প্রধানমন্ত্রীগী লোইশঙ
প্রধান মন্ত্রী নরেন্দ্র মোদী অমসুং য়ুনাইতেদ স্তেৎস ওফ অমেরিকাগী প্রসিদেন্ত ওইনা খল্লক্লবা হিস এক্সিলেন্সী জোসেফ আর. বাইদেনগা তেলিফোন্দা ৱারী শাবা
প্রধান মন্ত্রীনা ভাইস-প্রসিদেন্ত ওইনা খল্লক্লবা সেনেতর কমালা হেরিসতসু মহাক্না থম্মোই শেংনা থাগৎপা ফোঙদোকখ্রে অমদি য়াইফ পাউজেল পীখ্রে
মান্নবা ভেল্যুশিং অমসুং নাকল অনিমক্কী কান্নবদা য়ুম্ফম ওইবা ভারত-য়ু.এস.কী কম্প্রিহেন্সিব গ্লোবেল স্ত্রেতেজিক পার্তনরশিপ মখা তানা খুমাং চাউশিন্নবা পুন্না থবক তৌমিন্ননবা লুচিংবশিংনা য়ানখি
Posted On:
17 NOV 2020 11:50PM by PIB Imphal
প্রধান মন্ত্রী নরেন্দ্র মোদীনা ঙসি য়ুনাইতেদ স্তেৎস ওফ অমেরিকাগী প্রসিদেন্ত ওইনা খল্লক্লবা হিস এক্সিলেন্সী জোসেফ আর. বাইদেনগা লোইননা তেলিফোন্দা ৱারী শাখ্রে।
প্রধান মন্ত্রী মোদীনা বাইদেননা মহাক্কী মীখলদা প্রসিদেন্ত ওইনা খল্লকপদা থাগৎপা ফোঙদোক্লদুনা মসি য়ুনাইতেদ স্তেৎসকী দেমোক্রেতিক্কী লৈরিবা চৎনবী অসিগী মপাঙ্গল অমসুং থৌনা অদুগী খুদম অমনি হায়না ফোঙদোকখি।
প্রধান মন্ত্রীনা ভাইস-প্রসিদেন্ত ওইনা খল্লক্লবা সেনেতর কমালা হেরিসতসু মহাক্না থম্মোই শেংনা থাগৎপা ফোঙদোকখ্রে অমদি য়াইফ পাউজেল পীখ্রে।
প্রধান মন্ত্রীনা মহাক্না ২০১৪ অমসুং ২০১৬দা য়ুনাইতেদ স্তেৎসতা ওফিসিএলগী ওইবা খোঙচৎশিংদা ঐচ.ই. জোসেফ আর. বাইদেনগা লোইননা মমাংদা ৱারী শাখিবা অদু নীংশিংখি। মহাক্কী ২০১৬কী খোঙচৎতা প্রধান মন্ত্রীগী ৱারোল পীখিবা য়ু.এস. কোংগ্রেসকী জোইন্ত সেসন্দা ঐচ.ই. জোসেফ আর. বাইদেন্না মায়াই তাংবল লৌখি।
মান্নবা ভেল্যুশিং অমসুং নাকল অনিমক্কী কান্নবদা য়ুম্ফম ওইবা ভারত-য়ু.এস.কী কম্প্রিহেন্সিব গ্লোবেল স্ত্রেতেজিক পার্তনরশিপ মখা তানা খুমাং চাউশিন্নবা পুন্না থবক তৌমিন্ননবা লুচিংবশিংনা য়ানখি। লুচিংবশিংনা কোবিদ-১৯ লাইচৎ লাকশিন্নবা, অহোংবা মমলদা বেক্সিনশিং ফংহন্নবা, অইং-অশাদা হোংলক্লিবা অসি লাকশিন্নবা অমসুং ইন্দো-পেসিফিক রিজনগী কো-ওপরেসন য়াওনা মরু ওইবশিংগী মতাংদসু লুচিংবশিংনা খন্নখি।
*****
(Release ID: 1673637)
Visitor Counter : 187
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam