(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• মমাংগী পুং ২৪ অসিদা ভারত্তা মীওই ৪৫,৫৭৬ কোবিদ লাইনা নাবা থেংনখি
• ভারতনা অনৌবা মীওই ৪৮,৪৯৩ লাইনা অসিদগী ফহন্দুনা এক্তিব কেসলোদ অসিদগী পুন্না মীওই ২৯১৭ হন্থহনবা ঙম্লে
• মমাংগী নুমিৎ ৪৭ অসিদগী হৌদুনা নৌনা লাইনা অসিদগী ফগৎলকপগী চাং অসিনা নুংতি নুমিৎ খুদিংগী নারিবা মীওইশিং অদুদগী লেপ্পা লৈতনা হেন্দুনা লাক্লি
• ঙসিদি ভারতকী এক্তিব কেসলোদ অসি ৫% মার্কতগী হেন্না তারে
• ফগৎলকপগী চাং অসি ঙসি ৯৩.৫৮% য়ৌনা ফহনখ্রে
• ২০২০-২১গী সেন্ত্রেল পুল এম.বি.বি.এস./বি.দি.এস. সীৎশিংগী মখাদা ‘কোবিদ ৱারিয়র্সকী মচাশিং’দগী কেন্দিদেৎশিংগী সেলেক্সন অমসুং নোমিনেসন তৌনবা অনৌবা কেতগোরী
• কেন্দ্র সরকারনা হরিয়ানা, রাজস্থান, গুজরাৎ অমসুং মনিপুরদা অৱাংবা থাক্কী তীমশিং থাজিনখ্রে

নুংতি নুমিৎ খুদিংগী ফগৎলকপগী চাং অসিনা অনৌবা কেসশিং অসিদগী হেনবা অসিনা এক্তিব কেসলোদ লেপ্পা লৈতনা হন্থহল্লে, এক্তিব কেসলোদ অপুনবা কেসশিংগী ৫%দগী হেন্না তানা লৈরে

মমাংগী পুং ২৪ অসিদা ভারততা মীওই ৪৫,৫৭৬ কোবিদ লাইনা নাবা থেংনখি৷ হায়রিবা মতম অসিমক্তদা ভারতনা অনৌবা মীওই ৪৮,৪৯৩ লাইনা অসিদগী ফহন্দুনা এক্তিব কেসলোদ অসিদগী পুন্না মীওই ২৯১৭ হন্থহনবা ঙম্লে৷ মমাংগী নুমিৎ ৪৭ অসিদগী হৌদুনা নৌনা লাইনা অসিদগী ফগৎলকপগী চাং অসিনা নুংতি নুমিৎ খুদিংগী নারিবা মীওইশিং অদুদগী লেপ্পা লৈতনা হেন্দুনা লাক্লি৷ ঙসিদি ভারতকী এক্তিব কেসলোদ অসি ৫% মার্কতগী হেন্না তারে৷ অসিগুম্না নুংতি নুমিৎ খুদিংগী লাইনা অসিনা নারিবা কেস মশিং অসিদগী নুংতি নুমিৎ খুদিংগী ফগৎলকপগী চাং অসিনা হেল্লকপা অসিনা ভারতকী এক্তিব কেসলোদ অদু লেপ্পা লৈতনা হন্থহল্লে৷ ভারতকী হৌজিক হৌজিক লাইনা অসিনা নাহল্লিবা মীওই ৪,৪৩,৩০৩ অসি ভারতকী অপুনবা পোজিতিব কেস মশিং অদুগী ৪.৯৫ খক্তনি৷ পুং-২৪ সাইকল খুদিংগী লাইনা অসিদগী নৌনা ফগৎলকপগী চাং অসিনা নুংতি নুমিৎ খুদিংগী নারিবা অসিদগী হেল্লকপা অসিনা ফগৎলকপগী চাং অসি ঙসি ৯৩.৫৮% য়ৌনা ফহনখ্রে৷ লাইনা অসিদগী ফগৎলকপগী অপুনবা কেস মশিং অসি ৮৩,৮৩,৬০২নি৷ লাইনা অসিগী এক্তিব কেস মশিং অসিদগী লেপ্পা লৈতনা তপ্না তপ্না ফগৎলক্তুনা হৌজিক লৈরিবা গেপ অসি ৭৯,৪০,২৯৯নি৷ লাইনা অসিদগী নৌনা ফগৎলকপগী চাং ৭৭.২৭% অসি রাজ্য/য়ু.তি. তরানা ওইহনবনি৷ কোবিদ লাইনা অসিদগী মীওই ৭,০৬৬ নাবা ফহন্দুনা কেরলানা খ্বাইদগী য়াম্না লাইনা অসিদগী ফহনবা ঙম্লে৷ দিল্লীনা নুংতি নুমিৎ খুদিংগী ওইনা ৬,৯০১ ফহনবা ঙম্লে অমসুং মহারাস্ত্রনা অনৌনা মীওই ৬,৬০৮ ফহনবা ঙম্লে হায়না রিপোর্ত তৌরকখ্রে৷ রাজ্য/য়ু.তি. তরানা অনৌনা কেস মশিংগী ৭৭.২৮% কন্ত্রিব্যুত তৌখ্রে৷ মমাংগী পুং ২৪ অসিদা দিল্লীনা কেস মশিং ৭,৪৮৬ রিপোর্ত তৌরকখ্রে৷ কেরলানা অনৌনা কেস মশিং ৬,৪১৯ রেকোর্দ তৌখ্রে অমসুং মহারাস্ত্রনা ঙরাং অনৌনা কেস মশিং ৫,০১১ রেজিস্তর তৌখ্রে৷ মমাংগী পুং ২৪ অসিদা রিপোর্ত তৌরকখ্রবা কেস ফেতেলিতী ৫৮৫গী ৭৯.৪৯%দি রাজ্য/য়ু.তি. তরা অসিদগীনি৷ লাইনা অসিদগী মীওই ১৩১ শি হায়না দিল্লীদগী অনৌবা ফেতেলিতীগী ২২.৩৯% রিপোর্ত তৌরকখ্রে৷ মহারাস্ত্রসু মীওই ১০০ শি অমসুং ৱেস্ত বেঙ্গলসু অনৌবা মীওই ৫৪ শি হায়না রিপোর্ত তৌরকখ্রে৷

