অয়ুর্বেদা, য়োগা অমসুং নেচরোপেথি লায়য়েং মখলশিংগী মখাদা কেন্দ্র সরকারগী থবক তৌবা মীওইশিংগী অমসুং পেন্সন ফংলবশিংগীদমক দে কিয়ার থেরাপি সেন্তর হাংদোক্নবা থৌরাং হকশেল অমসুং য়াইফ-য়ুম্বাল মন্ত্রলয়না অয়াবা পীরে। অয়ুর্বেদা, য়োগা অমসুং নেচরোপেথিগী লনাই দে কিয়ার সেন্তরশিং সেন্ত্রেল গভর্নমেন্ত হেল্থ স্কিম(সি জি ঐচ এস)কী মখাদা অথুবদা ইমপেনেল তৌরগনি, মসি মমাংদা স্কিম অসিনা এল্লোপেথিগী দে কিয়ার সেন্তরশিং ইমপেনেল তৌখিবা অদুগা চপ মান্নবা মওংনি।

সেন্ত্রেল গভর্নমেন্ত হেল্থ স্কিমগী কান্নবা ফংলিবা থবক তৌরিবা অমসুং পোথারবা মীওই খুদিংমক হায়রিবা সেন্তরশিং অসিদগী কান্নবা লৌবা য়াগনি। মীয়াম মরক্তা অয়ুস অনা-লায়য়েংগী থবকশিং পাম্নবা হেনগৎলক্লিবা অসি য়েংলগা অমসুং সেন্ত্রেল গভর্নমেন্ত হেল্থ স্কিমগী কান্নবা ফংলিবশিংগীদমক মিনিস্ত্রিনা খোঙথাং অসি লৌখৎলকপনি।

দে কিয়ার থেরাপি সেন্তরশিং অহানবা ইমপেনেল তৌবগী থবকশিং চাংয়েং ওইনা চহি ১ দিল্লি অমসুং এন.সি.আরদা পায়খৎকনি অমসুং মতুং তারকপদা অতোপ্পা মফমশিংদা পায়খৎনবা খন্নগনি।

লায়য়েংনবগীদমক হায়রিবা স্কিম অসিগী মখাদা সি.জি.ঐচ.এসকী কান্নবা ফংলবশিং দে কিয়ার থেরাপি সেন্তরদা পুং খরদগী হৌরগা নোংম লৈনবগী খুদোংচাবা ফংগনি। স্কিম অসিগী পান্দমদি হকচাং ফনা লৈহনবা, হকশেলগী চাদিং হন্থহনবা অমসুং অনাবশিংদা মতিক চাবা , অফবা অমসুং নুংঙাইবা ফংহনবনি। লায়য়েংনবগীদমক হৈনদবা মফমদা অহিং লেনবা দরকার ওইদে, মরম অদুনা মসি অনাবা অঙাংশিং অমসুং অহলশিংগী ওইনা য়াম্না খুদোংচাবনি। মসি অয়ুস মেদিসিনগী কান্নবা ফংহন্নবা ভারত সরকারগী অতোপ্পা খোঙথাং অমনি।

সি.জি.ঐচ.এস ইমপেনেল হোস্পিতালদা লায়য়েংলবা মতুংদা হৌজিক অয়াবা পীরবা লায়য়েং কাংলোনশিং হায়বদি পঞ্চকর্মা অমসুং অভ্যাঙ্গগী খুদোংচাবা পীরে। মসিনা সি.জি.ঐচ.এসতা কা শীজিন্নবগী অহেনবা শেনফম চাদিং তৌরি অমসুং মসি লায়য়েংবগী চঙবা শেনফমদগী মথক্তগী তোখায়না সি.জি.ঐচ.এসনা পুথোকলি। দে কিয়ার সেন্তরশিংনা হোস্পিতালদা লায়য়েংবগী মমল হন্থহনবা খক নত্তনা অনাবশিংদা খুদোংচাবা কয়া ফংহল্লে।

অয়ুস দে কিয়ার সেন্তরশিংগী মনুংদা কমুনিতি হেল্থ সেন্তর, প্রাইমারি হেল্থ সেন্তর, দিসপেন্সরি, ক্লিনিক, পোলিক্লিনিক নৎত্রগা লোকেল ওথোরিতিশিংদা রেজিস্তার তৌরবা অসিগুম্বা সেন্তর অমা হেক্তা ওইবা য়াই। মসিদা রেজিস্তার তৌরবা অয়ুস মেদিকেল দোক্তরশিংগী মিৎয়েং মখাদা লায়য়েংবগী থবকশিং অমসুং মেদিকেল নৎত্রগা সর্জিকেল/পেরা সর্জিকেলগী থবকশিং পাংথোক্নবা খুদোংচাবা লৈগনি অমসুং মসিদা অনাবশিং সেন্তরদা লৈরগা লায়েংবগী থবক য়াওদে অমসুং মখাগী দরকার ওইবশিং অসি য়াওগনি -

১. মতিক চারবা রেজিস্তার তৌরবা অয়ুস মেদিকেল দোক্তর লৈগনি;

২. দরকারগী মতুংইন্না তোখায়বা অয়ুস থেরাপি সেক্সন লৈগনি;

৩. নুমিৎ খুদিংগী অনাবশিং রেকোর্দ লৌশিনগনি অমসুং মদু ইন্সুরেন্স কম্পেনিগী অয়াবা ফংলবা মীহুৎশিংদা য়েংহনগনি অমসুং;

৪. লনাই সেন্তরশিংগী ওইনা এন.এ.বি.ঐচ এক্রিদিতেসন নৎত্রগা ইন্ত্রি লেবেল সর্তিফিকেত দরকার ওই

*****