হোম এফিয়র্স মন্ত্রালয়না(এম.ঐচ.এ.) ঙসি সর্ভিলেন্স, কন্তেনমেন্ত অমসুং চেকশিন থৌরাংশিংগীদমক গাইদলাইনশিং য়াওবা ওদর অমা পুথোকখ্রে অমসুং মসি ২০২০গী দিসেম্বর ১দগী ৩১.১২.২০২০ ফাওবা চৎনরগনি৷

• লৈবাক অসিদা কোবিদ-১৯গী এক্তিব কেস মশিং তপ্না তপ্না তারকপা ঙমখ্রবা সবস্তেন্সিয়েল গেনশিং অদু পুনশিনবা অসিনা গাইদলাইনশিং অসিগী খ্বাইদগী মরু ওইবা পান্দম ওইরি৷ মখাতানা রাজ্যশিং/য়ু.তি. খরদা, চৎথরিবা ফেস্তিবেল সিজন অমসুং নিংথম থা লাকপা অসিনা মরম ওইরগা অনৌবা কেস মশিং খরা হেঙ্গৎলকপা অসি য়েংলগা লাইনা-লাইচৎ অসি মপুং ফানা লান্থোকপা ঙম্নবা ঐখোয় য়াম্না চেকশিনবা তঙাই ফদে অমসুং কন্তেনমেন্ত স্ত্রাতিজী অসি ইন্দুনা এম.ঐচ.এ. অমসুং হকশেল অমসুং য়াইফ য়ুম্বাল মন্ত্রালয়না(এম.ও.ঐচ.এফ.দবল্যু.) ফোংলিবা গাইদলাইনশিং/এস.ও.পি.শিং অসি ইন্দুনা সর্ভিলেন্স, কন্তেনমেন্ত থম্বদা মীৎয়েং থমগদবনি৷  হায়রিবা কন্তেনমেন্ত মিজরশিং অসি য়াম্না চেকশিন্না চৎনহনবদা লোকেল দিস্ত্রিক, পুলিস অমসুং মুনিসিপাল ওথোরিতীশিং অসিনা থৌদাং লৌরগনি৷ কোবিদ-১৯ শন্দোকপগী ফিভম অসি য়েংলগা রাজ্যশিং অমসুং য়ু.তি.শিং অসিনা লোকেল রেস্ত্রিক্সনশিং থম্লবা য়াই৷

সর্ভিলেন্স অমসুং কন্তেনমেন্ত

• রাজ্যশিং/য়ু.তি.শিং অসিনা এম.ও.ঐচ.এফ.দবল্যু.না ফোংলিবা গাইদলাইনশিং অসি ইন্দুনা দিস্ত্রিক ওথোরিতীশিংনা মাইক্রো লেভেলদা কন্তেনমেন্ত জোনশিং চেকশিন্না দিমার্কেসন তৌরগনি৷ মরী লৈনবা দিস্ত্রিক কল্লেক্তরশিং অমসুং রাজ্যশিং/য়ু.তি.শিং অসিনা ফোংলিবা কন্তেনমেন্ত জোনশিংগী লিস্ত অদু ৱেবসাইতশিংদা ফংলগনি৷ মসিগী লিস্ত অসি এম.ও.ঐচ.এফ.দবল্যু.গসু সেয়র তৌরগনি৷
• দিমার্কেসন কন্তেনমেন্ত জোনশিংগী মনুংদা এম.ও.ঐচ.এফ.দবল্যু.না ফোংলিবা কন্তেনমেন্ত মিজরশিং অদু চেকশিন্না ইল্লগনি অমসুং মসিদা মনুং চল্লিবশিং অদুদি:
  • কন্তেন্তমেন্ত জোনশিংদা তঙাই ফদবা থবক থৌরম খক্তমক পাংথোকপা য়াগনি৷
  • মেদিকেল ইমর্জেন্সীশিং অমসুং তঙাই ফদবা পোৎ অমসুং সর্ভিসশিং ফংহল্লিবা অসি নত্তনা জোনশিং অসিদা মীয়ামশিংনা চংবা অমসুং থোকপা য়াদনবা চেকশিন্না পেরিমিতর কন্ত্রোল লৈহল্লগনি৷
  • হিরম অসিগীদমক শেম্লবিা সর্ভিলেন্স তীমশিংনা য়ুমথোং খুদিং চংদুনা সর্ভিলেন্স তৌরগনি৷
  • প্রেস্ক্রাইব তৌরিবা প্রোতোকোল অসিগী মতুং ইন্না তেস্তিং তৌরগনি৷
  • পোজিতিব ওইরবা মীওই পুম্নমক মখোয় মখোয়গী ত্রেকিং, আইদেন্তিফিকেসন, ক্বারেন্তিন অমসুং নুমিৎ ১৪ মহাক্কা শোক্না শম্নরুবা মীওইশিং(শোক্না শম্নরুবা মীওইশিং অদুগী চাদা ৮০দি পুং ৭২ ফাওবগী মনুংদা থিজিনগদবনি) অদুগী লিস্ত শেমগদবনি৷
  • ত্রিতমেন্ত ফেসিলিতীশিং অমসুং য়ুমদা (হোম আইসোলেসনগী গাইদলাইনশিং অদু ইন্দুনা)কোবিদ-১৯ অনাবশিং অদু অথুবা মতমদা তোখায়না থমগদবনি৷
  • প্রেস্ক্রাইব তৌরিবা ক্লিনিকেল ইন্তরভেন্সনশিং পাংথোক্ককবনি৷
  • হেল্থ ফেসিলিতীশিংদা নত্রগা আউত্রেচ মোবাইল য়ুনিৎশিংদা নত্রগা বফর জোনশিংদা লৈরিবা ফিভর ক্লিনিকশিংগী খুৎথাংদা আই.এল.আই./সারি কেসশিংগী সর্ভিলেন্স পাংথোক্লগনি৷
  • কোবিদ-১৯ এপ্রোপ্রিয়েত বিহেবিয়রগী মতাংদা কম্ম্যুনিতীশিংদা এৱেয়র্নেসশিং পাংথোক্লগনি৷
• হায়রিবা কন্তেনমেন্ত মিজরশিং অসি চেকশিন্না  চৎনহনবদা লোকেল দিস্ত্রিক, পুলিস অমসুং মুনিসিপাল ওথোরিতীশিং অসিনা থৌদাং লৌরগনি অমসুং হায়রিবা হিরম অসিদা রাজ্য/য়ু.তি.শিং অসিনা ওফিসরশিং অসিগী একাউন্তেবিলিতী অদু লৈহল্লগনি৷

কোবিদ-এপ্রোপ্রিয়েত বিহেবিয়র

• কোবিদ-১৯ এপ্রোপ্রিয়েত বিহেবিয়র অসি হেন্না চৎন্নবা অমসুং ফেস মাক্স শিজিন্ননবা, হেন্দ হাইজিন অমসুং সোসিয়েল দিস্তেন্সিং ঙাক্নবা তঙাই ফদবা খোংথাংশিং রাজ্য/য়ু.তি. সরকারশিং অসিনা লৌখৎলগনি৷
• মীপুম খুদিংমক্না ফেস মাক্স অসি শুংশোই শোইদনা শিজিন্ননবা মীয়াম তিনবা অমসুং থবক শুফমশিংদা মাক্স উপ্তবা মীওইশিং অসিদা চান্নবা ফাইনশিং থিহনবা য়াওনা এদমিনিস্ত্রেতিব এক্সনশিং রাজ্যিশিং অমসুং য়ু.তি.শিং অসিনা লৌখৎলবা য়াই৷
• মীয়াম তিনবা মফমশিং মরু ওইনা কৈথেলশিং, চয়োলগী ফম্বা বজারশিং অমসুং পব্লিক ত্রান্সপোর্ততা সোসিয়েল দিস্তেন্সিং ঙাক্তুনা থম্নবা হকশেল অমসুং য়াইফ য়ুম্বাল মন্ত্রালয়(এম.ও.ঐচ.এফ.দবল্যু.) এস.ও.পি. অমা শেম্লগনি অমসুং মসি রাজ্যশিং অমসুং য়ু.তি.শিং অসিনা চেকশিন্না চৎনহল্লগনি৷

• কোবিদ-১৯ এপ্রোপ্রিয়েত বিহেবিয়র অসি তৌন্নবা লৈবাক অসি শিনবা থুংনা কোবিদ-১৯ মেনেজমেন্তগীদমক নেস্নেল দাইরেক্তিবশিং মখাতানা ইল্লগনি৷

এস.ও.পি.শিং অসিদা য়াওরিবা চৎনা পথাপশিং

• মখাগী অসিদা নত্তনা কন্তেনমেন্ত জোনশিংগী মপান্দা লৈরিবা মফমশিংদা পাংথোক্লিবা থবক থৌরম পুম্নমক অখন্নবা অথিংবা খরা অসিগা লোইননা পাংথোকপা য়াহল্লে:

1. এম.ঐচ.এ.না অয়াবা পীবা অসিগী মতুং ইন্না পেসেঞ্জরশিং ইন্তরনেস্নেল এয়র ত্রাভেল তৌবা য়াহল্লে৷
2. সিনেমা হোলশিং অমসুং থ্রেতরশিং চাদা ৫০ ফমহন্দুনা থোং হাংবা য়াহল্লে৷
3. স্পোর্তস শান্নবা মীওইশিং অসি খক্তগী ওইনা স্বিমিং পুলশিং থোং হাংলে৷
4. ব্যুজিনেস তু ব্যুজিনেস(বি২বি) মরমশিং খক্তগী ওইনা একজিবিসন হোলশিং হাংবা য়ারে৷
5. অফুনবা হোলশিং অমসুং অহাংবা মফমশিংদা মীওই ২০০ য়ৌনা তিন্দুনা চাদা ৫০ ফমদুনা সোসিয়েল/রিলিজিয়র্স/স্পোর্তস/ এন্তরতেনমেন্ত/এদজুকেস্নেল/কল্চরেল/রিলিজিয়র্য় গেদরিং পাংথোকপা য়ারে৷

অদুমওইনমক ফিভম অদুগী মতুং ইন্না  রাজ্য/য়ু.তি. সরকারশিংনা অফুনবা মফমশিংদা মীওই ১০০ নত্রগা মসিদগী তাহল্লকপা য়াই৷

• অয়াবা পীরবা থবক থৌরমশিং অসি মতম মতমগী মতুং ইন্না পাংথোক্নবা গাইদলাইনশিং অসিদা এস.ও.পি. ১৯ য়াওরি৷ হায়রিবা এস.ও.পি.শিং অসি মরী লৈনবা ওথোরিতীশিংনা য়াম্না চেকশিন্না চৎনহল্লগনি৷

লোকেল রেস্ত্রিক্সনশিং

• কোবিদ-১৯ লাইনা-লাইচৎ অসি লাকশিন্নবা লৈরিবা ফিভম অদুগী মতুং ইন্না রাজ্যশিং অমসুং য়ু.তি.শিংনা নুমিদাং কর্ফ্যুগুম্বা লোকেল অথিংবশিং থম্লকপা য়াই৷ অদুমওইনমক রাজ্য/য়ু.তি. সরকারশিংনা কেন্দ্র সরকার অসিগা মাংজৌননা তান্নদনা কন্তেনমেন্ত জোনশিংগী ৱাংমদা লৈবা মফমশিংদা লোকেল লোকদাউন(রাজ্য/জিলা/সব-দিভিজন/সিতী লেভেল) অমা হেক্তা তৌবা য়ারোই৷
• রাজ্যশিং অমসুং য়ু.তি.শিং অসিনা ওফিসশিংদা সোসিয়েল দিস্তেন্সিং ঙাকপা তঙাই ফদে৷ চয়োলগী ওইনা পোজিতিব ওইবা কেস মশিং চাদা ১০দগী হেনবা শহরশিংদা মতম অমতদা ওফিস কারক্লিবা এমপ্লোইয়ীশিং অসিগী মশিং অসি হন্থনবা ওফিস্কী মতম অমসুং অতোপ্পা চান্নবা খোংথাংশিং রাজ্যশিং অমসুং য়ু.তি.শিং অসিনা লৌখৎলগনি অমসুং মসিনা সোসিয়েল দিস্তেন্সিং ঙাক্তুনা থম্বা ঙম্লগনি৷

ইন্তর-স্তেত অমসুং ইন্ত্রা-স্তেত মুবমেন্তদা অথিংবা লৈতে

• য়ুমলোন্নবা লৈবাকশিংগা লৈনরিবা ত্রেতিশিংগী মখাদা ক্রোস লেন্দ-বোর্দর ত্রেদ য়াওনা করবার তৌরিবা মীওইশিং অমসুং পোৎ-চৈশিং য়াওনা ইন্তর-স্তেত অমসুং ইন্ত্রা-স্তেত চত্থোক-চশিন তৌবদা অথিংবা অমতা লৈররোই৷ অসিগুম্বা চত্থোক-চশিন তৌবা অসিগীদমক তোখায়বা পর্মিসন/এপ্রুভেল/ই-পর্মিত দরকার লৈররোই৷

কা হেন্না শোকপা য়াবা মীওইশিংগীদমক ঙাকপী শেনবিবা

• কা হেন্না শোকহল্লকপা য়ানা লৈরিবা মীওইশিং হায়বদি চহী ৬৫ হেল্লবা মীওইশিং, কো-মোর্বিদিতীশিং লৈরিবা মীওইশিং, মীরোনবী নুপীশিং অমসুং চহী ১০গী মখাদা লৈরিবা অঙাংশিং তঙাই ফদবা মরম অমসুং হকশেলগী ওইবা মরম নত্তনা য়ুম-য়ুমদা মপান থোক্তনা লৈনবা খঙহনখ্রে৷

আরোগ্য সেতু শিজিন্নবা

• আরোগ্য সেতু মোবাইল এপ্লিকেসন শিজিন্নবা অসি লেপ্পা লৈতনা মখাতানা পুক্নিং থৌগৎকদবনি৷

******