অকুপ্পা ৱারোলগীদমক:

হকশেল মন্ত্রালয়না একাদেমিক ইয়র ২০২০-২১গী সেন্ত্রেল পুল এম.বি.বি.এস./বি.দি.এস. সীৎশিংগী মখাদা ‘কোবিদ ৱারিয়র্সকী মচাশিং’দগী কেন্দিদেৎশিংগী সেলেক্সন অমসুং নোমিনেসন তৌনবা অনৌবা কেতগোরী অসি অয়াবা পীখ্রে

হকশেল অমসুং য়াইফ য়ুম্বালগী কেন্দ্রগী মন্ত্রী দা. হর্শ বর্ধন্না একাদেমিক ইয়র ২০২০-২১গী সেন্ত্রেল পুল এম.বি.বি.এস./বি.দি.এস. সীৎশিংগী মখাদা কেন্দিদেৎশিংগী সেলেক্সন অমসুং নোমিনেসন তৌনবা গাইদলাইনশিংদা ‘ৱার্দস ওফ কোবিদ ৱারিয়র্স’ হায়না কৌবা অনৌবা কেতগোরী অমা লৈহন্নবা সরকারগী ৱারেপ অদু ঙসি লাউথোকখ্রে।

কেন্দ্রগী হকশেল মন্ত্রীনা হায়খি খোঙথাং অসিনা কোবিদ ৱারিয়রশিংনা কোবিদকী অনাবশিং লায়েংবদা অমসুং মেনেজমেন্ত তৌবদা কত্থোকখিবা অদুবু ইকাই খুম্নবা উৎনবা পান্দম থম্লি। “মসিনা কোবিদ ৱারিয়র পুম্নমক্না মথৌ তৌখিবা অমসুং মীওইবা খুন্নাইগীদমক্তা মশাগী ওইজবা থীদনা কত্থোকখিবশিংবু ইকাই খুম্নবা উৎলগনি”, হায়না মহাক্না ফোঙদোকখি।

কোবিদ-১৯না মরম ওইদুনা থৱায় থাখ্রবা; নত্ত্রগা কোবিদকা মরী লৈনবা মথৌ তৌবদা শোইবদগী লৈখিদবা “কোবিদ ৱারিয়রশিং”গী মচাশিংদগী কেন্দিদেৎশিং সেলেক্সন অমসুং নোমিনেসন তৌনবা সেন্ত্রেল পুল এম.বি.বি.এস./বি.দি.এস. সীৎশিং অসি এল্লোকেৎ তৌগনি।

ভারত সরকারনা মখোয়গীদমক্তা লুপা লাখ ৫০গী ইন্সুরেন্স পেকেজ লাউথোকপা মতমদা কোবিদ ৱারিয়রগী ৱাহন্থোক পীখিবা অদু অমুক হন্না মীয়ামদা নীংশিংহল্লদুনা মন্ত্রীনা হায়খি, “কোবিদ ৱারিয়রশিং অসি কোবিদ-১৯ নাবা মীওইশিংগা হকথেংননা শোক্না-শম্নদুনা অমসুং মখোয়বু য়েংশিল্লিবা অমসুং মসিনা মরম ওইরগা খুদোংথিবা নংবা য়ারিবা কম্ম্যুনিতী হেল্থ ৱার্কশিং য়াওনা পব্লিক হেল্থকিয়র প্রোভাইদর পুম্নমক অদুনি। লনাই হোস্পিতালগী স্তাফ অমসুং থবক্তগী পোত্থরবা/ভোল্যুন্তীয়র/ লোকেল অর্বান বোদীশিং/ কন্ত্রেক্তেদ/ নোংমগী শুরিবা/ এদ-হোক/ রাজ্য/কেন্দ্রগী হোস্পিতালশিং/ কেন্দ্র/রাজ্যশিং/য়ু.তি.শিংগী ওতোনোমস হোস্পিতালশিংগী মথৌ তারিবা আউৎসোর্স স্তাফ, এম্স অমসুং ইন্সতিত্যুতস ওফ নেস্নেল ইম্পোর্তেন্স (আই.এন.আই.শিং)/ কেন্দ্রগী মন্ত্রালয়শিংনা কোবিদ-১৯গা মরী লৈননা থৌদাং লৌনবা দ্রাফ তৌখিবা হোস্পিতালশিং পুম্নমক অসি য়াওখি।” মহাক্না মখা তারদুনা হায়খি রাজ্য/য়ু.তি. সরকারনা কেতগোরী অসিগী ইলিজিবিলিতী অদু সর্তিফাই তৌগনি।

