মন্ত্রীমন্দল

মন্ত্রী-মন্দলনা দি.বি.এস. বেঙ্ক ইন্দিয়া লিমিতেদকা লোইননা লক্ষ্মী বিলাস বেঙ্ক পুশিনবগী স্কীম অয়াবা পীখ্রে

Posted On: 25 NOV 2020 3:33PM by PIB Imphal
প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী মন্দল মীফমদা দি.বি.এস. বেঙ্ক ইন্দিয়া লিমিতেদ (দি.বি.আই.এল.)কা লোইননা লক্ষ্মী বিলাস বেঙ্ক লিমিতেদ (এল.ভি.বি.) পুশিনবগী স্কীম অয়াবা পীখ্রে। দিপোজিতরশিংগী অপাম্বশিং অমসুং ফাইনান্সিএল অমদি বেঙ্কিং স্তেবিলিতী লৈহন্নবা অপাম্বশিং ঙাক্নবা ১৭.১১.২০২০দা বেঙ্কিং রিগুলেসন এক্ত, ১৯৪৯গী সেক্সন ৪৫কী মখা আর.বি.আই.না থারকপা এপ্লিকেসনগী মতুং ইন্না এল.ভি.বি. অসি নুমিৎ ৩০নিগী মতমগী মোরাতোরিয়মগী মখাদা থমখ্রে। মসিগা লোইননা আর.বি.আই.না সরকারগা তান্নরগা এল.ভি.বি.গী বোর্দ ওফ দিরেক্তরশিং সুপর্সিদ তৌখ্রে অমদি দিপোজিতরশিংগী অপাম্বা ঙাক্নবা এদমিনিস্ত্রেতর অমা খনখ্রে।

পব্লিক অমসুং স্তেকহোল্দরশিংদগী পাউতাকশিং অমসুং য়ানিংদবশিং কৌরবা মতুংদা আর.বি.আই.না দিপোজিতরশিংনা শেল লৌথৌকপদা থেংনবা অথিংবশিং হন্থনবা মোরাতরিয়মগী মতম লোইদ্রিঙৈ মমাংদা মাংজৌননা সরকারনা সেঙ্কসন তৌনবগী বেঙ্ক পুনশিনবগী স্কীম অমা শেমখি অমসুং ফংহনখি। স্কীম অসি অয়াবা পীরকপগা লোইননা পীরিবা তাংদগী এল.ভি.বি.গা দি.বি.আই.এল.গা পুনশিল্লগনি অমসুং মসিগা লোইননা দিপোজিতরশিংনা মখোয়গী দিপোজিৎশিং লৌথোকপদা মখা তানা অথিংবশিং লৈররোই।

দি.বি.আই.এল. অসি আর.বি.আই.না লাইসেন্স পীবা বেঙ্কিং কম্পনী অমনি অমসুং মপুং ফানা মপুং ওইবা সবসিদিএরী মোদেলগী খুত্থাংদা ভারত্তা চল্লাইরি, দি.বি.আই.এল.গী অচৌবা বেলেন্স-শীৎ অমা লৈবগা লোইননা অচৌবা কেপিতেল সপ্পোর্ত লৈজৈ অমসুং মার্কেৎ ১৮অমসুং হেদক্বাতরদা য়াওবগী অমদি সিঙ্গাপুরদা য়াওবগা লোইননা এসিয়াগী মাংজিল থারিবা ফাইনান্সিএল গ্রুপ অমা ওইরিবা দি.বি.এস.কী অচৌবা পরেন্তেজ অমগী খুদোংচাবা লৈ। দি.বি.আই.এল.গী অপুনবা বেলেন্স-শীৎ অসি পুনশিল্লবা মতুংদসু ফদুনা লৈখিগনি অমদি মসিগী ব্রাঞ্চ ৬০০তা হেনগৎলগনি।

এল.ভি.বি. অথুবদা পুনশিনবা অমসুং রিজোলুসন লৌবা অসি সরকারনা দিপোজিতরশিংগী অমসুং পব্লিক অমদি ফাইনান্সিএল সিস্তেমগী অপাম্বা ঙাকপগা লোইননা অফবা বেঙ্কিং সিস্তেম থম্নবা হোৎনবগী শরুক অমনি।

*******



(Release ID: 1675794) Visitor Counter : 7