হকশেল অমসুং য়াইফ-য়ুম্বাল মন্ত্রালয়না হরিয়ানা, রাজস্থান, গুজরাৎ অমসুং মনিপুরদা অৱাংবা থাক্কী তীমশিং থাজিনখ্রে। নোংমদা লাকপা কেস মশিং হেনগৎলকপগা লোয়ননা দিল্লীগী য়ু.তি.দা নোংমদা মী শিবগী মশিং হেনগৎলকপগী থৌওংশিংগা লোয়ননা কোবিদ পোজিতিব ওইবা অনাবগী মশিং হেনগৎলক্লিবা হরিয়ানা অমসুং রাজস্থানগী মনুং চন্না লৈবা এন.সি.আর.গী মফমশিংদা লাইচৎ অসিগী থাজদবা থৌওং কয়া উবা ফংখি।

হরিয়ানা তম্না চৎকদৌরিবা মীওই অহুম্না শাবা তীম অসি নই-দিল্লীগী এ.আই.আই.এম.এস.কী দাইরেক্তর, দাঃ রন্দীপ গুলেরিয়ানা লুচিংগনি অমসুং রাজস্থানগী তীমগী ওইনা নিতি আয়োগকী মেম্বর (হকশেল), দাঃ ভি.কে. পাউল অমসুং গুজরাৎকী তীমগী ওইনা (এন.সি.দি.সি.) দাইরেক্তর দাঃ এস.কে. সিংহনা লুচিংগনি। দি.ঐচ.জি.এস.কী এদিস্নেল দি.দি.জি., দাঃ এল. স্বস্তিচরন্না মনিপুরদা চৎকদবা তীম্বু লুচিংগনি।

তীমশিং অসিনা কোবিদকী কেস মশিং য়াম্না লাক্লিবা জিলাশিংদা চৎকনি অমসুং রাজ্য সর্কারনা কন্তেন্মেন্ত, সর্বেলিএন্স, তেস্ত তৌবা, লাইনা শন্দোকপা থিংবা অমসুং লাকশিনবগী খোঙথাংশিং অমসুং পোজিতিব কেসশিংগী ক্লিনিকেল মেনেজমেন্ত নীংথিনা পাঙথোকপগী থৌওংশিং অসিদা তেংবাংগনি।

কেন্দ্রগী তীমশিং অসিনা মতম চানা লাইওং খঙদোকপা অমসুং মসিগী মখা তাবা ওইনা য়েংশিনবগী থৌওং পাঙথোকপদা থেংনবা মরী লৈনবা শিংনবশিংবু নীংথিনা থেংনবা ঙম্নবসু ঙাক-শেনগনি।

কেন্দ্র সর্কারনা মালেমগী লাইচৎ অসি থেংনবদা “কো-ওপরেতিব ফেদেরেলিজম”গী মনুং চনবা থৌরাংগী মখাদা “সর্কারনা মপুং ওইনা শরুক য়াবা” অমসুং “খুন্নাইনা মপুং ওইনা শরুক য়াবা”গী থৌওংগা লোয়ননা মাং-থাদুনা চৎলি। তোঙান-তোঙানবা রাজ্য/য়ু.তি. সর্কারশিংনা কোবিদ শেন্নবগী থৌওংশিং অসিবু হেন্না ফগৎহন্নবা হৌজিক চত্থরিবা থৌওং অমা ওইনা কেন্দ্র সর্কারনা কেন্দ্রগী তীম কয়াবু মতম-মতমগী ওইনা তোঙান-তোঙানবা রাজ্য/য়ু.তি. থারি। মসিগী তীমশিং অসিনা রাজ্য/য়ু.তি.শিংগী মরী লৈনবা মীওইশিংগা পাউ-ফাওনদুনা মখোয়না থেংনরিবা খুদোংচাদবা অমসুং শিংনবশিংগী তসেং-তসেংনা খঙদোক্তুনা থৌওং অসিদা মখোয়না থেংনবা শিংনবা কয়াবু লৌথোক্তুনা মখোয়গী খোঙথাংশিং অসিবু হেন্না মপাঙ্গল কনখৎহন্নবা হোৎনরি।

*****