PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
05 NOV 2020 5:49PM by PIB Imphal
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- হৌখিবা থংনবা নুমিৎ তরেৎনিদা এক্তিব কেস লাখ ৬তগী হন্থরে অমসুং হৌজিক হৌজিক এক্তিক কেসকী মশিং অসি ৫,২৭,৯৬২তা লৈরি
- রাজ্য/য়ু.তি. ২৭তা এক্তিব কেস ২০,০০০দগী হন্থরে
- লৈবাক অসিগী ফগৎলকপগী চাং হেন্না ৱাংখৎতুনা হৌজিক ৯২.২০%দা লৈরে
- হৌখিবা পুং ২৪দা কোবিদকী অনাবা ৫৫,৩৩১ ফখ্রে অমসুং মখোয় হোস্পিতালদগী চৎহনখ্রে, অদুগা অনৌবা কনফর্ম তৌরবা কেস ৫০,২১০ লাকখ্রে
- চহী অসিগী লোইশিল্লকপা শরুক্তা কোবিদ শন্দোরকপা অসি থিংননবা প্রধান মন্ত্রীগী জন অন্দোলন মাই পাক্না চৎন্নবা দা.হার্শ বর্ধননা দিল্লীদা হায়খ্রে
- কোবিদ-১৯ শন্দোরকপা অসি লাকশিন্দুনা থম্নবা চেকশিন থৌরাংশিং তৌদুনা “ম্যুজিয়মশিং, আর্ত গেলরীশিং অমসুং এক্সজিবিসনশিং অমুক হন্না হাংদোক্ননবগীদমক” এস.ও.পি.শিং ফোংখ্রে
#Unite2FightCorona
#IndiaFightsCorona
ভারত্তা কোবিদকী এক্তিব কেস মখা তানা হন্থরক্লি, রাজ্য/য়ু.তি. ১২দা এক্তিব কেস ২০,০০০দগী তাথরে, অপুনবা কেসকী ৭৮% রাজ্য ১০দগী
ভারত্তা কোবিদকী এক্তিব কেস লেপ্তনা হন্থরক্লি। হৌখিবা থংনবা নুমিৎ তরেৎনিদা এক্তিব কেস লাখ ৬তগী হন্থরে। হৌজিক হৌজিক এক্তিক কেসকী মশিং অসি ৫,২৭,৯৬২তা লৈরি। লৈবাক অসিদা হৌজিক এক্তিব কেস অসি পোজিতিব কেসকী শুপ্নগী ৬.৩১%নি। লৈবাক্কী ওইনা য়েংবদা, রাজ্য/য়ু.তি. ২৭তা এক্তিব কেস ২০,০০০দগী হন্থরে। লৈবাক অসিগী অপুনবা এক্তিব কেসতা রাজ্য/য়ু.তি. ১০দা ৭৮% ওইরি। মহারাস্ত্রা, কেরলা, দিল্লী অমসুং নোংচুপ বেঙ্গলদা পুন্না এক্তিব কেস ৫১% ওইরি। নোংম-নোংমগী অনাবশিং ফগৎলকপদগী এক্তিব কেস্তা হন্থরক্লি। পুন্না ফখিবা অনাবশিংগী মশিং ৭,৭,১১,৮০৯ শুখ্রে। হৌজিক ফাওবদা ফখ্রবা কেস অমসুং এক্তিব ওইরিবা কেসকী মরক্তা খেন্নবা হেনগৎলক্তুনা লাখ ৭২ (৭১,৮৩,৮৪৭) য়ৌখ্রে। লৈবাক অসিগী ফগৎলকপগী চাং হেন্না ৱাংখৎতুনা হৌজিক ৯২.২০%দা লৈরে। হৌখিবা পুং ২৪দা কোবিদকী অনাবা ৫৫,৩৩১ ফখ্রে অমসুং মখোয় হোস্পিতালদগী চৎহনখ্রে, অদুগা অনৌবা কনফর্ম তৌরবা কেস ৫০,২১০ লাকখ্রে। অনৌবা ফখ্রবা কেস ৮২%দি রাজ্য/য়ু.তি. ১০দগীনি। ৮,০০০দগী হেন্না ফখিদুনা নোংমদা অনাবা খ্বাইদগী য়াম্না ফখিবগী মনুংদা মহারাস্ত্রা, কেরলা অমসুং কর্নাতকা য়াওরি। মখোয়না পুন্না অনৌবা ফখিবগী কেস অসি ৪৫%দগী হেনখ্রে। হৌখিবা পুং ২৪দা অনৌবা কনফর্ম কেস ৫০,২১০ থেংনখ্রে। অনৌবা কেসকী ৭৯%দি রাজ্য/য়ু.তি. ১০দগী ওইবগী পাউ ফংই। কেরলাদা লেপ্তনা মশিং য়াম্না অনৌবা কেস ৮০০০দগী হেনবা থেংনবগী রিপোর্ত তৌখ্রে মসিগী মতুংদা দিল্লীদা কেস ৬,০০০দগী হেন্না থেংনদুনা মথংদা ইন্নরি। হৌখিবা পুং ২৪দা কেস ৭০৪ শিখিবগী রিপোর্ত তৌখ্রে। অনৌবা শিবগী চাউরাক্না ৮০%দি রাজ্য/য়ু.তি. তরাদগীনি। অনৌবা শিবগী ৪২%দি শুপ্নগী মহারাস্তা মথন্তদগীনি (শিখিবা ৩০০।)
অকুপ্পা ৱারোলগীদমক:
“২০২০ ফাওবগী মনুং অসিদা মসি লোইশিলহল্লসি”: চহী অসিগী লোইশিল্লকপা শরুক্তা কোবিদ শন্দোরকপা অসি থিংননবা প্রধান মন্ত্রীগী জন অন্দোলন মাই পাক্না চৎন্নবা দা.হার্শ বর্ধননা দিল্লীদা হায়খ্রে
হকশেল অমসুং য়াইফ য়ুম্বালগী কেন্দ্রগী মন্ত্রী দা. হার্শ বর্ধননা দিল্লীগী এল.তি. রাজ্যপাল শ্রী অনিল বাইজাল অমসুং দিল্লীগী সেনিয়র ওফিসিয়েলশিং, মেয়রশিং, মুনিসিপাল কম্মিস্নরশিং অমসুং দিস্ত্রিক মেজিসত্রেতশিং য়াওদুনা দিল্লীগী হকশেলগী মন্ত্রী এস.ঐচ. সতয়েন্দ্র কুমার জেনগা ঙসি ৱরি শানখ্রে৷ মাক্স উপ্পগী কান্নবশিং, ফিজিকেল দিস্তেন্সিং অমসুং খুৎ-শা হাম্বগী কান্নবশিং অদু লাস্ত সিতিজনশিংদা খঙহল্লিবা জন অন্দোলন অসি হৌদোকপগীদমক প্রধান মন্ত্রী শ্রী নরেন্দ্র মোদীবু থাগৎলদুনা দা. হার্শ বর্ধননা সরকার অসিনা পাইখৎলিবা চেকশিন থৌরাংশিং অসিনা লৈবাক অসিনা কোবিদ-১৯ মাই পাক্না থেংনবদা অসিদা মতেং পাংলগনি হায়না ফোংদোকখ্রে৷ হিরম অসিগী মতাংদা কোবিদতা শিজিন্ননবা রিপর্পোজিং দ্রগশিং শাবদা সাইন্তিসকী মথৌ অমসুং অসিগুম্বা দ্রগ কেন্দিদেৎশিংগী বাইও-রিপোজিতরী শেম্বগী অকুপ্পা মরোলশিং অদু মহাক্না শন্দোক্না তাকখ্রে৷ মীয়ামশিংগী মরক্তা কোবিদ এপ্রোপিয়েত বিহেবিয়রশিং অদু লৈহন্নবা অমসুং চহী অসিগী লোইশিল্লকপা শরুক্তা লাইনা-লাইচৎ অসি