AM.jpeg](http://static.pib.gov.in/WriteReadData/userfiles/image/image00307Q8.jpg)
नोंद झालेल्या नव्या रूग्णांपैकी 75.5% रूग्ण हे देशातील दहा राज्ये/केंद्रशासित प्रदेशातले आहेत.
केरळमध्ये गेल्या 24 तासात 6,316 रूग्णांची नोंद झाली. त्याखालोखाल नवी दिल्लीत 3,944 तर महाराष्ट्रात 3,350 नवे रूग्ण आढळून आले.
![WhatsApp Image 2020-12-03 at 10.25.21 AM.jpeg](http://static.pib.gov.in/WriteReadData/userfiles/image/image0045HR0.jpg)
देशभरात गेल्या 24 तासात 526 कोविड रूग्ण दगावले, त्यातील 79.28% रूग्ण देशातील 10 राज्ये/केंद्रशासित प्रदेशातले होते.
महाराष्ट्रात 21.10% अर्थात 111 रूग्ण मृत्युमुखी पडले. त्याखालोखाल दिल्लीत 82 तर पश्चिम बंगालमध्ये 51 रूग्ण दगावले.
![WhatsApp Image 2020-12-03 at 10.25.22 AM.jpeg](http://static.pib.gov.in/WriteReadData/userfiles/image/image005X8I3.jpg)
* * *
Jaydevi PS/M.Pange/D.Rane
सोशल मिडियावर आम्हाला फॉलो करा:
@PIBMumbai
/PIBMumbai
/pibmumbai
pibmumbai[at]gmail[dot]com
(Release ID: 1677972)
Visitor Counter : 169
Read this release in:
English
,
Urdu
,
Hindi
,
Assamese
,
Bengali
,
Manipuri
,
Punjabi
,
Gujarati
,
Odia
,
Tamil
,
Telugu
,
Malayalam