ਪ੍ਰਧਾਨ ਮੰਤਰੀ ਦਫਤਰ
ਪ੍ਰਧਾਨ ਮੰਤਰੀ 30 ਨਵੰਬਰ ਨੂੰ ਵਾਰਾਣਸੀ ਦਾ ਦੌਰਾ ਕਰਨਗੇ ਅਤੇ ਰਾਸ਼ਟਰੀ ਰਾਜਮਾਰਗ–19 ਦੇ ਵਾਰਾਣਸੀ–ਪ੍ਰਯਾਗਰਾਜ ਸੈਕਸ਼ਨ ਨੂੰ ਚੌੜਾ ਕਰ ਕੇ ਛੇ–ਲੇਨ ਬਣਾਉਣ ਦੇ ਪ੍ਰੋਜੈਕਟ ਦਾ ਉਦਘਾਟਨ ਕਰਨਗੇ
ਪ੍ਰਧਾਨ ‘ਦੇਵ ਦੀਪਾਵਲੀ’ ’ਚ ਸ਼ਾਮਲ ਹੋਣਗੇ ਅਤੇ ਸ਼੍ਰੀ ਕਾਸ਼ੀ ਵਿਸ਼ਵਨਾਥ ਮੰਦਿਰ ਲਾਂਘਾ ਪ੍ਰੋਜੈਕਟ ਵਾਲੀ ਥਾਂ ਦਾ ਦੌਰਾ ਵੀ ਕਰਨਗੇ
Posted On:
28 NOV 2020 8:38PM by PIB Chandigarh
ਪ੍ਰਧਾਨ ਮੰਤਰੀ, ਸ਼੍ਰੀ ਨਰੇਂਦਰ ਮੋਦੀ 30 ਨਵੰਬਰ, 2020 ਨੂੰ ਵਾਰਾਣਸੀ ਦਾ ਦੌਰਾ ਕਰਨਗੇ ਅਤੇ ਰਾਸ਼ਟਰੀ ਰਾਜਮਾਰਗ–19 ਦੇ ਹਾਂਡੀਆ (ਪ੍ਰਯਾਗਰਾਜ) – ਰਾਜਾਤਾਲਾਬ (ਵਾਰਾਣਸੀ) ਸੈਕਸ਼ਨ ਨੂੰ ਚੌੜਾ ਕਰ ਕੇ ਛੇ–ਲੇਨ ਬਣਾਉਣ ਦਾ ਪ੍ਰੋਜੈਕਟ ਰਾਸ਼ਟਰ ਨੂੰ ਸਮਰਪਿਤ ਕਰਨਗੇ। ਇਸ ਦੌਰੇ ਦੌਰਾਨ, ਪ੍ਰਧਾਨ ਮੰਤਰੀ ‘ਦੇਵ ਦੀਪਾਵਲੀ’ ’ਚ ਸ਼ਾਮਲ ਹੋਣਗੇ ਅਤੇ ਕਾਸ਼ੀ ਵਿਸ਼ਵਨਾਥ ਮੰਦਿਰ ਲਾਂਘਾ ਪ੍ਰੋਜੈਕਟ ਵਾਲੀ ਥਾਂ ਦਾ ਦੌਰਾ ਕਰਨ ਦੇ ਨਾਲ–ਨਾਲ ਸਾਰਨਾਥ ਪੁਰਾਤੱਤਵ ਸਥਾਨ ਉੱਤੇ ਵੀ ਜਾਣਗੇ।
ਰਾਸ਼ਟਰੀ ਰਾਜਮਾਰਗ–19 ਦੇ ਨਵੀਂ ਚੌੜੀ ਕੀਤੀ 73 ਕਿਲੋਮੀਟਰ ਲੰਬੀ ਛੇ–ਲੇਨ ਵਾਲੀ ਪੱਟੀ ਨੂੰ ਤਿਆਰ ਉੱਤੇ ਕੁੱਲ 2,447 ਕਰੋੜ ਰੁਪਏ ਦਾ ਖ਼ਰਚਾ ਹੋਇਆ ਹੈ, ਇਸ ਨਾਲ ਪ੍ਰਯਾਗਰਾਜ ਅਤੇ ਵਾਰਾਣਸੀ ਦਰਮਿਆਨ ਯਾਤਰਾ ਦਾ ਸਮਾਂ ਇੱਕ ਘੰਟਾ ਘਟਣ ਦੀ ਸੰਭਾਵਨਾ ਹੈ।
‘ਦੇਵ ਦੀਪਾਵਲੀ’, ਜੋ ਵਾਰਾਣਸੀ ’ਚ ਰੋਸ਼ਨੀਆਂ ਦਾ ਅਤੇ ਜੋਸ਼ੋ–ਖ਼ਰੋਸ਼ ਨਾਲ ਭਰਪੂਰ ਵਿਸ਼ਵ–ਪ੍ਰਸਿੱਧ ਤਿਉਹਾਰ ਬਣ ਚੁੱਕਾ ਹੈ, ਕੱਤਕ ਮਹੀਨੇ ਦੀ ਹਰੇਕ ਪੂਰਨਮਾਸ਼ੀ ਨੂੰ ਮਨਾਇਆ ਜਾਂਦਾ ਹੈ। ਇਸ ਤਿਉਹਾਰ ਦੀ ਸ਼ੁਰੂਆਤ ਪ੍ਰਧਾਨ ਮੰਤਰੀ ਦੁਆਰਾ ਵਾਰਾਣਸੀ ਦੇ ਰਾਜਘਾਟ ਉੱਤੇ ਇੱਕ ਦੀਵਾ ਬਾਲ਼ ਕੇ ਕੀਤੀ ਜਾਵੇਗੀ।, ਜਿਸ ਤੋਂ ਬਾਅਦ ਗੰਗਾ ਨਦੀ ਦੇ ਦੋਵੇਂ ਕੰਢਿਆਂ ਉੱਤੇ 11 ਲੱਖ ਦੀਵੇ ਰੌਸ਼ਨ ਕੀਤੇ ਜਾਣਗੇ।
ਇਸ ਦੌਰੇ ਦੌਰਾਨ, ਪ੍ਰਧਾਨ ਮੰਤਰੀ ਨਿਰਮਾਣ ਅਧੀਨ ਕਾਸ਼ੀ ਵਿਸ਼ਵਨਾਥ ਮੰਦਿਰ ਲਾਂਘਾ ਪ੍ਰੋਜੈਕਟ ਦਾ ਦੌਰਾ ਕਰਕੇ ਉਸ ਦੀ ਪ੍ਰਗਤੀ ਦੀ ਸਮੀਖਿਆ ਕਰਨਗੇ। ਉਹ ਸਾਰਨਾਥ ਦੇ ਪੁਰਾਤੱਤਵ ਸਥਾਨ ਉੱਤੇ ‘ਲਾਈਟ ਐਂਡ ਸਾਊਂਡ’ ਸ਼ੋਅ ਵੀ ਦੇਖਣਗੇ, ਜਿਸ ਦਾ ਉਦਘਾਟਨ ਉਨ੍ਹਾਂ ਪਹਿਲਾਂ ਇਸੇ ਮਹੀਨੇ ਕੀਤਾ ਸੀ।
******
ਡੀਐੱਸ/ਐੱਸਐੱਚ
(Release ID: 1676899)
Visitor Counter : 192
Read this release in:
Assamese
,
English
,
Urdu
,
Marathi
,
Hindi
,
Bengali
,
Manipuri
,
Gujarati
,
Odia
,
Tamil
,
Telugu
,
Kannada
,
Malayalam