কেন্দ্র সরকারনা কোবিদকা ময়োক্নবা অমসুং শিল্লাংবদা রাজ্যশিংগী মতেং পাংনবা উত্তর প্রদেশ, পঞ্জাব অমসুং হিমাচল প্রদেশতা অৱাংবা থাক্কী সেন্ত্রেল তীমশিং থানবগী ৱারেপ লৌখ্রে। রাজ্যশিং অসিদা এক্তিব কেসকী মশিং হেনগৎলক্লি হায়বদি হোস্পিতালাইজ তৌবা নত্ত্রগা মেদিকেল সুপর্ভিজনগী মখাদা হোম আইসোলেসন তৌবা নত্ত্রগা নুংতিগী অনৌবা কেসতা মশিং হেনগৎলক্লি।

মসিগী মেম্বর অহুম্না শাবা তীমশিং অসি কোবিদকী এক্তিব কেস য়াম্না লৈবা মফমদা চৎকনি অমসুং থিংবা, য়েংশিনবা, থিজিনবা, লাইনা শন্দোরকপা থিংবা অমসুং লাকশিন্নবা পাম্বৈশিং, অমসুং কোবিদ শন্দোরকপগী মতাংদা মতিক চাবা ক্লিনিকেল মেনেজমেন্তকী মতাংদা রাজ্যশিংনা হোৎনরিবশিং অদুদা মতেং পাংগনি। কেন্দ্রগী তীম্না রাজ্যশিংদা, মতম চানা অনাবা খঙদোকপা অমসুং মদুগী মতুংদা লায়েংবগা মরী লৈনবা শিংনবশিংবু নীংথিজনা পাংথোকপদসু লমজিংগনি।

মসিগী মমাংদা কেন্দ্র সরকারনা হরিয়ানা, রাজস্থান, গুজরাত, মনিপুর, অমসুং ছত্তিসগরদা অৱাংবা থাক্কী তীম থাখ্রে।

ভারত্তা ওইরিবা কোবিদকী অপুনবা কেসশিংদা এক্তিব কেস (৪,৪০,৯৬২)তা হন্থদুনা ৪.৮৫% ওইখ্রে অমসুং মসি ৫%কী থাক্তগী হন্থরে। ফগৎলকপগী চাংদসু হেনগৎলে অমসুং মসি ৯৩.৬৯% ওইখ্রে। হৌখিবা পুং ২৪দা মীওই ৪৩,৪৯৩ কোবিদতগী ফখ্রে মসিগা লোইননা ফগৎলকপা মীওইগী অপুনবা মশিং হেনগৎখিদুনা ৮৫,২১,৬১৭ ওইখ্রে।

ফগৎলকপা কেস অমসুং এক্তিব কেসকী মরক্তা খেন্নবা অসি খোংজেল য়াংনা হেনগৎলক্লি অমসুং হৌজিক্কী ওইনা মসি ৮০,৮০,৬৫৫নি।

রাজ্য/য়ু.তি. ২৬তা হৌজিক্কী ওইনা এক্তিব কেস ২০,০০০ ওইরি।

রাজ্য/য়ু.তি. ৭তা এক্তিব কেসকী মশিং ২০,০০০দগী ৫০,০০০গী মরক্তা লৈরি অদুগা মহারাস্ত্রা অমসুং কেরলাদা মশিং অসি ৫০,০০০ হেল্লি।

অনৌবা ফগৎলকপা কেসকী ৭৭.৬৮%দি রাজ্য/য়ু.তি. তরাদগীনি।

দিল্লীদা কোবিদতগী মীওই ৬,৯৬৩ ফগৎলকখ্রে। কেরলা অমসুং মহারাস্ত্রদা মথংশিৎনা ৬,৭১৯ অমসুং ৪,০৮৮ নৌনা ফগৎখ্রে।

অনৌবা কেসকী ৭৬.৮১% রাজ্য/য়ু.তি. তরাদগীনি। হৌখিবা পুং ২৪দা, মীওই ৪৫,২০৯ কোবিদনা নাবা থেংনখ্রে।

হৌখিবা পুং ২৪দা দিল্লীদা কেস ৫,৮৭৯ লাকখ্রে। কেরলাদা অনৌবা কেস ৫,৭৭২ লাকখ্রে অদুগা মহারাস্ত্রদা ঙরাং নুংতিগী কেস ৫,৭৬০ লাকখ্রে।

রাজ্য অমসুং য়ু.তি. ১৫দা লৈবাক অসিগী কেস পর মিলিয়ন পোপুলেসনগী চাংচৎতা নেম্না রিপোর্ত তৌখি।

হৌখিবা পুং ২৪দা লৈবাক অসিদা মীওই ৫০১ কোবিদনা শিহনখি মসিদা ৭৬.৪৫% রাজ্য/য়ু.তি. তরাদগীনি।

অনৌবা শিখিবা কেসকী ২২.১৬% দিল্লীদগীনি মফম অসিদা ১১১ শিখ্রে। মহারাস্ত্রদা মশিং অসি ৬২ ওইখি অদুগা নোংচুপ বেঙ্গলনা ৫৩ ওইখি।

রাজ্য/য়ু.তি. ১৩না লৈবাক অসিগী শিবগী চাংচৎতগী হেন্না ৱাংখি (১.৪৬%)।

অদুম ওইনমক রাজ্য/য়ু.তি. ২১না লৈবাক অসিগী মীওই লাখ তরাগী মনুংদা ওইবা শিবগী চাংচৎতগী নেম্লে (৯৬)।

রাজ্য/য়ু.তি. ১৪না লৈবাক অসিগী মীওই লাখ তরাগী মনুংদা ওইবা শিবগী চাংচৎতগী হেন্না ৱাংলে (৯৬)।

***