ভারত সরকারনা ০৭.১১.২০১৫দা ওর্দর থোক্তুনা ০১.০৭.২০১৮দগী নিংথিনা কান্নবা ফংহনখিদুনা ৱান রেঙ্ক ৱান পেন্সনগী স্কীম অসি চৎনহন্নবগী পুৱারী ওইবা ৱারেপ লৌখি। স্কীম অসিগী মরম্না শেল-থুমগী ওইবা পোৎলুম কয়া অমা লৈহল্লবসু এক্স-সর্ভিশমেনশিংগী য়াইফনবগী অচেৎপা ৱাশক অসিবু তাক্লদুনা সরকারনা স্কীম অসি চৎনহনখি। স্কীম অসিদা ৩০.০৬.২০১৪ফাওবদা থবক্তগী পোত্থাখ্রবা আর্ম ফোর্সেস পর্সোনেলশিং মনুং চল্লি।  দিফেন্স পেন্সনগী পাকথোক-শন্দোকপা মওং অমদি অরুবা অসিগী য়েঙলগা ও.আর.ও.পি. অসি চৎনহবদা সরকারগী ওর্দর থোক্ত্রিঙৈগী মমাংদা অখং-অহৈশিংগা অমদি এক্স-সর্ভিশমেনশিংগা য়াম্না নিংথিনা খন্ন-নৈনখি।

এক্স-স্ভিশমেনশিংনা চাউরাক্না চহি ৮৫দগী ও.আর.ও.পি. অসি চৎনহন্নবা খোংজং চংশিল্লকখি অদুবু ২০১৫গী মমাংদা মসি কৈদৌনুংদা চৎনহল্লমখিদে।

ও.আর.ও.পি. হায়বদি থবক্তগী পোত্থাবা নুমিৎ অদুদগী নত্তবদা মান্নবা থবক অদুগী মান্নবা রেঙ্কতা থবক্তগী পোত্থারবা আর্ম ফোর্সেস পন্সোনেলদা মান্নবা পেন্সন ফংহনগনি হায়বনি। মতৌ অসিগুম্না ও.আর.ও.পি. হায়বদি তাঙ্কক নাইনা হৌজিক-হৌজিক অমদি হৌখিবা মতমদা থবক্তগী পোত্থাখ্রবশিংগী পেন্সনগী রেত অদুগী মরক্তা লৈনরিবা অরাপ্পা অদু মেনশিনবনি।  

ও.আর.ও.পি. অসি চৎনহনখিবগা লোয়ন-লোয়ননা এরিয়র ওইনা দিফেন্স ফোর্সেস পেন্সনর/ফেমিলী পেন্সনর ২০,৬০,২২০দা লুপা করোর ১০,৭৯৫.৪গী এরিয়র য়েন্থোকখি। ও.আর.ও.পি. অসিগী ওইনা চহি খুদিংগী চাউরাক্না লুপা করোর ৭১২৩.৩৮ চাদিং তৌখি অমদি ০১.০৭.২০১৪দগী চাউরাক্না চহি তরুকফাওবা পুন্না লুপা করোর ৪২,৭৪০.২৮ চাদিং তৌখি।

ও.আর.ও.পি.গী বেনিফিসিয়রীশিংদা ২.৫৭গী মল্তীপ্লিকেসন ফেক্তরদগী পেন্সনগী মশিং অসি হোৎপা মতমদা ৭শুবা সি.পি.সি.গী মখাদা পেন্সন অসি ফিক্স তৌবগী কান্নবসু ফংখি।

 ও.আর.ও.পি.গী এরিয়রশিং ওইনা ১১.১০.২০১৯ ফাওবদা থাদোকখিবা শেনফমগী রাজ্য-রাজ্যগী ওইবা মশিং অসি মখাদা পীরি।

• মথক্তা পল্লিবা লৈবাক শিন-থুংবগী পেমেন্তকী ৱারোল অসিদা নেপালী পেন্সনরশিংগী ওইবা ৱারোল য়াওদে।