(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• লেপ্তনা মথং-মথং নুমীৎ ৫শুবা ওইনা ভারতকী ওইনা লিশিং ৫০দগী তানা নুমীৎ খুদিংগী ওইবা অনৌবা কেসকী রিপোর্ত তৌরক্লি
• এক্তিব কেসলোদ লাখ ৪.৯গা মখা ওইরি
• হৌখিবা পুং ২৪সিদা কোবিদ-১৯ তেস্ত তৌবদা মীওই ৪৭,৯০৫ পোজিব ওইখি অমদি নৌনা মীওই ৫২,৭১৮ ফগৎলকপগী রেজিস্তর তৌরকখ্রে
• লৈবাক্কী ফগৎলকপগী চাং অসি মখা তানা ৯২.৮৯দা ফগৎলক্লি
• প্রধান মন্ত্রীনা কোবিদ-১৯ লাইচৎ অসিগীদা মালেমগী ওইবা অপুনবা থৌরাংবু খুদোং চাবা ওইহনবদা দবল্যু.ঐচ.ও.না লৌরিবা মরুওইবা থৌদাংগীদমক থাগৎপা ফোংদোকখ্রে
• কোবি০-১৯গী মায়োক্তা লান্থেংনবদা ভারতকী ইকোনোমীদা তেংবাং ওইনবা আত্মনির্ভর ভারত পেকেজ ৩.০ লাউথোকখ্রে

#Unite2FightCorona

#IndiaFightsCorona

লেপ্তনা মথং-মথং নুমীৎ ৫শুবা ওইনা ভারতকী ওইনা লিশিং ৫০দগী তানা নুমীৎ খুদিংগী ওইবা অনৌবা কেসকী রিপোর্ত তৌরক্লি, অপুনবা কেস মশিং অসি চাদা ৫.৬৩দা হন্থরক্তুনা এক্তিব কেসলোদ অসি লাখ ৪.৫গী মনুংদা লৈরে

লেপ্তনা মথং-মথং নুমীৎ ৫শুবা ওইনা হৌখিবা পুং ২৪সিদা অনৌবা কেস মশিং অসি লিশিং ৫০দগী লানখিদ্রে। হৌখিবা পুং ২৪সিদা কোবিদ-১৯ তেস্ত তৌবদা মীওই ৪৭,৯০৫ পোজিব ওইখি। নুমীৎ খুদিংগী মশিং য়াম্না ফগৎনরকপগী নুমীৎ ৪০নি শুবগী ওইনা হৌখিবা পুং ২৪সিদা নৌনা মীওই ৫২,৭১৮ ফগৎলকপগী রেজিস্তর তৌরকখ্রে। মসিগী মওং অসিদা ভারতকী এক্তিব কেসলোদ অসি লেপ্তনা কাখৎলক্তুনা হৌজিক-হৌজিক লাখ ৪.৯৮ ওইরি। ভারতকী অপুনবা পোজিতিব ওইবগী মশিং অসি চাদা ৫.৬৩খক্তমক ওইরদুনা ভারতকী এক্তিব ওইবগী কেসলোদ অসি ৪,৮৯,২৯৪দা লৈদুনা লাখ ৫দগী হন্থনা লৈরে। ফগৎলকখিবগী চাং অসিসু খংহেন হেনগৎলক্তুনা অনৌবা কেসশিংগী মশিংদগী অদুম্মক হন্থনা লৈবগী মওংদা লৈরি। হৌজিক-হৌজিক মসি চাদা ৯২.৮৯ ওইরি। অপুনবা ফগৎলকখিবগী অপুনবা মশিং অসি ঙসি ৮০,৬৬,৫০১দা লৈরে। নারম্বদগী ফগৎলকখিবা অমদি এক্তিব কেসশিংগী খেৎনবা অসি লেপ্তনা হেনগৎলক্তুনা ৭৫,৭৭,২০৭দা লৈরে। রাজ্য/য়ুনিয়ন তেরিতোরী ১০দা নৌনা ফগৎলকখিবগী মশিং অসি চাদা ৭৮ ওইরি। কেস মশিং ৯,১৬৪ নৌবা ফগৎলক্তুনা মহারাস্ত্রনা নোংমখক্তংদা খ্বাইদগী কেস মশিং য়াম্না ফগৎলকপগী রিপোর্ত তৌরকখি। দিল্লীদা মীওই ৭,২৬৪ নৌনা ফগৎলকখিদুনা কেরলানা য়াম্না নক্না মনিং থাদুনা নৌনা মীওই ৭,২৫২ ফগৎলকখ্রে। রাজ্য অমসুং য়ুনিয়ন তেরিতোরী ১০না চাদা ৭৮কী অনৌবা কেসকী রিপোর্ত তৌরকখি। দিল্লীদা অতোপ্পা খংহেন-হেনগৎলকপা অমা থেংনখ্রে অমদি নোংমদা অনৌবা কেস মশিং খ্বাইদগী য়াম্না অদুগা হৌজিক ফাওবগী ওইনা খ্বাইদগী মশিং য়াম্বা তেল্লী ওইনা অনৌবা কেস ৮,৫৯৩গী রিপোর্তসু তৌরকখ্রে। দিল্লীগী মথংদা লৈদুনা কেরলাগী কেস মশিং অসি ৭,০০৭ ওইরি অদুগা মহারাস্ত্রগী কেস মশিং ৪,৯০৭ ওইরি। হৌখিবা পুং ২৪সিদা কেস ফেতেলিতী ৫৫০গী রিপোর্ত তৌরকখ্রে। কেস ফেতেলিতীগী চাং অসি ঙসি চাদা ১.৪৮দা লৈরে। মসিগীশিং অসিগী মনুংদা রাজ্য/য়ুনিয়ন তেরিতোরী তরাদা নৌনা শিখিবগী মশিং অসি চাদা ৮০ ওইখ্রে। মহারাস্ত্রদা মীওই ১২৫ শিখিদুনা অপুনবা শিখিবা মশিংগী চাদা ২২.৭ ওইরি। দিল্লী অমসুং নোংচুপ বঙ্গালদা মথংশিৎনা ৮৫ অমদি ৪৯ শিখিদুনা মথংদা লৈরি।

অকুপ্পা ৱারোলগীদমক:

প্রধান মন্ত্রী শ্রী নরেন্দ্র মোদী অমসুং ৱর্ল্দ হেল্থ ওর্গনাইজেসন (দবল্যু.ঐচ.ও.)গী দাইরেক্ত জেনরেল, তেদ্রোস অধনম ঘিব্রেয়েসনা তেলিফোন্দা ৱারী শানবা

প্রধান মন্ত্রী শ্রী নরেন্দ্র মোদীনা ঙসি ৱর্ল্দ হেল্থ ওর্গনাইজেসন (দবল্যু.ঐচ.ও.)গী দাইরেক্তর জেনরেল, ঐচ.ই. দা. তেদ্রোস অধনম ঘিব্রেয়েসগা লোইননা তেলিফোন্দা ৱারী শানখ্রে। প্রধান মন্ত্রীনা কোবিদ-১৯ লাইচৎ অসিগীদা মালেমগী ওইবা অপুনবা থৌরাংবু খুদোং চাবা ওইহনবদা দবল্যু.ঐচ.ও.না লৌরিবা মরুওইবা থৌদাংগীদমক থাগৎপা ফোংদোকখ্রে। মহাক্না অতৈ লাইনাশিংগী মায়োক্তা চংশিল্লিবা লানফমদা মায়থিদনবা মথৌ তাবশিংগী মতাংদসু পুক্নীং চিংশিনখি অমসুং চাউখৎলক্লিবা লৈবাকশিংগী হকশেল সিস্তেমগীদমক দবল্যু.ঐচ.ও.গী তেংবাং অদুগীদমক থাগৎপা ফোংদোকখি। দাইরেক্তর জেনরেলনা দবল্যু.ঐচ.ও. অমসুং ভারতকী হেল্থ ওথোরিতীশিংগী মরক্তা অচেৎপা অমসুং চাং নাইনা তেংবাং পীনবদা শাফু পীখি, অমসুং মরুওইনা আয়ুশ্মান ভারত য়োজনা অমসুং ত্যুবর্কুলোসিসকী মায়োক্তা চংশিল্লিবা খোংজংগুম্বা ভারতকী দোমেস্তিক ইনিসিএতিবশিংদা থাগৎপা ফোংদোকখি। মহাক্না হায়খি মদুদি হকশেলগী ইসুশিংদা ভারতনা মরুওইবা থৌদাং লৌরি। প্রধান মন্ত্রী অমসুং দাইরেক্তর জেনরেলনা ত্রেদিস্নেল মেদিসিন সিস্তেমশিংগী মগুন্দা কান্নবা মওংদা ৱারী-ৱাতাই তৌনখি, মরুওইনা মালেমগী মীয়ামগী চাউখৎ-থৌরাং অমসুং ইম্যুনিতী হেনগৎহন্নবা খন্নখি। মখোয়না ইন্তিগ্রেতিং ত্রেদিস্নেল মেদিসিন সোলুসনশিংবু অনৌবা মেদিকেল প্রাক্তিসতা পুনশিনবা অমসুং তাইম-তেস্তেদ ত্রেদিস্নেল মেদিসিনগী পোৎথোকশিং অমসুং প্রাক্তিসশিংগী চেকশিন্না সাইন্তিফিক ওইবা মওংদা মগুন লেপথোকপদসু য়ানখি।

অকুপ্পা ৱারোলগীদমক:

১৭শুবা অসিয়ান-ইন্দিয়া সমিৎতা প্রধান মন্ত্রীগী ৱারোল

অকুপ্পা ৱারোলগীদমক:

কত্তক্তা ইনকম তেক্স এপিলেৎ ত্রিব্যুনেল (আই.তি.এ.তি.)গী খ্বাইদগী নৌবা ওফিস-কম-রেসিদেন্সিএল কম্প্লেক্স শঙ্গাবদা পীখিবা পি.এম.গী ৱারোল

অকুপ্পা ৱারোলগীদমক:

কোবিদ-১৯গা মায়োক্নরিবা অসিদা ভারতকী শেন্মিৎলোন্দা মতেং পাংননবা কেন্দ্রগী শেল-থুম অমসুং কোর্পোরেৎ এফিয়র্সকী মন্ত্রী শ্রীমতী নির্মলা সীতারমন্না লাওথোকখিবা আত্মনির্ভর ভারত পেকেজ ৩.০গী ৱারোল

অকুপ্পা ৱারোলগীদমক:

প্রধান মন্ত্রীনা হয়েং অয়ুরবেদগী ইন্সতিত্যুৎ অনি লৈবাক্কীদমক কত্থোক্কদৌরি

প্রধান মন্ত্রীনা লৈবাক অসিগী ওইনা ২০২০গী নবেম্বরগী ১৩দা পাংথোক্কদবা ৫শুবা অয়ুরবেদ নুমিৎতা তুংগীদমক শেম শাদুনা লৈরবা অয়ুরবেদ ইন্সতিত্যুৎ অনি কৎকদৌরি। হায়রিবা অসি ইন্সতিত্যুৎ ওফ তিচিং অমসুং রিসর্স ইন অয়ুরবেদ (আই.তি.আর.এ.), জামনাগর অমসুং নেস্নেল ইন্সতিত্যুৎ ওফ অয়ুরবেদ (এন.আই.এ.), জাইপুর অসিনি। ইন্সতিত্যুৎ অনিমক লৈবাক অসিগী অহানবা অয়ুরবেদ ইন্সতিত্যুৎনি। অহানবা অসি পার্লিয়ামেন্তনা এক্ত তৌবা থাক্তা ইন্সতিত্যুসন ওফ নেস্নেল ইম্পোর্তেন্স (আই.এন.আই.)দা অমসুং অনিশুবা অসিনা য়ুনিভর্সিতি গ্রান্তস কম্মিসনগী য়ুনিভর্সিতি ওইনা লৈনবনি। ২০১৬দগী আয়ুশ মিনিস্ত্রীনা ‘অয়ুরবেদ নুমিৎ’অসি চহি খুদিংগী ধানৱানতরি জায়েন্তি (ধানতেরাস) থৌরমদা পাংথোকপনি. হন্দক্কী চহি অসিদি নবেম্বরগী ১৩ অসিদা পাংথোক্লগনি। হৌজিক ওইরিবা কোবিদ-১৯গী ফীবম অসি য়েংলগা ৫শুবা অয়ুরবেদ ২০২০ অসি লৈবাক অসিগী অমদি মালেমগী ওইনা ভর্চুএলগী ফম্বাক্তা চাওনা পাংথোক্লগনি।

অকুপ্পা ৱারোলগীদমক:

মিশন সাগর- IIগী মনুং চন্না আই.এন.এস. ঐরাৱৎনা জিবুতীদা চানবা তেংবাং খুশিন্নবা

লৈরিবা হ্যুমেনেতরিয়নগী তেংবাং পীবা অসি মখা চত্থবা ওইনা মিশন 'সাগর- II'গী মখাদা ইন্দিয়ন নেভেল শিপ ঐরাৱৎ অসি নবেম্বর ১০, ২০২০দা জিবুতীদা পোর্ত ওফ জিবুতীদা থুংখ্রে। ভারত সরকারনা মহৌশানা থোকহনবা খুদোংথিবশিং অমদি কোবিদ-১৯গী লায়চৎ অসিদগী নান্থোরক্নবগীদমক্তা মীরৈবাকশিংগা মরূপ-মপাং ওইনবগী মওংদা তেংবাং পীরি অমদি মসিগী মখাদা আই.এন.এস.ঐরাৱৎকী খুত্থাংদগী জিবুতীগী মীওইশিংগীদমক্তা মফমদুদা চানবগী তেংবাং য়ৌহল্লি। মিশন সাগর- II অসি প্রধান মন্ত্রী নরেন্দ্র মোদীগী ভিজন ওইরিবা সাগর (মফম অসিগী মীওই খুদিংমকপু ঙাক-শেনবিবা অমদি চাউখৎহনবা)গা লোয়ননা হাপচিনখিবনি অমদি মসিগী সমুদ্রগী মফম অসিদা অহানবা অমনা-অমগী মখা পোন্না লৈনবগী মওংদা ভারতকী থাক অসি ইন্দিয়ন নেভেলগা লোয়ননা ইন্দিয়ন ওসিন রিজন (আই.ও.আর.)দা থাজননা শরুক য়ামিন্নবগী মওংদা হন্না-হন্না উবা ফংহল্লি। মসিগী মিশন অসি ভারতনা সমুদ্রগা য়ুম্লোন্নবশিংগা লৈনবা মরি অসি মরুওইবা অসিসু থোইদোক্না খংবা ঙমহল্লি অমদি লৈনরিবা মরিশিং অদু হেন্না মপাঙ্গল কনখৎহল্লি। ইন্দিয়ন নেভেল, দিফেন্স মন্ত্রালয় অমসুং ফোরেন এফেয়র্স মন্ত্রালয় অমদি ভারত সরকারগী অতোপ্পা এজেন্সীশিংগা লোয়ননা তেংবাং পীনদুনা মিশন অসি হেন্না খুমাং চাউশিলহল্লি।

অকুপ্পা ৱারোলগীদমক:

পোস্তমেনগী খুৎথাংদা দিজিতেল লাইফ সর্তিফিকেৎ পীশিন্ননবগী দোরস্তেপ সর্ভিস লোন্স তৌখ্রে

