প্রধান মন্ত্রী শ্রী নরেন্দ্র মোদীনা নবেম্বর ৮, ২০২০দা অয়ুক্কী পুং ১১ তাবা মতমদা ভিদিও কনফরেন্সিংগী থোংদা গুজরাতকী হজীরাদা রো-পোক্স তর্মিনেল হৌদোক্কনি অমসুং হজীরা অমসুং ঘোঘাগী মরক্তা রো-পোক্স সর্বিস লমথাগনি। মসি ঈশিংগী লম্বী শিজিন্নবা অমসুং মখোয়বু লৈবাক অসিগী শেনমিৎলোনগী চাউখৎ-থৌরাংগা লোইননা পুনশিন্নবগী প্রধান মন্ত্রীগী মিৎয়েংগী অচৌবা খোংথাং অমনি। প্রধান মন্ত্রীনা থৌরম অসিদা সর্বিস অসিবু শিজিন্নগদৌরিবা মফম অদুগী মীয়ামগসু ৱারী শানগনি। থৌরম অসিদা কেন্দ্রগী শিপিং মন্ত্রী অমসুং গুজরাতকী মুখ্যমন্ত্রীসু শরুক য়াগনি।

হজীরাদা হৌদোক্কদৌরিবা রো-পোক্স তর্মিনেল অসি মীতর ১০০ শাংই অমসুং মীতর ৪০ পাকই, মসিদা চাউরাক্না লুপা করো ২৫রোম চংগনি। তর্মিনেল অসিদা এদমিনিস্ত্রেতিব ওফিস বিল্দিং, পার্কিং এরিয়া, সবস্তেসন অমসুং ৱাতর তাৱরনচিংবা খুদোংচাবা কয়া য়াওরি।

রো-পেক্স ফেরী ভেসেল ‘ভোয়েজ সিম্ফোনী’ অসি জি.তি. ১২০০০দগীনা ১৫০০০ ফাওবা মহুৎ শিন্দোকখিবগা লোইননা দি.দবল্যু.তি. এম.তি. ২৫০০-২৭০০ য়াওবা মথোল অহুম লোংবা ভেসেলনি। মসিগী মরু ওইবা দেক্কী পোৎলুম পুবা ঙম্বগী চাং অসি ত্রক ৩০ (অমমম্না এম.তি. ৫০গী), মথক থংবা দেক্কীনা পেসেঞ্জর কার ১০০ অমসুং পেসেঞ্জর দেক্তনা পেসেঞ্জর ৫০০ লোইননা ক্রু অমসুং হোস্পিতালিতী স্তাফ ৩৪নি।  

হজীরা-ঘোঘা রো-পেক্স ফেরী সর্বিসকী কান্নবা কয়া লৈগনি। মসিনা খা গুজরাত অমসুং সৌরাস্ত্রগী লমদমগী থোঙ্গাল ওইনা থবক তৌগনি। মসিনা ঘোঘা অমসুং হজীরাগী মরক্তা লাপ্নবা কি.মি. ৩৭০দগী হন্থহন্দুনা কি.মি. ৯০ ওইরগনি। মসিনা কার্গো ত্রাবেলগী মতম ফুং ১০-১২দগী হন্থহন্দুনা পুং ৪ ওইহনবনা মরম ওইদুনা থাও (চাউরাক্না নোংমদা লীতর ৯,০০০) চাউনা কনবা ঙম্লগনি অমসুং ভেহিকল শেমদোক-শেমজিন তৌবদা চংবা নীংথিজনা হন্থরগনি। ফেরী সর্বিস অসি হজীরা-ঘোঘাগী লম্বেলদা নুংতিগী রাউন্দ ত্রিপ ৩ চৎতুনা চহিগী চাউরাক্না পেসেঞ্জর লাখ ৫, পেসেঞ্জর কার ৮০,০০০, মখোং অনি পানবা গারী ৫০,০০০ অমসুং ত্রক ৩০,০০০ পুগনি। মসিদগী ত্রক থৌবশিংগী অৱাবা হন্থহল্লগনি অমসুং অহেনবা ত্রিপকী মতম হেন্না ফংবদগী মখোয়গী চাগাসু হেনগৎলগনি।

মসিদগী সি.ও. ২ থাদোকপা নুংতিগী চাউরাক্না এম.তি. ২৪ ফাওবা হন্থহল্লগনি অমসুং চহিগী চাউরাক্না এম.তি. ৮৬৫৩গী অপুনবা সেবিং তৌরগনি। মসিদগী সৌরাস্ত্রগী লমদমদা য়ৌশিনবা লাইহনবগা লোইননা তুরিজম ইন্দস্ত্রীদা খোংজেল য়াংশিল্লগনি অমসুং থবক পীবগী অনৌবা খুদোং চাবা ফংলগনি। ফেরী সর্বিসশিং হৌদোকপগা লোইননা, সৌরাস্ত্র অমসুং কচ্ছগী লমদমদা হিথাংফম, ফর্নিচর অমসুং ফর্তিলাইজর ইন্দস্ত্রীশিংদা ইনোৎ হাপ্লগনি। গুজরাত, মরু ওইনা পোর্বন্দর, সোমনাথ, দ্বারকা অমসুং পলিতানাদা ইকো-তুরিজম অমসুং রিলিজিয়স-তুরিজম চাউখৎলগনি। ফেরী সর্বিস অসিগী থোংদগী কনেক্তিবিতী ফগৎলকপদগী গিরগী মমিং চৎলবা এশিয়াগী নোংশাগী ৱাইল্দ লাইফ সেঙ্কচুরীদা লাকপা তুরিস্তকী মশিংসু হেনগৎলগনি।

***