(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌখিবা পুং ২৪দা তেস্ত ১১,৫৯,০৩২ পাঙথোকখিবগা লোইননা তেস্ত তৌখিবগী অপুনবা অসি করোর ১৩.৫গী ময়া য়ৌখ্রে
• ঙসি ফাওবদা কেস পুম্নমক্কী ৯৩.৭২% ফগৎতুনা নাবা ফখ্রে
• হৌখিবা পুং ২৪দা লৈবাক অসিদা ৩৭,৮১৬ নৌনা নাবা ফগৎখিবগী রেজিস্তর তৌখ্রে অমদি অনৌবা কনফর্ম কেস ৪৪,৩৭৬ রেকোর্দ তৌখি
• সর্ভিলেন্স, কন্তেনমেন্ত অমসুং চেকশিন থৌরাংগীদমক এম.ঐচ.এ. গাইদলাইনশিং, মদু ২০২০গী দিসেম্বর ১দগী ৩১.১২.২০২০ ফাওবা চৎনরগনি৷ লৈবাক অসিদা কোবিদ-১৯গী এক্তিব কেস মশিং তপ্না তপ্না তারকপা ঙমখ্রবা সবস্তেন্সিয়েল গেনশিং অদু পুনশিনবা অসিনা গাইদলাইনশিং অসিগী খ্বাইদগী মরু ওইবা পান্দম ওইরি৷

ভারতকী তেস্ত তৌবগী মশিং চাউনা হেনগৎলকখ্রে; তেস্তশিং তৌখিবগী অপুনবা করোর ১৩.৫কী ময়া য়ৌখ্রে, তেস্ত তৌবা হেনগৎলকপনা পোজিতিব ওইবগী চাংগী অপুনবা অসি লেপ্তনা তাথরক্লি

