రాష్ట్రపతి సచివాలయం
సమ్మిళితత్వం, వైవిధ్యం, శ్రేష్ఠతల మిశ్రమాన్ని జేఎన్యూ సూచిస్తుంది: రాష్ట్రపతి కోవింద్
- జేఎన్యూ 4వ వార్షిక స్నాతకోత్సవంలో వీడియో సందేశం ద్వారా ప్రసంగించిన భారత రాష్ట్రపతి
Posted On:
18 NOV 2020 4:15PM by PIB Hyderabad
భారతదేశంలోని అన్ని ప్రాంతాల నుండి మరియు సమాజంలోని అన్ని వర్గాల నుండి వచ్చిన విద్యార్థులు జవహర్లాల్ నెహ్రూ విశ్వవిద్యాలయంలో (జేఎన్యూ) ఉత్తమ విద్యను సమాన అవకాశాలతో కూడిన వాతావరణంలో
అభ్యసిస్తారని రాష్ట్రపతి రామ్నాథ్ కోవింద్ అన్నారు. చాలా భిన్నమైన కెరీర్ మార్గాలను ఆశించే విద్యార్థులు జేఎన్యూ వేదికగా కలిసివస్తారని రాష్ట్రపతి వివరించారు. విశ్వవిద్యాలయంలో చేరిక వైవిధ్యం మరియు శ్రేష్ఠత కలయికను సూచిస్తుందని రాష్ట్రపతి శ్రీ రామ్ నాథ్ కోవింద్ అభివర్ణించారు. ఈ రోజు (18, నవంబర్, 2020) వీడియో సందేశం ద్వారా రాష్ట్రపతి జేఎన్యూ 4వ వార్షిక స్నాతకోత్సవ సమావేశంలో ప్రసంగించారు. భారతీయ సంస్కృతి యొక్క అన్ని ఛాయలు జేఎన్యూలో ప్రతిబింబిస్తాయని రాష్ట్రపతి అన్నారు. క్యాంపస్లోని భవనాలు, హాస్టళ్లు, రోడ్లు మరియు సౌకర్యాల పేర్లు భారత వారసత్వం నుండి తీసుకోబడ్డాయని అన్నారు. ఇది భారతదేశం యొక్క సాంస్కృతిక, భౌగోళిక చిత్రాన్ని మేటిగా సూచిస్తుందన్నారు. భారతీయత జేఎన్యూ వారసత్వమని, దానిని బలోపేతం చేయడమనేదీ ఈ విద్యాసంస్థ విధిగా వస్తోందని వివరించారు.
జేఎన్యూ యొక్క అద్భుతమైన అధ్యాపకులు స్వేచ్ఛా చర్చను, అభిప్రాయపు భేదాలను గౌరవించడాన్ని ప్రోత్సహిస్తున్నారని రాష్ట్రపతి అన్నారు. విద్యార్థులను నేర్చుకోవడంలో భాగస్వాములుగా పరిగణిస్తారని వివరించారు. ఉన్నత విద్యలో ఇది ఎలా ఉండాలి ఆ మాదిరిగా పరిగణనలోకి తీసుకుంటారని తెలిపారు. ఈ
విశ్వవిద్యాలయం శక్తివంతమైన చర్చలకు ప్రసిద్ది. తరగతి గదుల వెలుపల, ఫలహారశాలలు మరియు ధాబాల్లో అన్ని వేళల జరుగుతుంది. పురాతన భారత్
బోధన మరియు పరిశోధన యొక్క అద్భుతమైన గతాన్ని ప్రస్తావించిన రాష్ట్రపతి బోధన పరిశోధన యొక్క ఉన్నత ప్రమాణాలను నిర్దేశించిన తక్షశిల, నలంద, విక్రమశిలా మరియు వల్లభీ విశ్వవిద్యాలయాల నుండి నేటి సవాళ్లను ఎదుర్కొనే
విషయంలో ప్రేరణ పొందవచ్చని రాష్ట్రపతి కోవింద్ అన్నారు. ప్రత్యేక జ్ఞానం పొందడానికి ప్రపంచం నలుమూలల నుండి పండితులు, విద్యార్థులు ఆయా కేంద్రాలకు వచ్చారని తెలిపారు. ఆధునికత యొక్క అనేక అంశాలను కలిగి ఉన్న ఆ పురాతన వ్యవస్థ, చారక, ఆర్యభట్ట, చాణక్య, పాణిని, పతంజలి, గార్గి, మైత్రేయి మరియు తిరువల్లూవర్ వంటి గొప్ప పండితులను సమాజానికి అందించేలా చేసిందన్నారు. వారు వైద్య విజ్ఞానం, గణితం, ఖగోళ శాస్త్రం, వ్యాకరణం, సామాజిక అభివృద్ధికి అమూల్యమైన కృషి చేశారని తెలిపారు.
ప్రపంచంలోని ఇతర ప్రాంతాల ప్రజలు భారతీయ పండితుల రచనలను అనువదించారు, జ్ఞానం యొక్క మరింత పురోగతి కోసం తమతమ అభ్యాసాన్ని ఉపయోగించారు. నేటి భారతీయ పండితులు సమకాలీన ప్రపంచ సవాళ్లను ఎదుర్కోవడానికి ఉపయోగించేలా అటువంటి వాస్తవ జ్ఞానాన్ని సృష్టించడానికి ప్రయత్నించాలని అన్నారు. ప్రపంచ వ్యాప్తంగా పోల్చదగ్గ నైపుణ్యాన్ని చేరుకోగల ఉన్నత విద్యాసంస్థల ఎంపిక సంస్థలలో జేఎన్యూ ఒకటి అని రాష్ట్రపతి అభిప్రాయపడ్డారు.
కోవిడ్ కారణంగా ప్రపంచ సంక్షోభం..
కోవిడ్ -19 మహమ్మారి గురించి మాట్లాడిన రాష్ట్రపతి, ఈ మహమ్మారి కారణంగా నేడు ప్రపంచం సంక్షోభంలో ఉందని అన్నారు. అంటు వ్యాధులు మరియు మహమ్మారి యొక్క ప్రస్తుత పరిస్థితులలో, అంటు వ్యాధులు, ఎపిడెమియాలజీ, వైరాలజీ, డయాగ్నస్టిక్స్, ఇన్స్ట్రుమెంటేషన్, వ్యాక్సినాలజీ, ఇతర సంబంధిత రంగాలలో పరిశోధనలు చేపట్టడంలో మన ఉన్నత విద్యాసంస్థలు ముందడుగు వేయడం చాలా కీలకమని జాతీయ విద్యా విధానం 2020 పేర్కొంది. సంబంధిత సామాజిక సమస్యలపై ప్రాధానంగా బహుళ-క్రమశిక్షణా విధానంతో అధ్యయనం చేయాల్సిన అవసరం ఎంతగానో ఉందని అభిప్రాయపడ్డారు. ఈ ప్రయత్నంలో జేఎన్యూ వంటి విశ్వవిద్యాలయాలు నిర్దిష్ట హ్యాండ్ హోల్డింగ్ మెకానిజమ్లను అభివృద్ధి చేయడానికి, విద్యార్థి సంఘాలలో ఆవిష్కరణలను ప్రోత్సహించడానికి ముందంజలో ఉండాలని ఆయన అన్నారు.
రాష్ట్రపతి పూర్తి ప్రసంగాన్ని వీక్షించేందుకు ఇక్కడ క్లిక్ చేయండి
***
(Release ID: 1673895)
Visitor Counter : 158