কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়

চেংগী ফোর্তিফিকেশন তৌবা অমসুং পব্লিক দিস্ত্রিব্যুশন সীস্তেমগী খুত্থাংদা চেং য়েন্থোকপগী মতাংদা সেন্তরনা স্পোনসর তৌবা পাইলোৎ স্কীম অসি চৎনহন্নবগীদমক্তা রাজ্য ১৫ খনগৎখ্রে

অপুনবা বদজেত ওইনা লুপা করোর ১৭৪.৬কী শেনফম ওইবা অহানবা ওইনা হৌদোকপা স্কীম অসি ২০১৯-২০২০দগী হৌরগা চহি অহুমগী মতমগীদমক্তা অয়াবা পীখ্রে

লৈবাক অসিগী অখন্ননা খনগৎলবা চাউখৎলক্কদবগী মমি উবা জিলা ১১২দা ফোর্তিফাই তৌরবা চেংশিং অসি সপ্লাই তৌবগী মতাংদা অখন্নবা মিৎয়েং থম্লগনি

Posted On: 03 NOV 2020 11:28AM by PIB Imphal

লৈবাক অসিবু ন্যুত্রিশনেল সেক্যুরিতী লৈহনবগী থৌওং অদু হৌদোকপা ওইনা, দিপার্তমেন্ত ওফ ফুদ অমসুং পব্লিক দিস্ত্রিব্যুশন (দি.এফ.পি.দি.)না “চেংগী ফোর্তিফিকেশন তৌবা অমসুং পব্লিক দিস্ত্রিব্যুশন সীস্তেমগী খুত্থাংদা চেং য়েন্থোকপগী মতাংদা সেন্তরনা স্পোনসর তৌবা পাইলোৎ স্কীম” অসি চলাইরি। পাইলোৎ স্কীম অসিগী অপুনবা বদজেত ওইনা লুপা করোর ১৭৪.৬কী শেনফম লৈবগা লোইননা ২০১৯-২০২০দগী হৌরগা চহি অহুমগী মতমগীদমক্তা অয়াবা পীখ্রে। পাইলোৎ স্কীম অসি চৎনহন্নবগীদমক্তা রাজ্য সরকার তরামঙা মখোয়গী জিলাশিং (রাজ্য অমদা জিলা ১) অদুগা কনগৎখ্রে। হান্নদগী রাজ্য মঙাদা মিং ওইনা পল্লবদা অন্ধ্র প্রদেশ, গুজরাত, মহারাস্ত্র, তামিল নাদু অমসুং ছত্তিসগরনা মখোয়গী খনগৎলবা জিলাশিং অদুদা ফোর্তিফাই তৌরবা চেং অসি য়েন্থোকপা হৌখ্রে।

মসিগা মরি লৈননা, কেন্দ্রগী ফুদ অমসুং কঞ্জুমর এফিয়র্স, রেলৱেজ, কমর্স অমসুং ইন্দস্ত্রীগী মন্ত্রী, শ্রী গোয়লনা ৩১.১০.২০২০দা পাংথোকখিবা মহাক্কী রিভ্যু মীতিং অদুদা মহাক্না লৈবাক অসিদা ফোর্তিফাই তৌরবা চেং য়েন্থোকপগী চাং অসি হেনগৎহনবগী মতাংদা মরু ওইনা পনখি। মখাতাবা মীফম অমসু০২.১১.২০২০দা দি.এফ.পি.দি.গী সেক্রেতরীনা সভাপতি ওইদুনা পাংথোকখি, মসিদা এফ.সি.আই.বু ইন্তিগ্রেতেদ চাইলদ দিবেলপমেন্ত সার্বিস (আই.সি.দি.এস.) অমসুং মিদ-দে মীল (এম.দি.এম.) স্কীমগী মখাদা ২০২১দগী ২০২২ ফাওবা লৈবাক অসিগী জিলা পুম্নমক্তা ফোর্তিফাই তৌরবা চেং লৈবা অমসুং য়েন্থোকপগী মতাংদা অপুনবগী ওইবা প্লান অমা পুখৎলক্নবা হায়খ্রে।  লৈবাক অসিগী অখন্ননা খনগৎলবা চাউখৎলক্কদবগী মমি উবা জিলা ১১২দা ফোর্তিফাই তৌরবা চেংশিং অসি সপ্লাই তৌবগী মতাংদা অখন্নবা মিৎয়েং থম্লগনি