ভারতনা জনুৱারী ২০২০দগী কোবিদ-১৯ তেস্তিং ইনফ্রাস্ত্রকচরদা লেপ্তনা হেনগৎলক্লি উৎতুনা তেস্ত তৌবগী মশিং চাউনা হেনগৎলক্লি। হৌখিবা পুং ২৪দা তেস্ত ১১,৫৯,০৩২ পাঙথোকখিবগা লোইননা তেস্ত তৌখিবগী অপুনবা অসি করোর ১৩.৫ (১৩,৪৮,৪১,৩০৭)গী ময়া য়ৌখ্রে। মপুং ফানা অমসুং পাক শন্না তেস্ত তৌবনা পোজিতিব ওইবগী চাং হন্থহনবা ঙমখ্রে। লৈবাক্কী পোজিতিব ইবগী চাংগী অপুনবদা লেপ্তনা তারকপা অসিনা লাইনা অসি শন্দোকপগী চাং মাই পাক্না লাকশিল্লি হায়বা উৎখ্রে। অপুনবা পোজিতিব ওইবগী চাং তপ্না-তপ্না তারক্তুনা ঙসি ৬.৮৪% ওইখ্রে। নুংতিগী পোজিতিব ওইবগী চাং অসি ঙসিগী ওইনা ৩.৮৩% ওইখি। তেস্তিং ইনফ্রাস্ত্রকচর লেপ্তনা হেনগৎলকপনা তেস্ত তৌবগী মশিং খঙৱাং ৱাংখৎলকপদা মরু ওইবা থৌদাং অমা লৌরি। সরকারগী লেবোরেতরী ১১৬৭ অমসুং লনাই লেবোরেতরী ৯৭১ য়াওনা লৈবাক অসিদা তেস্তিং লেব ২,১৩৮ লৈবগা লোইননা নুংতিগী তেস্ত তৌবগী চাং অসি চাউনা হেনগৎলকখি। মসিনা মরম ওইরগা ভারতকী নোংমগী তেস্ত পর মিলিয়ন অসি দবল্যু.ঐচ.ও.গী স্তেন্দর্দতগী শরুক মঙা হেল্লি। ভারতকী হৌজিক লৈরিবা এক্তিব কেসলোদ (৪,৪৪,৭৪৬) অসি অপুনবা পোজিতিব কেসকী ৪.৮২% ওই, অমসুং ৫%গী মখাদা লৈহনবা ঙমখি। ঙসি ফাওবদা কেস পুম্নমক্কী ৯৩.৭২% ফগৎতুনা নাবা ফগৎলকপগী চাং ৯৩%গী মথক্ত লৈরি। হৌখিবা পুং ২৪দা লৈবাক অসিদা ৩৭,৮১৬ নৌনা নাবা ফগৎখিবগী রেজিস্তর তৌদুনা পুন্না নাবা ফগৎখিবা কেস ৮৬,৪২,৭৭১ শুখ্রে। নাবা ফগৎখ্রবা কেসশিং অমসুং এক্তিব কেসশিংগী মরক্তা লৈরিবা খেৎনবা তপ্না-তপ্না হেনগৎলক্লি অমসুং হোজিক্কী ওইনা ৮১,৯৮,০২৫ ওই। নৌনা নাবা ফগৎখ্রবশিংগী ৭৭.৫৩%দি রাজ্য/য়ু.তি. তরাদগী ওইখি। কোবিদতগী মীওই ৫,১৪ ফগৎতুনা কেরেলানা মশিং ৱাংলি। দিল্লীনা ৪,৯৪৩ নাবা ফগৎপগী রিপোর্ত তৌখি অমরোমদা মহারাস্ত্রনা হৌখিবা পুং ২৪দা অতোপ্পা ৪,০৮৬ নৌনা নাবা ফগৎপগী রেজিস্তর তৌখি। হৌখিবা পুং ২৪দা অনৌবা কনফর্ম কেস ৪৪,৩৭৬ রেকোর্দ তৌখি। অনৌবা কেসকী ৭৬.৫১%দি রাজ্য/য়ু.তি. তরাদগী ওইখি। হৌখিবা পুং ২৪দা দিল্লীদা কেস ৬,২২৪ রিপোর্ত তৌদুনা খ্বাইদগী ৱাংবা ওইখি। মহারাস্ত্রনা অনৌবা কেস ৫,৪৩৯ রেকোর্দ তৌখি অমসুং কেরেলানা ঙরাং নুংতিগী থেংনবা কেস ৫,৪২০ রিপোর্ত তৌখি। হৌখিবা পুং ২৪দা রিপোর্ত তৌরকখিবা শীখিবগী কেস ৪৮১গী ৭৪.২২%দি রাজ্য/য়ু.তি. তরাদগী ওইখি। শীখিবা ১০৯গা লোইননা দিল্লীনা খ্বাইদগী য়াম্না নৌনা শীখিবগী রিপোর্ত তৌখি। ৱেস্ত বেঙ্গলগী শীখিবগী মশিং ৪৯ ওইখি অমদি উত্তর প্রদেশকী শীখিবা ৩৩গা লোইননা মতুং ইনখি।

অকুপ্পা ৱারোলগীদমক :

সর্ভিলেন্স, কন্তেনমেন্ত অমসুং চেকশিন থৌরাংগীদমক এম.ঐচ.এ. গাইদলাইনশিং

হোম এফিয়র্স মন্ত্রালয়না(এম.ঐচ.এ.) ঙসি সর্ভিলেন্স, কন্তেনমেন্ত অমসুং চেকশিন থৌরাংশিংগীদমক গাইদলাইনশিং য়াওবা ওদর অমা পুথোকখ্রে অমসুং মসি ২০২০গী দিসেম্বর ১দগী ৩১.১২.২০২০ ফাওবা চৎনরগনি৷ লৈবাক অসিদা কোবিদ-১৯গী এক্তিব কেস মশিং তপ্না তপ্না তারকপা ঙমখ্রবা সবস্তেন্সিয়েল গেনশিং অদু পুনশিনবা অসিনা গাইদলাইনশিং অসিগী খ্বাইদগী মরু ওইবা পান্দম ওইরি৷ মখাতানা রাজ্যশিং/য়ু.তি. খরদা, চৎথরিবা ফেস্তিবেল সিজন অমসুং নিংথম থা লাকপা অসিনা মরম ওইরগা অনৌবা কেস মশিং খরা হেঙ্গৎলকপা অসি য়েংলগা লাইনা-লাইচৎ অসি মপুং ফানা লান্থোকপা ঙম্নবা ঐখোয় য়াম্না চেকশিনবা তঙাই ফদে অমসুং কন্তেনমেন্ত স্ত্রাতিজী অসি ইন্দুনা এম.ঐচ.এ. অমসুং হকশেল অমসুং য়াইফ য়ুম্বাল মন্ত্রালয়না(এম.ও.ঐচ.এফ.দবল্যু.) ফোংলিবা গাইদলাইনশিং/এস.ও.পি.শিং অসি ইন্দুনা সর্ভিলেন্স, কন্তেনমেন্ত থম্বদা মীৎয়েং থমগদবনি৷ হায়রিবা কন্তেনমেন্ত মিজরশিং অসি য়াম্না চেকশিন্না চৎনহনবদা লোকেল দিস্ত্রিক, পুলিস অমসুং মুনিসিপাল ওথোরিতীশিং অসিনা থৌদাং লৌরগনি৷ কোবিদ-১৯ শন্দোকপগী ফিভম অসি য়েংলগা রাজ্যশিং অমসুং য়ু.তি.শিং অসিনা লোকেল রেস্ত্রিক্সনশিং থম্লবা য়াই৷

