PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 17 NOV 2020 5:57PM by PIB Imphal

Coat of arms of India PNG images free download       

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

 

  • হৌখিবা পুং ২৪সিদা নৌনা নারকপা মীশিং ২৯,১৬৩ থেংনখি‍
  • নুংতিগী ফগৎলকপা মীশিংনা নুংতিগী নৌনা নারকপা মীশিংদগী হেন্দুনা চৎপগী ফীভম অসি মখা চত্থরকপা ওইনা হৌখিবা পুং ২৪সিদা মীওই ৪০,৭৯১ নাবা ফগৎলকখি
  • অপুনবা ফখ্রবা মীশিং ৮২,৯০,৩৭০ শুরে‍
  • ফগৎলকপগী চাং ঙসি চাদা ৯৩.৪২দা হেনগৎলক্লে
  • লৈঙাক অসিনা লৈবাক পুম্বদা অৱাংবা থাক্কী তেস্তিং মখা চত্থরি‍, ঙসি ফাওবদা তৌখিবা অপুনবা তেস্ত মশিং ১২,৬৫,৪২,৯০৭নি‍

 

Image

ভারত্তা থংন-থংননা নিনি চনবা ওইনা নৌনা নারকপা মীশিং লিশিং ৩০ থেংনরি, হৌখিবা থা ১.৫সিদা নুংতিগী ফগৎলকপা মীশিংনা নুংতিগী কোবিদ-১৯না নৌনা নারকপা মীশিংদগী হেন্দুনা চৎলি

ভারত্তা হৌখিবা নুমিৎ নিনি অসি থংন-থংননা নুংতিগী নৌনা নারকপা মীশিং ৩০,০০০গী ময়াদা থেংনরি‍। হৌখিবা পুং ২৪সিদা নৌনা নারকপা মীশিং ২৯,১৬৩ থেংনখি‍। লৈবাকসিদা হৌখিবা নুমিৎ ১০নিসিদা নুংতিগী নৌনা নারকপা মীশিং ৫০,০০০গী মখাদা ওইদুনা চৎলি‍।  নুংতিগী ফগৎলকপা মীশিংনা নুংতিগী নৌনা নারকপা মীশিংদগী হেন্দুনা চৎপগী ফীভম অসি মখা চত্থরকপা ওইনা হৌখিবা পুং ২৪সিদা মীওই ২৯,১৬৩ নৌনা নারকপদা মীওই ৪০,৭৯১ নাবা ফগৎলকখি‍। লৈঙাক অসিনা লৈবাক পুম্বদা অৱাংবা থাক্কী তেস্তিং মখা চত্থরি‍। ঙসি ফাওবদা তৌখিবা অপুনবা তেস্ত মশিং ১২,৬৫,৪২,৯০৭নি‍। মসিনা অপুনবা পোজিতিভিতীগী চাং চাদা ৭.০১দা হন্থহল্লকপা ঙমহল্লে‍। হৌজিক নারিবা মীশিং ৪,৫৩,৪০১ ওইদুনা অপুনবা নাখিবা মীশিংগী চাদা ৫.১১ খক্তমক ওইরি‍। অপুনবা ফখ্রবা মীশিং ৮২,৯০,৩৭০ শুরে‍। মসিগা লোয়ননা ফগৎলকপগী চাং ঙসি চাদা ৯৩.৪২দা হেনগৎলক্লে‍। হৌখিবা পুং ২৪সিদা ফগৎলকখিবা মীশিংগী চাদা ৭২.৮৭দি স্তেত/য়ু.তি. তরাদগীনি‍। কেরলানা নারমবা মীশিং ৬,৫৬৭ নেগেতিব ওইবা থেংনদুনা খ্বাইদগী মীশিং য়াম্না ফগৎলকপা ওইখি‍। ৱেস্ত বেঙ্গলদা নোংমদা ফগৎলকপা মীশিং ৪,৩৭৬ ওইখি অদুগা দিল্লীদা ৩,৫৬০ ফগৎলকখি‍। নৌনা নারকপা মীশিংগী চাদা ৭৫.১৪দি স্তেত/য়ু.তি. তরাদগীনি‍। হৌখিবা নুমিৎ খরনিসিদা নৌনা নারকপা মীশিং হেনগৎলকপগী ফীভম থেংনখিবা দিল্লীদা ঙরাং নৌনা নারকপা মীশিং শুপ্নতগী ৩,৭৯৭ থেংনখি‍, অদুগা ৱেস্ত বেঙ্গলনা মীওই ৩,০১২ নৌনা নারক্তুনা মতুং ইনখি‍। কেরলাদা নৌনা নারকপা মীশিং ২,৭১০ থেংনখি‍। নৌনা শিখিবা মীশিং ৪৪৯গী মনুংদা চাদা ৭৮.৪০দি স্তেত/য়ু.তি. তরাদগীনি‍। নৌনা শিখিবা মীশিংগী শরুক মঙা থোকপগী অমা হেনবা, চাদা ২২.৭৬তি মীওই ৯৯ শিদুনা দিল্লীদগী ওইখি‍। মহারাস্ত্রদা মীওই ৬০ শিখিবগী পাউ লাকখি অদুগা ৱেস্ত বেঙ্গলনা (৫৩) মতুং ইল্লি‍।