শন্দোকপা থিংনবা ওফিসরশিং অদুদা মহাক্না হায়খ্রে৷ দিল্লীগী অৱাং, সেন্ত্রেল, অৱাং-নোংপোক, নোংপোক, অৱাং-নোংচুপ অমসুং খা-নোংপোক্কী জিলাশিংদা পোজিতিব ওইবা কেস মশিং হেঙ্গৎলকপা অসিদা হেন্না মীৎয়েং চংনবা দা. হার্শ বর্ধননা ফোংদোকখ্রে৷ হায়রিবা হিরম অসিদা দিল্লীনা লেপ্পা লৈতনা আর.এ.তি. অমসুং আর.তি.-পি.সি.আর. রেসিয়ো চাং ৱাংনা লৈরি-তেস্ত অদুগী ৭৭%দি আর.এ.তি.দা বেস তৌই অদুগা অমরোমদা আর.তি.-পি.সি.আর. অসিদা অপুনবা তেস্তকী ২৩% খক্তমক য়াওদুনা লৈরি হায়না মন্ত্রী অসিনা ফোংদোকখ্রে৷ রিজল্তশিং নেগেতিব ওইরে হায়না লান্না থোক্লকপা অসিনা কোবিদ নারিবা মীওইশিংদা লান্না চৎহনখিবা য়াই, মরম অদুনা আর.এ.তি. নেগেতিব মীওই পুম্নমক মতুং তারকপদা আই.এল.আই./সারি সিম্তোমশিং উৎলকপা তারবদি শুংশোই শোইদনা তেস্ত তৌনবা মহাক্না খঙহনখ্রে৷
অকুপ্পা ৱারোলগীদমক:
দা.হর্শ বর্ধন্না কর্নাতকাদা কোবিদ-১৯গী শেম শারিবা অমসুং কোবিদকা চুনবা চৎন-লোনচৎ ঙাক্না চৎনবগী লৌখৎলিবা খোঙথাংশিং য়েংশিনখ্রে
হকশেল অমসুং য়াইফ-য়ুম্বাল মন্ত্রালয়গী কেন্দ্রগী মন্ত্রী দা. হর্শ বর্ধন্না কর্নাতকাগী হেল্থ অমসুং মেদিকেল এজুকেসন মন্ত্রী দা. কে. সুধাকর অমসুং রাজ্য সরকার অসিগী অতোপ্পা মকোক থোংবা ওফিসিএলশিংগা লোয়ননা কোবিদ-১৯গী শেম শারিবা অমসুং কোবিদকা চুনবা চৎন-লোচৎকী লৌখৎলিবা খোঙথাংশিং য়েংশিন্নবা ঙসি ভিদিও কনফরেন্সকী থোংদা মীফম অমা ঙরাং পাংথোকখ্রে।
ভারতনা কোরোনা লাকশিনবদা খুমাং চাউশিল্লিবা অসিদা অপেনবা পোক্লদুনা দা. হর্শ বর্ধন্না হায়খি, “অথুবদা ঐখোয়না কোরোনাগা লান্থেংনবগী খোঙচৎ অসি থা ১০ মপুং ফারগনি। লৈবাক অসিনা হৌজিক কোবিদকী পেরামিতরশিংদা চাউনা ফগৎপা উবা ফংলে। কেসশিং অমসুং শীখিবগী মশিং অসি হন্থরকপগী তাঙ্কক অমদা লৈরে। এক্তিব কেসশিং চাউনা হন্থখ্রে। ভারতকী নাবা ফগৎলকপগী চাং অসি ঙসি ৯২% হেনখ্রে। কেস ফেতেলিতী রেৎসু হন্থরক্লি অমসুং ১.৪৯%দা লৈরি। লেব ২০০০গী মথক্তা লৈবগা লোয়ননা তেস্তিং কেপাসিতীসু হেনগৎলকখ্রে”, হায়না মহাক্না ফোঙদোকখি। লৈবাক অসিদা লৈরিবা মীয়াম্না ‘জন অন্দোলন’গী শরুক ওইনা ইকাই খুম্নরবা প্রধান মন্ত্রীনা অকনবা মওংদা ফোঙদোকখিবা অপাম্বা অদু ঙাক্না চৎনবা ফোঙদোক্লদুনা কেন্দ্রগী হকশেল মন্ত্রীনা মীয়াম্না কোবিদকা চুনবা চৎন-লোনচৎশিং ঙাক্না চৎনবা ফোঙদোকখি। মহাক্না হায়খি, “লাক্কদৌরিবা কুমহৈ অমসুং ইংথম থা অসিদা ভাইরস অসিনা অচৌবা খুদোংথিবা থোকহল্লকপা য়াই। ভাইরস অসি শন্দোকপা থিংনবা কোবিদকা চুনবা চৎন-লোনচৎ ঙাক্না চৎপা য়াম্না মরু ওইরি। তঙাই ফদবা চেকশিল থৌরাংশিং অসি ঙাক্না চৎপদা কোমথোকপা মতমদা লৈবাক অসিনা অৱাবা তাখি।”
অকুপ্পা ৱারোলগীদমক:
বিহার লেজিস্লেতিব এসেমব্লী ইলেক্সনশিংগীদমক ২০২০গী ইন্তরনেস্নেল ইলেক্সন ভিজিতর্স প্রোগ্রাম(২০২০গী নবেম্বর ০৫-০৭ ফাওবগী মনুংদা)ই.সি.আই.না পাংথোক্কদৌরি
হৌজিক চৎথরিবা বিহার লেজিস্লেতিব এসেমব্লী ইলেক্সন্স অসি য়েংলগা ২০২০গী নবেম্বর তাং ০৫-০৭ ফাওবগী মনুংদা ফোরেন্দ ইলেক্সন মেনেজমেন্ত বোদীশিং(ই.এম.বি.শিং)/ওর্গনাইজেসনশিংগীদমক ২০২০গী ইন্তরনেস্নেল ভর্চুয়েল ইলেক্সন ভিজিতর্স প্রোগ্রাম (আই.ই.ভি.পি.) অমা ইলেক্সন কম্মিসন ওফ ইন্দিয়ানা শিল্লি৷ বিহারদা ইলেক্তোরেত মশিং মিলিয়ন ৭২ হেন্না লৈদুনা কোবিদ ১৯ লাইনা লাইচৎ অসিগী মনুংদা ভোৎ থাদদুনা মালেম অসিগী খ্বাইদগী চাওবশিংগী মনুংদা অমা ওইরি৷ মসিনা লাইনা লাইচৎ অসিগী মনুং অসিদা ঐখোয়গী পোল প্রোসেস অসি পাংথোকপদা ঐখোয়গী খ্বাইদগী ফরবা প্রেক্তিসশিং অমসুং এক্সপরিয়েন্স অদু সেয়র তৌবগী খুদোংচাবা অমা ঐখোয়দা ফংহল্লি৷ মালেম অসিগী লৈবাক ৪০ হেন্না ২০২০গী আই.ই.ভি.পি. অসিদা শরুক য়ানবা হায়খ্রে৷ ২০২০গী আই.ই.ভি.পি. প্রোগ্রাম অসিদা ২০২০গী ঙসি ওনলাইন ব্রিফিং সেসন অমা পাংথোক্কদৌরি, মসিনা শরুক য়ারিবশিংদা ইন্দিয়ন ইলেক্তোরেল প্রোসেস্কী অচৌবা কেনভাস, ভোতর ফেসিলিতেসন্দা ই.সি.আই.না পাংথোক্লিবা অনৌবা ইন্নিসিয়েতিবশিং, ইলেক্তোরেল সিস্তেমগী ত্রান্সপরেন্সী অমসুং এসেস্সিবিলিতী অমসুং ত্রেনিং অমসুং কেপাসিতী বিল্দিংগী তঙাইফদবশিং হোংলক্লিবা অদুদা ই.সি.আই.গী রেস্পোন্স অদু উবা ফংহল্লি৷
অকুপ্পা ৱারোলগীদমক:
কোবিদ-১৯ শন্দোরকপা অসি লাকশিন্দুনা থম্নবা চেকশিন থৌরাংশিং তৌদুনা “ম্যুজিয়মশিং, আর্ত গেলরীশিং অমসুং এক্সজিবিসনশিং অমুক হন্না হাংদোক্ননবগীদমক” কল্চর মন্ত্রালয়না এস.ও.পি.শিং ফোংখ্রে
এম.ঐচ.এ.গী অনলোক ৫.০ গাইদলাইনশিংগী মতুং ইন্না অমসুং য়াম্না মুন্না খন্নরবা মতুংদা তোঙান তোঙানবা স্তেকহোলদরশিংদগী কল্চর অমসুং ক্রেতিব ইন্দস্ত্রীদা সজেসনশিং ফংখি, কোবিদ-১৯ শন্দোরকপা অসি লাকশিন্দুনা থম্নবা চেকশিন থৌরাংশিং তৌদুনা “ম্যুজিয়মশিং, আর্ত গেলরীশিং অমসুং এক্সজিবিসনশিং অমুক হন্না হাংদোক্ননবগীদমক” হৌজিক্তি কল্চর মন্ত্রালয়না এস.ও.পি.শিং ফোংখ্রে৷ হায়রিবা গাইদলাইনশিং অসিদা ম্যুজিয়মশিং. আর্ত গেলরীশিং অমসুং একজিবিসনশিংগী(তেমপোররী অমসুং পর্মেনেন্ত অনিমক) মেনেজমেন্ত অমসুং হায়রিবা মফম অসিদা লাক্লিবা ভিজিতরশিংনা ইনগদবা স্তেন্দর্দ ওপরেতিং প্রোসিদ্যোরশিং য়াওরি৷ ম্যুজিয়মশিং. আর্ত গেলরীশিং অমসুং একজিবিসনশিংদা স্তাফ অমসুং ভিজিতরশিং সেফ ওইনা লৈনবা, নিংথীজনা লু-নান্না শিৎ-শেংনবা অমসুং তিকেৎশিং লৈন্নবগীদমক কমপ্রিহেন্সিব গাইদলাইনশিং ফোংখ্রে৷ কন্তামেন্ত জোনশিংদা লৈরিবা ম্যুজিয়মশিং অমসুং আর্ত গেলরীশিং অমতনা অমুক হন্না হাংদোকপা য়ারোই হায়না হায়খ্রে৷ মখাতানা মখোয় মখোয়গী ফিল্দ এসেস্মেন্ত অদুগী মতুং ইন্না অহেনবা চেকশিন থৌরাংশিং রাজ্য/য়ু.তি. সরকারশিংনা হৌদোরকপা য়ানা লৈরি৷ কোবিদ-১৯ মেনেজমেন্তগী নেস্নেল দাইরেক্তিবশিং অমসুং হোম এফিয়র্স মন্ত্রালয়, হকশেল অমসুং য়াইফ য়ুম্বাল মন্ত্রালয় অমসুং রাজ্য/য়ু.তু. সরকারশিংনা ফোংলিবা মরী লৈনবা গাইদলাইনশিং অসি থবক থৌরমশিং অমসুং ওপরেসনশিং চৎথরিঙৈ মতমদা য়াম্না চেকশিন্না ইল্লগনি৷ হায়রিবা গাইদলাইনশিং অসি খুদক্তগী চৎনবা হৌরগনি অমসুং মখাতাবা ওদরশিং লাক্ত্রিবফাওবা লেপ্পা লৈতনা চৎনরগনি৷ কল্চর মন্ত্রালয়গী মখাদা লৈরিবা ম্যুজিয়মশিং, আর্ত গেলরীশিং অমসুং একজিবিসনশিং ২০২০গী নবেম্বর ১০দগী অমুক হন্না হাংদোকপা মতমদা অতোপ্পশিংসু মরী লৈনবা রাজ্য/শহর/লোকেল লোশিং, রুলশিং অমসুং রিগুলেসনশিং/ হৌজিক হৌজিক চৎনরিবা অনলোক গাইদলাইনশিং অসি ইন্দুনা মশা মশাগী খুদোং চানবা অমুক হন্না হাংবা য়ারগনি৷
অকুপ্পা ৱারোলগীদমক:
পি.আই.বি. ফিল্দ ওফিসশিংদগী ফংবা পাউ
• অরুনাচল প্রদেশ: অরুনাচল প্রদেশতা কোবিদ-১৯না মরম ওইরগা পেসেন্ত অমমুক লৈখিদ্রে; শিখিবশিংগী মশিং অদু ৪৩ শুখ্রে: হৌজিক রাজ্য অসিদা এক্তিব পোজিতিব কেস ১,৬৪৫ লৈরি। কোবিদ-১৯দগী ফগৎলকপগী চাং অসি হৌজিক চাদা ৮৮.৮৬নি।
• অসাম: অসামদা পোজিতিব ওইবগী চাং ১.৩১% ওইখিবগা লোইননা তেস্ত ২৯,০২৬ পাংথোকখিবগী মনুংদা অনৌবা কেস ৩৮০ থেংনখি অদুগা পেসেন্ত ৬৫৫ দিসচার্জ তৌখ্রে। অপুনবা কেসশিংগী মশিং ২,০৭,৭৪১নি, ৯৫.৬৪% ফগৎখ্রে অমসুং এক্তিব কেসশিংনা ৩.৯০%নি।
• মনিপুর: মনিপুরনা কনফর্ম তৌখিবা কেসশিংগী মশিং ১৯,৫০০ য়ৌরবদা কোবিদ-১৯গা মরী লৈনবা ইসুশিং থেংননবগীদমক্তা অনৌবা পাম্বৈশিং লৌখৎলগনি।
• মঘালয়া: মঘালয়াদা, অপুনবা এক্তিব কেসশিংগী মশিং অসি ৯৫৯নি, ফগৎখিবশিংগী অপুনবা মশিং ৮৭৫২ শুখ্রে অমসুং অনৌবা কেসশিংনা ৬০নি।
• মিজোরাম: অনৌবা কেস ১০১ থেংনখিবগা লোইননা মিজোরামগী কোবিদ-১৯গী অপুনবা মশিং অদু ২,৮৯৩ য়ৌহনখ্রে। মিজোরমদা কোবিদ-১৯ কেসশিংগী ৭৭%দি নুপাগী মীশিং ওইখি। ঙসি অয়ুক মিজোরামগী জেদ.এম.সি.দা চহি ৭৮শুরবী কোবিদ-১৯গী নুপী পেসেন্ত অমা লৈখিদ্রে। মসিনা রাজ্য অসিদা কোবিদ-১৯না মরম ওইরগা শিখিবা অনিশু ওইখি।
• নাগালেন্দ: নাগালেন্দগী কোবিদ-১৯গী অপুনবা মশিং অদু ৯২০৭ য়ৌখ্রে, ২ অমুক শিখিবগী পাউ লৈখি। এক্তিব কেসশিংগী মশিং ১,১৪৩ য়ৌখ্রে অমসুং ফগৎলকখিবনা ৭,৯৩৪ শুখ্রে।
• সিক্কিম: সিক্কিমদা অনৌবা কোবিদ কেস ২৯ থেংনখিবগা লোইননা এক্তিব কেসশিংগী মশিং অদু ২৪০ শুখ্রে। হৌজিক ফাওবদা সিক্কিমদা মীওই ৩,৬৫৭ করোরনাভাইরসতগী ফগৎখ্রে অদুগা মীওই ৭৩না লৌনগনবা লাইনা অসিদগী লৈখিদ্রে। সিক্কিমদা কোবিদ-১৯গী অপুনবা মশিং অসি ৪,০৯৩ য়ৌখ্রে।
• কেরলা: রাজ্যগী হকশেল মন্ত্রী, কে.কে. শাইলাজানা রাজ্য অসিদা কোবিদ-১৯ পাকশন্না শন্দোরকপা থিংনবা সেল্ফ-লোকদাউন তৌজনবা মীয়ামদা তকশিনখ্রে। মরক অসিদা কেএরলা হাই কোর্তনা রাজ্য অসিদা লৈরিবা কোবিদকী ফিভমঅসি য়েংলগা লোকল বোদী পোলশিং য়ৈথোক্নবগী থাগৎলকপা প্লী অদু মহাক্না আপীল অমগী খুত্থাংদা এপেক্স কোর্ততা চংজগনি হায়না পেতিশনর, য়াখিদ্রে।ইন্দিপেন্দেন্ত এম.এল.এ., পি.সি. জোর্জনা হায়খি। ন্যু জীলেন্দগী অহানবা ইন্দিয়া ওরিজিন মিনিস্তর, প্রিয়াংকা রাধাকৃষ্ণন, কেরলাদা মহাক্কী হৌরকফম ওইবা অসিনা ভাইরস অসি লাকশিন্নবা রাজ্য সরকারনা হোৎনরিবশিং অদুবু থাগৎখি।