অকুপ্পা ৱারোলগীদমক:

কেন্দ্র সরকারনা হরিয়ানা, রাজস্থান, গুজরাৎ অমসুং মনিপুরদা অৱাংবা থাক্কী তীমশিং থাজিনখ্রে

হকশেল অমসুং য়াইফ-য়ুম্বাল মন্ত্রালয়না হরিয়ানা, রাজস্থান, গুজরাৎ অমসুং মনিপুরদা অৱাংবা থাক্কী তীমশিং থাজিনখ্রে। নোংমদা লাকপা কেস মশিং হেনগৎলকপগা লোয়ননা দিল্লীগী য়ু.তি.দা নোংমদা মী শিবগী মশিং হেনগৎলকপগী থৌওংশিংগা লোয়ননা কোবিদ পোজিতিব ওইবা অনাবগী মশিং হেনগৎলক্লিবা হরিয়ানা অমসুং রাজস্থানগী মনুং চন্না লৈবা এন.সি.আর.গী মফমশিংদা লাইচৎ অসিগী থাজদবা থৌওং কয়া উবা ফংখি। হরিয়ানা তম্না চৎকদৌরিবা মীওই অহুম্না শাবা তীম অসি নই-দিল্লীগী এ.আই.আই.এম.এস.কী দাইরেক্তর, দাঃ রন্দীপ গুলেরিয়ানা লুচিংগনি অমসুং রাজস্থানগী তীমগী ওইনা নিতি আয়োগকী মেম্বর (হকশেল), দাঃ ভি.কে. পাউল অমসুং গুজরাৎকী তীমগী ওইনা (এন.সি.দি.সি.) দাইরেক্তর দাঃ এস.কে. সিংহনা লুচিংগনি। দি.ঐচ.জি.এস.কী এদিস্নেল দি.দি.জি., দাঃ এল. স্বস্তিচরন্না মনিপুরদা চৎকদবা তীম্বু লুচিংগনি। তীমশিং অসিনা কোবিদকী কেস মশিং য়াম্না লাক্লিবা জিলাশিংদা চৎকনি অমসুং রাজ্য সর্কারনা কন্তেন্মেন্ত, সর্বেলিএন্স, তেস্ত তৌবা, লাইনা শন্দোকপা থিংবা অমসুং লাকশিনবগী খোঙথাংশিং অমসুং পোজিতিব কেসশিংগী ক্লিনিকেল মেনেজমেন্ত নীংথিনা পাঙথোকপগী থৌওংশিং অসিদা তেংবাংগনি।

অকুপ্পা ৱারোলগীদমক:

ক্রাইসিস অসি খুদোংচাবা অমরোমদা ওন্থোকপা: কোবিদ-১৯ লাইনা-লাইচৎ অসি লাকশিন্ননবগীদমক ভারতনা লৌখৎখিবা চেকশিন থৌরাং অদুগুম্না তি.বি. অসি ২০২৫ ফাওবগী মনুংদা মুথৎপা মতমদসু শিজিন্নবা য়াগনি হায়না দা. হর্শ বর্ধননা ফোংদোকখ্রে

