ভারত সরকারগী ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয় (এম.ই/আই.তি.ৱাই.)গী লমজিক লমতাক মখাদা আই.ই.ই.ই., নেস্নেল ইনফোর্মেতিক্স সেন্তর (এন.আই.সি.) অমসুং ওরেকলনা শিনখিবা পুং ৩৬কী গোব-তেক-থোন ২০২০ অসি নবেম্বর ১, ২০২০দা মাই পাক্না লোইশিনখ্রে। ভর্চ্যুএল হেকাথোন অসিদা তিম ৩৯০ শেমদুনা থৱায় য়াওবা মীওই ১৩০০গী মথক্না রেজিস্তর তৌরকখি। হেকাথোন অসিগী ৱেবপেজতা চয়োল ২দা বিজিতর ১৫,০০০গী মথক্না চংবা থেংনখি।

কেন্দ্র সরকারগী মন্ত্রালয় ৩ – লৌউ-শিংউ অমসুং লৌমীশিংগী য়াইফ থৌরাং মন্ত্রালয়, রোদ ত্রান্সপোর্ত অমসুং হাইৱেজকী মন্ত্রালয় অমসুং এজুকেসন মন্ত্রালয়না পীবা প্রোব্লেম স্তেৎমেন্ত মঙাদা তিম ১০০দগী খনগৎলবা থৱায় য়াওবা মীওই ৪৪৭না শরুক য়াখি।

প্রপোজেলশিং অসি ইন্দস্ত্রী, একাদেমিয়া অমসুং সরকারগী জুরর ২৭কী পেনেল অমনা কুপ্না য়েংশিনখি।

গোব-তেক-থোন ২০২০দগী ইন্নোবেতিব সোলুসনশিং পুথোকপা পাম্লিবা হিরম মঙা অদুদি

১. পোত্থোক পুথোকপা হেনগৎহন্নবা মফম অদুগী লমিৎ-তুমিৎকী ফীভম অমসুং খুদোংচাদবশিং অদু য়েংলগা আর্তিফিসিএল ইন্তেলিজেন্স তেক্নোলোজী শীজিন্নদুনা তোঙান তোঙানবা পন্থাশিংগী মনুংদা লৌমীশিংগীদমক্তা অতোপ্পা মহৈ-মরোংশিং নত্রগা ক্রোপ রোতেসনগী মতাংদা পাউতাক পীবা।

২. সীদ সপ্লাই চেন অসি তোঙান তোঙানবা স্তেকহোল্দরশিং য়াওবা কম্প্লেক্স ইকোসিস্তেম অমনি। মপুং ফানা মরুশিং খঙদোক্তুনা ক্বালিতী ফত্তবা মরুগী সমস্যাশিং কোকহগদবা ব্লোক চেন তেক্নোলোজী শীজিন্নবা।

৩. অমুক্তংদা স্কেন তৌনবা, রিসাইজ তৌনবা অমসুং চে-চাংশিং অপলোদ তৌনবা (মথৌ তাবগী মতুং ইন্না) মোবাইল/ৱেব বেজ এপ্লিকেসন অমা।

৪. রিমোৎ-সুপর্বিজন সোফৱেয়র অমসুং ৱেব কেমগী অপুনবা অমগী খুত্থাংদা য়ুমশিং/ইন্সতিত্যুসনশিংদগী ওনলাইন একজামশিং মোনিতর তৌনবা তুল অমা। সিস্তেম অসিনা এ.আই./এম.এল. অসিনচিংবা চুনবা তেক্নোলোজী শীজিন্নদুনা তঙাই ফদবা ওথেন্তিকেসন, কন্ত্রোল, ফ্রোদ, দিতেক্সন অমসুং কম্প্লাইন্স ফংহনগদবনি।

৫. ওতোমেতিং বেহিকল তেস্ত প্রোসিজরশিং অরোৎপা লৈতনা পাঙথোক্নবা সেল্ফ-লর্নিং তুল অমা।

ওতোমেতিং বেহিকল ফিৎনেস য়েংশিন্নবগীদমক ইন্নোবেতিব সোলুসন প্রোতোতাইপ অমা উৎপগীদমক্তা রোবর্ত বোশ ইঞ্জিনিয়রিং অমসুং বিজিনেস সোলুসন্স প্রাইবেৎ লিমিতেদগী ফিৎ ফোর ফ্যুচর  তিমনা মকোক ওইখি, অরাপ্পা মফমদা সুপর্ভাইজ তৌদবা তেস্তশিং পাঙথোক্নবা সেক্যুর সোলুসনশিং ফংহনবগীদমক বদোদরাগী ইন্দিয়ন ইন্সতিত্যুত ওফ ইনফোর্মেসন তেক্নোলোজীগী হেক দেমোন্সনা অনিশুবা মনা ফংখি অমসুং ব্লোক চেন তেক্নোলোজী শীজিন্নদুনা সীদ সর্তিফিকেসনগীদমক তোপ-তোপ্পা সোলুসন অমা পুথোকপগীদমক বেঙ্গলুরুগী পি.ই.এস. য়ুনিবর্সিতীগী ওরেঞ্জ তিমনা অহুমশুবা মনা ফংখি।