পেন্সন অমসুং পেন্সনর্স দিপার্তমেন্তগী: পোস্তমেনগী খুৎথাংদা দিজিতেল লাইফ সর্তিফিকেৎ পীশিন্ননবগী দোরস্তেপ সর্ভিস হায়রিবা ইন্নিসিয়েতিব অসি পোস্ত অমসুং মৈতী দিপার্তমেন্তগী আই.পি.পি.বি.গী ইন্দিয়া পোস্ত পেমেন্ত বেঙ্কনা মাই পাক্না লোঞ্চ তৌখ্রে৷ জীবন প্রামন পোর্তেলগী খুৎথাংদা ওলাইন ওইনা লাইফ সর্তিফিকেৎ পীশিনবগী ফেসিলিতী অসি পেন্সনরশিংনা লাইফ সর্তিফিকেৎ পীশিনবা মতমদা হেন্না খুদোং চাবা অমসুং ত্রান্সপরেন্সী লৈবা ফেসিলিতী অদু ফংহন্নবগী পান্দমদা ২০১৪গী নবেম্বর থাদা ইকাই খুম্নরবা প্রধান মন্ত্রীনা লোঞ্চ তৌখ্রে৷ আই.পি.পি.বি.গী খুৎথাংদা “দি.এল.সি. পীশিনখিবগী দোরস্তেপ সর্ভিস” অসিদা পেন্সনরশিংনা অকুপ্পা মরোল অসিগীদমক ippbonline.comদা য়েংবা য়াগনি৷ মসি চার্জএবল সর্ভিস অমনি অমসুং লৈবাক অসিদা লৈরিবা কেন্দ্র সরকারগী পেন্সনরশিং মখোয় মখোয়গী পেন্সন একাউন্তশিং অদু তোঙান তোঙানবা বেঙ্কশিংদা লৈরবসু মখোয় ময়াম পুম্নমক্তা ফংহল্লগনি৷

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           অসাম: অসামদা ঙরাং কোবিদ-১৯গীদমক্তা মীওই ২৪৫ অমুক পোজিতিব ওইবা থেংনখি অমসুং পেসেন্ত ৮৩৭ দিসচার্জ তৌখ্রে। অপুনবা কেসশিংগী মশিং ২০৯৬৩৩দা হেনগৎলকখ্রে, পুন্না পেসেন্ত ২০৩৩০৫ দিসচার্জ তৌখ্রে, এক্তিব ৫৩৭১ লৈরি অমসুং ৯৫৪ শিখ্রে।

•           মহারাস্ত্র: রাজ্য অসিদা য়ুমশকৈশা নুমিত্তা পেসেন্ত ৯,১৬৪ ফখিদুনা এক্তিব কেসশিগী মশিং অদু ৮৮,০৭০দা হন্থহল্লবসু অনৌবা কেস ৪,৯০৭ অমুক থেংনখি। রাজ্য অসিদা হৌজিক ফাওবদা কোবিদ মরী লৈননা ৪৫,৫৬০ শিখিবা লৈখ্রে অমসুং হৌজিক লৈরিবা কেস ফেতেলিতীগী চাং অসি ২.৬৩%দা লৈরি। কেন্দ্রগী হকশেল মন্ত্রী, দা. হর্শ ৱর্ধন্না য়ুমশকৈশা নুমিত্তা মহারাস্ত্র য়াওনা রাজ্য তরেত্তা মরু ওইনা কোবিদ-১৯ পোজিতিব ওইবগী চা ৱাংনা লৈবা মফমশিং অমসুং মার্কেতশিং অমসুং থবক মফমশিংগুম্বা মী য়াম্না তিনবা মফমশিংদা তেস্ত তৌবা হেনগৎহনবদা মীৎয়েং থম্নবা হায়খ্রে।