ভিদিও কনফরেন্সিংগী খুৎথাংদা ঙসি মফম অসিদা পাংথোকখিবা ৩৩শুবা স্তোপ তি.বি. পার্তনরশিপ বোর্দ মীফম অদুদা হকসেল অমসুং য়াইফ য়ুম্বালগী কেন্দ্রগী মন্ত্রী দা. হার্শ বর্ধননা ৱা ঙাংখ্রে৷ ইনফেক্সিয়র্স দিজিজেস অসি চহী কয়া অমা লান্থেংনদুনা লাক্লিবা অসি কোবিদ-১৯ অসিনা অমুক হন্না নিংশিংহল্লে হায়না দা. হার্শ বর্ধননা অসুম্না ফোংদোকখ্রে, “শিবা য়াবা ভাইরস অসিনা চহী খুজিং কয়া অমগী ঐখোয়গী পেনস্তেকিং ইফোর্তশিং অদু নান্থোকহল্লে অমসুং তি.বি.গুম্বা ইনফেক্সিয়র্স কিল্লর দিজিস কয়া অমদগী সাইন্তিফিক এতেন্সন লৈহন্দ্রে৷ লোকদাউনশিং অসিনা পেসেন্তশিং অসিদা লানঙমদ্রবা খল কয়ামরোম লৈহনখ্রে অমসুং হৌজিক ফাওবদা লৈবাক মীয়াম্না কোরোনা ভাইরস অসিদা অকিবা লৈরি৷ মমাংগী থা তরা অসিদা লাইয়েং চৎথবদা অকাইবা পীবা, দ্রগশিং ফংহনবদা থেংথহনবা, দাইয়েগ্নোস্তিক তেস্তশিংগী সপ্লাই তপহনবা, দাইয়েগ্নোসিস থেংথহনবা, সপ্লাই চেনশিং থুগাইবা, মেনুফেকচরিং কেপাসিতী দাইভরসন তৌবা অমসুং লাইয়েংন্নবগীদমক অথাপ্পা ক্লিনিকশিংদা চৎকদৌরিবা পেসেন্তশিং অসিগীদমক ফিজিকেল বেরিয়র ইমপোজিসন তৌবা অসি ঐখোয় পুম্নমক্না খঙলে৷” ক্রাইসিস অসিবু খুদোংচাবা অমরোমদা ওন্থোক্লিবা ভারতকী স্ত্রাতিজী অদুগী মতাংদা ৱা ঙাংলদুনা দা. হার্শ বর্ধননা অসুম্না ফোংদোকখ্রে, “হেল্থ সিস্তেম মপাঙ্গল কন্নবা অমসুং ইনফেক্সিয়র্স দিজিজেস কন্ত্রোলগী খুৎথাংদা তি.বি. ইলিমিনেসন এক্তিবিতীশিং অসি হেন্না পাংথোক্নবা কোবিদ-১৯ অসিনা ঐখোয়দা খুদোংচাবা অমা পীরে”৷

অকুপ্পা ৱারোলগীদমক:

প্রধান মন্ত্রীনা বেঙ্গালুরু তেক সম্মিৎ হৌদোকখ্রে

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা বেঙ্গালুরুদা তেক সম্মিৎ হৌদোকখ্রে। সম্মিৎ অসি কর্নাতকা সর্কারগা লোয়ননা কর্নাতকা ইন্নোভেসন অমসুং তেক্নোলোজী সোসাইতী (কে.আই.তি.এস.); কর্নাতকা সর্কারগী ভিজন গ্রুপ ওন ইনফোর্মেসন তেক্নোলোজী, বাইওতেক্নোলোজী অমসুং স্তার্ত-অপ; সোফৱেয়র তেক্নোলোজী পার্ক ওফ ইন্দিয়া (এস.তি.পি.আই.) অমসুং এম.এম. এক্তিব সাই-তেক কম্ম্যুনিকেসন্সনা শিনবনি। চহি অসিগী সম্মিৎ অসিগী থীমদি “মথং অসি হৌজিক্নি” হায়বা অসিনি। ইলেক্ত্রোনিক্স অমসুং আই.তি., কম্ম্যুনিকেসন্স অমসুং লো অমসুং জস্তিসকী কেন্দ্র মন্ত্রী শ্রী রবি শঙ্কর প্রসাদ অমসুং কর্নাতকাগী মুখ্য মন্ত্রী শ্রী বি.এস. য়েদ্দীরুপাসু থৌরম অসিদা শরুক য়াখি। তেক সম্মিৎ অসিদা ৱা ঙাংলদুনা প্রধান মন্ত্রীনা হায়খিবদা দিজিতেল ইন্দিয়ানা মরম ওইদুনা ঐখোয়গী লৈবাক অসিনা মীওইবদা হেন্না মিৎয়েং চঙবা চাউখৎপা পুরকপগী থৌওং পাঙথোকপগী মওং উবা ফংলে হায়খি। তেক্নোলোজীবু অসিগুম্বা পাক-চাউবা মওংদা শিজিন্নবা অসিনা লৈবাক মীয়ামদা তোঙান-তোঙানবা অহোংবা কয়া পুরক্লে অমসুং মসিগী কান্নবশিং অসি ময়েক শেংনা উবা ঙম্লে হায়না মহাক্না হায়খি। মহাক্না মখা তানা হায়খিবদা সর্কারনা দিজিতেল অমসুং তেক-সোল্যুসনগী মার্কেৎশিং শেম্বতা নত্তনা মসিবু স্কিম খুদিংগী মপুং ওইবা শরুক অমসু ওইহনখ্রে হায়খি।

অকুপ্পা ৱারোলগীদমক:

বেঙ্গালুরু তেক সম্মিৎতা পীখিবা প্রধান মন্ত্রীগী ৱারোল

অকুপ্পা ৱারোলগীদমক:

কোবিদ-১৯গী অৱাবা লাকশিন্নবা এম.এস.এম.ই.গী মন্ত্রালয়না লৌখৎপা তেক্নোলোজীদা য়ুম্ফম ওইবা থৌরাংশিং অমসুং খোঙথাংশিংনা প্রধান মন্ত্রীগী আত্মানির্ভর ভারত অমসুং মেক ইন ইন্দিয়াগী অপাম্বদা কানবা ফংহনবা ঙমখ্রে

এম.এস.এম.ই.গী কেন্দ্রগী মন্ত্রালয়না কোবিদ-১৯গী অৱাবা অসি লাকশিন্নবা তেক্নোলোজীদা য়ুম্ফম ওইবা থৌরাং অমসুং খোঙথাং মশিং কয়া লৌখৎখ্রে। মসিনা প্রধান মন্ত্রীগী আত্মানির্ভর ভারত অমসুং মেক ইন ইন্দিয়াগী অপাম্বদা কনাবা ফংহনবা ঙমখ্রে। থৌরাংশিং অমসুং খোঙথাংশিং অসিগী মতেংনা লৈবাক অসিনা হৌজিক খঙহেন হেনগৎলক্লিবা দিমান্দ পুম্নমক থুংহন্নবা হেন্দ সেনিতাইজর বোত্তল দিস্পেন্সরশিং (পম্প/ফ্লিপ) শাবা খক্তা নত্তনা হায়রিবা অসি এক্সপোর্ত তৌনবা থৌরাং তৌহনখ্রে। মখোয়না ভারতপু হেন্দ-সেনিতাইজিং মেতরিএলশিং (লিক্বিদ/জেল)দা মীপাল তাংদবা ঙমহল্লি অমসুং মাস্কশিং, ফেস-শিল্দশিং, পি.পি.ই. কিৎশিং, সেনিতাইজর বোক্স, তেস্তিং ফেসিলিতীশিং অসিনচিংবা ওজিলরীগী পোৎমশিং দিবেলপ তৌবা/পুথোপা চাউনা ঙমখ্রে।

অকুপ্পা ৱারোলগীদমক:

মিসন পুর্বোদয়ানা নোংপোক ভারতপু মরোমদোম লেপচবগী মায়কৈদা থৌগনি অমদি আত্মনিরভর ভারত শেমবদা থৌদাং য়াগনি হায়না শ্রী ধর্মেন্দ্র প্রধান্না মর্চেন্তস চেম্বর ওফ কম্মর্স এন্দ ইন্দস্ত্রীগী এ.জি.এম.দা হায়খ্রে

‘আত্মনিরভর ভারত’ অসি ভারতপু মতু শোনবা কৈথেল অমদগী মালেমগী ভেল্যু চেনগী ময়ায় চবুক্তা লৈবা ইচঙ থৌবা পোত্থোক পুথোকফমগী মফম অমা ওন্থোক্নবগীদমক্তনি হায়না ঙসি পেত্রোলিয়ম অমসুং নেচরেল গ্যাসকী কেন্দ্র মন্ত্রী শ্রী ধর্মেন্দ্র প্রধান্না হায়খ্রে‍। মর্চেন্তস চেম্বর ওফ কম্মর্স ইন্দস্ত্রীগী ঙসি পাঙথোকখিবা ১১৯শুবা চহীগী জেনেরেল মীফমদা ৱা ঙাঙলদুনা মহাক্না হায়খিবদা আত্মনিরভর ভারত অমা হায়বসি চাউরবা পোত্থোক পুথোকপগী সেক্তর লৈবা, মরোমদোম লেপচবা ঙমবা অদুগা মালেমগী শেন্মিৎলোনগসু পুনশিনবা মপাঙ্গল কনবা ভারত অদুবুনি‍। মরোমদোম লেপচবা ঙমবা ভারত অমা ওইবনা মালেমগী শেন্মিৎলোনগীদমক মপাঙ্গল কল্লবা শাফু অমা ওইগদৌরিবনি হায়না মহাক্না মখা তাখি‍। ভারতনা মরোমদোম লেপচবা হায়বা ৱাফমসিদা মশা মথন্তগী খনবা থৌওংগী ৱাফম নত্তে‍। ভারতকী মরোমদোম লেপচবা হায়বসিদি মালেম পুম্বগী নুংঙাইনবা, তেংবাংনবা অমদি ইং চিকপগী ৱাখল্লোনশিং য়াওরি হায়না মন্ত্রীনা হায়খি‍। কোবিদ-১৯ লাইচৎনা মালেমগী শেন্মিৎলোনদা দিমান্দগী ফীভম মাঙ তাকহন্দুনা অমদি সপ্লাই চেনসু অৱাবা তাহন্দুনা মফম খুদিংমক্তা শোত্থহল্লি হায়না মন্ত্রীনা হায়খি‍। লাইচৎ অসিনা হান্নগী থবক থৌরমশিংদা অপনবা পীরবসু লৈবাকসিগী শেন্মিৎলোনগী মফম মফমগী থবক থৌরমশিংদা তপ্না তপ্না ফীভম ফগৎলকপা কয়া উবা ফংলি হায়না মহাক্না ফোঙদোকখি‍। লোকদাউনগী অথিংবা পাক শন্না কোমথোক্নরকপগা লোয়ননা খুমাঙ চাউশিনবা ফীভম লাক্লবা য়াই অমদি মসিনা লৈবাক অসিবু অমুক হন্না চাউখৎপগী লম্বী পরিংদা পুরক্লগনি হায়না মহাক্না হায়খি‍। শ্রী প্রধান্না হায়খিবদা আত্মনিরভর ভারত পেকেজ অমদি প্রধান মন্ত্রী গরীব কল্য়ান য়োজনানা কোবিদ-১৯ লাইচৎ মনুংদা মফম খুদিংমক্তা মথৌ তাবা ঙাক্লৌ খুন্নাইগী শরুক খুদিংমক্তা পীখি‍। মসিনা ভারতপা থুনা হান্নগী ফীভমদা হঞ্জিল্লকপা ঙমহন্দুনা ভারতকী চাউখৎপগী ৱারীগী অনৌবা পন্দুপ অমা ইবা হৌহল্লগনি‍।

অকুপ্পা ৱারোলগীদমক :

অয়ুশ মন্ত্রালয়দা ফাইনান্সিয়েল মেনেজমেন্ত অমসুং গভর্নেন্স রিফোর্ম ইনিসিয়েতিবশিং

ফাইনান্সিয়েল মেনেজমেন্ত হেন্না ফগৎনবা অমসুং গভর্নেন্স রিফোর্মশিং হেন্না পাংথোক্নবা অয়ুশ মন্ত্রালয় অসিনা ইনিসিয়েতিবশিংগী সেত অমা পুথোকখ্রে৷ হায়রিবা ইনিসিয়েতিবশিং অসিদা থ্রস্ত এরিয়া অনি সরকারগী স্কিমশিং(সেন্ত্রেল সেক্তর অমসুং সেন্ত্রেল্লী স্পোন্সর অনিমক) অমসুং মন্ত্রালয় অসিগী ওতোনোমস বোদীশিং য়াওরি৷ অসিগুম্বা ইনিসিয়েতিবশিংগী সেত অসিগী রোদ-মেপ অসি সেক্রেতরী(অয়ুশ) ভাইদ্য রাজেশ কোতিচা অমসুং এদিস্নেল সেক্রেতরী অমসুং ফাইনান্সিয়েল এদভাইজর শ্রী ধর্মেন্দ্র সিংহ গঙ্গৱরনা ২০২০গী সেপ্তেম্বর থাদা মন্ত্রালয় অসিদা পাংথোকখিবা হাই লেভেল মীফম অমদা পুথোকখিবনি৷ হায়রিবশিং অসি য়াম্না থুনা চৎননবা মন্ত্রালয় অসিগী তোঙান তোঙানবা য়ুনিৎশিংনা লৌখৎখিবনি৷ সিমলেস অমসুং দাইরেক্ত মেন্নর অমদা প্রোজেক্ত ইমপ্লিমেন্তেসন এজেন্সীদা ফন্দ ফ্লো য়ৌহন্নবা ফাইনান্সিয়েল অমসুং গভর্নেন্স রিফোর্মশিংগী লিস্ত শেম্বা অমসুং প্রোগ্রামশিং/স্কিমশিং দিজাইন তৌবা অসিনা খন্দোক্লবা গাউন্দ ৱর্ক এক্তিবিতীশিংগী মনুংদা খরনি৷ লেভেল অমদা হেক্তা ফন্দশিং পনবা লৈতনবা মেচিং সেয়র অমসুং প্রি-দিফাইন্দ ত্রিগরশিংগা লোইননা রাজ্য সরকারশিংদা মতম চানা ফন্দ থাদদুনা হায়রিবশিং অসি মতেং পাংলগনি৷

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           অরুনাচল প্রদেশ: অরুনাচলদা এক্তিব কোবিদ কেসশিংগী অপুনবা মশিং অদু ১১৮২ য়ৌখ্রে। অদুগা ফগৎখিবা কেসশিংগী অপুনবা মশিং অদুনা ১৪৭১৫ শুখ্রে।

•           অসাম: অসামদা হৌখিবা পুং ২৪ অসিগী মনুংদা পোজিতিব ওইবগী চাং ০.৭২% ওইখিবগা লোইননা তেস্ত ২৩৪৮৪ পাংথোকখিবগী মনুংদা অনৌবা কেস ১৬৯ থেংনখি।

•           মঘালয়া: মেঘালয়াদা কোবিদ-১৯ এক্তিব কেসশিংগী অপুনবা মশিং অদু ৭৫৩ য়ৌখ্রে অমসুং ফগৎখিবা কেসশিংগী অপুনবা মশিংনা ১০০১৪দা লৈরি।

•           সিক্কিম: সিক্কিমগী রাজ্য অসিদা কোবিদ-১৯ এক্তিব কেসশিংগী মশিং অদু ২৯৬ য়ৌখ্রে। অদুগা হৌজিক ফাওবদা কেস ৪১২৪ দিসচার্জ তৌখ্রে।