নবেম্বর ১, ২০২০দা পাঙথোকখিবা বেলিদিক্তরী থৌরমদা লৌউ-শিংউ, এজুকেসন অমসুং ত্রান্সপোর্ত মন্ত্রালয়শিংগী মহুৎ শিল্লিবা মকোক থোংবা ওফিসিএলশিং লোয়ননা জুরী মেম্বরশিং অমসুং মেন্তরশিং য়াওনা এন.আই.সি., আই.ই.ই.ই. কম্প্যুতর সোসাইতী বোর্দকী মেম্বর প্রোফেসর রামালথা মরিমুথু, ওরেকলনা শরুক য়াখি।

এন.আই.সি.গী দিরেক্তর জেনরেল দা. নীতা বর্মানা গোব-তেক-থোম ২০২০গী বেলিদিক্তরীগী থৌরমদা ৱা ঙাংলদুনা মহাক্না হায়খি মসিগী ভর্চ্যুএল হেকাথোন অসিনা সোসিএল সেক্তর অমসুং নৌনা থোরক্লিবা তেক্নোলোজীশিংগী তোপ-তোপ্পা অপুনবা অমা উৎখি। মহাক্না হায়খি হেকাথোন অসিনা সোসিএল ইনক্লুজন, মীয়াম এম্পাৱর্মেন্ত তৌনবা অমসুং লৈবাক অসি পুন্না চাউখৎহন্নবা নৌনা থোরক্লিবা তেক্নোলোজীশিং শীজিন্নবা য়াহল্লি।

কম্প্যুতর সোসাইতীগী একজিক্যুতিব দিরেক্তর মেলিসা রুসেলনা, হায়খি “থৌরম অসিগীদমক ঐখোয়না এন.আই.সি. অমসুং ওরেকলগা খুৎশম্নদুনা চৎমিন্নবা ফংবা অসিদা ঐখোয়না নুংঙাইবা পোকই। ভারত্তা আই.ই.ই.ই. কম্প্যুতর সোআইতীগী মরা চেৎপা মেম্বরশিপ বেজ লৈজৈ অমসুং গোব-তেক-থোনগুম্বা খুদোংচাবশিং অসিনা প্রোফেস্নেলশিংনা থবক তৌমিন্ননবা, নেৎৱার্ক শেম্নবা অমসুং খুদোংচাদবা সমস্যাশিং কোকহনবদা মতেং পাংনবা মখোয়গী স্কিলশিং শীজিন্নবা অফবা লম্বীশিং ফংহল্লি।”

ওরেকল ইন্দিয়াগী রিজনেল মেনেজিং দিরেক্তর শাইলেন্দর কুমারনা, হায়খি “মসি সীদ ইন্নোবেসনগী ৱাখল্লোনশিং উবা ফংনবা অচৌবা চুংশিন্নবা অমনি অমসুং অচৌবা ফমপাক অমনি। পীশিল্লক্লিবা প্তোতোতাইপ সোলুসনশিং অসি উবদা য়াম্না অঙকপা পোকখি অমসুং মসিনা অফবা তুংলমচৎ অমদা মতেং পাংগদবা ঐখোয়গী নহাশিং উবা ফংবা অসিদা য়াম্না চাউথোকচবা পোকই। মকোক ওইখ্রবশিংবু য়াইফ মঙ্গোল পীজরি। ওরেকলনা ইন্নোবেসন অমসুং অনৌবা ৱাখল্লোনশিং পুথোকপদা মতেং পাংখিগনি। ”

নেস্নেল ইনফোর্মেতিক্স সেন্তর (এন.আই.সি.)গী মতাংদা

নেস্নেল ইনফোর্মেতিক্স সেন্তর (এন.আই.সি.) অসি মিনিস্ত্রী ওফ ইলেক্ত্রোনিক্স এন্দ ইনফোর্মেসন তেক্নোলোজী (এম.ই.আই.তি.ৱাই.)দা এতেচ তৌবা ওফিস অমনি। এন.আই.সি. অসি ১৯৭৬তা লিংখৎখি অমসুং হৌখিবা চহি ৪০ রোম অসিদা সরকারদা আই.সি.তি. পীবা অমসুং ইগভর্নেন্সকী মতেং পীবদা অমসুং দিজিতেল দিবাইদ শমজিন্নবগী মতেং পাংবদা অৱাংবা মখলগী এক্সপিরিএন্স লৈরে। মসি সস্তেনেবল দিবেলপমেন্তগী দিজিতেল প্রমোতর ওইনা হৌরকখি। এন.আই.সি.না সোসিএল অমসুং পব্লিক এদমিনিস্ত্রেসন্দা আই.সি.তি. এপ্লিকেসনশিং ইপ্লিমেন্ত তৌদুনা অমসুং সরকার (জি.২.জি.), ললোল-ইতিক (জি.২.বি.), প্রজা (জি.২.সি.) অমসুং সরকারগী কর্মাচারী খুদিংমক (জি.২.ই.)দা ইলেক্ত্রোনিক্সকী খুত্থাংদা সর্ভিসশিং পীদুনা “ইনফোর্মেতিক্স-লেদ-দিবেলপমেন্তরোমদা চংশিল্লি। এ.আই.সি.না মসিগী আই.তি.সি. নেৎৱার্ক “নিকনেত”কী খুত্থাংদা মন্ত্রালয় খুদিংমক/কেন্দ্র সরকারগী দিপার্তমেন্ত খুদিংমক, রাজ্য সরকার ৩৭/য়ুনিয়ন তেরিতোরীশিং অমসুং ভারতকী দিস্ত্রিক্ত এদমিনিস্ত্রেসন ৭২০ হেনবগা ইন্সতিত্যুস্নেলগী ওইবা মরী থম্লি।

এন.আই.সি.না খ্বাইদগী নৌবা আই.সি.তি. ইনফ্রাস্ত্রকচর অমা শেমগৎপগী মথক্তা সরকারগা লোয়ননা লৈঙাক্কী ওইবা তোঙান তোঙানবা হিরমশিংদা পুন্না চৎমিন্নরি, মসিনা প্রজাশিংদা সরকারগী সর্ভিসশিং ফংহন্নবা তোঙান-তোঙানবা থাকশিংদা সরকারবু মতেং পাংনবা মশিং য়াম্লবা দিজিতেল সোলুসশিংসু শেমগৎখ্রে।

আই.ই.ই.ই. কম্প্যুতর সোসাইতীগী মরমদা

আই.ই.ই.ই. অসি মীওইবা খুনাইগী কান্ননবগীদমক এদভান্স ওইরবা তেক্নোলিজীদা কত্থোক্লবা মালেমগী খ্বাইদগী চাউরবা তেক্নিকেল প্রোফেস্নেল ওর্গনাইজেসন অমনি। আই.ই.ই.ই. অমসুং মসিগী মেম্বরশিংনা লৈবাক ১৬০গী মথক্তা লৈবা মেম্বর ৪১৯,০০০গী খুত্থাংদা তুংগী য়াইফনবা ৱাখল্লোন পুথোক্নবা মালেমগী কম্ম্যুনিতীদা ইথিল পীরি। আই.ই.ই.ই.গী মরমদা অহেনবা ই-পাউগীদমক www.ieee.org.দা চংবীয়ু।

আই.ই.ই.ই. কম্প্যুতর সোসাইতী অসি ইনফোর্মেসন, ইন্সপিরেসন অমসুং কম্প্যুতর সাইন্স অমসুং ইঞ্জিনিয়রিং খুৎশম্ননবগী অফবা মখলগী সোর্স অমনি। মালেম পুম্বদা মেম্বরশিং শম্নহন্দুনা কম্প্যুতর সোসাইতী অসিনা কনাগুম্বা অমগী মখোয়গী প্রোফেস্নেল কেরীয়রগী তাঙ্কক খুদিংমক্তা তুলশিং পীদুনা তেক্নোলোজী খুমাং চাউশিলহল্লিবা মীওইশিংদা ইনোৎ হাপ্লি। আই.ই.ই.ই. কম্প্যুতর সোসাইতীগী মরমদা অহেনবা ই-পাউগীদমক www.computer.org.দা চংবীয়ু।

ওরেকলগী মরমদা

ওরেকল ক্লাউদনা সেলস, সর্ভিস, মার্কেতিং, হ্যুমেন রিসোর্সেস, ফাইনান্স, সপ্লাই চেন অমসুং মেন্যুফেকচরিংগা লোয়ননা ওরেকল ওতোনোমস দেতাবেজ য়াওবা য়াম্না ওতোমেতিক ওইবা অমসুং সিক্যুর জেনেরেসন ২ ইনফ্রাস্ত্রকচরগী মপুং ফারবা অপুনবা এপ্লিকেসনশিং পীরি। ওরেকল (এন.ৱাই.এস.ই:ও.আর.সি.এল.)গী মরমদা অহেনবা ই-পাউ খংনবা www.oracle.com.দা চংবীয়ু।

*****