প্রধান মন্ত্রী নরেন্দ্র মোদীনা লুচিংবা মন্ত্রীমন্দলগী ইকোনোমিক এফিয়র্সকী কমিতীনা হিমাচল প্রদেশকী কুল্লু অমসুং শিমলা জিলাদা সতলুজ তুরেলদা লৈবা ২১০ মেগাৱাৎ ওইবা লুহরী স্তেজ-I হাইদ্রো পাৱর প্রোজেক্তকীদমক লুপা করোর ১৮১০গী ইনভেস্তমেন্ত প্রপোজেলদা অয়াবা পীখ্রে। প্রোজেক্ত অসিদগী চহি খুদিংগী ইলেক্ত্রিক্কী য়ুনিৎ মিলিয়ন ৭৫৮.২০ পুথোক্কনি।

প্রোজেক্ত অসি সতলুজ জল বিদ্যুৎ নিগম লিমিতেদ (এস.জে.ভি.এন.এল)না বিল্দ-আউন-ওপরেৎ-মেন্তেন (বি.ও.ও.এম.)গী মওংদা ভারত সরকার অমসুং রাজ্য সরকারগী মতেংনা পাইখৎপনি। প্রোজেক্ত অসিগা মরী লৈনবা য়ানা ৱারোলদা হৌখিবা চহিগী নবেম্বরদা পাংথোকখিবা ‘রাইজিং হিমাচল, গ্লোবেল ইনভেস্তর মীৎ’তা হিমাচল প্রদেশ সরকারগা লোইননা খুৎয়েক পীনখিবনি অমসুং থৌরম অসি প্রধান মন্ত্রী শ্রী নরেন্দ্র মোদীনা নবেম্বর ৭, ২০১৯দা হৌদোকখিবনি। ভারত সরকারনা প্রোজেক্ত অসিদা ইনফ্রাস্ত্রকচরগীদমক্তা লুপা করোর ৬৬.১৯গী গ্রান্ত পীদুনা মতেং পাংলি অমসুং মসিদগী পাৱর তারিফকী অৱাৎপা মেনশিনবদা মতেং ওইরগনি।

লুহরী স্তোজে-I হাইদ্রো ইলেক্ত্রিক প্রোজেক্ত অসি থা ৬২গী মনুংদা হৌগনি অমসুং প্রোজেক্ত অসিদগী পুথোক্কদৌরিবা পাৱরনা গ্রিদকী তংদু লৈতাবদা মতেং ওইরগনি অমসুং পাৱর সপ্লাই ফগৎলগনি। গ্রিদতা রিন্যুএবল ইনর্জী ফংহনবতা নত্তনা অকোইবগী ফিভমদগী চহি খুদিংগী থোরক্লিবা কার্বোন দাইওক্সাইদ তন লাখ ৬.১কী চাংদুসু প্রোজেক্ত অসিদগী হন্থহল্লগনি অমসুং মসিদগী নুংশিৎগী মগুন ফগৎহল্লগনি।

প্রোজেক্ত অসি শেমগৎ-শাগৎপগী থবক-থৌরমদগী মসিগী অকোইবদা লৈরিবা মীওই ২০০০বু হকথেংননা অমসুং নাকোইননা থবক ফংহল্লগনি। মসিদগী রাজ্যগী সোসিও-ইকোনোমিক্কী চাউখৎ-থৌরাংদা মতেং ওইনরগনি। মসিদা নত্তনা, প্রোজেক্ত অসিগী মতম চহি ৪০নি অমসুং মসিদগী হিমাচল প্রদেশনা লুপা করোর ১১৪০গী মমল ওইবা পাৱর লেম্না ফংগনি। প্রোজেক্ত অসিনা শোকহনবা ইমুংশিংবু মথংগী চহি ১০ ফাওবা থা খুদিংগী ইলেক্ত্রিক য়ুনিৎ ১০০ লেম্না ফংহনগনি।

এস.জি.ভি.এন.না রিন্যুএবল ইনর্জী, পাৱর ত্রান্সমিসন অমসুং থর্মেল পাৱর জেনরেসনগী লমদা য়াম্না কন্না হোৎনরি। মসিনা চহি ২০২৩ ফাওবা সোর্স পুম্নমক্তা মসিগী অপুনবা ইন্সতোল তৌরবা কোপাসিতী মেগাৱাৎ ৫০০০গী ইন্তর্নেল গ্রোথ তার্গেৎ থম্লি। মসিদগী চহি ২০৩০ ফাওবা মেগাৱাৎ ১২০০০ অমসুং চহি ২০৪০ ফাওবা মেগাৱাৎ ২৫০০০গী মৈ পুথোকপগী থাজবা থম্লি।

***