•           মহারাস্ত্র: ব্রিহানমুম্বাই মুনিসিআল কোরপোরেশন (বি.এম.সি.)না ওইথোকপা য়াবা সুপর-স্প্রেদরশিং খঙদোক্নবা হোকরশিং, দুকান মপুশিং, মী য়াম্না চিনবা মার্কেতশিংদা লৈবা হেলপরশিং অমসুং ত্রান্সপোর্তরশিং, বি.ই.এস.তি. অমসুং স্তেত ত্রান্সপোর্ত কোরপোরেশনগী দ্রাইভরশিংগী চয়োল অমা শাংবা তার্গেতেদ কোবিদ-১৯ তেস্তিং হৌখ্রে। মহারাস্ত্রগী কোবিদ-১৯গী অপুনবা মশিং অদু য়ুমশকৈশা নুমিত্তা রাজ্য অসিদা ইনফেক্সনগী অনৌবা কেস ৫,০১১ থেংনখিবগা লোইননা ১৭,৫৭,৫২০দা হেনগৎলকখ্রে। খঙবা য়াবদি, নোংমদা থেংনবা কেসশিংগী মশিং অদু হৌখিবা নুমিৎ খরনিদা ৩,০০০গী ময়াদা অদুমক লৈখি।

•           গুজরাত: গুজরাত্তা কোবিদ-১৯গী অনৌবা কেস ১,২৮১ থেংনখি, মসিনা রাজ্য অসিগী অপুনবা মশিং অদু লাখ ১.৯২ ময়া নক্না য়ৌহনখ্রে। এহমদাবাদ য়াওনা জিলা কয়া অমদা দিৱালিগী মতুংদা কেসশিংগী মশিং হেনগৎলকপা থেংনখি। রাজ্য অসিগী নোংমদা থেংনখিবশিংগী মশিং অদু থা অমগী মমাংদা ১,২০০ হেনখ্রে।

•           রাজস্থান: রাজস্থানদা কোবিদ-১৯গী এক্তিব কেসশিংগী মশিং অদু নুমিৎ ২৬কী মতুংদা অমুক্কা ১৯,০০০ হেনখ্রে। রাজ্য অসিদা য়ুমশকৈশা নুমিত্তা অণৌবা কেস ২,১৭৮ থেংনখি। জয়পুর আমসুং জোধপুর জিলাশিং অসিদা খ্বাইদগী হেন্না শোকহনখি। মুখ্য মন্ত্রী, অশোক গেহলোতনা হায়খি মদুদি খুঙ্গংগী লমশিংদা লৈরিবা মীওইশিংনা মসিগী লাইনা অসি য়াম্না লাইনা লৌরোইদবনি। মখোয়না মাস্কশিং উপকদবনি অমসুং অতোপ্পা হেল্থ প্রোতোকোলশিং মপুং ফানা ঙাক্না চৎকদবনি।

•           মধ্য প্রদেশ: হৌজিক-হৌজিক রাজ্য অসিদা এক্তিব কেস ৯,৩৩৮ লৈরি। রাজ্য সরকারনা রাজ্য অসিদা লোকদাউনগী মতাংদা শন্দোক্লিবা অদু তোকঙানি হায়না ফোংদোকখি অমসুং লৈরিবা ফিভম অদু মপুং ফানা লাকশিল্লে হায়না হায়রকখি। রাজ্যগি হোম মিনিস্ত্রী, নরোত্তম মিশ্রানা শেংদোরকখি মদুদি মধ্য প্রদেশতা লোকদাউন থমজিন্নবা ফিভম অমত্তা লৈতে, মসিগী মতাংদা প্রোপোজল অমত্তা খন্নখিবসু লৈতে হায়না হায়খি।

•           ছত্তিসগর: ছত্তিসগরদা রাজ্য সরকারনা লাইচৎ অসিগী ফিভম য়েংলগা ছথ পুজাগী মতাংদা অখন্নববা গাইদলাইনশিং থোকখ্রে। রাজ্য সরকার অসিনা অনৌবা গাইদলাইনশিং থোকখ্রে অমসুং তুরেল অমসুং পুখ্রিশিংগী ঘাতশিংদা ছথ পুজা পাংথোক্নবগীদমক্তা মতম খরগী ওইনা অয়াবা পীখ্রে।

•           গোৱা: গোৱা সরকারনা হৌজিক চৎথরিবা তুরিস্ত সীজন অসিগী মরক অসিদা হোতেলশিংগীদমক্তা অনৌবা স্তেন্দার্দ ওপরেতিং প্রোসিজর (এস.ও.পি.) শেমগৎলি হায়না রাজ্যগী হকশেল মন্ত্রী, বিশ্বাজিত রানেনা বেমশকৈশা নুমিত্তা হায়খি। মুখ্য মন্ত্রী, প্রমোদ সাৱন্তকা লোইননা মীফম অমা পাংথোক্লবা মতুংদা মহাক্না রিপোর্তরশিং ৱা ঙাংলদুনা শ্রী রানেনা হায়খি মদুদি কোস্তেল স্তেত অসিনা তুরিস্তশিং চঙহন্দনবা মশাগী বোর্দরশিং সীল তৌরোই।

