(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতকী ওইরিবা এক্তিব কেসলোদ অসি নুমিৎ ১০৬কী মতুংদা অহানবা ওইনা লাখ মঙা হেন্না হন্থরে
• অপুনবা ফগৎলকপা লাখ ৮০ হেনখ্রে
• অনৌবা কেস ৪৪,২৮১ হৌখিবা পুং ২৪দা রিপোর্ত তৌখ্রে অদুগা এক্তিব কেস ৫০,৩২৬ মতম অসিগী মনুংদা ফবা ঙমখ্রে
• কম্যুলেতিব তেস্ত করোর ১২ হেন্না তৌখ্রে
• ফগৎলকপগী চাং ৯২.৭৯%দা হেনগৎলে
• অপুনবা শিখিবা কেসকী চাং ১.৪৮%দা লৈরে অমসুং মসিগী হন্থরকপা অসি মখা চৎথরি
• দা. হর্শ বর্ধননা রাজ্য ৭কী কোবিদকী ফিভম অমসুং পব্লিক হেল্থ মিজরশিং য়েংশিনখ্রে

ভারতনা অমুক্তা ওইখিদ্রবা পন্দোল কয়া লামখ্রে, এক্তিব কেস লাখ ৫গী মখাদা তাখ্রে, অপুনবা ফগৎলকপা করোর লাখ ৮০ লানখ্রে, কম্যুলেতিব তেস্ত করোর ১২ হেনখ্রে

ভারতনা মালেমগী লাইচৎ অসিগী অপুনবা লানফমদা অচৌবা মায় পাকপা কয়া ফংখ্রে। ভারতকী ওইরিবা এক্তিব কেসলোদ অসি নুমিৎ ১০৬কী মতুংদা অহানবা ওইনা লাখ মঙা হেন্না হন্থরে। ঙসি, অপুনবা এক্তিব কেসকী পোৎলুম অসি ৪,৯৪,৬৫৭তা লৈরে। মসি জুলাই ২৮দা ৪,৯৬,৯৮৮ ওইরম্বনি। মসিগা লোইননা, এক্তিব কেসলোদ অসি অপুনবা পোজিতিব কেসকী ৫.৭৩%দা লৈরে। রাজ্য/য়ু.তি. ২৭তা এক্তিব কেস ২০,০০০দগী হেন্না হন্থরে। শুপ্নগী রাজ্য/য়ু.তি. ৮দা কেস ২০,০০০দগী হেন্না লৈ; রাজ্য অনি (মহারাস্ত্রা অমসুং কেরলা)দা এক্তিব কেস ৫০,০০০দগী হেল্লে। অনৌবা কেস ৪৪,২৮১ হৌখিবা পুং ২৪দা রিপোর্ত তৌখ্রে অদুগা এক্তিব কেস ৫০,৩২৬ মতম অসিগী মনুংদা ফবা ঙমখ্রে। মসি নুংতিগী অনৌবা কেসতগী হেনবা নুংতিগী ফগৎলকপগী ৩৯শুবা নুমিৎনি। অপুনবা ফগৎলকপা লাখ ৮০ হেনখ্রে। হৌজিক ফাওবগী অপুনবা ফগৎলকপা মশিং অসি ৮০,১৩,৭৮৩নি। ফগৎলকপা কেস অমসুং এক্তিব কেসকী খেন্নবা অসি ৭৫,১৯,১২৬নি। ফগৎলকপগী চাং ৯২.৭৯%দা হেনগৎলে। অতোপ্পা মায় পাকপা অমদা, ভারতনা কম্যুলেতিব তেস্ত করোর ১২ হেন্না তৌখ্রে। লৈবাক অসিদা হৌখিবা পুং ২৪দা তেস্ত ১১,৫৩,২৯৪ তৌখ্রে। অনৌবা নুংতিগী কেস অসি ৫০,০০০দগী তানা লেপ্তনা হন্থরি। অনৌবা ফগৎলপা কেসকী ৭৭% অসি রাজ্য/য়ু.তি. ১০দগী ওইরি। নৌনা ফগৎলকপা কেসতা মহারাস্ত্রনা নোংমদা ৬,৭১৮ ফদুনা খ্বাইদগী য়াম্না রিপোর্ত তৌখ্রে কেরলানা নক্না ইন্নদুনা ৬,৬৯৮ ফখ্রে। মখোয়গী মতুংদা দিল্লীনা ৬,১৫৭ ফগৎলকখ্রে। মকোক্তা লৈরিবা রাজ্য অমসুং য়ু.তি. ১০দা অনৌবা কোস ৭৮% রিপোর্ত তৌখ্রে। দিল্লীদা নোংমগী খ্বাইদগী ৱাংনা অনৌবা কেস ৭,৮৩০ রিপোর্ত তৌখ্রে। মসিগী মতুংদা কেরলানা কেস ৬.০১০ ওইদুনা ইন্নরি। রাজ্য/য়ু.তি. তরাদা কোবিদনা শিবা ৭৯% শুখ্রে। হৌখিবা পুং ২৪দা শিখিবা কেস ৫১২ রিপোর্ত তৌখ্রে। অপুনবা শিখিবা কেসকী চাং ১.৪৮%দা লৈরে অমসুং মসিগী হন্থরকপা অসি মখা চৎথরি।