• তামিল নাদু: রাজ্য সরকারনা হন্দক্তা ক্লাস ৯, ১০, ১১ অমসুং ১২কীদমক্তা স্কুলশিং অমুক হাংদোকহল্লগনি হায়না লাউথোকখিবা অদুগী মতাংদা মখোয়গী ৱারেপ অদু অমুক হন্দোকখ্রে; মখোয়না হায়খি মদুদি মখাতাবা ৱারেপ লৌদ্রঙৈগী মমাংদা নবেম্বর ৯দা মহৈরোইশিংগী পেরেন্তশিং অমসুং পেরেন্ত-তীচর এসোসিয়েশনগী মীহুৎশিংগা লোইননা কন্সল্তেশন অমা পাংথোক্লগনি। মুখ্য মন্ত্রী, এদাপদি কে. পলানিস্বামিনা ওরিশা অমসুং রাজস্থানদগী মহাক্কী কাউন্তরপার্তশিং অদুদা ফায়রৱার্কস ইন্দস্ত্রীদা য়াওবা তামিল নাদুদগী মীয়ামশিং অদুগী জিবিকা কন্নবগীদমক্তা হন্দক্কী দীপাৱলি পন্থা অসিদা রাজ্যশিং অসিদা ফায়রক্রেকরশিং য়োনবা অমসুং থাবদা অথিংবা থম্বগী ৱারেপ অদু অমুক হন্না খন্থনবা তকশিল্লদুনা চিথি ইখি।
• কর্নাতকা: অহানবা ওইনা ভর্চুৱল ওইবা মওংদা পাংথোক্নবগী শেম-শাখ্রবা “বেঙ্গলুরু তেক্নোলোজিকেল সম্মিৎ-২০২০” অসিনা কোবিদ-১৯ লাইচৎ অসি লৈরবা ফাওবদা হান্নদগী হেন্না ইন্দস্ত্রী অমসুং এক্সপার্তশিংদগী হাইনিংঙাই লৈতনা রেসপোন্স লাকপা থেংনখি। প্রধান মন্ত্রী, নরেন্দ্র মোদিনা কনফরেন্স অসি হৌদোক্লগনি হায়না আই.তি.গী মন্ত্রীসু ওইরিবা, উপ মুখ্য মন্ত্রী, দা. সি. এন নরায়নানা হায়খি।
• অন্ধ্র প্রদেশ: রাজ্যগী এজুকেশন মন্ত্রী, আদিমুলাপু সুরেশনা হায়খি মদুদি সরকারগী স্কুলশিংদা কোরোনাভাইরসকী শন্দোরকপা থিংনবা অহকপা পাম্বৈশিং হৌদোকখ্রে। শ্রী সুরেশনা হায়খি মদুদি ক্লাস ৯, ১০গী মেনেজমেন্ত অদু চয়োল অহুমগী মতুংদা য়েংশিল্লগনি অমসুং থেংনখিবা কেসশিংগী মশিং অদু য়েংলগা ৱারেপ অমা লৌরগনি। মরক অসিদা, অন্ধ্র প্রদেশতা কোরোনাভাইরস পোজিতিব কেসশিংগী অপুনবা মশিং অদু য়ুমশাকৈশা নুমিত্তা অহেনবা ২৪৭৭ থেংনখিবগা লোইননা ৮,৩৩,২০৮তা হেনগৎলকখ্রে, অদুবু অপুনবা ইনফেক্সন পোজিতিব ওইবগী চাং অসি থা মরিগী মতুংদা চাদা ১০গী মখাদা হন্থখ্রে।
