আয়ুষ
কেন্দ্ৰীয় চৰকাৰৰ কৰ্মচাৰীৰ বাবে আয়ুষ ডে’ কেয়াৰ থেৰাপীৰ অনুমোদন
Posted On:
02 DEC 2020 2:50PM by PIB Guwahati
স্বাস্থ্য আৰু পৰিয়াল কল্যাণ মন্ত্ৰালয়ে কেন্দ্ৰীয় চৰকাৰৰ কৰ্মচাৰী তথা পেঞ্চনাৰসকলৰ বাবে আয়ুৰ্বেদ, যোগাভ্যাস আৰু নেচাৰ’পেথী প্ৰণালীৰ অধীনত ডে’ কেয়াৰ থেৰাপী চেণ্টাৰৰ সুবিধাৰ বাবে অনুমোদন জনাইছে৷ ইয়াৰ বাবে কেন্দ্ৰীয় চৰকাৰৰ স্বাস্থ্য আঁচনিৰ অধীনত ব্যক্তিগতখণ্ডৰ আয়ুৰ্বেদ, যোগাভ্যাস আৰু নেচাৰ’পেথীৰ ডে’ কেয়াৰ থেৰাপী কেন্দ্ৰকো তালিকাভুক্ত কৰা হৈছে৷
সকলো চিজিএইচএছ হিতাধিকাৰী, কৰ্মচাৰী তথা পেঞ্চনাৰসকলে এই আঁচনিৰ সুবিধা লাভ কৰিব৷ প্ৰাৰম্ভিক পৰ্যায়ত দিল্লী আৰু এনচিআৰত ডে’ কেয়াৰ থেৰাপী কেন্দ্ৰসমূহ তালিকাভুক্ত কৰা হ’ব৷
এই আঁচনিৰ অধীনত চিজিএইচএছ হিতাধিকাৰীসকলক দিনটোৰ ভিতৰত কেই ঘণ্টামান সময়ৰ বাবে চিকিৎসা সেৱা আগবঢ়োৱা হ’ব৷
ভাৰত চৰকাৰে আয়ুষ প্ৰণালীৰ সুবিধা সম্প্ৰসাৰিত কৰাৰ ক্ষেত্ৰত এই আঁচনিটো এক উল্লেখযোগ্য পদক্ষেপ হিচাপে বিবেচিত হৈছে৷
MV/SK/MANN
(Release ID: 1677903)
Visitor Counter : 173
Read this release in:
English
,
Urdu
,
Hindi
,
Marathi
,
Manipuri
,
Bengali
,
Punjabi
,
Odia
,
Tamil
,
Telugu
,
Kannada
,
Malayalam