•           গুজরাত: রাজ্য অসিদা ফগৎলকপগী চাং অসি চাদা ৯১.২৮ বৌখ্রে। গুজরাত্তা য়ুমশকৈশা নুমিত্তা অনৌবা কোবিদ কেস ১,১২৫ থেংনখি। ক্বাইদগী য়াম্বা কোবিদ কেস ২০৭ এহমদাবাদতগী থেংনখি, অদুগা সুরত্তগী অনৌবা কেস ১৮৪ থেংনখি। মরক অসিদা এহমদাবাদ মুনিসিপাল কোর্পোরেশন্না লাক্লিবা দিৱালিগী কুম্হৈ অসি য়েংলগা সিতী অসিগী মী য়াম্না চিনবা মফম ২৭তা অথিংবা থম্বা অদু লৌথোকখ্রে অমসুং অহিংগী পুং ১২ ফাওবা দুকানশিং হাংবগী অয়াবা পীখ্রে।

•           রাজস্থান: রাজ্য অসিনা য়ুমশকৈশা নুমিত্তা ইনফেক্সন ২,০৮০ থেংনখিবগা লোইননা কোবিদ-১৯গী কেসশিংদা খঙহৌদনা হেনগৎলকপা থেংনখি, হায়রিবা অসি হৌখিবা নুমিৎ ৩০নিদা খ্বাইদগী ৱাংবা ওইখি। কেস খ্বাইদগী ৱাংনা জয়পুর জিলাদগী থেংনখি (অনৌবা কেস ৪৫০), মথংদা জোধপুর জিলাদগী (অনৌবা কেস ৩১০) অমসুং মসিগী মথংদা বিকানের (অনৌবা কেস ১৭৫)

•           মধ্য প্রদেশ: লৈবাকপোকপা নুমিত্তা কোরোনা পোজিতিব কেস য়াম্না হন্থনা থেংনখিবা জিলা কয়া অমনা য়ুমশকৈশা নুমিত্তা রাজ্য অসিদা য়াম্না ৱাংনা হেনগৎলকপা থেংনখি। লৈবাক পোকপা নুমিত্তা পোজিতিব কেস অমা থেংনখিবা নিৱারি জিলাদা য়ুমশকৈশা নুমিত্তা পোজিতিব কেস ২১ থেংনখি। চাংচত্তা রাজ্য অসিদা পোজিতিব কেস ৮৮৩ থেংনখি, মসিনা অপুনবা মশিং অদু ১.৭৯ লাখ য়ৌহনখি, অদুগা এক্তিব কেসশিংগী মশিংনা ৮,৩২৮ য়ৌহনখি।

•           কেরলা: রাজ্য অসিদা পোস্ত-কোবিদ এলর্ত ক্লিনিকশিংনা ঙসিদগী প্রাইমরী হেল্থ সেন্তরশিং অমসুং কম্যুনিতী হেল্থ সেন্তরশিংদা মথৌ তৌবা হৌখ্রে। রাজ্যগী হকশেল মন্ত্রী, কে.কেক শাইলাজানা হায়খি মদুদি কোবিদ নাবা ফরবা পেসেন্তশিং অদু থা অমদা য়ামদ্রবদা অমুরক্তি মসিগী ক্লিনিকশিং নত্রগা ই-সঞ্জীৱনি প্লেতফোর্মগী খুত্থাংদা পাউ ফাওনরগনি অমসুং মখোয়গী হেল্থ কন্দিশনশিং অদু এনালাইজ তৌরবা মতুংদা মখাতাবা দাইরেক্সনশিং পীরগনি। পোস্ত কোবিদ রেফরেল ক্লিনিকশিংসু তালুক, জিলা অমসুং জেনরেল হোসপিতালশিং অমসুং মেদিকেল কোলেজশিংদা সেকেন্দরী অমসুং তর্সরীগী থাক্তা হৌখ্রে।

