হকশেল অমসুং য়াইফ-য়ুম্বাল মন্ত্রালয়
ভারতনা লেপ্তনা নুমিৎ ৩৭নি শুবা ফাওবদা নাবা ফগৎলকপা অসিনা অনৌবা কেসশিংদগী মশিং হেনবগী রিপোর্ত তৌরকখ্রে
পোজিতিব ওইবগী চাং অমসুং নুংতিগী শীবশিং অসি লেপ্পা লৈতনা চাউনা হন্থরকখ্রে
Posted On:
09 NOV 2020 11:00AM by PIB Imphal
নিনিশুবা নুমিৎকী ওইনা হৌখিবা পুং ২৪ অসিদা রিপোর্ত তৌরকখিবা অনৌবা কেসশিং অসি ৫০,০০০ হেনখিদ্রে। হৌখিবা পুং ২৪দা মীওই ৪৫,৯০৩ কোবিদ-১৯ পোজিতিব ওইখি। কোবিদকা চুনবা চৎন-লোনচৎ ঙাক্না চৎনবা থৌগৎলিবা জন-অন্দোলন মাই পাকপগা লোয়ননা অনৌবা নুংতিগী থেংনবা কেসশিং অসি লেপ্তনা তাথরক্লি।
হৌখিবা পুং ২৪দা কেস ৪৮,৪০৫ ফগৎখিবগা লোয়ননা নুমিৎ ৩৭নি শুবা ওইনা নাবা ফগৎলকখিবশিংনা অনৌবা কেসশিংদগী মশিং হেনগৎলক্লি।
![http://static.pib.gov.in/WriteReadData/userfiles/image/image001YAMP.jpg](http://static.pib.gov.in/WriteReadData/userfiles/image/image001YAMP.jpg)
মসিনা ভারতকী এক্তিব কেসলোদ অসি লেপ্তনা হন্থরক্তুনা হৌজিক লাখ ৫.০৯দা লৈরে। ভারতকী অপুনবা পোজিতিব কেসকী ৫.৯৫% খক্তা ওইদুনা ভারতকী এক্তিব কেস অসি ৫,০৯,৬৭৩ ওইরি।
নাবা ফগৎলকপশিংনা অনৌবা কেসশিংদগী হেনগৎলকপগা লোয়ননা নাবা ফগৎলকপগী চাং অসিসু হেনগৎখ্রে। হৌজিক ৯২.৫৬% ওইরি। ঙসি ফাওবদা পুন্না নাবা ফগৎখিবা অসি ৭৯,১৭,৩৭৩ শুখ্রে। নাবা ফগৎলকখ্রবা কেসশিং অমসুং এক্তিব কেসশিংগী মরক্তা লৈবা খেৎনবা অসি তপ্না-তপ্না হেনগৎলক্তুনা ৭৪,০৭,৭০০ য়ৌখ্রে।
ভারতকী অনৌবা কেসশিং হন্থরকপা অসিনা অপুনবা পোজিতিবিতী রেৎ অসিসু হন্থরকখ্রে অদুবু তেস্ত তৌবদা মীৎয়েং থম্বা হায়বা অসিনা কেন্দ্র অমসুং রাজ্য/য়ু.তি. সরকারশিংগী খ্বাইদগী মরু ওইবা থৌদাং অমা ওইরি। ভারতকী অপুনবা পোজিতিবিতী রেৎ অসি ঙসি ৭.১৯%দা তাথখ্রে।
![http://static.pib.gov.in/WriteReadData/userfiles/image/image002K82M.jpg](http://static.pib.gov.in/WriteReadData/userfiles/image/image002K82M.jpg)
নৌনা নাবা ফগৎখিবা কেসশিংগী ৭৯%দি রাজ্য অমসুং য়ু.তি. ১০দগী ওইখি।
মহারাস্ত্রনা নৌনা নাবা ফগৎখিবা কেস ৮,২৩২ শুবগা লোয়ননা নোংমা খক্তদা খ্বাইদগী য়াম্না নাবা ফগৎখিবগী রিপোর্ত তৌরকখি। কেরেলাদা মীওই ৬,৮৫৩ ফগৎখ্রে অমদি ৬,০৬৯ ফগৎতুনা মহারাস্ত্রনা মতুং ইনখি।
![http://static.pib.gov.in/WriteReadData/userfiles/image/image003V1SJ.jpg](http://static.pib.gov.in/WriteReadData/userfiles/image/image003V1SJ.jpg)
অনৌবা কেসশিংগী ৭৯%দি রাজ্য অমসুং য়ু.তি. ১০দগী ওইখি।
দিল্লীনা নুংতিগী থেংনবা অনৌবা কেসশিং খ্বাইদগী য়াম্না রিপোর্ত তৌরকখি অমসুং অনৌবা কেস ৭,৭৪৫ ওইবগা লোয়ননা হৌজিক ফাওবদা মশিং খ্বাইদগী য়াম্বসু ওইরি। দিল্লীগী মতুংদা কেস ৫,৫৮৫কা লোয়ননা মহারাস্ত্র অমসুং কেস ৫,৫৮৫কা লোয়ননা কেরেলানা লৈরি।
![http://static.pib.gov.in/WriteReadData/userfiles/image/image004O4P6.jpg](http://static.pib.gov.in/WriteReadData/userfiles/image/image004O4P6.jpg)
হৌখিবা পুং ২৪দা কেস ৪৯০ শীখিবগী রিপোর্ত তৌরকখি। হৌখিবা পুং ২৪দা শীখিবা অসি ৫০০দগী তানা রিপোর্ত তৌরকপগা লোয়ননা শীখিবশিং অসি মখা তানা হন্থরক্লি।
![http://static.pib.gov.in/WriteReadData/userfiles/image/image005VQOA.jpg](http://static.pib.gov.in/WriteReadData/userfiles/image/image005VQOA.jpg)
নৌনা শীখিবা ৪৯০ অসিগী মনুংদা ৮১%রোমদি রাজ্য/য়.তি. তরাদগী ওইখি। হৌখিবা পুং ২৪দা শীখিবগী রিপোর্ত তৌরকখিবগী শরুক মরী থোকপগী অমগী মথক্তি (২৫.৫২%)দি শীখিবা ১২৫কা লোয়ননা মহারাস্ত্রদগী ওইখি। শীখিবা ৭৭ অমসুং ৫৯গা লোয়ননা মথং শিৎনা দিল্লী অমসুং ৱেস্ত বেঙ্গলনা মতুং ইনখি।
![http://static.pib.gov.in/WriteReadData/userfiles/image/image0060MVD.jpg](http://static.pib.gov.in/WriteReadData/userfiles/image/image0060MVD.jpg)
****
(Release ID: 1671372)
Visitor Counter : 189
Read this release in:
Odia
,
Tamil
,
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Telugu
,
Malayalam