অকুপ্পা ৱারোলগীদমক:

দা. হর্শ বর্ধননা রাজ্য ৭কী মু্খ্য মন্ত্রীশিং, হকশেলগী মন্ত্রীশিং অমসুং রাজ্যশিং অদুগী সেনিয়র ওফিসিয়েলশিংগা লোইননা কোবিদকী ফিভম অমসুং পব্লিক হেল্থ মিজরশিং য়েংশিনখ্রে

হকশেল অমসুং য়াইফ য়ুম্বালগী কেন্দ্রগী মন্ত্রী দা. হর্শ বর্ধননা মুখ্য মন্ত্রীশিংগা, রাজ্যগী হেল্থ মন্ত্রীশিংগা অমসুংরাজ্য ৭কী প্রিন্সিপাল সেক্রেতরীশিং/এদিস্নেল চীফ সেক্রেতরীশিংগা লোইননা ঙসি ভিদিও কনফরেন্সিংগী খুৎথাংদা ৱারি শান্নখ্রে৷ রাজ্যশিং অদুদি মহারাস্ত্র, উত্তরখন্দ, মনিপুর, মিজোরাম, ত্রিপুরা, মেঘলয় অমসুং গোৱানি৷ রাজ্যশিংগী হকশেল মন্ত্রালয়শিং য়েংশিনখ্রবা (উত্তরখন্দ)মুখ্য মন্ত্রী শ্রী তি.এস. রৱত, মুখ্য মন্ত্রী (মনিপুর) শ্রী এন.বিরেন সিংহ, হকশেলগী মন্ত্রী(মহারাস্ত্র)শ্রী রাজেস তোপে, হকশেলগী মন্ত্রী(মিজোরাম)দা. আর.লাল্থাঙ্গলিয়না, হকশেলগী মন্ত্রী(গোৱা) শ্রী বিশ্বজিৎ প্রতাপ সিংহ রেন, স্কুম এদজুকেসন, হাইহর এদজুকেসন, লো অমসুং পার্লিয়ামেন্তরী এফিয়র্স(ত্রিপুরা)গী মন্ত্রী শ্রী রতন লাল নাথনা থৌরম অদুদা ভর্চুয়েল্লী ওইনা শরুক য়াখি৷ রাজ্যনা মীৎয়েং চংবা তঙাই ফদবা মফমশিং অদু পল্লদুনা দা. হর্শ বর্ধননা অসুম্না ফোংদোকখ্রে, মহারাস্ত্রদা এক্তিব ওইবা কেস মশিং অসি তারকপা তারবসু, মুম্বাই মনুং অমসুং অকোইবদা শিবগী চাং (২.৬%) অদু ৩.৫%দা হেঙ্গৎলক্তুনা লেপ্পা লৈতনা এক্তিব কেসলোদ হেঙ্গৎলকখ্রে৷ উত্তরখন্দদা লৈরিবা সি.এফ.আর. অসি ১.৬৪% ওইরিবা নেস্নেল এভিরেজ অসিদগী হেন্না ৱাংই; মনিপুরদা মমাংগী নুমিৎ খরনি অসিদা এক্তিব ওইবা কেস মশিং হেঙ্গৎলকখ্রে৷ রাজ্য অসিদা পোজিতিব ওইবা কেস মশিং হেঙ্গৎলক্লিবা অসি মতুং লৌনরক্লে হায়না তাকপনি হায়দুনা মহাক্না অসুম্না ফোংদোকখ্রে, গোৱাদা য়াম্না নুংঙাইরোইদবা থৌদোক অমা ওইনা মমাংগী থা অমা অসি খক্তদা ৪০% শিখ্রে৷ আইজোল্দা ৭০% কেস মশিং লৈবনা মরম ওইরগা মিজোরাম অসি মখাতানা এক্তিব কেস মশিং হেঙ্গৎলক্লি; ত্রিপুরা অমসুং মেঘলয়দা লাইনা অসিদগী ঙাকথোকপা য়াবা চহী কাংলুপ্তা (৪৫-৬০ চহীশিং)কা হেন্না(৩৭%রোম) শিরি৷ ত্রান্সমিসনগী চেন অসি থিংন্নবা, প্রধান মন্ত্রী শ্রী নরেন্দ্র মোদীনা হৌদোকপা জন-অন্দোলন অদুগী কান্নবা মরু ওইবশিং অদু খঙন্নবা হায়খ্রে৷ প্রজাশিংগী মরক্তা জন অন্দোলন অসি প্রমোত তৌনবা সরকার অসিনা লৌখৎলিবা খোংথাংশিং অদু শন্দোক্না তাক্লদুনা, “কোবিদ এপ্রোপ্রিয়েত বিহেবিয়র অসিনা খ্বাইদগী শক্তি লৈবা সোসিয়েল ভেক্সিননি” হায়না মহাক্না ফোংদোকখ্রে৷