অকুপ্পা ৱারোলগীদমক :

দা. হর্শ বর্ধন্না দবল্যু.ঐচ.ও. একজিক্যুতিব বোর্দকী ১৪৭ শুবা মীফম লুচিংখ্রে

হকশেল অমসুং য়াইফ য়ুম্বালগী কেন্দ্র মন্ত্রী শ্রী দা. হর্শ বর্ধন্না ঙরাং ভিদীও কনফরেন্সকী থোংদা দবল্যু.ঐচ.ও. একজিক্যুতিব বোর্দকী ১৪৭ শুবা মীফম দিজিতেল ওইবা মওংদা লুচিংখ্রে।

অকুপ্পা ৱারোলগীদমক :

পি.এম.গী ৱাফমদা স্পিরিচুএল লুচিংবশিংনা লমদমসিগীদমক খোঞ্জেল থোকখ্রে

প্রধান মন্ত্রী নরেন্দ্র মোদীনা ঙরাং আত্মনিরভর ভারতকীদমক ‘লমদমসিগীদমক খোঞ্জল থোকপা’ হায়বা ৱাফমবু স্পিরিচুএল লুচিংবশিংনা শন্দোকপীনবা ৱাফম থমখিবা মতুংদা লৈবাকসিগী মশক নাইবা স্পিরিচুএল লুচিংবশিংগী মরক্তগী পাউখুম চাউনা লাক্লি‍। ‘সন্ত সমাজ’না প্রধান মন্ত্রীগী ৱাফমবু পুক্নীং চঙনা পাউখুম পীরকখি‍। স্পিরিচুএল পর্সোনেলিতীশিংনা আত্মনিরভর ভারতকীদমক ‘লমদমসিগীদমক খোঞ্জেল থোকপা’ হায়বা ৱাফমবু শন্দোক্নবা অমদি য়োকখৎনবা চোংথোরকপগা লোয়ননা হীরম অসিদা মখোয়না শৌগৎকনি হায়না ৱাশক্লি‍। প্রধান মন্ত্রীগী ৱাফম অদু ঙরাং ভিদিও কন্ফরেন্সিংগী খুত্থাঙদা জৈনচার্য়া শ্রী ভিজয় বল্লভ সুরিস্বের জী মহারাজকী ১৫১শুবা মপোক কুমওন থৌরমগা মরী লৈননা ‘ইং চিকপগী মীতম’ মায়খুম হাংদোকপদা ফোঙদোকখিবনি‍। নীংতম ইহৌগী য়ুম্ফম ভক্তি ইহৌনা থোনখিবগুম, ঙসি আত্মনিরভর ভারতকী য়ুম্ফমসু ঐখোয়গী লৈবাকসিগী লাইনীংবশিং, মহাত্মা, মহন্তশিং অমদি অচার্য়াশিংনা থোনগনি, হায়না শ্রী মোদীনা হায়খিবনি‍।

অকুপ্পা ৱারোলগীদমক :