মসিগী মতাংদা, সি.ই.ও. নিতি আয়োগ্নসু সেক্রেতরী, দিপার্তমেন্ত ওফ ফুদ অমসুং পব্লিক দিস্ত্রিব্যুশন, সি.ই.ও., এফ.এস.এস.এ.আই. অমসুং অতোপ্পা স্তেকহোল্দরশিং খুদম ওইনা তাতা ত্রস্ত, ৱার্ল ফুদ প্রোগ্রাম, পি.এ.তি.ঐচ., ন্যুত্রিশন ইন্তর্নেস্নেল অসিনচিংবশিং অসিগা লোইননা ঙসি চেং ফোর্তিফিকেশন তৌবগী স্কীম অসি হেন্না হেনগৎহন্নবা প্রোগ্রেস অমসুং তুং লাক্কদবশিং অদুগী মতাংদা খন্নখ্রে। লৈবাক অসিগী চাউখৎলকপগী মমি উবা জিলাশিংদা ইন্তিগ্রেতেদ চাইলদ দিবেলপমেন্ত স্কীম / মিদ দে মীল স্খিম মনুং চলহন্নবা “চেং ফোর্তিফিকেশন তৌবা অমসুং মখোয়শিং অসি য়েন্থোকপা”গী স্কীম অসি হেন্না হেনগৎহন্নবা সপ্লাই চেন অমসুং অতোপ্পা লোজিস্তিক্সকী ওইবা মথৌ তাবশিং অদুগী মতাংদসু খন্নখি।  

মথক্কী পান্দম অসি মাইপাক্না ফংবা ঙম্নবা, ফোর্তিফাইদ রাইস কর্নেলস (এফ.আর.কে.)গী সপ্লাই হনেগৎহনবগী মথৌ তাই, হায়রিবা অসি হৌজিক চহি অমদা এম.তি. ১৫,০০০গী য়ামদ্রবা ক্বান্তিতী অসি খক্তমক লৈ। পি.দি.এস., আই.সি.দি.এস. অমসুং এম.দি.এম.গীদমক্তা চাউখৎলকপগী মমি উবা জিলা ১১২দা থুংহনবা হায়বসি ফোর্তিফাই তৌরবা চেংগী এম.তি. লাখ ১৩০গী ময়া নক্না মথৌ তাগনি, মসিগীদমক্তা লৈবাক অসিদা এফ.আর.কে.গী সপ্লাই কেপাসিতী অদু এম.তি. লাখ ১.৩ ফাওবা হেনগৎলকপগী মথৌ তাগনি। করিগুম্বা পি.দি.এস. (এন.এফ.এস.এ.)গী চেং সপ্লাই পুম্নমক্তা হায়বদি চাউরাক্না এম.তি. লাখ ৩৫০মুক  ফোর্তিফাই তৌনবগী ওর্দর ওইরবদি, চাউরাক্না এম.তি. লাখ ৩.৫ মুক্কী ওর্দরগিদমক্তা ইন্দস্ত্রীদগী এফ.আর.কে.গী লেপ্তবা সপ্লাই লাইন লৈবগী মথৌ তাগনি।

মখাতানা, লৈবাক অসিদা চাউরাক্না রাইস মিল ২৮,০০০ লৈ, হায়রিবশিং অসিদা অচম্বা চেংশিংগা লোইননা এফ.আর.কে. য়ানশিন্নবগীদমক্তা ব্লেন্দিং মেছিন্নচিংবা হাপ্পগী মথৌ তাগনি। মসিগী মতাংদা এফ.সি.আই.বু মথৌ তাবা ইনভেস্তমেন্তশিংগীদমক্তা তোঙানবা রিজনশিংদা লৈরিবা রাইস মিলশিংগা তাই অপ লৈননবা হায়খ্রে। এফ.সি.আই. থবক তৌবগী থৌরাং লোইবগী মতুং ইন্না ২০২১-২০২২দগী হৌনা তাঙ্কক নাইনা ফোর্তিফাই তৌরবা চেং অসিগী প্রোক্যোরমেন্ত অমসুং সপ্লাই মাইপাক্না হেনগৎহনবদা মতেং পাংগনি।

*****



(Release ID: 1670170) Visitor Counter : 37