• তেলঙ্গনা: হৌখিবা পুং ২৪দা অনৌবা কেস ১৫৩৯ লৈখি, ৯৭৮ ফগৎখি অমসুং ৫ শিখিবগী পাউ লৈখি; কেস ১৫৩৯গী মনুংদা জি.ঐচ.এম.সি.দগী কেস ২৮৫ থেংনখি। অপুনবা কেসশিং: ২,৪৫,৬৮২; এক্তিব কেসশিং: ১৮,৬৫৬; শিখিবশিং: ১৩৬২; দিসচার্জ তৌখিবশিং: ফগৎলকপগী চাং চাদা ৯১.৮৫ ওইখিবগা লোইননা ২,২৫,৬৬৪ ফগৎলকখ্রে।
• মহারাস্ত্র: মহারাস্ত্র সরকারনা চাদা ৫০গী কেপাসিতীগা লোইননা রাজ্য অসিদা সিনেমা ওলশিং অমসুং থিয়েতরশিং হাংদোকপগী অয়াবা পীখ্রে। মরক অসিদা, মহারাস্ত্রদা ফগৎলকপগী চাং ৯০.৬৮% ওইখি। রাজভ অসিদা এক্তিব কেসশিংগী মশিং অসি লাখ ১.১২দা হন্থরকখ্রে।
• গুজরাত: গুজরাত্তা কোরোনাভাইরস কেসশিংগী মশিং অদু য়ুমশকৈশা নুমিত্তা অনৌবা কেস ৯৭৫ থেংনখিবগা লোইননা ১,৭৬,৬০৮তা হেনগৎখ্রে হায়না রাজ্যগী হকশেল দিপার্তমেন্তনা হায়খি। এহমাদাবাদতা অহুম, সুরত্তা অনি অমসুং বদোদরাদা অমা য়াোনা তরুক লৈখিদবগা লোইননা রাজ্য অসিগী কোবিদ-১৯না মরম ওইরগা শিখিবশিংগী মশিং অদু ৩,৭৪০দা হেনগৎখ্রে হায়না হায়খি। মতম অসিমক্তদা, নুমিৎ অদুমক্তা পেসেন্ত ১,০২২ দিসচার্জ তৌখিবগা লোইননা ফগৎলকখিবশিংগী মশিংনা অনৌবা কেসশিংগী মশিংদগী হেনখি হায়না দিপার্তমেন্ত অসিনা হায়খি। গুজরাত্তা ফগৎলকখিবা কেসশিংগী অপুনবা মশিং অদু ১,৬০,৪৭০দা হেনগৎলকখ্রে, মসিনা রাজ্য অসিগী ফগৎলকপগী চাং অসি চাদা ৯০.৮৬তা হেনগৎলকখ্রে।
• রাজস্থান: রাজস্থানদা অনৌবা কোবিদ কেস ১,৭৭০ থেংনখি,মসিনা অপুনবা কেসশিংগী মশিং অদু লাখ ২.০৩দা হেনগৎহনখ্রে।, জয়পুরদগী য়ুমশকৈশা নুমিত্তা পেসেন্ত ৩২০ পোজিতিব ওইখিদুনা খ্বাইদগী য়াম্বা অনৌবা কেসশিং থেংনখি, মথংদা জোধপুরদগী পেসেন্ত ১৮৫ অমসুং বিকনেরদগী ১৭৯ ওইখি। রাজ্য অসিদা লৈরিবা এক্তিব কেসশিংগী মশিং অদু ১৬,৩২৩ ওইখি।
• মধ্য প্রদেশ: মধ্য প্রদেশতা, রাজ্য অসিগী ওইনা হৌজিক ফাওবদা তেস্ত লাখ ৩০গী মথক্তা পাংথোকখি অদুগা হৌখিবা পুং ২৪ অসিদা চাউরাক্না অনৌবা কেস ৭০০ থেংনখি। রাজ্য অসিদা ৮৮৪ ফগৎখিবগী পাউসু লৈখি। রাজ্য অসিদা পোজিতিব ওইবগী চাং অদু চাউরাক্না চাদা ২.৬তা হন্থরকখি।
ফেক্ত চেক
*****
(Release ID: 1670662)
Visitor Counter : 95