অকুপ্পা ৱারোলগীদমক :

কোবিদ-১৯গী মতাংদা মুখ্যমন্ত্রীশিংগা লোইননা পাংথোকপা ভর্চুএল মীফমদা পি.এম.না পীখিবা লোইশিন ৱারোল

অকুপ্পা ৱারোলগীদমক :

পি.এম.না নবেম্বর ২৬তা আর.ই.-ইনভেস্ত ২০২০ হৌদোক্কনি

প্রধান মন্ত্রী শ্রী নরেন্দ্র মোদীনা নবেম্বর ২৬, ২০২০কী নুমিদাংৱাইরম পুং ৫:৩০ তাবা মতমদা অহুমশুবা গ্লোবেল রিন্যুএবল ইনর্জী ইনভেস্তমেন্ত মীতিং অমসুং এক্সপো (রি-ইনভেস্ত ২০২০) ভর্চুএল ওইনা হৌদোক্কনি। সমিৎ অসি ন্যু অমসুং রিন্যুএবল ইনর্জী মন্ত্রালয়না শিল-লাংবনি অমসুং নবেম্বর ২৬-২৮, ২০২০ ফাওবা পাংথোক্কনি। রি-ইনভেস্ত ২০২০গী হিরম অসি ‘তুং কোইবা ইনর্জীগীমক্তা ইনোবেসনশিং’নি। মসিদা রিন্যুএবল অমসুং তুংলমচৎকী ইনর্জীগী অপাম্বশিংদা নুমিৎ হুম্নিগী সমিৎ, অমসুং মেন্যুফেকচররশিং, দিবেলপরশিং, ইনভেস্তরশিং অমসুং ইনোভেতরশিংগী এগজিবিসন অমা পাংথোক্কনি। মসিদা মালেমগী মন্ত্রীগী থাক্কী দেলিগেসন ৭৫দগী হেনবনা, মালেমগী ইন্দস্ত্রীগী লুচিংবশিং ১০০০দগী হেনবা, অমসুং দিলিগেৎ ৫০,০০০না শরুক য়াবগী থাজবা থম্লি।

অকুপ্পা ৱারোলগীদমক :

