(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• থংন-থংননা নুমিৎ ৪৪সিদা ভারতনা নোংমগী নৌনা নারকপা মীশিংদগী ফগৎলকপা মীশিংনা হেন্দুনা চৎলি
• হৌখিবা পুং ২৪সিদা কোবিদ-১৯না নৌনা নারকপা মীশিং ৩০,৫৪৮ থেংনবদা মীশিং ৪৩,৮৫১ নৌনা ফগৎলকখি
• এক্তিব কোসলোদ লাখ ৪.৬৫দা হন্থরে
• ঙসি ফগৎলকপগী চাং চাদা ৯৩.২৭তা হেনগৎৱকখি
• দিল্লীদা কোবিদ-১৯ লাইনা-লাইচৎ অসি শন্দোকপা থিংন্নবগীদমক কেন্দ্রগী গৃহ মন্ত্রী শ্রী অমিত শহাহনা রিভিযু মিতিং অমদা তোঙান তোঙানবা খোংথাংশিং য়েংশিনখ্রে
   

থংন-থংননা নুমিৎ ৪৪সিদা ভারতনা নোংমগী নৌনা নারকপা মীশিংদগী ফগৎলকপা মীশিংনা হেন্দুনা চৎলি, হৌজিক নারিবা মীশিং লাখ ৪.৬৫তা হন্থখ্রে

ভারতনা নুমিৎ ৪৪শুবা ওইনা নুংতিগী নৌনা নারকপা মীশিংদগী নৌনা ফগৎলকপা মীশিংনা হেন্দুনা চৎপগী ফীভম মখা তানা লৈরি‍। হৌখিবা পুং ২৪সিদা কোবিদ-১৯না নৌনা নারকপা মীশিং ৩০,৫৪৮ থেংনবদা মীশিং ৪৩,৮৫১ নৌনা ফগৎলকখি‍। মসিনা তাক্লিবদি হৌজিক নারিবা মীশিংদগী ১৩,৩০৩ হন্থরক্তুনা হৌজিক ৪,৬৫,৪৭৮তা লৈরে‍। য়ুরোপ অমদি অমেরিকাগী লৈবাক কয়াদা নোংমগী নৌনা নারকপা মীশিং চপ য়ুংনা হেনগৎলকপা থেংনরিবসিগী য়েংলুরগা নোংমদা নৌনা নারকপা মীশিং ৩০,৫৪৮ থেংনরিবা অসি পুৱারী ওইনা মীশিং য়ামদনা নারকপা ফীভম ওইরি‍। ফগৎলকপগী চাং ঙসি চাদা ৯৩.২৭দা হেনগৎলে‍। অপুনবা ফগৎলকপা মীশিং ৮২,৪৯,৫৭৯ ওইরে‍। হৌখিবা পুং ২৪সিদা নৌনা ফগৎলকখিবা মীশিংগী চাদা ৭৮.৫৯দি স্তেত/য়ু.তি. তরাদগীনি‍। দিল্লীনা মীশিং ৭,৬০৬ নাবা ফগৎলক্তুনা মশিং খ্বাইদগী য়ামবা ওইরি‍। কেরলাদা মীশিং ৬,৬৮৪ নাবা ফগৎলকপগী পাউ লৈ অমদি ৱেস্ত বেঙ্গলদা মীশিং ৪,৪৮০ নৌনা নাবা ফগৎলক্তুনা মতুং ইল্লি‍। নৌনা নারকপা মীশিংগী চাদা ৭৬.৬৩দি স্তেত/য়ু.তি. তরাদগীনি‍। কেরলাদা নৌনা নারকপা মীশিং ৪,৫৮১ থেংনখি‍। হৌখিবা নুমিৎ খরনিসিদা নৌনা নারকপা মীশিং হেনগৎলকপগী ফীভম থেংনরিবা দিল্লীদা ঙরাং মীওই ৩,২৩৫খক্তমক নৌনা নারকখি, অদুগা ৱেস্ত বেঙ্গলনা মীওই ৩,০৫৩ নৌনা নারক্তুনা মতুং ইন্দুনা চৎলি‍। নৌনা মীশিং ৪৩৫ লৈখিদবদা চাদা ৭৮.৮৫তি স্তেত/য়ু.তি. তরাদগীনি‍। নৌনা লৈখিবদা মীশিংগী শরুক মঙা থোকপগী অমরোম, চাদা ২১.৮৪দি মীওই ৯৫ শিদুনা দিল্লীদগী ওইদুনা মহারাস্ত্রদগী হেনগৎখ্রে‍। মহারাস্ত্রদগী মীওই ৬০ নৌনা লৈখিদবগী পাউ লাক্তুনা নৌনা লৈখিদবা মীশিংগী চাদা ১৩.৭৯ ওইখি‍। স্তেত/য়ু.তি. ১৪দা মীওই মিলিয়ন অমদা শিবা মীশিংগী চাং লৈবাক্কী চাংচৎ ৯৪দগী হেল্লি‍। স্তেত/য়ু.তি. ১৩দা লৈবাক্কী চাংচত্তগী কেস ফেতেলিতী রেত ৱাংনা চৎলি‍।

