ই.এস.আই. কোর্পোরেসন্না ২০.০৮.২০২০দা পাংথোকখিবা মীফমদা, ‘অতল বীমিত ব্যক্তি কল্যান য়োজনা’গী মতম অসি ০১.০৮.২০২০দগী ৩০.০৬.২০২১দা শাংদোকখ্রে। স্কীম অসিগী হৌজিক্কী ওইনা নোংমদা তানবা শেলগী চাংচৎ(অর্নিং) অসি চাদা ২৫দগী চাদা ৫০দা হেনগৎহন্নবা অমদি কোবিদ-১৯গী লায়চৎ মতম অসিদা থবক শুফম লৈত্রবা ৱার্করশিংগীদমক্তা কোমথোকপিবা ওইনা ২৪.০৩.২০২০দগী ৩১.১২.২০২০গী ওইনা মতিক চাবগী থাকশিং অসি কোমথোক্নবগী ৱারেপসু লৌখি। 

কন্দিসনশিং কোমথোকখিবা অসিগী মখাদা স্কীম অসিগী বেনিফিসিয়রীশিংনা পীরকপা পাউখুমশিং অসি নৈনবা মতমদা এফিদেবিৎ ফোর্ম অসি ক্লেম তৌনবগী কন্দিসনশিং অসিনা ক্লেম তৌরিবশিংদা খুদোংচাদবা লৈহল্লে হায়বা অসি খংবা ঙমখি। ক্লেম তৌরিবশিংনা থেংনরিবা অরুবশিং অসি খন্নরদুনা ক্লেম তৌরিবশিংনা অতল বীমিত ব্যক্তি কল্যান য়োজনাগী মখাদা ক্লেম অদু ওনলাইন্দা পীশিনখ্রবা অমদি মথৌ তাবা দোকুমেন্তশিং অমসুং আধার অমদি বেঙ্ককী ওইবা ৱারোলশিংগী কোপীশিং অদুগী স্কেন তৌরবা কোপীশিং অপলোদ তৌরবশিংনা ক্লেম অদু হকথেংননা তৌবগী মথৌ তাররোই হায়বগী ৱারেপ লৌখ্রে। করিগুম্বা ক্লেম তৌবা মতমদা দোকুমেন্তশিং অদু ওনলাইন্দা অপলোদ তৌদবা তারগদি ক্লেম তৌরিবা মীওই অদুনা অচংবা দোকুমেন্তশিংগা লোয়ননা খুৎয়েক পীরবা ক্লেম অদুগী প্রিন্ত-আওত অদু পীশিনগদবনি। এফিদেবিৎ ফোর্মদা ক্লেম পীশিন্নবগী কন্দিসন অদু লৌথোকখ্রে।

ভারত্তা ই.এস.আই. স্কীম

এম্প্লোয়ীজ স্তেত ইন্সুরেন্স কোর্পোরেসন অসি এম্প্লোয়ী অমনা অশোক-অপন, অনাবা অমদি শিবনচিংবদা য়াওরকপা মতমদা মরম চাবা মেদিকেল কেয়র অমসুং শেলগী কান্নবশিংগী রেঞ্জ অমা  ফংহল্লিবা অথোইবা সোসিএল সেক্যুরিতী ওর্গানাইজেসনগী লময়ানবা অমনি। মসিগী স্কীম অসিনা এম্প্লোয়ী করোর ৩.৪১রোমগী ইমুং-মনুংগী য়ুনিৎশিং কোনশিল্লি অমদি মহাক্কী বেনিফিসিয়রী করোর ১৩.৫৬তা মপা লৈত্রবা শেলগী কান্নবশিং অমসুং মরম চাবা মেদিকেল কেয়র ফংহল্লি।  ঙসি মসিগী ইনফ্রাস্ত্রকচর অসিদা দিসপেন্সরী ১৫২০(মোবাইল দিসপেন্সরী য়াওনা)/আই.এস.এম. য়ুনিৎ ৩০৭ অমসুং ই.এস.আই. হোসপিতাল ১৫৯, ব্রাঞ্চ/পে ওফিস ৭৯৩ অমসুং রিজনেল অমসুং সব-রিসনেল ওফিশ ৬৪ হাপকৎখ্রে। ঙসি ই.এস.আই. স্কীম অসিনা লৈবাক অসিগী রাজ্য অমসুং য়ুনিয়ন তেরিতোরী ৩৪গী জিলা ৫৬৬দা থবক ওইনা পাংথোক্লি।

*****