ইন্দিয়া অমসুং ম্যানমারগী মরক্তা জোইন্ত ত্রেদ কম্মিতিগী ৭শুবা মীতিং

ইন্দিয়া অমসুং ম্যানমারগী মরক্তা জোইন্ত ত্রেদ কম্মিতিগী ৭শুবা মীতিং ২০২০গী নবেম্বরগী ২৪দা ভর্চুএলগী ওইবা খুত্থাংদা পাংথোকখ্রে। মিতিং অসি ম্যানমারগী মিনিস্ত্রী ওফ কম্মর্সকী য়ুনিয়ন মিনিস্তর দাঃ থান মাইয়িন্ত অমসুং ইন্দিয়াগী কম্মর্স অমসুং ইন্দস্ত্রী মিনিস্তর শ্রী পিয়ুশ গোয়ালনা ময়াই তাঙবল লৌখি। ৱা খন্নবা মনুং অসিদা নাকন অনিগী ওইবা ত্রেদ, শেন্থং, বেঙ্কিং, মরী লৈনহনবা, থবক হেনগৎহনবা অমসুং মচাক মথুমগী ঙমখৈ ফগৎহনবা অসিদা অমুক পুথোক্তুনা খন্নখি। নাকন অনিনা কোবিদ-১৯গী অৱাবা অসি থেংননবা শেম-শাবগী খন্নখি অমসুং ফার্মা অমসুং হকশেলগী মফম কায়া অমা লোয়ননা মহৌশাদগী চৎনরক্লবা হিদাকশিং অসিদা মতেং পীনবা হেনগৎহনবা অসিদা অমুক খন্নখি। শ্রী পিয়ুশ গোয়ালনা ইন্দিয়া অমসুং ম্যানমার অনিগী মরক্তা লৈরিবা সংস্কৃতী অমসুং কম্মর্সিএল ওইবা অচেৎপা মরী অসি উৎখি অমসুং অহানবা ওইনা ইন্দিয়ানা ম্যানমারগা লৈরিবা মরী অসি ‘নাইবরহুদ ফার্স’ অমসুং ‘এক্ত ইস্ত’ পোলিসি অসিগী মরী অসিনি। মহাক্না অমুক হন্না হায়খি মদুদি ইন্দিয়ানা ম্যানমারগা হীরম কয়াদা খুশম্নদুনা চৎনবা শোইদনা ঙাক্কনি হায়রিবা অসিদা ত্রেদ, শেন্থং, থাও অমসুং গ্যাস, পাৱর, ইন্সুরেন্স, ফার্মাস্যুতিকেল অমসুং ইনফ্রাস্ত্ররচর অমসুং ইন্দিয়ানা ম্যানমারদা শেন্থং পীবা হেনগৎলক্লিবা অসিদা অপেনবা ফোংদোরক্লি। নাকন অনিনা খঙনরি মদুদি ইন্দিয়া অমসুং ম্যানমার অনিগী থাও অমসুং গ্যাসকী কোল্লার্বেসন অমসুং কোওপরেসন অসিনা নাকন অনিদা পেত্রোলিয়ম পোত্থোক অমসুং রিফাইনিং তৌবদা কান্নবা পীরি।

অকুপ্পা ৱারোলগীদমক :

শ্রী পিয়ুশ গোয়ালনা ইন্দিয়ন ইন্দস্ত্রীশিংদা অফবা অমসুং পোত্থোক হেনগৎনবা হোৎনবদা পুক্নিং চংনবা হায়খ্রে