অকুপ্পা ৱারোলগীদমক:

দা. হর্শ বর্ধন্না দবল্যু.ঐচ.ও. একজিক্যুতিব বোর্দকী ১৪৭শুবা মীফম লুচিংখ্রে

অকুপ্পা ৱারোলগীদমক:

দিল্লীদা কোবিদ-১৯ লাইনা-লাইচৎ অসি শন্দোকপা থিংন্নবগীদমক কেন্দ্রগী গৃহ মন্ত্রী শ্রী অমিত শহাহনা রিভিযু মিতিং অমদা তোঙান তোঙানবা খোংথাংশিং য়েংশিনখ্রে

দিল্লীদা কেস মশিং হেঙ্গৎলকপা অমসুং হোস্পিতালশিংদা মেদিকেল ইনফ্রাস্ত্রকচরগী কেপাসিতী হেঙ্গৎলকপা অসি য়েংলগা দিল্লীদা লৈরিবা কোবিদ-১৯গী ফিভম কেন্দ্রগী গৃহ মন্ত্রী শ্রী অমিত শহাহনা ঙরাং য়েংশিনখ্রে৷ মীফম অসিদা কেন্দ্রগী গৃহ মন্ত্রীনা হিরম কয়ামরোম ইসু তৌখ্রে৷ ইহান হানবদা, দিল্লী মনুংদা লৈরিবা লেব কেপাসিতী অসি কা হেন্না শিজিন্নদুনা; সমাজ অসিদা লৈরিবা লাইরবা অমসুং কা হেন্না শোকহনবা য়াবা কাংলুপনা খুন্দারিবা মফমশিংদা মোবাইল তেস্তিং লেবশিং হকশেল অমসুং য়াইফ য়ুম্বাল মন্ত্রালয়(এম.ও.ঐচ. অমসুং এফ.দবল্যু.) অমসুং আই.সি.এম.আর.না দিপ্লোই তৌদুনা; লৈবাক অসিগী অতোপ্পা মফমদা লৈরিবা অতোপ্পা তেস্তিং লেবশিং অদু শিজিন্নদ্রবা মতম অদুদা মতম খরগী ওইনা দিল্লীদা হোংদোরক্নবা; অমসুং দিল্লীগী য়ুমথংনবা রিজনশিংদা লৈরিবা স্পেয়র কেপাসিতী অদু শিজিন্নদুনা দিল্লীদা আর.তি.-পি.সি.আর. তেস্তকী তেস্তিং কেপাসিতী শরুক অনি হেঙ্গৎহনগদবনি হায়না ফোংদোকখি৷ মমাংগী চয়েল খরা অসিদা দিল্লীদা লেপ্পা লৈতনা কা হেন্না হেঙ্গৎলক্লিবা পোজিতিব মশিং অসি হন্থনবা হোৎনবা যাম্না মরু ওই হায়না ফোংদোকখি৷ হোস্পিতালগী কেপাসিতী অমসুং অতোপ্পা মেদিকেল ইনফ্রাস্ত্রকচর অসিসু হেঙ্গৎহনগদবনি হায়না শ্রী অমিত শহাহনা ফোংদোকখ্রে৷ দৌলা কোনদা লৈরিবা দি.আর.দি.ও.দা হৌজিক লৈরিবা মেদিকেল ফেসিলিতী কোবিদ-১৯ ফমুং পুন্না ১০০০ লৈবা অসিগী মনুংদা আই.সি.য়ু. ফমুং ২৫০রোম লৈরিবা অসিগী মথক্তা আই.সি.য়ু. য়াওবা ফমুং ২৫০-৩০০ হাপচিন্নবা ৱারেপ লৌখ্রে৷ ওক্সিজেন কেপাসিতী য়াওবা ফমুং মশিং অসি হেঙ্গৎনবগী পান্দমদা চত্তরপুরদা লৈরিবা কোবিদ কেয়র ফমুং মশিং ১০,০০০ অসি হেন্না ফনবা শেমগৎলগনি৷ বি.আই.পি.এ.পি. মেছিন মশিং অসি নিংথীজনা লৈহন্নবা অমসুং দিল্লী সরকার অসিদা মথংগী পুং ৪৮ অসিগী মনুংদা নসাল কেলুলস ৱাংনা লৈনবা গৃহ মন্ত্রীনা এম.ও.ঐচ.এফ. অমসুং দবল্যু.দা খঙহনখ্রে৷ দিল্লীদা মেদিকেল স্তাফ ৱাৎলিবা অসি য়েংলগা, সি.এ.পি.এফ.শিংদগী অহেনবা দোক্তরশিং অমসুং পেরামেদিকেল স্তাফশিং ফংহন্নবা মোদী সরকার অসিনা খন্নখ্রে অমসুং মখোয়শিং অদু অথুবা মতমদা দিল্লীদা থুংলগনি৷ দেদিকেতেদ মল্তি-দিপার্তমেন্তেল তীমশিংনা লৈরিবা কোবিদ-১৯ মেদিকেল ইনফ্রাস্ত্রকচর অদু ফিজিকেল্লী চেক তৌনবা দিল্লীদা লৈরিবা প্রাইভেৎ হোস্পিতাল পুম্নমক্তা চৎলগনি হায়না ৱারেপ লৌখ্রে৷ দিল্লীগী মুনিসিপাল কোর্পোরেসন্সকী খন্দোক্লবা হোস্পিতাল খরদি মরু ওইনা মাইল্দ সিম্পোম লৈবা কোবিদ-১৯ লাইয়েং চৎথনবা দেদিকেতেদ হোস্পিতালশিং ওন্থোক্লগনি৷ কোবিদ-১৯ অনাবশিং খুদক্তা লাইয়েংবা য়ান্নবগীদমক প্লাস্মা থেরাপী অমসুং প্লাস্মা এদমিনিস্ত্রেসনগী স্তেন্দর্দ প্রোতোকোল অমা এম.ও.ঐচ.এফ. অমসুং দবল্যু.না ফোংলগনি হায়না ৱারেপ লৌখ্রে৷

অকুপ্পা ৱারোলগীদমক:

৮শুবা বি.আর.আই.সি.এস. এস.তি.আই. মন্ত্রীশিংগী মীফম ইরাই নুমিত্তা পাঙথোকখ্রে

বি.আর.আই.সি.এস. কাংলুপকী (ব্রাজিল, রসিয়া, ইন্দিয়া, চাইনা অমদি সাউথ অফ্রিকা) সাইন্স, তেক্নোলোজী অমদি ইনোভেসন মন্ত্রীশিংনা নবেম্বর ১৩দা মেম্বর লৈবাকশিংগী মরক্তা সাইন্স অমদি তেক্নোলোজীগী তেংবাংনবগী মতাঙদা খন্ননবগীদমক ভর্চুএল ফম্পাক্কী খুত্থাঙদা মীফম পাঙথোকখি‍। থৌরমদুদা ৱা ঙাঙলদুনা সাইন্স অমসুং তেক্নোলোগী, আর্থ সাইন্স, অমদি হকশেল অমসুং য়াইফ-য়ুম্বালগী কেন্দ্র মন্ত্রী দোক্তর হর্ষ বর্ধন্না “ঐখোয়গী তেংবাংনবগী থৌওং অসিবু মাঙদা চঙশিন্নবগী লম্বী য়াৎকদবা বি.আর.আই.সি.এস. এস.তি.আই. দিক্লারেসন ২০২০ অমদি বি.আর.আই.সি.এস. এস.তি.আই. এক্তিভিতিজ ২০২০-২১গী কেলেন্দরগীদমক” মীফম লোইশিনবগী থৌরমদুদা শরুক য়াখিবা মীথুংশিংবু থাগৎপা ফোঙদোকখি‍। বি.আর.আই.সি.এস. এস.তি.আই. দিক্লারেসন ২০২০ মীফম অদুদা অমত্তা ওইনা য়ানদুনা লৌখৎখিবনি‍।

