কেন্দ্রগী শেল-থুম অমসুং কোর্পোরেৎ এফিয়র্সকী মন্ত্রী শ্রীমতী নির্মলা সীতারমন্না ঙসি পাৱর, মাইন্স মন্ত্রালয় অমসু এতোমিক ইনর্জী দিপার্তমেন্তকী সেক্রেতরীশিং অমসুং মন্ত্রালয় অসিদা য়াওরিবা সি.পি.এস.ই ১০গী সি.এম.দি.শিংগা লোইননা শেনবা চহি অসিগী কেপিতেল এক্সপেন্দিচর (কেপেক্স)গী মতাংদা য়েংশিন্নবা ভিদিও কনফরেন্স অমা পাংথোকখ্রে। কোবিদ-১৯ লাইচৎকী মরুমদা শেনমিৎলোনগী শাহৌগীদা খোংজেল য়াংশিন্নবগীদমক্তা শেল-থুম মন্ত্রীনা তোঙান তোঙানবা স্তেকহোল্দরশিংগা লোইননা মফম পাংথোক্লি। মসি পরিং অসিগী মঙাশুবা মীফম্নি।

নবেম্বর ২৩, ২০২০দা ২০২০-২১গী লুপা করোর ৬১৪৮৩গী কেপেক্সকী পান্দমগা য়েংনরুবদা অপুনবা এচিবমেন্ত লুপা করোর ২৪২২৭ (৩৯.৪%) ওইখি।

সি.পি.এস.ই.শিংগী থবকশিং য়েংশিল্লদুনা শ্রীমতী সীতারমন্না হায়খি মদুদি সি.পি.এস.ই.না পাইখৎপা কেপেক্স অসি শেন্মিৎলোনগী শাহৌগী মরুওইবা দ্রাইবর অমনি অমসুং শেনবা চহি ২০২০-২১ অমসুং ২০২১-২২গীদমক্তা মসি হেনগৎহনগদবনি। শেল-থুম মন্ত্রীনা কেপেক্সকী পান্দমশিং অদু মপুং ফাহন্নবগীদমক্তা মন্ত্রালয় অমসুং সি.পি.এস.ই.শিংনা হোৎনরিবশিং অদুদা থাগৎপা ফোংদোকখি। অদুবু শ্রীমতী সীতারমন্না হায়খি মদুদি শেনবা চহি ২০২১গী ৩শুবা ক্বাতর ফাওবা ৭৫% কেপেক্সকী পান্দম অমসুং ৪শুবা ক্বাতর ফাওবদা ১০০%দগী হেন্না কেপেক্সকী পান্দম ফংনবগীদমক্তা অমসুং হেন্না কন্না হোৎনবগী মথৌ তাই। মহাক্না সি.পি.এস.ই.বু পুক্নীং থৌগৎখি মদুদি মখোয়না পান্দম ফংনবগীদমক্তা হেন্না ফবা থবক তৌগদবনি অমসুং মখোয়না মসি লেপথোক্কদবনি মদুদি ২০২০-২১গীদমক্তা কেপিতেল আউৎলে মতিক চাবা মওংদা অমসুং মতমগী মনুংদা চাদিং তৌগদবনি।

শ্রীমতী সীতারমন্না সেক্রেতরীশিংদা কেপেক্সকী পান্দমশিং লেপথোক্নবগীদমক সি.পি.এস.ইগী থবক থৌরমশিং মোনিতরিং তৌবা অমসুং মসিগা মরী লৈননা থৌরাং শেম্ননবা থঙহনখি। মহাক্না সেক্রেতরীশিংদা হায়খি মদুদি মখোয়না সি.পি.এস.ই.গী লোইশিন্দনা লৈরিবা হিরমশিংবু অচেৎপা মওংদা পাম্বৈ পুথোক্কদবনি।

*****