ভর্চুয়েল ব্রিক্স সম্মিৎ -২০২০দা থমখিবা প্রধান মন্ত্রীগী হৌদোক ৱারোল

অকুপ্পা ৱারোলগীদমক :

সোসিয়েল জস্তিস অমসুং এমপৱার্মেন্ত মন্ত্রালয়গী লৈরিবা স্কোলরশিপ স্কিমশিং অসিগী মখাদা মহাক্কী দিসবর্সমেন্ত তৌবগী মরম অদু শেংদোকপা

কোবিদ-১৯ লোইনা-লাইচৎ অসিনা মরম ওইরগা স্কোলরশিপ স্কিমশিংগী মখাদা দিসবর্সেলগী মতম অদু হেন্না থেংথহল্লে হায়না অনৌবা আর্তিকল খরনা ফোংদোকখ্রে অমসুং মসিনা মরম ওইরগা মহৈরোই কয়ামরোম খুদোংচাদবা কয়ামরোম থেংনরি৷ ফেকচুয়েল স্তেতস অসি ক্লেরিফাই তৌন্নবগীদমক, সোসিয়েল জস্তিস অমসুং এমপৱার্মেন্ত দিপার্তমেন্তনা রাজ্য সরকারশিং/য়ুনিয়ন তেরিতোরী এদমিনিস্ত্রেসনশিং/য়ুনিভর্সিতী গ্রান্ত কম্মিসনগা খুৎশম্নরগা তার্গেত গ্রুপশিং খুদম ওইনা সেদ্যুল কাস্তশিং/আদর বেক্তৱার্দ ক্লাসশিং, দি-নোতিফাইদ ত্রাইবশিং, শেল-থুম শোৎথবা সেক্সনশিং অসিগীদমক তোঙান তোঙানবা স্কোলরশিংপ স্কিমশিং চৎনখ্রে হায়না পনখ্রে৷ কোবিদ-১৯ ক্রাইসিস অসিগী মনুং অসিদা বেনিফিসিয়রিশিংনা খুদোং চাদবা অমা হেক্তা মাইয়োক্নদনবা দিপার্তমেন্ত অসিনা ইমপ্লিমেন্তিং এজেন্সীশিং অসিগী মতুং ইন্না থবক তৌখ্রে৷ সেদ্যুল কাস মহৈরোইশিং অসিগীদমক লৈরিবা পোস্ত মেত্রিক স্কোলরশিপকী ফ্লেগশিপ স্কিম অসিগী মখাদা, দিপার্তমেন্ত অসিনা মরী লৈনবা রাজ্যশিং/য়ু.তি.শিং পুম্নমক্তা এন্তিসিপেতেদ দিমান্দগী মতুং ইন্না ২০২০গী জুন থা ফাওবগী মনুং অসিদা সেন্ত্রেল সেয়র অসিগী ৭৫% থাদোকখ্রে৷ সেন্ত্রেল সেয়রগী লেমহৌরিবা ২৫% অদুসু কেস তু কেস বেসিস্তা য়েংলগা কাইথখ্রে৷

অকুপ্পা ৱারোলগীদমক :

ফাইনান্স কম্মিসন্না মখোয়গী রিপোর্তকী কোপী প্রধান মন্ত্রীদা লানখৎখ্রে

১৫শুবা ফাইনান্স কম্মিসনগী চেয়রমেন অমসুং মেম্বরশিংনা ঙসি ২০২১-২২দগী ২০২৫-২৬ ফাওবগী কম্মিসনগী রিপোর্তকী কোপী অমা প্রধান মন্ত্রী শ্রী নরেন্দ্র মোদীদা লানখৎখ্রে‍। কম্মিসন অদুনা মখোয়গী রিপোর্ত অদু নভেম্বর ৪, ২০২০দা রাস্ত্রপতিদা লানখৎখিবনি‍। চেয়রমেন শ্রী এন.কে. সিংহগা লোয়ননা কম্মিসনগী মেম্বরশিং ওইরিবা শ্রী অজয় নরায়ন ঝা, প্রোফেসর অনুপ সিংহ, দোক্তর অশোক লাহিরি অমসুং দোক্তর রমেশ চান্দগা অমদি কম্মিসনগী সেক্রেতরী শ্রী অর্বিন্দ মেহতাসু লানখৎখিবা অদুদা শরুক য়াখি‍। কম্মিসন অসিনা মখোয়গী রিপোর্ত কেন্দ্রগী শেলথুম মন্ত্রীদা হয়েং লানখৎকনি‍। রিপোর্ত অদু কন্সতিত্যুসন্দা য়াওবগী মতুং ইন্না এ.তি.আর.গী থৌওংদা শন্দোক্না তাকপা মেমোরেন্দমগা লোয়ননা হাউসকী তেবলদা থমগনি‍।

অকুপ্পা ৱারোলগীদমক :

তি.আর.আই.এফ.ই.দি.না ত্রাইবস ইন্দিয়া প্রদক্ত রেঞ্জ চাওথোকহনখ্রে

মমাংগী চয়োলশিং অসিদা অনৌবা প্রদক্তশিং হাপচিল্লকপা(ফোরেস্ত ফ্রেশ অমসুং ওর্গনিক্স রেঙ্গতা য়াওবা মরু ওইনা ইম্ম্যুনিতী বুস্তিং প্রজক্তশিং) অসিগী মখা চৎথরকপা ওইনা, অনৌবা অহেনবা প্রদক্তশিং য়াওহন্দুনা অনৌবা ইনিসিয়েতিব অমা ত্রাইবস ইন্দিয়ানা লৌখৎখ্রে, হন্দক্কী মতম অসিদা পুথোরক্লিবা প্রদক্ত অসি জগদালপুরগী সেন্ত্রেল জেলগী ইনমেতশিংনা শেম্বনি৷ অসিগুম্বা খুদোংথিনিংঙাই ওইরবা মতম অসিদা মন্ত্রা ওইরিবা গো ভোকেল ফোর লোকেল অসি গো ভোকেল ফোর লোকেল গো ত্রাইবেলদা এদাপ তৌদুনা তি.আর.আই.এফ.ই.দি.না মহাক্কী প্রোগ্রামশিং অমসুং ইনিসিয়েতিবশিংগী খুৎথাংদা ৱারবা অমসুং শাথিনা শোক্লবা মীয়াম অসিগী ফিভম অসি হেন্না ফনবা লেপ্পা লৈতনা হোন্নরি৷ ত্রাইবেলশিংগী পুন্সি অমসুং মখোয়গী পুন্সি মরেল অদু শেমদোক্নবা অফবা ইনিসিয়েতিব অসিনা ত্রাইবস ইন্দিয়া ই-মার্কেৎপ্লেস অমা ওই৷ ত্রাইবেল এন্তরপ্রাইজেসশিং অসি নেস্নেল অমসুং ইন্তরনেস্নেল মার্কেৎশিংগা শম্নহন্দুনা, সাইত অসিনা লৈবাক অসিদা লৈরিবা ত্রাইবেল এন্তরপ্রাইজেসশিংগী পোত্থোক অমসুং হেন্দিক্রাফত অদু উৎলি অমসুং কস্তমর কয়ামরোমদা হেন্না হেন্না য়ৌহনবদা মতেং পাংলি৷

অকুপ্পা ৱারোলগীদমক :

 

পি.আই.বি. ফিল্দ ওফিসশিংদগী ফংবা পাউ

 

•           অসাম: অসামদা ঙরাং কোবিদ-১৯গীদমক্তা মীওই ১৮৬ অমুক পোজিতিব ওইখ্রে অমসুং পেসেন্ত ৪০৫ দিসচার্জ তৌখ্রে। অপুনবা কেস মশিং ২১০৪৫৪দা হেনগৎখ্রে, দিসচার্জ তৌখিবা পেসেন্তশিংগী অপুনবা মশিং ২০৬০৪১ ওইখি, এক্তিব কেস ৩৪৪৬ অমসুং ৯৬৪ শিখ্রে।

          কেরলা: সি.এম. পিনারায়ি ৱিজায়ন্না হিল শ্রাইনদা ত্রেক্কিং তৌবা মতমদা চেকশিন-থৌরাং নীংথিজনা লৌখৎনবা সাবরিমালাদা লাক্লিবা পিলগ্রিমশিংদা খঙহনখ্রে। মহাক্ধনা হায়খি মদুদি সাবরিমালাদা লাক্লিবা পিলগ্রিমশিংনা কোবিদ-১৯ নেগেতিব সার্তিফিকেত পুথোক্কদবনি। হায়রিবা অসি কোরোনাভাইরস থোরক্লবা মতুংদা হিল তেমপলদা অহানবা এন্যুৱল পিলগ্রিমেজ সীজন ওইখি অমসুং ওথোরিতীশিংনা দিভোতীসিংগী মশিং অদু নোংমদা ১০০০ অমা ওইহনখি অমসুং ৱীকেন্দশিংদা ২,০০০ ওইহনখি।

          তামিল নাদু: পুদুচেরীদা অনৌবা কেস ১৩ খক্তমক লৈখিদুনা কোবিদ-১৯ হন্থরকপা থেংনখি, শিখিবগী চাং অসি চাদা ১.৬৭দা লৈখি। তামিল নাদুনা কোবিদ-১৯ ভেক্সিন হান্না ফংগদবা হেল্থকায়র ৱার্করশিংগী দেতাবেস শেম্লি; হৌজিক-হৌজিক রাজ্য অসিদা, ওক্সফোর্দ য়ুনিভর্সিতীগী কোবিদ-১৯ ভেক্সিন, কোভিশীল্দগী অনিশুবা তাঙ্কক্কী চাংয়েং পাংথোক্লি।

          কর্নাতকা: ফাইনল য়িয়রগী মহৈরোইশিংগীদমক্তা কোলেজশিং অমুক হন্না হাংদোকখ্রে অদুবু এত্তেন্দেন্সতি য়াম্বা ওইখিদে; কোবিদ-১৯ তেস্ত রিপোর্ত মেন্দেতরী ওইহনবগী মতাংদা থোকখিবা নোতিস অসিনা চমম্নহনবগী মরম অমা ওইহনখি। কোবিদ-১৯ নেগেতিব সার্তিফিকেত ফংদবা মহৈরোই কয়া অমনা অনকপা প্রাইমরী হেল্থ কেয়র সেন্তরশিংদা থোমজিনখি।

          অন্ধ্র প্রদেশ: থা মরিগী মনুংদা অহানবা ওইনা রাজ্য অসিদা নিংথৌকাবা নুমিত্তা নোংমা খক্তদা থেংনখিবা কোবিদ-১৯গী কেসলোদ অদু ১,০০০গী মখাদা ওইখি। জিলা ১৩গী মনুংদা ১১মক্না অনৌনবা ইনফেক্সন ১০০গী মখাদা থেংনখিবগা লোইননা রাজ্য অসিগী অপুনবা মশিং অদু ৭৫৩ খক্তমক হেনগৎলকখি। রাজ্য অসিগী কোবিদ-১৯গী অপুনবা মশিং অদুনা লাখ ৮.৫৪ য়ৌরবা ফাওবদা হৌখিবা পুং ২৪ অসিদা পেসেন্ত ১,৫০০ ফগৎলকখিবগা লোইনননা মীওই লাখ ৮.৩০ নাবা ফগৎলকখ্রে।

          তলঙ্গনা: তেলঙ্গনাদা হৌখিবা পুং ২৪দা অনৌবা কেস ৯৫২ থেংনখি, ১৬০২ ফগৎখি অমসুং ৩ শিকিবগী পাউ লৈখি; কেস ৯৫২গী মনুংদা জি.ঐচ.এম.সি.দগী কেস ১৫০ থেংনখি। অপুনবা কেসশিং: ২,৫৮,৮২৮; এক্তিব কেসশিং: ১৩,৭৩২; শিখিবশিং: ১৪১০; দিসচার্জ তৌখিবশিং: ফগৎলকপগী চাং চাদা ৯৪.১৪ ওইখিবগা লোইননা ২,৪৩,৬৮৬ দিসচার্জ তৌখ্রে অদুগা লৈবাক অপুনবগী ফগৎলকপগী চাংনা চাদা ৯৩.৪ওইখি।

          মহারাস্ত্র: মহারাস্ত্রদা নিংথৌকাবা নুমিত্তা অনৌবা কেস ২,৫৩৫ থেংনখি, হায়রিবা অসি থা মঙা হেল্লবা মতুংদা নোংমদা খ্বাইদগী নেম্বা ওইখি। রাজ্য অসিনা কোবিদ-১৯গী অনৌবা পোজিতিব কেসশিংগী মশিংদা লেপ্তনা হন্থরকপা থেংনখি। রাজ্য অসিদা ফগৎলকপগী চাং অসি চাদা ৯২.৪৯ ওইখি অদুগা সিখিবগী চাংনা চাদা ২.৬৩ ওইখি।

          গুজরাত: গুজরাতকী উপ মুখ্য মন্ত্রী, নিতিন পতেলনা ঙরাং এহমদাবাদ সিভিল হোসপিতলদা পাংথোকখিবা মীফম অমদা লৈরিবা ফিভম আদু য়েংশিনখ্রে। মহাক্না ফমুং ১২০০ লেবা সিভিল হোসপিতালদা ভেন্তিলেতর ১০০ লৈবা তোঙানবা ৱার্দ অমা শেম্নবা লাউথোকখ্রে। মহাক্না হন্দক্কী হরাও-কুম্হৈ অসি য়েংলগা নোংমদা তেস্ত তৌবগী কেপাসিতী হেনগৎনবসু লাউথোকখ্রে।

          রাজস্থান: রাজ্য অসিদা নিংথৌকাবা নুমিত্তা নোংমগী কোবিদ-১৯ কেসশিংগী মশিংদা খরমখৈ হন্থরকখিবা লৈখ্রবসু, কেপিতল জয়পুরদা নোংমদা খ্বাইদগী য়াম্না অনৌবা ইনফেক্সন ৫৩৮ থেংনখি, হায়রিবা অসি রাজ্য অসিদা থেংনখিবা কেসশিং অদুগী ২৫% ওইখি। হৌখিবা নুমিৎ নিনিদা সিতী অসিনা ভাইরস কেস ১,০৩৬ থেংনখি।

          মধ্য প্রদেশ: নুমিৎ কয়াগী মতুংদা মধ্য প্রদেশতা নোংমদা থেংনখিবা ইনফেক্তেদ পেসেন্তশিংগী মশিং অদু চাউরাক্না চামঙাদা হন্থরকখ্রে। অসিগা চপ মান্ননা পোজিতিব ওইবগী চাংসু চাদা ৪.৬তা হন্থরকখ্রে।

          ছত্তিসগর: ছত্তিসগরদা কোরোনানা নারবা পেসেন্তশিং মশক খঙদোক্নববা কোবিদ-১৯ তেস্তশিংগী মশিং অদু হেনগৎখ্রে। রাজ্য অসি শিনবা থুংনা কোরোননা তেস্তশিং পাংথোক্নবগীদমক্তা য়াম্লবা সেন্তর ২,২২৫ লিংখৎখ্রে। মসিগী মনুংদা সেন্তর ১০৯১দদি রেপিদ এন্তিজেন তেস্তকীদমক্তা ফেসিলিতী লৈ অদুগা আর.তি.-পি.সি.আর. তেস্তিংনা সেন্তর ৬৪০দা তৌবা য়াগনি।

          গোৱা: গোৱাদা মমাংগী থাদগী অনৌবা কোবিদ-১৯ ইনফেক্সশিংগী মশিংদা লেপ্তনা হন্থরকপা থেংনখি অমসুং নিংথৌকাবা নুমিত্তা রাজ্য অসিগী এক্তিব কেসশিংগী মশিং অদু ১,৫০০গী মখাদা লৈখি। রাজ্য অসিদা ২৮৫ ফগৎখ্রে, হায়রিবা অসি নুমিৎ অদুমক্তদা থেংনখিবা অনৌবা কেসশিং অদুগী শরুক অনি থোক্না হেনখি। হৌখিবা নুমিৎ নিনিদা ফগৎলকপগী চাং অসি ৯৫% য়ৌখ্রে।

ফেক্ত চেক

Image

*****

 

 



(Release ID: 1673687) Visitor Counter : 143