মীফম অদুদা দোক্তর হর্ষ বর্ধন্না ফোঙদোকখিবদা, “কোবিদ-১৯ লাইচৎ অসি অসিগুম্বা মালেমগী ওইবা শিংনবশিং লাকশিন্নবগীদমক মায়কৈ কয়াগী তেংবাংনবনা মরুওইবা খোঙথাংনি হায়বা উৎলিবা চাংয়েং অমনি”‍। মহাক্না হায়খিবদা, “ঐখোয় লাইচৎ অসিনা মীশিং খ্বাইদগী হেন্না শোকহল্লবশিংগী মরক্তা অমা ওইবা মরম্না লাইচৎ অসি থেংননবগীদমক বি.আর.আই.সি.এস. লৈবাকশিংগী মরক্তা মতেং পাংননবগী হেন্না চাউবা তাঞ্জা অমা পীরি‍”‍। কেন্দ্র মন্ত্রীনা পাউদমখিবদা “হান্না পানরুদবা কোবিদ-১৯ লাইচৎ অসি লাকশিন্নবগীদমক ভারতনা পুনশিল্লবা রেসপোন্স অমা হৌদোকখি‍। লমদমসিগী ওইবা ভেক্সিন পুথোকপা, অনৌবা মওংগী পোইন্ত-ওফ-কেয়র দাইগ্নোস্তিক্স অমদি মহৌশাগী লৈজরমবা ৱাখল লৌশিংদা য়ুম্ফম ওইবা লাইয়েং পথাপ শেমবদগী হৌরগা থিজিন হুমজিনবগী মচাক মথুম শেমগৎপা অমদি সর্ভিস পীবা ফাওবদা, পব্লিক অমদি প্রাইভেতকী ওইবা ভারতকী আর. এন্দ দি. এন্তিতীশিংনা লাইচৎ অসি মতিং লৈনা থেংননবগীমক চোকথবা নাইদনা হোৎনরি‍। প্রোজেক্তচা কয়া হৌজিক ঙাক্লৌ পীরি‍। স্তার্ত-অপ ১০০ হেনবনা কোবিদ-১৯গী ইনোভেতিব ওইবা পোত্থোকশিং পুথোক্লি‍”।

অকুপ্পা ৱারোলগীদমক:

পি.এম.না আত্মনির্ভর ভারতকীদমক্তা ‘ভোকেল ফোর লোকেল’বু মীয়াম্না পাম্নবা হেলহন্নবা ধর্মগী লুচিংবশিংদা মতেং পাংনবা হায়খ্রে

প্রধান মন্ত্রী মোদীনা হায়খ্রে মদুদি লৈবাক্কী নীং খা তম্বগী খোংজংদা ভক্তি আন্দোলন্না শরুক য়াখিবা অদুগুম্না আত্মনির্ভরতা ভারতকীদমক লম্বোইবা অমসুং আচার্য়শিংগী মতেংগী মথৌ তাই। মহাক্না ঙসি ভিদিও কনফরেন্সকী থোংদা জৈন আচার্য় শ্রী বিজয় বল্লভ সুরিশ্বরজী মহারাজগী ১৫১শুবা মপোক কুমওনগী থৌরমদা ‘স্তেচু ওফ পীস’ মায়খুম হাংদোকপদা ৱা ঙাংখি। মহাক্না লম্বোইবশিংদা হায়জখি মদুদি মখোয়না লৈবাক অসিগী মফম অমা হেক্তদা মখোয়গী ধর্মগী ওইবা আধ্যত্মিক্কী ৱারোল পীরকপদা ‘ভোকেল ফোর লোকেল’গী পাউজেল অসিগী মফম অমা পীবীয়ু। ‘ভোকেল ফোর লোকেল’গী খোংজং অসি লম্বোইবশিংনা শন্দোকপীরবদি থৌনা হাপকনি। মসিনা লৈবাক অসিবু আত্মনির্ভরতাগী লম্বীদা চংশিনবদা মতেং ওইনগনি অমসুং লৈবাক অসিদা নীং খা তম্বগী খোংজংদা ওইখিবা অদুগুম্না থৌনা অদু পীনবা ঙমগনি।

অকুপ্পা ৱারোলগীদমক:

জৈনচার্য় শ্রী ভিজয় বল্লভ সুরিস্বের জী মহারাজকী ১৫১শুবা মপোক কুমওন থৌরমদা পি.এম.না ‘ইং-চিকপগী মীতম’ মায়খুম হাংদোকখ্রে