কম্মর্স অমসুং ইন্দস্ত্রীগী য়ুনিয়ন মিনিস্তর শ্রী পিয়ুশ গোয়ালনা ইন্দিয়ন ইন্দস্ত্রীশিংদা অফবা অমসুং পোত্থোক হেনগৎহনবদা পুক্নিং চংনবা হায়খ্রে। ঙসি ইন্দস্ত্রী কয়াগী কাংলুপশিংগী ওইবা ওফিসকী থৌ পুবশিংগা উন্নদুনা মথং থাদা নুমিৎ খরনিগী ফম হাপতুনা লৈবাক অসি য়াম্না ফবা, পোত্থোক লৈবা মেনুফেকচরর, ত্রেদর অমসুং সর্বিস প্রোভাইদর ওইনা শকখংনবা ওইনবা অপুনবগী ওইনা থবক পীরি। মিনিস্তরনা হায় মদুদি হায়রিবা অসি সেক্তর অমসুং রিজন ওইনা তৌদুনা মসিনা থৌবুশিংদা ৱাখল চুংশিন্দুনা এস্পেক্ত অনিদা মিয়েং চংলি। শ্রী গোয়ালনা হায় মদুদি মপুং ওইবা কম্পনিশিংগী অনিশুবা ক্বাতর অসিনা চৎখ্রিবা কয়া অমদগী শেন্দোং লৈবা উৎলি অমসুং ইন্দিয়ন ইন্দস্ত্রীনা কোবিদ মনুংদা য়াম্না চেকশিন্না থবক তৌরি হায়বা তাক্লি, প্রোদক্ত মিক্স হেনগৎহনবা অমসুং অফবা অমসুং পোত্থোক লৈনবা হোৎনবদা মিয়েং চংবা অসিনি। ইন্দস্ত্রীগী মতেংনা মিসন মোদ অমা ওইনবা হায়রদুনা, শ্রী গোয়ালনা হায় মদুদি অফবা অমসুং পোত্থোক লৈনবা হোৎনবা অসিনা খুদোংথীবা অমদগী খুদোংচাবা অমদা ওন্থোক্লি। শ্রী গোয়ালনা হায় মদুদি ইন্দিয়ন ইন্দস্ত্রীনা লুরবা তানফম অসিদা য়াম্না থুনা ফগৎপা অমসুং থাজবা লৈদুনা লৈবাক অসিদা লায়চৎ অসিবু লান্থেংনবদা মতেং ওইরি। মহাক্না হায় মদুদি ইকোনোমী অসি অকনবা ইঙ্গিৎ অমা পীরক্লি অমসুং মালেমগী ওইবা মফম ফাওবদা, ইন্দিয়ানা মমিং অসি মফম কয়াদা চৎখ্রে, হায়রিবা অসিনা থাজবা য়াবা মরী ওইরি। মহাক্না ফোংদোক্লি মদুদি ইন্দিয়ানা মতম পুম্বদা শেমদুনা অমসুং হেন্না চেৎপা অমসুং মায় পাকপা ওইরি। মিনিস্তরনা হায় মদুদি ইন্দিয়াগী ইকোসিস্তেম অসি অহোংবা লৈরে অমসুং শক্তিগী ফিবম অমসুং ইক্বুইতেবলদা ইন্দিয়ানা মালেমগা থবক তৌমিন্নগনি। মহাক্না মীয়ামদা হায়খি মদুদি হকশেলগী চেকশিন থৌরাং কাইদনা থম্নবা, মতাং অসিদা থওইদবা অসিনা অৱাবা মায়োক্নবা য়াই। মিনিস্তরনা হায় মদুদি সরকারনা ইন্দস্ত্রীগী কাংবুশিং অসিগী অপাম্বা কয়া অমা খংলে অমসুং মসিগা চান্নবা লৌখৎপা য়াবা কয়া অমা দিপার্তমেন্ত কয়া অমদগী য়েংশিল্লবা মতুংদা পায়খৎকনি।

অকুপ্পা ৱারোলগীদমক :

পি.আই.বি. ফিল্দ ওফিসশিংদগী ফংবা পাউ

•           অসাম: অসামদা ঙরাং কোবিদ-১৯গীদমক্তা মীওই ১৫৭ অমুক পোজিতিব ওইবা থেংনখি। অপুনবা কেসশিংগী মশিং অদু ২১১৮৩৯দা হেনগৎখি, দিসচার্জ তৌখিবা পেসেন্তশিংগী অপুনবা মশিং ২০৭৬৪৬ ওইখি, এক্তিব ৩২১৪ ওইখি অমসুং শিখিবশিংগী অপুনবা মশিং ৯৭৬ ওইখি।

•          কেরলা: রাজ্যগী এজুকেশন দিপার্তমেন্তনা ওজাশিংদা দিসেম্বর ১৭দগী স্কুলশিংদা অমুক লাক্নবা তাক্লকখ্রে।ক্লাস ১০ অমসুং ১২গী ওজাশিংদা এত্তেন্দেন্স চাদা ৫০ ওইবগা লোইননা স্কুলশিংদা অমুক হন্না লাক্নবা হায়খ্রে। হায়রিবা থবক-থৌরমশিং অসি ক্লাস ১০ অমসুং ১২গী মহৈরোইশিংনা জনুৱারীদগী স্কুলশিংদা অমুক হন্না লাক্নবা শিনখিবনি। মরক অসিদা কেরলানা কোবিদ-১৯ দাইগ্নোস তৌনবগীদমক্তা শিজিন্নবা রেপিদ এন্তিজেন তেস্ত কিত ৩০,০০০গী মথক্তা ক্বালিতী ফত্তবনা মরম ওইরগা অমুক হন্দোকখ্রে। মতম অসিমক্তদা লাইনা অসিদগী পেসেন্ত ৫, ১৪৯ ফগৎখ্রে। কোবিদনা মরম ওইরগা শিখিবশিংগী মশিং অদু ২০৯৫ শুখ্রে অমসুং তেস্ত পোজিতিব ওইবগী চাং অসি ৯.০৪% ওইখি।

•          তামিল নাদু: করাইকল সাইক্লোন রিলীফ কেমপশিংদা কোবিদ শন্দোরকপদগী খুদোংথিনিংঙাই ওইদুনা লৈরে; ওফিসিয়েলশিংনা হায় করিগুম্বা ভাইরস অসিগীদমক্তা মীশিং পোজিতিব ওইবা থেংনরবদি, মখোয়শিং অদু কোবিদ কেয়র সেন্তরশিংদা শীফ তৌগনি। তামিল নাদুদা সাইক্লোন নিভার অসিনা মরম ওইরগা ইভাক্যুইশীংগীদমক্তা মতম খরগী ওইনা লৈফম-চাফম শেম্লিবা অদুদা লৈরিবা মীশিং অদুগী অশোই-অঙাম য়াওহন্দনবা মেদিকেল তীমশিংনা সেসক্যু শেল্তরশিংদা ফিবর কেমপশিং পাংথোক্লি অমসুং মাস্কশিং য়েন্থোক্লি।

•          কর্নাতকা: অনিশুবা ৱেব অসিগা মায়োক্ননবা রাজ্য অসিগী ওইনা শেম-শারিবশিং অদুগী মতাংদা খন্ননবা লৈবাকপোকপা নুমিত্তা মীফম পাংথোকখিবা রাজ্য অসিগী কোবিদ-১৯ তেক্নিকেল এদভাইজরী কমিতী (তি.এ.সি.)না ক্লাস ১দগীনা ৯ ফাওবগী মহৈরোইশিং অদু একজাম থাদনা প্রোমোত তৌনবগী মতাংদা খন্ননবা এজুকেশন দিপার্তমেন্ততা রিকমেন্দ তৌরকখ্রে।

•          অন্ধ্র প্রদেশ: সি.এম. ৱাই এস. জগন মোহন রেদ্দীনা লুপা করোর ১,০০০গী জগনন্নাথোদু স্কীম হৌদোকখ্রে; সকীম অসিগী মখাদা রাজ্য অসিদা লেরিবা অপিকপা অমসুং য়ম্না পীকপা ভেন্দরশিংদা লুপা ১০,০০০ ফাওবগী ইন্তরেস্ত-ফ্রী লোনশিং পীরগনি; হৌজিক ফাওবদা লাখ ১০না এপ্লাই তৌরকখ্রে।

•          তেলঙ্গনা: তেলঙ্গনাদা হৌখিবা পুং ২৪দা অনৌবা কেস ৯৯৩ লৈখি, ১১৫০ ফগৎখি অমসুং ৪ শিখি। অপুনবা কেসশিং: ২,৬৬,০৪২; এক্তিব কেসশিং: ১০,৮৮৬; শিখিবশিং: ১৪৪১; দিসচার্জ তৌখিবশিং: ফগৎলকপগী চাং চাদা ৯৫.৩৬ ওইখিবগা লোইননা ২,৫৩,৭১৫ দিসচার্জ তৌখ্রে, অদুগা লৈবাক পুম্বগী ওইবা ফগৎলকপগী চাংনা চাদা ৯৩.৭ ওইখি।

•          মহারাস্ত্র: রাজ্য সরকারনা কোবিদ-১৯ ভেক্সিন য়েন্থোক্নবগীদমক্তা মোদেলিতীশিং অদু য়েংশিন্নবা তাস্ক ফোর্স শেমখ্রে। মুখ্য মন্ত্রী, উধব থাকরেনা খঙহল্লকখ্রে মদুদি মসিগী তাস্ক ফোর্স অসিনা ভেক্সিন অসিনা কয়ামুক কান্নবগে হায়বগী মতাংদা অমসুং ফংবগা মরী লৈনবা ৱাফমশিং , করিগুম্বা হায়রিবা ভেক্সিন অসিনা সাইদ ইফফেক্তশিং অমহেক্তা লৈরবা, রাজ্য অসিদা লৈরিবা মীপুম খুদিংমক ভেক্সিনেত তৌবদা চংবা মমল অমসুং মসিবু নীংথিজনা য়েন্থোকপগা মরী লৈনবা ৱাফমশিংগী মতাংদা খন্নগনি। রাজ্য অসিনা মসিগী কেমপেন অসিগী খুত্থাংদা মীওই করোর ১১গী মথক্কী হেল্থ দেতা ওমগৎখ্রে। মহারাস্ত্রনা নুমিৎ খুদিংগী কোবিদ-১৯ তেস্ত ৮০,০০০ ফাওবা পাংথোক্লি।

