ఒకవైపు కోవిడ్ నుంచి కోలుకుంటున్నవారి సంఖ్య బాగా పెరుగుతూ ఉండటం, మరోవైపు మరణాల సంఖ్య పడిపోవటం  కారణంగా చికిత్సలో ఉన్న కోవిడ్ బాధితుల సంఖ్య తగ్గుతూ వస్తోంది. వరుసగా ఆరోరోజు కూడా చికిత్సపొందుతూ ఉన్నవారి సంఖ్య 6 లక్షలలోపే ఉండిపోయింది. ఈరోజు భారత్ లో చికిత్స పొందుతున్న కోవిడ్ బాధితుల సంఖ్య 5,33,787.  మొత్తం దేశమంతటా నమోదైన పాజిటివ్ కేసులలో వీరి వాటా 6.42% మాత్రమే. 16 రాష్టాలు, కేంద్ర పాలిత ప్రాంతాల్లో ప్రతి పదిలక్షల జనాభాలో కేసుల సంఖ్య జాతీయ సగటు కంటే  తక్కువగా నమోదైంది.

కోలుకున్న వారి సంఖ్య 76. 5 లక్షలు దాటి ఇప్పుడు 76,56,478కి చేరింది. దీనివలన చికిత్సలో ఉన్నవారితో పోలుచుకున్నప్పుడు తేడా మరింత పెరిగింది. కోలుకున్నవారి శాతం జాతీయ స్థాయిలో 92 శాతం దాటి ప్రస్తుతం 92.09% అయింది.   గడిచిన 24 గంటలలో 53,357మంది పూర్తిగా కోలుకొని డిశ్చార్జ్ అయ్యారు. అదే సమయంలో ఒకరోజులో కొత్తగా పాజిటివ్ గా  నిర్థారణ అయినవారు  46,253 మంది.

17 రాష్ట్రాలు, కేంద్ర పాలిత ప్రాంతాలలో జాతీయ సగటు కంటే ఎక్కువగా కోలుకున్నారు.

దేశంలో కోవిడ్ పరీక్షల సామర్థ్యం కూడా బాగా పెరిగింది. ఇప్పటివరకు జరిపిన మొత్తం పరీక్షలు దాదాపుగా 11.3 కోట్లకు చేరాయి ( కచ్చితంగా చెప్పాలంటే 11,29,98,959. గత 24 గంటలలో 12,09,609 పరీక్షలు జరిపారు. 25  రాష్ట్రాలు, కేంద్రపాలిత ప్రాంతాల్లో ప్రతి పది లక్షల మందికి జరిపిన పరీక్షలు జాతీయ సగటు కంటే ఎక్కువగా ఉన్నాయి.

కొత్త కేసులలో 80% పది రాష్ట్రాలలోనే కేంద్రీకృతమైనట్టు గమనించారు. ఇందులో కేరఖ్ళలో ఒక్కరోజులోనే 8,000 కు పైగా కేసులు నమోదై మొదటిస్థానంలో ఉండగా 7,000 కేసులు దాటిన కర్నాటక రెండో స్థానంలో ఉంది

కొత్తగా నమోదైన కేసులలో 76% పది రాష్ట్రాలకు చెందినవే. అందులో గరిష్ఠంగా కేరళ, ఢిల్లీలలో ఆరేసి వేలకు పైగా కేసులు గుర్తించగా ఆ తరువాత ఉన్న మహారాష్ట్రలో 4,000 కేసులు దాటాయి.

గడిచిన 24 గంటలలో 514 మరణాలు నమోదయ్యాయి. మృతులలో 80 దాదాపు శాతం మంది పది రాష్ట్రాలవారు కాగా మహారాష్ట్రలో అత్యధికంగా  ఒక్క రోజులోనే 120 మరణాలు నమోదయ్యాయి. ప్రస్తుతం భారత్ లో మరణాల శాతం 1.49% గా ఉంది.

ప్రతి పది లక్షల జనాభాలో మరణాల సంఖ్య చూసినప్పుడు 21 రాష్ట్రాలు, కేంద్రపాలిత ప్రాంతాలలో మరణాలు జాతీయ సగటు కంటే తక్కువ ఉన్నాయి.