প্রধান মন্ত্রী, শ্রী নরেন্দ্র মোদীনা ঙসি ভিদিও কন্ফরেন্সিংগী খুত্থাঙদা জৈনচার্য় শ্রী ভিজয় বল্লভ সুরিস্বের জী মহারাজকী ১৫১শুবা মপোক কুমওন থৌরমদা ‘ইহ-চিকপগী মীতম’ মায়খুম হাংদোকখ্রে‍। জৈন অচার্য়াবু ইকায় খুম্নবা ওইনা মায়খুম হাংদোক্লিবা মীতম অদুবু ‘ইং-চিকপগী মীতম’ হায়না মমীং থোল্লি‍। ইঞ্চ ১৫১ ৱাংবা মীতম অদু অস্তধাতু হায়বদি কোরিনা মরুওইবা মচাক ওইদুনা পোৎলম নিপাননা শাবনি অমদি রাজস্থানগী পালিদা লৈবা ভিজয় ভল্লভ সাধনা কেন্দ্র, জেতপুরাদা খিনবনি‍। থৌরমদুদা প্রধান মন্ত্রীনা জৈনচার্য়া অমদি লাইনীংগী লুচিংবশিংগী মফমদা শ্রদ্ধাঞ্জলি কৎখি‍। বল্লভ অনি, সরদার বল্লভ ভাই পতেল অমদি জৈনচার্য়া শ্রী ভিজয় বল্লভ সুরিস্বের জী মহারাজকী মিং পল্লদুনা, প্রধান মন্ত্রীনা মালেমগী খ্বাইদগী ৱাংবা সরদার পতেলগী মীতম – ‘অমত্তা ওইবগী মীতম’ কত্থোকখ্রবা মতুংদা মহাক্না জৈনচার্য়া শ্রী ভিজয় বল্লভকী ‘ইং-চিকপগী মীতম’ মায়খুম হাংদোকপগী তাঞ্জা ফংবসি মহৈ য়াল্লে খল্লি হায়না হায়খি‍। ‘লমদমসিগীদমক খোঞ্জেল থোকপা’ হায়বা ৱাফম থম্লদুনা শ্রী মোদীনা নীংতম লাঞ্জঙগী মতমদা তৌখিবগুম্না লাইনীংগী লুচিংবশিংনসু ইরোমদোম লেপচবা ঙম্নবগী পাউজেল অসি শন্দোকপিদুনা ‘লমদমসিগীদমক খোঞ্জেল থোকপা’ হায়বসিগী কান্নবশিংগী মতাঙদা ৱা ঙাঙবিনবা ৱাফম থমখি‍। লৈবাকসিগী মীয়াম্না দিৱালি কুম্হৈগী মতমদা লমদমসিগী পোত্থোকশিং শৌগৎখিবা মওং মতৌ অদু পুক্নীং থৌগৎনিংঙাইনি হায়নসু মহাক্না ফোঙদোকখি‍।

অকুপ্পা ৱারোলগীদমক:

জৈসলমেরগী লোঙ্গেৱালাদা আর্ম ফোর্সকী লান্মীশিংগা দিৱালীগী থৌরম পাংথোকপদা পি.এম.না পীখিবা ৱারোল

অকুপ্পা ৱারোলগীদমক:

জৈসলমেরদা এয়র ফোর্সকী লান্মীশিংদা পি.এম.না পীখিবা ৱারোল

অকুপ্পা ৱারোলগীদমক:

প্রেসকী নীংতম্বদা শিংনরকপা খুদিংমক লৈবাক্কী ইন্তরেস্ততা শোক্নিংঙাইনি: উপা রাস্ত্রপতি

ভারতকী উপ রাস্ত্রপতি, শ্রী এম. ভেঙ্কয়া নাইদুনা প্রেসকী নীংতম্বদা শিংনরকপা খুদিংমক লৈবাক্কী ইন্তরেস্ততা শোক্নিংঙাইনি অমদি মসিবু মীপুম খুদিংমক্তা অমত্তা ওইনা থেংনমিন্নগদবনি হায়না ঙসি হায়খ্রে‍। নেসনেল প্রেস দেগী থৌরমদা প্রেস কাউন্সিল ওফ ইন্দিয়ানা শিন্দুনা ‘কোবিদ-১৯ লাইচৎ মনুংদা মিদিয়াগী থৌদাং অমদি মিদিয়াদা মসিনা পীরিবা চৈথেং’ হায়বা হিরমসিদা পাঙথোকপা ৱেবিনারদা মাঙজৌননা রেকোর্দ তৌরবা ভিদিও পাউজেল অমদা, উপ রাস্ত্রপতিনা হায়খিবদা “মনীং তম্বা অমদি অকিবা লৈতবা প্রেস য়াওদনা দিমোক্রেসী হিংবা ঙম্লোই”‍। ভারত্তা প্রেস অসি মতম পুম্নমক্তা দিমোক্রেসীগী য়ুম্ফমবু ঙাক্তুনা অমদি মপাঙ্গল কনহন্দুনা লাক্লি হায়না মহাক্না হায়খি‍। “অচৌবা, মনীং তম্বা অমদি মশক মচু থোকপা মিদিয়া অমা হায়বসি দিমোক্রেসী মরা চেৎশিনহনবদা অমদি কন্সতিত্যুসনেল রুল ওফ লোবু মপাঙ্গল কলহন্বদা মনীং তম্বা ৱায়েল পথাপ অমগুম মরুওই”, হায়না উপ রাস্ত্রপতিনা ফোঙদোকখি‍। জর্নেলিজমবু অথোইবা খোঙথাংনি হায়না তাক্লদুনা মহাক্না প্রেসপু মীয়ামবু মপাঙ্গল কলহনবগীদমক অমদি লৈবাক্কী ইন্তেরেস্তপু মাঙদা পুখৎপগীদমক্তা থাগৎখি‍। উপ রাস্ত্রপতিনা কোবিদ-১৯ লাইচৎ লাকপদা মাঙজিন থাবা লান্মী অমগুম মথৌ তৌবগীদমক্তা অমদি লাইচৎকী তমথিরবা খুদোংথিবা কয়া থৌশারুদনা থোক্লিবা থৌদোক ৱাথোক পুম্নমক্কী পাউদম লেপ্পা নাইদনা পাঙথোকপগীদমক্তা প্রিন্ত অমদি ইলেক্ত্রোনিক মিদিয়াবু থাগৎপা ফোঙদোকখি। লাইচৎ অসিনা পীরিবা খুদোংথিবা ফীভম কয়াবু নাচুংদনা, প্রিন্ত অমদি ইলেক্ত্রোনিক মিদিয়াগী পাউমীশিংনা মাঙজিন থাবা লান্মী অমগী শক্লোন লৌদুনা লৈবাকসিদা অমদি মপান লৈবাক্তা থোক্লিবা থৌদোক ৱাথোক পুম্নমক্কী পাউদম লেপ্পা নাইদনা ফংহল্লি‍। পাউ খোমজিনবা মতমদা, পাউমী কয়া লাইবক থিদুনা কোবিদ-১৯ নারক্তুনা লৈখিদ্রে অদুগা পাউমী লিশিং কয়াবুনা নোভেল কোরোনা ভাইরস অসিনা নাহল্লি‍। কোবিদ-১৯ নাদুনা লৈখিদ্রবা পাউমীশিংগী ইমুং মনুংশিংগী মফমদা ঐনা অৱাবা ফোঙদোকচরি‍। লোকদাউন লাউথোকখ্রবা মতুংদা লৈবাকসিদা থবক থৌরম খুদিংমক চপ লেপ্তুনা লৈখিবা মতমদা তি.ভি. চেনেলশিংনা মীয়ামদা লাইচৎগী মতাঙদা খ্বাইদগী নৌবা ঈ-পাউশিং পীখি‍। হেন্না মরু ওইরিবদি, প্রিন্ত অমদি তি.ভি. চেনেলশিংনা কোবিদ-১৯গী মতাঙদা অমদি মসি থেংননবা চেকশিন থৌরাং লৌখৎপগী মতাংদা মীয়ামবু ৱাখল তাহনবদা মমল নাইদ্রবা থৌদাং য়াখি‍।