অকুপ্পা ৱারোলগীদমক:

নবেম্বর ১৩, ২০২০দা পি.এম.না জামনাগর অমসুং জয়পুরদা তুংগী শেম-শারবা আয়ুর্বেদ ইন্সতিত্যুসন অনি শঙ্গাগনি

প্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা ৫শুবা আয়ুর্বেদ নুমিৎ (হায়বদি) নবেম্বর ১৩, ২০২০দা জামনগরদা ইন্সতিত্যুৎ ওফ তীচিং এন্দ রিসর্স ইন আয়ুর্বেদ (আই.তি.আর.এ.) অমসুং জয়পুরদা নেস্নেল ইন্সতিত্যুৎ ওফ আয়ুর্বেদ শঙ্গাগনি। ইন্সতিত্যুসনশিং অসিনা ২১শুবা চহি চাদা আয়ুর্বেদগী চাউখৎ-থৌরাংদা মালেম্বু লুচিংবগী থৌদাং লৌগনি হায়না পানরি। আয়ুর্বেদগী নুমিৎ অসি ২০১৬তগী হৌরগা, ধনৱন্ত্রীগী মপোক নুমিত্তা চহি খুদিংগী পাংথোক্তুনা লাক্লি। হন্দক্কী চহি অসিদা মসি নবেম্বর ১৩, ২০২০দা তারি। আয়ুর্বেদগী নুমিৎ অসি শিনফম অমসুং খুন্নাইগা লোইননা কুম্মৈ অমসুং হরাও-তয়াম্বা পাংথোক্নবগীদমক্তা থমখিবা ৱাফম অদু অমুক হন্না ফোংদোক্নবগী তাঞ্জানি। চহি অসিগী আয়ুর্বেদ নুমিৎকী কুম্মৈ অসি কোবিদ-১৯ লাইচৎকী শিল-লাংলিবা অসিদা আয়ুর্বেদগী ওইথোকপা য়াবা থৌদাং অদুদা মিৎয়েং থমগনি।

অকুপ্পা ৱারোলগীদমক:

মন্ত্রীমন্দলনা মরুওইবা সেক্তর ১০দা ফগৎনবা পি.এল.আই. স্কীম অয়াবা পীখ্রে, ইন্দিয়াগী পোৎশাবা ঙম্বা অমসুং মপালদা পোৎ পুথোকপা হেনগৎহনবা – আত্মানির্ভর ভারত

প্রধান মন্ত্রী শ্রী নরেন্দ্র মোদীনা ময়াই তাংবল লৌবা কেন্দ্রগী মন্ত্রীমন্দলনা মরুওইবা সেক্তর ১০দা ইন্দিয়াগী পোৎশাবা ঙম্বা অমসুং মপালদা পোৎ পুথোকপা হেনগৎহনবা – আত্মানির্ভর ভারতগীদমক প্রদকসন-লিঙ্কেৎ ইন্সেন্তিব (পি.এল.আই.) স্কীম পুথোক্তুনা অয়াবা পীখ্রে। সেক্তরশিং অদুদি: এদভান্স কেমিস্ত্রী সেল (এ.সি.সি.),এন.আই.তি.আই. আয়োগ অমসুং হেভী ইন্দস্ত্রীগী দিপার্তমেন্ত, ইলেক্ত্রোনিক/তেক্নোলোজিগী পোত্থোক (ইলেক্ত্রোনিক্স অমসুং ইনফোর্মেসন তেক্নোলোজিগী মিনিস্ত্রী), ওতোমোবাইলস অমসুং ওতোগী মচাক (হেভী ইন্দস্ত্রীগী দিপার্তমেন্ত), ফার্মাস্যুতিকেলগী হিদাক (ফার্মাস্যুতিকেলগী দিপার্তমেন্ত), তেলেকোম অমসুং নেৎৱার্কিংগী পোত্থোক (তেলেকোমগী দিপার্তমেন্ত), তেক্সতাইলগী পোত্থোক: এম.এম.এফ. সেগমেন্ত অমসুং তেক্নিকেল তেক্সতাইল (তেক্সতাইলগী মিনিস্ত্রী), চিঞ্জাক্কী পোত্থোক (ফুদ প্রোসেসিং ইন্দস্ত্রীগী মিনিস্ত্রী), ইফিসিএন্সি ৱাংবা সোলার পি.ভি. মোদ্যুলশিং (অনৌবা অমসুং রিনেৱেবল ইনর্জিগী মিনিস্ত্রী), হ্বাইত গুদস (এ.সি.শিং অমসুং এল.ই.দি.) (প্রোমোসন ওফ ইন্দস্ত্রী অমসুং ইন্তর্নেল ত্রেদকী দিপার্তমেন্ত), স্পেসিএলিতি স্তীল (স্তীল মিনিস্ত্রী)নি।

অকুপ্পা ৱারোলগীদমক:

মন্ত্রীমন্দলনা ইনফ্রাস্ত্রকচর ভাইএবিলিতী গেপ ফন্দিং ভি.জি.এফ. স্কিমদা পব্লিক প্রাইবেৎ পার্তনরশিপ্তা শেলগী তেংবাং পীনবা স্কিম মখা চৎথবা অমসুং অমুক হন্না শেমজিনবদা অয়াবা পীখ্রে

প্রধান মন্ত্রী শ্রী নরেন্দ্র মোদীনা লুচিংবা একোনোমিক এফিয়র্সকী কেবিনেৎ কমিতীনা ইনফ্রাস্ত্রকচর ভাইএবিলিতী গেপ ফন্দিং (ভি.জি.এফ.) স্কিমদা পব্লিক প্রাইবেৎ পার্তনরশিপ্তা শেলগী তেংবাং পীনবা স্কিম ২০২৪-২৫ ফাওবা লুপা করোর ৮,১০০গী অচংবা শেনফমগা লোইননা মখা চৎথবা অমসুং অমুক হন্না শেমজিনবদা অয়াবা পীখ্রে। স্কিম অসিগী পান্দম অসি খুন্নাইগী অমদি শেন্মিৎলোনগী ইনফ্রাস্ত্রকচরদা পি.পি.পি.শিং য়োকখৎপনি মরমদি মসিনা লন-থুমশিং হেন্না ফজনা শেমগৎপা ঙম্নবা অমদি মসিগী মতিক চানা ওপরেসন অমসুং মেন্তিনেন্স তৌবা ঙম্নবা অমসুং খুন্নাইগী অমদি শেন্মিৎলোনগী ওইবা মওংদা মরুওইবা প্রোজেক্তশিংবু কমর্সিএল ওইবা মওংদা শিজিন্নবা ঙম্নবনি। প্রোজেক্ত অসিদগী লৈবাক অসিগী মীয়ামদা য়াম্না কান্নহল্লগনি মরমদি মসিনা লৈবাক অসিদা ইনফ্রাস্ত্রকচর শেম্বদা মতেং পাংগনি।

অকুপ্পা ৱারোলগীদমক:

হেদ্স ওফ স্তেৎকী এস.সি.ও. কাউন্সিলগী ২০শুবা সমিৎ

হেদ ওফ স্তেৎকী এস.সি.ও. কাউন্সিলগী ২০শুবা সমিৎ নবেম্বর ১০, ২০২০দা (ভিদিও কনফরেন্সকী থোংদা) পাংথোকখ্রে। মসি ভর্চুএল ওইবা মওংদা পাংথোকপা অমদি ২০১৭তা মপুং ফাবা মেম্বর অমা ওইরবা মতুংদা ভারতনা শরুক য়াবা অহুমশুবা মীফম্নি। মীফম অদু রুসিয়ন ফেদরেসনগী রাস্ত্রপতি ব্লাদিমীর পুতিন্না ময়াই তাংবল লৌখি। প্রধান মন্ত্রী নরেন্দ্র মোদীনা এস.সি.ও.গী লুচিংবশিংদা ৱা ঙাংবদা কোবিদ-১৯গী লাইচৎনা ওইহল্লিবা শিংনবশিং অমদি অৱাবা অসিগী মরক্তা মীফম অসি শিনবীবগীদমক রাস্ত্রপতি ব্লাদিমীর পুতিন্দা নুংঙাইবা ফোংদোকখি। প্রধান মন্ত্রীনা মহাক্কী ৱারোলদা, লাইচৎনা মরম ওইদুনা শেন্মিৎলোন অমদি খুন্নাইদা পীরিবা শাফু অসিনা অৱাবা ওইহল্লবা মালেমগী অনীংবা অপাম্বা মপুং ফাহন্নবগীদমক শেমদোক্লবা মল্তিলেতরেলিজম অমা মথৌ তাবগী মতাংদা ফোংদোকখি। ভারতনা যু.এন.এস.সি.দা নন-পর্মানেন্ত মেম্বর অমা ওইনা জনুৱারী ১, ২০২১দগী থবক পায়বা হৌগদৌরিবা অসিদা, মালেমগী ওইবা লৈঙাক্তা মথৌ তাবা অহোংবা পুরক্নবা ‘রিফোর্ম মল্তিলেতরেলিজম’দা মিৎয়েং থমগনি। প্রধান মন্ত্রীনা ভারতকী শান্তি, ঙাক-শেল অমসুং চাউখৎপা অসিদা থম্লিবা থাজবা, শান্তি অমসুং চাউখৎপা অমসুং তেরোরিজম, আইন্না য়াদনা খুৎলাই ললোনবা, দ্রগ অমসুং মনী লোন্দরিংগী মায়োক্তা লাওখিবা খোল্লাও অদু অমুক হন্না পনখি। মহাক্না পনখি মদুদি ভারতকী থৌনা ফরবা লান্মীশিংনা য়ু.এন. পিচকিপিং মিসন ৫০ লোমদা শরুক য়াখি অমসুং ভারতকী ফার্মা ইন্দস্ত্রীনা লাইচৎ মনুংদা মথৌ তাবা হিদাকশিং লৈবাক ১৫০ হেনবদা থাখি।

অকুপ্পা ৱারোলগীদমক:

লাইনা-লাইচৎ অসিগী মনুংদা শিন্থানিংঙাই ওইবা থবক পাংথোকপগীদমক সি.এল.সি, ই.পি.এফ.ও. অমসুং ই.এস.আই.সি.গী ওফিসিয়েলশিং অমসুং রিজনেল ওফিসশিং শ্রী গঙ্গৱরনা থাগৎলদুনা মনা-মথুং পীখ্রে

চীফ লেবর কম্মিশনার(সেন্ত্রেল)ওফিস, এমপ্লোইয়ী প্রোবিদেন্ত ফন্দ ওর্গনাইজেসন অমসুং এমপ্লোইয়ী স্তেত ইন্সুরেন্স কোর্পোরেসনগী কোবিদ-১৯ লান্থেংনরিবা ৱারিয়রশিংনা মখোয়না হোৎনরিবা থবকশিং অদু অপেনবা অমসুং ইকাই খুম্নবা ওইনা ঙসি লেবর অমসুং এমপ্লোইমেন্ত মন্ত্রালয়না মনা-মথুম পীবগী থৌরম অমা শিনখ্রে৷ হায়রিবা ওর্গনাইজেসনশিং অসিগী ওফিসিয়েলশিং অমসুং রিজনেল ওফিসশিংনা কৎথোক্লিবা অদু খঙবিবা ওইনা রাজ্যগী মন্ত্রী(আই.সি.) শ্রী সন্তোশ কুমার গঙ্গৱরনা সর্তিফিকেৎ পীদুনা ইকাই খুম্নবা উৎখ্রে৷ ৱর্করশিং অমসুং ইন্দস্ত্রী অসিগী য়াইফন্নবগীদমক মন্ত্রালয় অসিনা ইতিহাসিক ওইরবা খোংথাং কয়ামরোম লৌখৎখ্রে হায়না মন্ত্রী অদুনা ফোংদোকখ্রে৷ কন্সত্রক্সন ৱর্কর মীওই কোতি ২গী বেঙ্ক একাউন্তশিংদা লুপা কোতি লিশিং ৫গী শেনফম দিপোজিৎ তৌখ্রে হায়না মহাক্না মখাতানা ফোংদোকখি৷ হায়রিবা থবক অসি নিংথীজনা চৎন্নবা সি.এল.সি.(সি)না ওফিসর ৮০ খনখ্রে হায়না শন্দোক্না তাকখ্রে৷ ৱর্করশিং অসিনা থেংনরিবা প্রোব্লেমশিং অসি হন্থনবা ই.এস.আই.সি. অমসুং ই.পি.এফ.ও.গী নোদেল ওফিসরশিংগা মখোয়গী রিজনেল ওফিসশিং অসিগা খুৎশম্নরগা অয়ুক নুমিদাং খাইদনা য়াম্না কন্না হোন্নরি৷ কন্ত্রোল রুম ২০দা লাকখিবা কমপ্লেন্ত লিশিং ১৬ অদুগী চাদা ৯৬তি মতম চানা সি.এল.সি.(সি), ই.পি.এফ.ও. অমসুং ই.এস.আই.সি.না ৱারোইশিন পুরকখ্রে হায়না মন্ত্রী অদুনা ফোংদোকখ্রে৷ হায়রিবা ওর্গনাইজেসন অহুম অসিগী ওফিসরশিং, ওফিসিয়েলশিং অমসুং রিজনেল ওফিসশিং মখোয় মখোয়গী কৎথোক্তুনা হোৎনখিবশিং অদুগীদমক মহাক্না নুংঙাইবা ফোংদোকখ্রে৷ আইসোলেসন ফমুং ২৬০০, আই.সি.য়ু. ফমুং ৫৫৫ হেন্না লৈবা অমসুং ভেন্তিলেতর মশিং ২১৩ হেন্না লৈবা ই.এস.আই.সি.গী হোস্পিতাল ২৩ হৌজিক্তি কোবিদ-১৯ হোস্পিতালশিং ওন্থোক্লে হায়না লাওথোকখ্রে হায়না শ্রী গঙ্গৱরনা ফোংদোকখ্রে৷ কোবিদ লাইনা-লাইচৎ অসিগী মনুং অসিদা সবস্ত্রাইবরশিংনা মীওই লাখ ৪৭ হেন্না কোবিদ ক্লেম তৌরকখিবা অদুগীদমক লুপা কোতি ১২,০০০ হেন্না কাইথদুনা অখন্নবা কোবিদ-১৯ ক্বেমগী ই.পি.এফ.ও.গী ইন্নিসিয়েতিব অদু মন্ত্রী অদুনা পুথোকখ্রে৷

অকুপ্পা ৱারোলগীদমক:

সরকারনা পেন্সনরশিংবু মখোয়গী পুন্সিদা “আত্মানির্ভর” ওইনবা মতেং পাংলি: দা. জিতেন্দ্র সিংহ

দিবেলপমেন্ত ওফ নোর্থ ইস্তর্ন রিজন (দোনর), এম.ও.এস. পি.এম.ও., পর্সনেল, পব্লিক গ্রিবান্সেস এন্দ পেন্সন্স, এতোমিক ইনর্জী অমসুং স্পেসকী কেন্দ্রগী রাজ্য মন্ত্রী (আই/সি) দা. জিতেন্দ্র সিংহনা হায়খি মতিক চারবা প্রধান মন্ত্রী শ্রী নরেন্দ্র মোদীগী লুচিং মখাদা দিপার্তমেন্ত ওফ পেন্সন্স এন্দ পেন্সনর্স ৱেলফিয়র (দি.ও.পি.পি.দবল্যু)না পেন্সনরশিংনা মখোয়গী ময়ুমদগী নুংঙাইনা দিজিতেল লাইফ সর্তিফিকেৎ পীদুনা পেন্সনরশিংবু “আত্মানির্ভর” ওইহন্নবা হোৎনরি। কোবিদ-১৯ লাইচৎ অসিনা মরম ওইরগা লাইফ সর্তিফিকেৎ পীশিনবদা পেন্সরশিংনা অৱাবা কয়া মমাংদা মায়োক্নখিবা অসিদা সরকারনা নবেম্বর ১০ ২০২০দগী দিসেম্বর ৩১, ২০২০ ফাওবা লাইফ সর্তিফিকেৎ পীশিল্লকপগী মতম অসি শাংদোকখ্রে হায়না এম.ও.এস.না ফোঙদোকখি। দি.ও.পি.পি.দবল্যু.না শিনবা “পাৱর ওফ থোৎস এন্দ মেদিতেসন ইন কোবিদ-১৯ পেন্দেমিক”কী ৱারী ৱাতাই শাবগী সেসন্দা ব্রহমা কুমারি সিস্তর শীবানিগা ৱারী শাবদা ঙরাং দা. জিতেন্দ্র সিংহনা হায়খি মদুদি কোবিদ-১৯গী লাইচৎ অসি লাকপা অসিদা পেন্সনরশিংনা খ্বাইদগী খুদোংথিবা য়াবা কাংলুপ ওইরিবা সিনিয়র সিতিজেনশিং অসিনা মেদিকেল কিয়রগী মথক্তা মতেং অমসুং মখোয়গী ৱাকৎ তাবীবা মথৌ তারি অমসুং অসিগুম্বা প্রোগ্রামশিং অসিনা মখোয়গী ৱাখল ৱাবগী চাং অসি হন্থহনবদা মতেং পাংদুনা মখোয়গী হকচাংগী অনাবা লাকপদগী ঙাকথোক্লি।

অকুপ্পা ৱারোলগীদমক:

ভারতকী রেলৱেনা রেলতেলদা মসিগী হকশেলগী খুদোংচাবশিংদা এচ.এম.আই.এস.কী থবক হৌনবগীদমক শিন্নখ্রে

ভারতকী রেলৱেনা হোস্পিতাল মেনেজমেন্ততা সিঙ্গল আর্কিতেকচরদা পুরক্নবগী পান্দমদা অমসুং থবক পাংথোকপদা লাইহন্নবগীদমক্তা হোস্পিতাল মেনেজেন্ত ইনফোর্মেসন সিস্তেম (“ঐচ.এম.আই.এস.”) থবক হৌনবা রেলতেল কোর্পোরেসন ওফ ইন্দিয়া লিমিতেদ (“রেলতেল”)দাতা শিন্নখ্রে, সিস্তেম অসিনা হোস্পিতাল এদমিনিস্ত্রেসন অমসুং অনাবশিংগী হেল্থকেয়র ফগৎহন্নবা ভারত অপুনবদা হেল্থ ফেসিলিতী ১২৫ অমসুং পোলীক্লিনিক্স ৬৫০গীদমক্তা ইন্তিগিরেতেদ ইনফোর্মেসন সিস্তেম অমা ফংহনগনি। দিপার্তমেন্তশিং অমসুং লেবোরেতরীশিংগী মতুং ইন্না ক্লিনিকেল দেতা কস্তমাইজ তৌবা, মল্তি হোস্পিতাল কন্সল্তেসন, মেদিকেল অমসুং অতৈ খুৎলাইশিংগা লোইননা সীমলেস ইনতর্ফেসনচিংবা সোফৱেয়রগী মগুনশিং য়াওরি অমসুং অনাবশিংদা মখোয়গী মোবাইল দিভাইসতা মপুং ফানা অরোনবা থমদুনা, মখোয়গী মেদিকেল রিকোর্দ পুম্নমক এক্সেস তৌবগী কান্নবা লৈগনি। রেলতেল অমসুং রেলৱে মন্ত্রালয়না থবক তৌবগী মওং-মতৌগা মরী লৈননা এম.ও.য়ু. অমদা খুৎয়েক পীনৈ। ওপন সোর্স ঐচ.এম.আই.এস. সোফৱেয়র অসি ক্লাউদতা দিপ্লোয় তৌগনি।

অকুপ্পা ৱারোলগীদমক:

পি.আই.বি. ফিল্দ ওফিসশিংদগী ফংবা পাউ

•           অসাম: অসামদা হৌখিবা পুং ২৪ অসিগী মনুংদা পোজিতিব ওইবগী চাং ১.০৭% ওইখিবগা লোইননা তেস্ত ২৫৩৩৯ পাংথোকখিবা অদুগী মনুংদা কোবিদ-১৯ কেস ২৭১ থেংনখি।

•           মহারাস্ত্র: মহারাস্ত্রদা লৈবাকপোকপা নুমিত্তা কোবিদ-১৯গী অনৌবা কেস ৩,৭৯১ থেংনখি, মসিনা অপুনবা মশিং অদু লাখ ১৭.২৭ য়ৌহনখি। ফগৎলকপগি মশিং য়াম্বগা লোইননা রাজ্য অসিদা লৈরিবা এক্তিব কেসশিংগী মশিং অদু লাখ ১গী মখাদা হন্থরক্তুনা ৯২,৪৬১দা লৈখ্রে। মুম্বাইদা অনৌবা কেস ৫৩৫ খক্তমক থেংনখি অমসুং সিতী অসিদা লৈরিবা এক্তিব কেসশিংগী মশিং অদু হৌজিক্তি ১৬,৩৭৪দা লৈখ্রে।

•           গুজরাত: গুজরাত্তা, রাজ্য সরকারনা নবেম্বর ২৩দগী স্কুলশিং অমসুং কোলেজশিং অমুক হন্না হাংদোকহন্নবা ৱারেপ লৌখ্রে। গান্ধিনাগরদা ঙসি মুখ্য মন্ত্রী, ৱিজয় রুপাত্রিনা সভাপতি ওইদুনা পাংথোকখিবা রাজ্যগী কেবিনেতকী মীফম অমদা মসিগী ৱারেপ অসি লৌখিবনি। ক্লাস ৯দগীনা ১২ ফাওবা অমসুং মেদিকেল, পেরামেদিকেল, ইঞ্জিনীয়রিং অমসুং অতোপ্পা ফাইনেল য়িয়রগী মহৈরোইশিংগী কোলেজশিং অদু অহানবা তাঙ্কক্তা অমুক হন্না হাংদোকপা য়ারগনি।

•           রাজস্থান: হেল্থ দিপার্তমেন্ত বুলেতিনগী মতুং ইন্না রাজস্থানদা লৈবাকপোকপা নুমিত্তা কোবিদ-১৯গী অনৌবা কেস ১,৯০২ লৈখি, অদুগা ১০ অমুক লৈখিদবনা মরম ওইরগা রাজ্য অসিগী শিখিবগী মশিং অদু ২,০০৮ য়ৌহনখ্রে। রাজ্য অসিদা লৈরিবা এক্তিব কেসশিংগী মশিং অসি ১৬,৭২৫নি।

•           মধ্য প্রদেশ: মধ্য প্রদেশতা লৈবাকপোকপা নুমিত্তা কোবিদ-১৯গী অনৌবা কেস ৯০০ থেংনখি, মশিনা অপুনবা মশিং অদু ১,৭৯,০৬৮ য়ৌহনখ্রে, অদুগা নিপান শিখিবা অদুনা শিখিবগী মশিং অদু ৩,০৪২দা য়ৌহনখ্রে। অনৌবা কেসশিং অদুগী মনুংদা ভোপালদগী ২০৮ ওইখি, ইন্দোরদগী ১১৭, গ্বালিয়রদগী ৭৭ অমসুং জবলপুরদগী ৭৭ ওইখি। ভোপালদা হৌজিক এক্তিব কেস ১,৭৬১ লৈরি অদুগা ইন্দোরদনা ১,৭০৭ ওইখি। জবলপুর অমসুং গ্বালিয়রদা মথংশিৎনা এক্তিব কেস ৫১৫ অমসুং ৫৪৩ লৈখি। 