•           কেরলা: কেরলা হাই কোর্তনা কোবিদ-১৯ পেসেন্তশিংগী অরোইবা মথৌ-মঙম পাংথোকপগীদমক্তা ধৌখিবা গাইদলাইনশিং অদু য়াম্না চেকশিন্না চৎনবা রাজ্য সরকারদা খঙহল্লকখ্রে। রাজ্য অসিদা ঙরাং কোবিদ-১৯গী অনৌবা কেস ৬,৪১৯ থেংনখি অঞসুং ৭,০৬৬ ফগৎখিবা থেংনখি। হৌজিক-হৌজিক তেস্ত পোজিতিব ওইবগী চাং অসি ৯.৫৩%নি অমসুং কোবিদনা মরম ওইরগা শিখিবশিংগী মশিংনা ১,৯৪৩নি।

•           তামিল নাদু: কোবিদ লাইচৎ অসিনা মরম ওইরগা সেলসশিং হন্থরকপনা তামিল নাদু কেমিস্তস অমসুং দ্রগ্গিস্তস এসোসিয়েশন্না রাজ্য সরকারদা মখোয়সু ফ্রন্তলাইন ৱার্করশিংগী লিস্ত অদুগী মনুং চলহন্নবা অমসুং তঙাইফদবা খুদোংচাবশিং ফংহন্নবা তকশিনখ্রে।

•           কর্নাতকা: বেঙ্গলুরুদা কোবিদ-১৯ ভেক্সিনেশনগীদমক্তা অহানবা বেনিফিসরীশিং ওইননবা য়াম্লবা ফ্রন্তলাইন ৱার্কর ৯৪,০০০ মশক খঙদোকখ্রে।। ভেক্সিন অসি ২০২১গী হৌরকপদা কাপথোক্নবগীদমক্তা শেম-শাবা লোইরগনি হায়না ফোংদোরকখি। কর্নাতকাদা য়ুমশকৈশা নুমিত্তা অনৌবা কোবিদ-১৯ কেস ১,৭৯১ থেংনখি অমসুং ২১ অমুক শিখিবগী পাউ লৈখি, মসিনা ইনফেক্সনশিংগী অপুনবা মশিং অদু ৮,৬৫,৯৩১ য়ৌহনখি অমসুং শিখিবশিংগী অপুনবা মশিংনা ১১,৫৭৮ য়ৌহনখি।

•           অন্ধ্র প্রদেশ: মুখ্য মন্ত্রী ৱাই.এস. জগন মোহন রেদ্দীনা অন্ধ্র প্রদেশতা কোরোনাভাইরসকী অনিশুবা ৱেবতগী চেকশিন্নবা হায়খ্রে; রিভ্যু মীতিং অমদা মহাক্না ওফিসিয়েলশিংদা দিল্লী অমসুং অতোপ্পা লৈবাকশিংদা অনিশুবা ৱেব লাকপদা কোবোদ-১৯ শন্দোরকপা থিংনববা মতিক চাবা খোংথাংশিং লৌখৎনবা হায়খ্রে। অন্ধ্র প্রদেশতা হৌজিক ফাওবদা কোবিদ তেস্ত ৯১,৫৪,২৬৩ তৌখিবগা লোইননা য়ুমশকৈশা নুমিত্তা এক্তিব কেস ১৬,৫১৬ লৈখি অমসুং পোজিতিব ওইবগী চাং চাদা ৯.৩৩ ওইখিবগা লোইননা মীওই লাখ ৮.৫৪ পোজিতিব ওইবা থেংনখি। চাংচত্তা মীশিং মিলিয়ন খুদিংগী তেস্ত ১,৭১,৪২৮ তৌখি, মসিনা নুমিৎ খুদিংগী তেস্ত ৭৫,০০০ পাংথোকহনখি।

•           তেলঙ্গনা: রাজ্য সরকারনা লনাইগী লেবশিংদা কোবিদ-১৯গীদমক্তা আর.তি.-পি.সি.আর. তেস্তিং তৌবগী মমলশিং অদু লুপা ২,২০০দগী লুপা ৮৫০দা হন্থহনখ্রে; য়ুমদা লৌখিবা সেমপলশিংগীদমক্তা লৌগদবা মমল অদু লুপা ২,৮০০দগী লুপা ১,২০০দা হন্থহনখ্রে। হৌখিবা পুং ২৪দা তেলঙ্গনাদা কোবিদ-১৯দগী পুন্না পেসেন্ত ১,৬০৭ ফগৎখ্রে অদুগা অনৌবা কেস ৯৪৮ থেংনখি।  রাজ্য অসিগী অপুনবা মশিং অদু ২,৫৯,৭৭৬ লৈরি, ফগৎখিবশিংগী মশিংনা ২,৪৫,২৯৩দা লৈরি অমসুং এক্তিব কেসশিংগী মশিংনা ১৩,০৬৮ শুখ্রে।

ফেক্ত চেক

*****