ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟ
ଦେଶରେ ଦୈନିକ ନୂଆ କରୋନା ପଜିଟିଭ୍ ମାମଲା ତୁଳନାରେ ଅଧିକ ସୁସ୍ଥ ହେଉଥିବାରୁ ସକ୍ରିୟ ମାମଲା ସଂଖ୍ୟା ହ୍ରାସ
● ମୋଟ ମାମଲାର 5% ତଳକୁ ଖସିଲା ସକ୍ରିୟ ମାମଲା
Posted On:
19 NOV 2020 11:30AM by PIB Bhubaneshwar
ଗତ 24 ଘଣ୍ଟା ମଧ୍ୟରେ ଭାରତରେ 45,576 ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏହି ସମୟରେ ଦେଶରେ 48,493 ଜଣ ସୁସ୍ଥ ହୋଇଥିବାରୁ ସକ୍ରିୟ ମାମଲା ଆହୁରି 2,917 ହ୍ରାସ ପାଇଛି ।
ଗତ 47 ଦିନ ଧରି କ୍ରମାଗତ ଭାବେ ଦୈନିକ ନୂଆ କରୋନା ମାମଲା ତୁଳନାରେ ସୁସ୍ଥଙ୍କ ସଂଖ୍ୟା ଅଧିକ ରହିଛି ।
ଭାରତର ସକ୍ରିୟ କରୋନା ମାମଲା ମୋଟ ମାମଲାର 5% ତଳକୁ ଆଜି ହ୍ରାସ ପାଇଛି ।
ଦୈନିକ ନୂଆ ମାମଲା ତୁଳନାରେ ଅଧିକ ସୁସ୍ଥ ହେଉଥିବାରୁ କ୍ରମାଗତ ଭାବେ ସକ୍ରିୟ ମାମଲା ହ୍ରାସ ପାଇଚାଲିଛି । ଏହା ଦ୍ୱାରା ବର୍ତ୍ତମାନ ଦେଶରେ ସକ୍ରିୟ ମାମଲା 4,43,303 ରହିଛି, ଯାହାକି ଭାରତର ମୋଟ ପଜିଟିଭ୍ ମାମଲାର ମାତ୍ର 4.95% ।
ପ୍ରତି 24 ଘଣ୍ଟାରେ ଦେଶରେ ନୂଆ ସୁସ୍ଥଙ୍କ ସଂଖ୍ୟା ନୂଆ ମାମଲା ତୁଳନାରେ ଅଧିକ ରହୁଥିବାରୁ ମୋଟ ସୁସ୍ଥ ହାର 93.58%କୁ ବୃଦ୍ଧି ପାଇଛି । ମୋଟ ସୁସ୍ଥଙ୍କ ସଂଖ୍ୟା 83,83,602 ରେ ପହଁଚିଛି । ସୁସ୍ଥ ସଂଖ୍ୟା ଏବଂ ସକ୍ରିୟ ମାମଲା ମଧ୍ୟରେ ପାର୍ଥକ୍ୟ ବୃଦ୍ଧି ପାଇ 79,40,299 ରେ ପହଞ୍ଚିଛି ।
ଗତ 24 ଘଣ୍ଟା ମଧ୍ୟରେ ହୋଇଥିବା ସୁସ୍ଥଙ୍କ ମଧ୍ୟରୁ 77.28% 10 ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ ଆସିଛନ୍ତି ।
ଗତ 24 ଘଣ୍ଟା ମଧ୍ୟରେ କେରଳରେ ସର୍ବାଧିକ 7,066 ଜଣ ସୁସ୍ଥ ହୋଇଛନ୍ତି । ଏହା ପଛକୁ ଦିଲ୍ଲୀରେ 6,901 ଏବଂ ମହାରାଷ୍ଟ୍ରରେ 6,608 ଜଣ ସୁସ୍ଥ ହୋଇଛନ୍ତି ।
ନୂଆ ପଜିଟିଭ୍ ମାମଲା ମଧ୍ୟରୁ 77.28% ଆସିଛି 10 ରାଜ୍ୟ/କେନ୍ଦ୍ରଶାସିତ ଅଞ୍ଚଳରୁ ।
ଦିଲ୍ଲୀରେ ସର୍ବାଧିକ 7,486 ନୂଆ ମାମଲା ଆସିଥିବା ବେଳେ ଏହା ପଛକୁ କେରଳରେ 6,419 ଏବଂ ମହାରାଷ୍ଟ୍ରରେ 5,011 ମାମଲା ଆସିଛି ।
ଗତ 24 ଘଣ୍ଟା ମଧ୍ୟରେ ଦେଶରେ 585 ଜଣଙ୍କ ମୃତ୍ୟୁ ହୋଇଥିବା ବେଳେ ଏଥିରୁ 79.49% ମୃତ୍ୟୁ 10 ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ହୋଇଛି । ଏଥିରୁ 22.39% କେବଳ ଦିଲ୍ଲୀ (131 ମୃତ୍ୟୁ)ରେ ହୋଇଛି । ମହାରାଷ୍ଟ୍ରରେ 100 ଏବଂ ପଶ୍ଚିମବଙ୍ଗରେ 54 ଜଣଙ୍କ ମୃତ୍ୟୁ ହୋଇଛି ।
**********
(Release ID: 1674149)
Visitor Counter : 209
Read this release in:
Tamil
,
English
,
Urdu
,
Hindi
,
Marathi
,
Bengali
,
Manipuri
,
Punjabi
,
Gujarati
,
Telugu
,
Kannada
,
Malayalam