•           তামিল নাদু: নবেম্বর ১৬তা তি.এন.দা স্কুলশিং, কোলেজশিং হাংলোই; দিসেম্বর ২দগী পি.জি. ফাইনল য়িয়রগী কোর্সসিংখক্তমক হৌরগনি। তি.এন.না কর্নাতকাদা চৎপা বস সার্বিসশিং অমুক হন্না মথৌ তৌবা হৌখ্রে; থা খরগী মমাংদা ইন্ত্রা-স্তেত বস সার্বিসশীং হৌদোকখ্রবা মতুংদগী বেঙ্গলুরু চৎপা বসশিং অদু রাজ্যগী ঙমখৈদা লৈপহনখি। রাজ্য অসিগী হোসপিতেলিতী সেক্তরদা লাইচৎ অসিনা মরম ওইরগা লুপা করোর ৮,০০০ মাংখি, মসিগীদমক্তা রিলীফ পীনবা হায়খি; রাজ্য শিনবা থুংনা হোতেলশিংদা মী থনবগী চাং অসি য়াম্না ৱানা ১০%দা লৈখি, চেন্নাই হোতেলশিংনা মসিদগী খরা ফদুনা ৩৫%দা লৈখি; হোতেলশিংনা ৫০% দিসকাউন্ত ফাওবা ওফর তৌখ্রে।

•           কর্নাতকা: রাজ্যগী হকশেল মন্ত্রীনা হন্দক্কী বাই ইলেক্সন অসিগী মনুংদা হন্দক্তা সরকারগী কোবিদ-১৯ গাইদলাইনশিং অমসুং এদভাইজরিশিং খোংগাওনবগী মতাংদা তৌফম খঙদবা অদু ফোংদোকখি; হাই কোর্তনা রাজ্য সরকারদা কোবিদ গাইদলাইনশিং খোংগাওনবা পোলিতিকেল লীদরশিংগী মায়োক্তা ক্রিমিনল এক্সনশিং লৌখৎপগী মতাংদা মখোয়না লেপখিবা ৱারেপ অদুগী মতাংদা খঙহন্নবা হায়খ্রে। থা তরেতকী মতুংদা তামিল নাদুদা কে.এস.আর.তি.সি.না সার্বিস তৌবা অমুক হন্না হৌখ্রে।

•           অন্ধ্র প্রদেশ: এ.পি.গী সাউথ কোস্তলনা হকশেলগী ফিভমদা ফগৎলকপা থেংনখি; অনৌবা কেস চা খরদগী  হন্থনা লৈবগা  লোইননা, কনফর্ম কেসশিংগী অপুনবা মশিং অদু নেল্লোর অমসুং প্রকাসম জিলাশিংদা ১,২২,৭৫০দা হেনগৎলকখ্রে। রাজ্য অসিনা য়ুমশকৈশা নুমিত্তা অমুক্কা হন্না অনৌবা কোবিদ-১৯ ইনফেক্সন ২০০০দগী তানা থেংনখি অমসুং নৌনা ১৪ শিখিবা থেংনখি। অনৌবা কেস ১,৭৩২ থেংনখিবগা লোইননা অপুনবা মশিং অদু ৮,৪৭,৯৭৭দা হেনগৎখি অমসুং শিখিবশিংগী মশিং অদু ৬,৮২৮তা হেনগৎখি। রাজ্য অসিদা কোবিদ-১৯না মরম ওইরগা শিখিবা অমসুং ফগৎখিবগী চাং অসি মথংশিৎনা চাদা ০.৮১ অমসুং  চাদা ৯৬.৭৩দা লৈখি। হৌজিক-হৌজিক এক্তিব কেস ২০,৯১৫ লৈরি।

•           তেলঙ্গনা: তেলঙ্গনাদা হৌখিবা পুং ২৪ অসিদা অনৌবা কেস ১০১৫ লৈখি, ১৭১৬ ফগৎখি অমসুং ৩ শিখি; কেস ১০১৫কী মনুংদা কেস ১৭২দি জি.ঐচ.এম.সি.দগী থেংনখি। অপুনবা কেসশিং: ২,৫৪,৬৬৬; এক্তিব কেসশিং: ১৭,৩২৩; শিখিবশিং: ১৩৯৩; দিসচার্জ তৌখিবশিং: ফগৎলপগী চাং চাদা ৯২.৬৫ ওইখিবগা লোইননা ২,৩৫,৯৫০ ফগৎখ্রে।

ফেক্ত চেক

*****