بڑی تعداد میں کووڈ مریضوں کے ٹھیک ہونے اور شرح اموات میں مسلسل کمی کے سبب بھارت میں فعال معاملوں میں کمی کا سلسلہ مسلسل جاری ہے۔ آج مسلسل چھٹے دن فعال معاملوں کی تعداد 6 لاکھ کی سطح سے کم ہے۔

آج بھارت میں فعال معاملوں کی تعداد5،33،787 ہے۔

فی الحال ملک میں فعال معاملے کل مثبت معاملوں کے صرف6.42 فیصد ہی ہیں۔

16 ریاستوں اور مرکز کے زیر انتظام خطوں میں فی دس لاکھ آبادی پر معاملے قومی اوسط سے کم ہیں۔

مجموعی طور پر ٹھیک ہونے والے معاملات 76.5 لاکھ (76،56،478) سے زیادہ ہیں اور اس طرح فعال معاملات مسلسل کم ہو رہے ہیں۔ ایک اور حصولیابی یہ ہے کہ ٹھیک ہونے کی قومی شرح 92٪ (92.09٪) سے زیادہ ہو گئی ہے۔

پچھلے 24 گھنٹوں کے دوران 53،357 مریض ٹھیک ہو کر ڈسچارج ہوچکے ہیں جبکہ نئے تصدیق شدہ کیس 46،253 ہیں۔

17 ریاستوں/ مرکز کے زیر انتظام خطوں میں ٹھیک ہونے کی شرح قومی اوسط کے مقابلے میں زیادہ ہے۔

ملک میں ٹیسٹنگ صلاحیتوں میں تیزی سے اضافہ ہوا ہے۔ مجموعی ٹیسٹ آج تقریبا 11.3 کروڑ (11،29،98،959) ہے۔ گذشتہ 24 گھنٹوں کے دوران 12،09،609 ٹیسٹ کئے گئے۔

25 ریاستوں/ مرکز کے زیر انتظام خطوں میں فی 10 لاکھ کی آبادی پر ٹیسٹ کرنے کی شرح قومی اوسط سے زیادہ ہے۔

ٹھیک ہوئے 80 فیصد نئے معاملے 10 ریاستوں / مرکز کے زیر انتظام خطوں کے ہیں۔

کیرالہ میں ایک دن میں 8000 سے زیادہ مریض ٹھیک ہوئے ہیں، اس کے بعد کرناٹک کا نمبر ہے جہاں 7000 سے زیادہ مریض ٹھیک ہوئے ہیں۔

76 فیصد نئے تصدیق شدہ معاملے 10 ریاستوں اور مرکز کے زیر انتظام خطوں سے ہیں۔

کیرالہ اور دہلی میں سب سے زیادہ چھ ۔ چھ ہزار سے زائد معاملے سامنے آئے ہیں۔ اس کے بعد مہاراشٹر کا نمبر آتا ہے جہاں 4000 سے زائد نئے معاملے سامنے آئے ہیں۔

پچھلے 24 گھنٹوں کے دوران 514 اموات کی اطلاع ملی ہے۔ ان میں سے تقریبا 80 فیصد اموات دس ریاستوں / مرکز کے زیر انتظام خطوں میں ہوئی ہیں۔ مہاراشٹر میں ایک دن میں سب سے زیادہ اموات (120 اموات) ہوئی ہیں۔

ہندوستان میں اموات معاملہ کی شرح 1.49فیصد ہے۔

21 ریاستوں اور مرکز کے زیر انتظام خطوں میں فی 10 لاکھ کی آبادی پر ہوئیں اموات قومی اوسط کے مقابلے میں کم ہیں۔

                                          **************

م ن۔ ن ا۔ م ف

 (04-11-2020)

U: 6949