অকুপ্পা ৱারোলগীদমক:

চাউখৎ-থৌরাংগী থবকশিংদা শরুক য়ানবা অমসুং মখোয়গী থৌনাশিং অমুক হিঙ্গৎলক্লবা ভারত অমা শেমগৎপদা শীজিনন্নবা উপ-রাস্ত্রপতিনা নহারোলশিংদা তকশিল্লি

চাউখৎ-থৌরাংগী থবকশিংদা শরুক য়ানবা অমসুং মখোয়গী থৌনাশিং অনৌবা অমসুং অমুক হিঙ্গৎলক্লবা ভারত অমা শেমগৎনবা অফবা থবকশিং, লৈবাক শেমগৎপগী থবকশিংদা শীজিনন্নবা ভারতকী উপ-রাস্ত্রপতি শ্রী এম.ভেনকাইয়া নাইদুনা ঙসি নহারোলশিংদা তকশিনখ্রে। হায়দ্রবাদ য়ুনিভর্সিতদা ‘এমেনিতিস সেন্তর’ অমা শঙ্গাবা থৌরমদা শেঞ্জা-থুমজা, চাক লাম্বা, নৈহৎপা অমসুং হন্থনা য়েংবা লৈতবা অনৌবা ভারত অমা শেমগৎনবা অরানবা ৱাখল্লোন খন্দনবা, অচুম্বা মিৎয়েং য়েংনবা উপ-রাস্ত্রপতিনা নহারোলশিংদা পাউতাক পীখি। উপ-রাস্ত্রপতিনা হায়খি লাইচৎ থেংনবদা অতোপ্পা লৈবাকশিংগা চাংদম্নবদা ভারতনা ফিবম হেন্না ফরি অমসুং মহাক্কী পান্দমগা লোয়ন্না প্রধান মন্ত্রী শ্রী নরেন্দ্র মোদীনা লৈবাক অসি লমজিংলি। লাইচৎ অসি থেংন্নবা দোক্তরশিং, লৌমীশিং, সেকুরিতিগী মীওইশিং, সেনিতরিগী মীওইশিং, ভারত সরকার অমসুং রাজ্য সরকারশিংনা মশাগী ওইজবা থাদোক্তুনা পাংথোক্লিবা থবকশিং অসি মহাক্না থাগৎখি।

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           অসাম: অসামনা হোজিক ফাওবদা কোবিদ-১৯গী তেস্ত লাখ ৫০ মপুং ফাখ্রে হায়না অসামগী হকশেল মন্ত্রী, হিমন্তা বিস্বা সর্মানা ত্বীত তৌরকখি।

•          মঘালয়া: মঘালয়ানা নোংমাইজিং নুমিত্তা কোবিদ-১৯গী অনৌবা কেশ ৩৫ থেংনখি, মসিনা এক্তিব ওইবশিংগী মশিং অদু ৯৭১ য়ৌহনখ্রে। মীওই ৭৬ ফগৎখিবগা লোইননা ফখিবশিংগী মশিং অদু ৯৫৯৪ য়ৌহনখ্রে। নোংমাইজিং নুমিত্তা তুরাদাচহি ৫৯ শুরবা পোজিতিব ওইবা পেসেন্ত অমা শিখ্রবা মতুংদগী রাজ্য অসিদা শিখিবশিংগী মশিং অদু ১০১দা হেনগৎলকখ্রে। কনফর্ম তৌরবা কেসশিংগী মশিং অদু ১০,৬৬৫ য়ৌখ্রে।

•          কেরলা: রাজ্য সরকারনা রাজ্য অসিদা কোবিদ-১৯ শন্দোরকপগী লৈরিবা ফিভম অদু খঙদোক্নবা সেরোসর্ভে পাংথোক্নবা ৱারেপ লৌখ্রে। সর্ভে অসি দিসেম্বরদা লোকল বোদী পোল লোইরবা মতুংদা পাংথোক্লগনি। য়াম্লবা মীশিংগী মরক্তা ইনফেক্তেদ ওইরবা মীওইশিংগী চাদা কয়া ওইবগে হায়বা খঙদোক্নবা জিলা ১৪দা লৈরিবা মীওইশিং কাংলুপ কয়া অমদা এন্তিবোদী তেস্তশিং পাংথোক্লগনি।

•          তামিল নাদু: তি.এন.না খ্বাইদগী ইহান-হান্না কোবিদ-১৯ ভেক্সিন কাপকদবা হেল্থকেয়র ৱার্করশিংগী দেতাবেস শেমলি; হৌজিক্কী ওইনদি রাজ্য অসিদা, ওক্সফোর্দ য়ুনিভর্সিতীগী কোবিদ-১৯ ভেক্সিন, কোভিশীল্দগী অনিশুবা তাঙ্কক্কী চাংয়েং পাংথোক্লি। কোইম্বাতোরগী ক্লস্তর ৪২দা ব্লদ সেমপল চাদা ২২.১দি এন্তিবোদীশিং লৈ হায়না সর্ভেদগী খঙবা ঙমখি; স্তদী অসি পাংথোকখিবা ক্লস্তর ৪২গী মনুংদা করামাদাইদগীনা মেত্তুপলায়ম স্ত্রেচতা এন্তিবোদীশিং লৈবা মীওইশিংগী মশিং খ্বাইদগী হেন্না য়ামখি।

•          কর্নাতকা: থা মাপলগী মতুংদা কর্নাতকা অমসুং কেরলাগী মরক্তা ইন্তরস্তেত বস সার্বিসশিং অমুক হন্না হৌখ্রে; রাজ্য অনিমক্কী রোদ ত্রান্সপোর্ত কোর্পোরেশনশিংনা মেঙ্গলুরু অমসুং কাসরগোদকী মরক্তা মাইকৈ অনিমক বস ২০ চেলহনখি। দীগ্রীগী থাক, ইঞ্জীনীয়রিং অমসুং দিপ্লোমা কোলেজশিং অদু হয়েংদগী অমুক হৌরগনি, ফাইনেল য়িয়র অমসুং পোস্তগ্রেজুৱেতকী মহৈরোইশিংগীদমক্তা দাইরেক্ত ক্লাসশিং; মহৈরোইশিং অমসুং ওজাশিংগীদমক্তা কোরোনা তেস্ত কমপলসরী ওইহনখি।

•          অন্ধ্র প্রদেশ: মুনিসিপাল এদমিনিস্ত্রেশন অমসুং অর্বান দিবেলপমেন্ত বোতচা সত্যনরায়নাগী মন্ত্রীনা নোংমাইজিং নুমিত্তা গারিৱিদিদগী চীপুরুপল্লি ফাওবগী য়াম্না চাউবা রেলী অমা শিখি, মসিদা এক্তিবিস্ত লিশিং কয়ানা শরুক য়াখি। অন্ধ্র প্রদেশতা নোংমাইজিং নুমিত্তা অনৌবা ইনফেক্সন ১০৫৬ থেংনখি অমসুং ১৪ শিখিবগী পাউ লৈখি। এক্তিব কেসশিংগী মশিং অদু ২০,০০০দগী হন্থরক্তুনা ১৮,৬৫৯দা হন্থরকখ্রে। হৌখিবা পুং ২৪দা মীওই ২,১৪০ ফগৎখিবগা লোইননা ফগৎখিবসিংগী মসিং অদু ৮,২৮,৪৮৪দা হেনগৎলকখ্রে অমসুং ফগৎলকপগী চাংননা চাদা ৯৭.০১দা হেনগৎলকখ্রে। তেস্ত পর মিলিয়নগী রেসিও অদু লাখ ১.৭১দা হেনগৎলকখ্রে অমসুং কেস পর মিলিয়নগী রেসিওনা ১৫,৯৯৩দা হেনগৎলকখ্রে।

•          তেলঙ্গনা: তেলঙ্গনাদা হৌখিবা পুং ২৪দা অনৌবা কেস ৫০২ থেংনখি, ১৫৩৯ ফগৎখি অমসুং ৩ শিখি; কেস ৫০৩গী মনুংদা জি.ঐচ.এম.সি.দগী কেস ১৪১ থেংনখি। অপুনবা কেসশিং: ২,৫৭,৮৭৬; এক্তিব কেসশিং: ১৪,৩৮৫; শিখিবশিং: ১৪০৭; দিসচার্জ তৌখিবশিং: ফগৎলকপগী চাং চাদা ৯৩.৮৭ ওইখিবগা লোইননা ২,৪২,০৮৪ দিসচার্জ তৌখ্রে, অদুগা লৈবাক অপুনবগী ফগৎলকপগী চাংনা চাদা ৯৩.২ ওইখি।

•          মহারাস্ত্র: মহারাস্ত্রদা ঙসি লাইনিং-লাইশোনগী ওইবা মফমশিং অমসুং লাই খুরুমফম মফমশিং হাংদোকখ্রে। মমিং চৎপা লাইশঙশিং খুদম ওইনা শির্দিদা লৈববা সাই বাবা তেমপল, পান্ধরপুরগী ৱিথল মন্দির, তুলজাপুরদা লৈবা তুলজা ভৱানি তেমপল ঙসি অয়ুক অঙনবদা, চাউরাক্না থা তরেতকী মতুংদা অমুক হাংদোকখ্রে। রাজ্য অসিনা নোংমাইজিং নুমিত্তা কোবিদ-১৯গী অনৌবা কেস ২,৫৪৪ থেংনখি, হায়রিবা অসি জুনগী অহানবা চয়োলদা থেংনখিবা অদুগী মতুংদা নোংমদা খ্বাইদগী তানা হেনগৎলকখিবা ওইখি।

•          গুজরাত: গুজরাত্তা নোংমাইজিং নুমিত্তা কোরোনাভাইরসকী অনৌবা পোজিতিব কেস ১,০৭০ থেংনখি, মসিনা ইনফেক্সনগী মশিং অদু ১,৮৮,৩১০ য়ৌহনখি। নুমিৎ অদুদা ভাইরস অসিনা, এহমদাবাদতা অহুম অমসুং রাজকোত, সুরত অমসুং ৱদোদরাদগী অমমম য়াওনা মীওই তরুক্কী পুন্সি লৌখ্রবা মতুং, শিখিবশিংগী অপুনবা মশিং অদু ৩,৮০৩দা হেনগৎখ্রে।

•          রাজস্থান: রাজ্য অসিদাঅনৌবা কেস ২,১৮৪ লৈখিবগা লোইননা ইনফেক্সনগী মশিং অদু ২,২৫,৮১৭ য়ৌহনখিবগা লোইননা রাজস্থানদা নোংমাইজিং নুমিত্তা কোরোনাভাইরসতগী মীওই তরা অমুক লৈখিদ্রে। জয়পুরদা য়াম্লবা কেস ৪৯৮ থেংনখি, মথংদা জোথপুরদগী কেস ৪৪৩ থেংনখি। হৌজিক ফাওবদা রাজ্য অসিদা এক্তিব কেস ১৮,৩৩৭ লৈরি। 

•          মধ্য প্রদেশ: মধ্য প্রদেশকী কোবিদ-১৯ কেসলোদ অসি নোংমাইজিং নুমিত্তা নৌনা ৮৭০ হেনগৎলকখিবগা লোইননা ১,৮৩,৯২৭দা হেনগৎলকখ্রে। ইন্দোর অমসুং সাগর অনিমক্তগী অনি শিখি অমসুং ভোপাল, হোশঙ্গাবাদ অমসুং শিবপুরিদগী অমমম্না শিখিবগা লোইননা তরেত অমুক শিখিবগা লোইননা রাজ্য অসিগী অপুনবা মশিং অদু ৩,০৯০দা হেনগৎলকখ্রে।

ফেক্ত চেক

*****