প্ৰধানমন্ত্ৰীৰ কাৰ্যালয়
প্রধানমন্ত্রী শ্রী নৰেন্দ্র মোদী আৰু মার্কিন যুক্তৰাষ্ট্রৰ নৱনির্বাচিত ৰাষ্ট্রপতি শ্ৰীযুত যোছেফ আৰ বাইদেনৰ মাজত টেলিফোনিক বাৰ্তালাপ
চিনেটৰ কমলা হেৰিছকো উপ-ৰাষ্ট্রপতি পদত নির্বাচিত হোৱাৰ বাবে আন্তৰিক অভিনন্দন প্রধানমন্ত্রীৰ
Posted On:
17 NOV 2020 11:50PM by PIB Guwahati
প্রধানমন্ত্রী শ্রী নৰেন্দ্র মোদীয়ে কালি মার্কিন যুক্তৰাষ্ট্রৰ নৱনির্বাচিত ৰাষ্ট্রপতি শ্ৰীযুত যোছেফ আৰ বাইদেনৰ সৈতে টেলিফোনযোগে কথা পাতে৷
ৰাষ্ট্রপতি নির্বাচনত বাইদেনৰ বিজয়ৰ বাবে প্রধানমন্ত্রীয়ে তেওঁক অভিনন্দন জনাই কয় যে মার্কিন যুক্তৰাষ্ট্রৰ গণতান্ত্রিক পৰম্পৰাৰ শক্তি আৰু সুস্থিৰ দিশটো ইয়াৰ জৰিয়তে প্রতিফলিত হৈছে।
প্রধানমন্ত্রীয়ে চিনেটৰ কমলা হেৰিছক উপ-ৰাষ্ট্রপতি পদত নির্বাচিত হোৱাৰ বাবে আন্তৰিক অভিনন্দন জনায়৷
শ্রী মোদীয়ে এই প্রসংগত ২০১৪ আৰু ২০১৬ চনত তেওঁৰ মার্কিন যুক্তৰাষ্ট্রত চৰকাৰী ভ্ৰমণৰ সময়ত শ্ৰীযুত বাইদেনৰ সৈতে হোৱা বৈঠকৰ বিষয়টো স্মৰণ কৰে৷ প্রধানমন্ত্রীৰ ২০১৬ চনত মার্কিন ভ্ৰমণৰ সময়ত মার্কিন কংগ্রেছৰ যুটীয়া অধিৱেশনত বাইদেনে অধ্যক্ষতা কৰিছিল৷
দুয়োগৰাকী নেতা সমমূল্যবোধ আৰু অভিন্ন পাৰস্পৰিক স্বাৰ্থৰ ওপৰত ভিত্তি কৰি ভাৰত-মাৰ্কিন যুক্তৰাষ্ট্ৰ সৰ্বাংগীন আন্তঃৰাষ্ট্ৰীয় কৌশলগত অংশীদাৰিত্বক আগুৱাই নিয়াৰ ক্ষেত্ৰত সহমত পোষণ কৰে৷ ক’ভিড-১৯ মহামাৰী, কম মূল্যৰ টিকা, জলবায়ু পৰিৱৰ্তন ৰোধত বিভিন্ন পদক্ষেপ আৰু ভাৰত-প্ৰশান্ত মহাসাগৰীয় অঞ্চলত সহযোগিতাকে ধৰি বিভিন্ন বিষয়ক লৈ তেওঁলোকে আলোচনা কৰে৷
*****
DS/AKJ/AK/DB
(Release ID: 1673912)
Visitor Counter : 124
Read this release in:
English
,
Urdu
,
Marathi
,
Hindi
,
Manipuri
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam