অনম্বা মতমদা লৈবাক অনিগী মরক্তা অমসুং মরু ওইনা লান্মী অনিগী মরক্তা নাকল অনিগী ওইবা মরী অসিবু হেন্না মপাঙ্গল কলহন্নবা হোৎনবগী মতুং ইন্না, ভারতকী লান্মীনা বঙ্গলাদেশকী লান্মীদা খুদোল ওইনা নীংথিজনা ত্রেন তৌরবা মিলিতরী শগোল ২০ অমসুং মাইন খঙদোক্নবা হুই ১০ পীখ্রে। শগোল অমসুং হুইশিং অসি ভারতকী লান্মীগী রিমাউন্ত অমসুং ভেতিরিনরী কোর্প্সনা ত্রেনিং পীবনি। ভারতকী লান্মীনা অসিগুম্বা অখন্নবা হুই অমসুং শগোলশিং অসি ত্রেনিং পীনবা অমসুং শেন্ননবগীদমক বঙ্গলাদেশকী জৱানশিংবুসু ত্রেনিং পীখি।

ভারতকী লান্মীগী মীহুৎশিং অদু ব্রহমাস্ত্র কোর্প্সকী চীফ ওফ স্তাফ মেজর জেনরেল নরেন্দ্র সিংহ খরৌদনা লুচিংখি, অদুগা বঙ্গলাদেশ লান্মীগী মীহুৎশিংনা মেজর জেনরেল মোহম্মদ হুমায়ুং কবীরনা লুচিংখি, মহাক জেসোরদা লৈবা দিবিজনগী কমান্দ পায়রি। খুৎশিন্নবগী থৌরম অসি ভারত-বঙ্গলাদেশ ঙমখৈদা পোত্রাপোল-বেনাপোল ইন্তিগ্রেতেদ চেক পোস্ত (আই.সি.পি.)তা পাংথোকখি। ধাকাদা ভারতকী হাই কমিসনগী ব্রিগেদিয়র জে.এস. চীমাসু থৌরম অদুদা শরুক য়াখি।

বঙ্গলাদেশ পিপল্স রিপব্লিক্কা লোইননা ভারতকী শরুক য়ামিন্নবা অসি লম অসোমদা অফবা য়ুমলোন্নবগী মরী ওইনা ফিদমনীংঙাই ওইবা মওংদা ওইরক্লি। ৱাখল্লোন অসিগা লোইননা লৈবাক অনিগী মরক্তা লৈনরিবা মরী অসি হেন্না চেৎশিল্লকপগী থাজবা থম্লি।

ব্রহমাস্ত্র কোর্প্সকী চীফ ওফ স্তাফ মেজর জেনরেল নরেন্দ্র সিংহনা হায়খি, “ভারতকী লান্মীদা মিলিতরী হুইশিংগী থৌদাং অসি শিংথানীংঙাইনি। ঐখোয়না ঙাক-শেলগুম্বা হিরমদা বঙ্গলাদেশকুম্বা লৈবাক্কী মতেং পাংনবগীদমক মতম পুম্বদা শেম-শাদুনা লৈরি। ঙাক-শেলগী মতাংদদি, হুইশিংনা ঐখোয়গী পাঙ্গল হাপ্তুনা লাক্লি। খুৎশিন্নরিবা হুইশিং অসি মাইন খঙদোকপা অমসুং আইন্না য়াদবা পোৎ থিবদা য়াম্না মতেং ওইনৈ।”

***