•           ছত্তিসগর: ছত্তিসগরগী কোবিদ-১৯গী মশিং অসি ইনফেক্সনগীদমক্তা মীওই ১,৬৭৯ পোজিতিব ওইবা থেংনরবা মতুংদা লৈবাকপোকপা নুমিত্তা ২,০৪,২০২ য়ৌখ্রে, অদুগা ফগৎখিবা মীওইশিংগী মশিংনা ১,৮০,৯৯৫ য়ৌখ্রে। ১৮ অমুক শিখিবগা লোইননা, শিখিবশিংগী মশিং অদু ২,৪৮২দা হেনগৎলকখ্রে।

•           কেরলা: কেরলা কেবিনেতনা ঙসি হন্দক্কী লোকল বোদী পোলশিংদা ক্বারন্তিনদা লৈখিবশিং অমসুং কোবিদ-১৯ লৌনরবাশিংনা মখোয়গী ফ্রঞ্চাইজশিং অদু চৎনহন্নবগীদমক্তা কেরলা পঞ্চায়তি রাজ এক্ত অমসুং মুনিসিপালিতীজ এক্ত চৎনহন্নবা রাজ্যগী গোবর্নরদা অয়াবা পীখ্রে।

•           তামিল নাদু: ৱিবেকানন্দা রোক, থিরুবল্লুর স্তেচু অদু লমকোইবশিংগীদমক্তা অমুক হন্না হাংদোক্লগনি; অদুবু কেরলানা মতম খরা লেপ্লুরবা মতুংদা কোবিদ-১৯গী কেসশিং খঙহৌদনা হেনগৎলকপা অসিদা, য়ুমথংনবা রাজ্যগা থংনরিবা কন্ন্যাকুমারি জিলাগী ঙমখৈদা ইনফেক্ত তৌরবা মীওইশিং চংলকপা য়েংনবা পুং ২৪ মোনিতর তৌরগনি হায়না মুখ্য মন্ত্রী, এদাপদি কে. পলানিস্বামিনা ঙসি হায়খি।

•           কর্নাতকা: রাজ্য সরকারনা লোকদাউন অসিগী মনুংদা ফুদ সেক্যুরিতী এক্তকী মতুং ইন্না মহৈরোইশিংদা চান-থক্নবা সপ্লাই তৌখিদে হায়না কর্নাতকা হাইকোর্তকী মমাংদা য়াজখি। স্তেক হো্দর পুম্নক্কা তানরবা মতুংদা, পব্লিক দিপার্তমেন্ত কমিশনরনা দিসেম্বর ১দগী স্কুলশিং অমুক হন্না হাংনবা অয়াবা পীরদুনা রাজ্য সরকারদা রিপর্ত অমা পীশিনখ্রে।

•           অন্ধ্র প্রদেশ: কোবিদ-১৯গী লাইচৎ অসিগী মনুংদা পার্সোনেল প্রোতেক্তিব ইক্যুইপমেন্ত (পি.পি.ই.)গীদমক্তা মথৌ তাবা হেনগৎলক্লিবা অসিবু মতিক চানা ফংহন্নবা অমুক হন্না শিজিন্নবা য়াবা এন.-৯৫কা মান্নবা মাস্কশিং পুথোক্নবা অমারাজা গ্রুপকা পুন্না পুথোকমিন্নবা আই.আই.তি.-তিরুপতিনা পার্তনরশিপ তৌখ্রে। কৃষ্ণা জিলাগী কলেক্তরনা জিলা অসিদা লৈরিবা কোবিদ-১৯গী অরুবা ফিভম অসি খরা মখৈ হন্থহন্নবা মন্দল খুদিংমক্তা নুমিৎ খুদিংগী সেমপল ২০০ তেস্ত তৌনবা হেল্থ দিপার্তমেন্তকী ওফিসিয়েলশিংদা খঙহল্লকখ্রে। 

•           তেলঙ্গনা: হৌখিবা পুং ২৪দা অনৌবা কেস ১১৯৬ থেংনখি, ১৭৪৫ ফগৎখি অমসুং ০৫ শিখি; জি.ঐচ.এম.সি.দা কেস ১৯২ থেংনখি। অপুনবা কেসশিং: ২,৫৩,৬৫১; এক্তিব কেসশিং: ১৮,০২৭; শিখিবশিং: ১৩৯০; দিসচার্জ তৌখিবশিং: ২,৩৪,২৩৪ ওইখি।

ফেক্ত চেক

*****