•          গুজরাত: রাজ্য অসিদা অণৌবা কোবিদ কেস ১৫১০ থেংনখি অদুগা নুমিৎ অদুমক্তদা মীওই ১২৭৬ ফগৎখি। হৌজিক ফাওবদা কোবিদ সেমপল লাখ ৭৩.৭৬গী মথক্তা তেস্ত তৌখ্রে। হৌজিক রাজয় অসিদা এক্তিব কেস ১৪,০৪৪ লৈরি অমসুং হৌজিক ফাওবদা কোবিদনা মরম ওইরগা মী্ই ৩৮৮৯ লৈখিদ্রে।

•          রাজস্থান: রাজ্য অসিদা হৌজিক ফাওবদা এক্তিব কেস ২৫,০০০গী মথক্তা থেংনখি। হৌজিক ফাওবদা রাজ্য অসিদা লৈরিববা কোবিদ কেসশিংগী মশিং অদু লাখ ২.৫ হেনখ্রে অমসুং ফগৎলকখিবশিংগী অপুনবা মশিং অদু লাখ ২.২ হেনখ্রে। রাজ্য অসিদা কোবিদনা মরম ওইরগা মীওই ২২০০না মখোয়গী পুন্সি মাংখি।

•          মধ্য প্রদেশ: মধ্য প্রদেশতা এক্তিব কেসশিংগী মশিং অদু নবেম্বর ৩দগী অমুক হন্না হেনগৎলক্লি। এক্তিব কেসশিংগী মশিং অদু হৌজিক ১২,৯৭৯ শুখ্রে। রাজ্য অসিগী পোজিতিব ওইবগী চাং অসি চাংচত্তা ৫.৫% নি। রাজ্য অসিদা লৈরিবা কোরোনা পেসেন্তশিংগী ৫৯%দি ওম আইসোলেশন্দা লৈরি। সি.এম.না জিলা খুদিংমক্তা পোস্তিং তারিবা সেনিয়র ওফিসরশিংদা কোবিদ-১৯ ইনফেক্সন অসি অমুক ্ন্না হেনগৎলকপনা মরম ওইরগা লাইচৎ অসিবু লাকশিন্নবা খঙহল্লকখ্রে।

•          ছত্তিসগর: ছত্তিসগর সরকারগী জেনরেল এদমিনিস্ত্রেশন দিপার্তমেন্তনা রায়পুর অমসুং জগদলপুর এয়রপোর্ত্তা মপান্দগী লাক্লিবা পেসেঞ্জর পুম্নমক কোবিদ স্করীনিং নীংথিজনা পাংথোক্নবা নৌনা শেমদোক্লবা ইন্সত্রক্সনশিং থোকখ্রে। মপান লমদগী লাকপা পেসেঞ্জর পুম্নমক্না তঙাইফদনা রায়পুর মুনিসিপাল কোরপোরেশন্না পীবা সেন্তরশিং, শেল থিবা ক্বারেন্তিনদা নুমিৎ ১৪গীদমক্তা লৈগদবনি,  

•          গোৱা: রাজ্য অসিদা ঙরাং কোবিদকী অনৌবা কেস ১৬৭ থেংনখি অমসুং ৮৫ ফগৎখি। হৌখিবা নুমিৎ কয়াদগী হন্থরক্লিবা রাজ্য অসিগী এক্তিব কেসশিংগী মশিং অদু ১,২২১দা হেনগৎলকখ্রে। ঙরাং তেস্ত তৌখিবা সেমপল ২০০৪গী মনুংদা ১৬৭ (৮.৩৩%)দি পোজিতিব ওইবা থেংনখি। রাজ্য অসিগী পোজিতিব  ওইবগী চাং অসি ৯৬.৯৬%নি।

ফেক্ত চেক

*****