نئی دہلی،  06 /نومبر 2020  : گزشتہ 24 گھنٹوں کے دوران ملک میں 50 ہزار سے کم نئے معاملے سامنے آئے ہیں جبکہ یومیہ نئے صحتیاب ہونے والوں کی تعداد 54 ہزار سے تجاوز کرچکی ہے۔ ہندوستان گزشتہ پانچ ہفتوں سے روزانہ نئے معاملوں کے مقابلے صحتیابی کے زیادہ معاملے درج کررہا ہے۔

گزشتہ 24 گھنٹے کے دوران کووڈ کے 54157 مریض صحت یاب ہوکر گھر لوٹ چکے ہیں جبکہ نئے تصدیق شدہ کے معاملوں کی موجودہ تعداد 47638 ہے ۔

گزشتہ پانچ ہفتوں سے روزانہ اوسط نئے معاملے لگاتار کم ہورہے ہیں۔ اکتوبر کے پہلے ہفتے میں 73 ہزار اوسط یومیہ نئے معاملے درج کئے گئے تھے  جبکہ اوسط یومیہ نئے معاملے فی الحال کم ہو کر 46 ہزار پر پہنچ چکے ہیں۔

صحتیاب ہونے والوں کی تعداد میں اضافہ کی وجہ سے فعال معاملوں کی تعداد بھی لگاتار کم ہوتی جارہی ہے۔ آج فعال معاملوں کی کل تعداد 520773 ہے ۔ فعال معاملے اب ملک بھر کے کل مثبت معاملوں کا صرف 6.19 فیصد ہیں۔

فعال معاملوں میں کمی صحتیاب معاملوں کی اعلیٰ تعداد کی وجہ سے ہورہی ہے۔ صحتیاب ہونے والوں کی کل تعداد اس وقت 7765966 ہے۔ صحتیاب ہونے والے معاملوں اور فعال معاملوں کے درمیان فرق تقریباً 72.5 لاکھ (7245193) ہے۔ قومی صحتیابی کی شرح میں مزید بہتری آئی ہے اور یہ اس وقت 92.32 فیصد ہے ۔

نئے صحتیاب ہونے والے 80 فیصد معاملے 10 ریاستوں / مرکز کے زیر انتظام علاقوں میں درج کئے گئے ہیں۔

مہاراشٹر اس معاملے میں سب سے آگے ہے جہاں پر ایک دن میں 11 ہزار سے زیادہ لوگ صحتیاب ہورہے ہیں ۔

نئے معاملوں میں سے 79 فیصد دس ریاستوں اور مرکز کے زیرانتظام علاقوں میں ہیں۔

مہاراشٹر میں سب سے زیادہ نئے معاملے سامنے آرہے ہیں جہاں یہ تعداد 10 ہزار سے زیادہ ہے۔ اس کے بعد 09 ہزار سے زیادہ معاملوں کے ساتھ کیرالہ دوسرے نمبر پرہے۔

گزشتہ 24 گھنٹوں کے دوران 670 لوگوں کی موت ہوئی ہے۔

ان میں سے  تقریباً 86 فیصد اموات 10 ریاستوں /مرکز کے زیرانتظام علاقوں  میں ہوئی ہیں۔نئی اموات میں سے 38 فیصد سے زیادہ (256 اموات) مہاراشٹر میں ہوئی ہیں۔ 66 نئی اموات کےساتھ دہلی دوسرے نمبر پر ہے۔

******

م ن۔ ق ت۔ م ص

U-NO.7002