ভারতকী মফম পুম্নমক্তদগী অমসুং সমাজকী স্ত্রাতা পুম্নমক্তদগী লাক্লিবা মহৈরোইশিংনা এক্সিলেন্সকীদমক মান্নবা খুদোংচাবা ফংলিবা এতমোস্ফিয়র অমা ওইরিবা জৱাহর্লাল নেহরু য়ুনিভর্সিতী (জে.এন.য়ু.)দা মহৈ তম্লি৷ তোঙান তোঙানবা তুংগী লম্বেল থিরিবা মহৈরোইশিং অসিনা জে.এন.য়ু. অসিদা তম্নবা লাক্লি৷ ঙসি (২০২০গী নবেম্বর ১৮) ভিদিও মেসেজ অমগী খুৎথাংদা ভারতকী রাস্ত্রপতি শ্রী রাম নাথ কোবিন্দনা জে.এন.য়ু.গী ৪শুবা চহীগী ওইবা কনবোকেসন অদুদা ৱা ঙাংদুনা ইনক্লুজন, দাইভর্সিতী অমসুং এক্সিলেন্সকী অপুনবগী শক্তম অদু য়ুনিভর্সিতী অসিনা উৎলি হায়না ফোংদোকখি৷

ইন্দিয়ন কল্চরগী শেদ পুম্নমক জে.এন.য়ু. অসিদা মমি তারি হায়না রাস্ত্রপতি অসিনা ফোংদোকখ্রে৷ কেম্পস অসিদা লৈরিবা বিল্দিংশিং, হোস্তেলশিং, লম্বীশিং অমসুং ফেসিলিতীশিং অসিগী মমিং অসি ইন্দিয়ন হেরিতেজ অসিদগী লৌথোকপনি৷ মসিনা ভারতকী কল্চরেল অমসুং জিওগ্রাফিকেল পিকচর উৎলি৷

জে.এন.য়ু.গী এক্সিলেন্স ফেকল্তী অসিনা তোঙান তোঙাননা খেন্নবা ৱাখল্লোন অদুগী মতাংদা ফ্রী দিভেতশিং তৌবদা হেন্না থৌনা হাপতুনা লাক্লি হায়না রাস্ত্রপতি অদুনা ফোংদোকখ্রে৷ মহৈরোইশিং অসিবু হাইয়র এদজুকেসনদা তৌবা অদুগুম্না মহৈ-মশিং তম্বদা পার্তনরশিং ওইনা লৌই৷ যুনিভর্সিতী অসি ভাইব্রেন্ত দিস্কসসনশিং ক্লাসরুমগী মপান্দা, কেফেতরিয়াশিং অমসুং ধবাসতা মতম পুম্নমক্তা তাথোক তাশিন তৌবগী মমিং চৎলি৷

ঙল্লিঙৈ মতম ভারততা তাকপি তম্বিবা অমসুং রিসর্চকী মশক মঙাল নাইরবা মমাংগী থৌদোক অদু পল্লদুনা, ঙসিগী চেলেঞ্জশিং অসি থেংনবা মতমদা স্তেনদর্দ ৱাংনা লৈরবা তাকপি তম্বীবগী অমসুং রিসর্চকী মমিং লৈরবা য়ুনিভর্সিতীশিং খুদম ওইনা তক্সাশিলা, নলন্দা, ভিক্রমশিলা অমসুং ভল্লভি  অসিদগী ঐখোয়না ইন্সপিরেসন লৌবা য়াই হায়না রাস্ত্রপতি অসিনা ফোংদোকখ্রে৷ মালেম অসিগী মফম পুম্নমক্তদগী স্কোলরশিং অমসুং মহৈরোইশিংনা অখন্নবা লৌশিং লৌন্নবা হায়রিবা সেন্তরশিং অসিদা লাক্লি৷ মোদর্নিতীগী ইলিমেন্ত কয়ামরোম য়াওরিবা অসিগুম্বা ঙল্লিবা মতমগী সিস্তেম অসিনা ফাওরবা স্কোলরশিং খুদম ওইনা চরকা, আর্য়ভতা, চনক্যা, পানিনি, পতাঞ্জলি, গার্গি, মাইত্রেয়ি অমসুং থিরুভল্লুভর পুথোকখ্রে৷ মখোয়শিং অসিনা মেদিকেল সাইন্স, মেথমেতিক্স, এস্ত্রোনোমী, গ্রাম্মার অমসুং সোসিয়েল দিভেলপমেন্তদা মমল নাইদ্রবা কন্ত্রিব্যুসনশিং ফংহনখ্রে৷ মালেম অসিগী অতোপ্পা মফমশিংগী মীয়াম্না ইন্দিয়ন স্কোলরশিং অসিগী ৱর্কশিং অদু ত্রান্সলেতেদ তৌই অমসুং নোলেজ হেন্না লৈন্নবগীদমক লর্নিং অসিবু শিজিন্নৈ৷ ঙসিদি ইন্দিয়ন স্কোলরশিং অসিনা কন্তেম্পোররী গ্লোবেল চেলেঞ্জশিং অসি নৈনবদা শিজিন্ননবা নোলেজকী ওরিজিনেল বুক অদু শেম্ননবা হোৎনগদবনি৷ জে.এন.য়ু.সু গ্লোবেল কম্পেরেবল এক্সিলেন্স য়ৌবা ঙম্বা হাইয়র লর্নিংগী খন্দোক্লবা ইন্সতিত্যুসনশিং অসিগী মনুংদা অমনি৷

কোবিদ-১৯ লাইচৎ অসিগী মতাংদা ৱা ঙাংলদুনা ঙসিদি মসিগী লাইনা-লাইচৎ অসিনা মরম ওইরগা মালেম অসি ক্রাইসিস্কী ফিভম অমদা লৈরে হায়না রাস্ত্রপতি অসিনা ফোংদোকখ্রে৷ ইপিদেমিক্স অমসুং পেন্দেমিক্সকী লৈরিবা ফিভম অসিদা ইনফেক্সিয়র্স দিজিসশিং, ইপিদেমিওলোজী, ভাইরোলোজী, দাইয়েগ্নোস্তিক, ইন্সত্রুমেন্তেল, ভেক্সিনোলোজী অমসুং অতোপ্পা মরী লৈনবা হিরমশিংদা রিসর্চ পাংথোকপদা হাইয়র এদজুকেসন ইন্সতিত্যুসনশিং অসিনা লমজিংবা য়াম্না মরু ওই হায়না ২০২০গী অনৌবা নেস্নেল এদজুকেসন পোলিসী অসিনা পল্লি৷ মরী লৈনবা সোসিয়েল ইসুশিং মরু ওইনা মল্তি-দিসিপ্লিনরী এপ্রোর্চ নৈনবা তঙাই ফদে৷ অসিগুম্না হোৎনরিবা অসিদা য়ুনিভর্সিতীশিং খুদম ওইনা জে.এন.য়ু. অসিনা স্পিসিফিক হেন্দ হোল্দিং মেকানিজমশিং শেম্বদা লমজিংনবা মমাং থানা হোৎনগদবনি অমসুং মহৈরোই কম্ম্যুনিতীশিং অসিগী মরক্তা ইন্নভেসন তৌনবা মহাক্না ফোংদোকখ্রে৷

Cরাস্ত্রপতিগী ৱারোল তাবা ফংনবা মফম অসিদা নম্বিয়ু

*****